کبسُـولة حيَـاة

أستودعكم الله.

السلام عليكم ورحمة الله وبركاته، حياكم الله آل كبسولة حياة لا أعرف كيف أبدأ ومن أين لكن على أي حال هذه الرسالة الأخيرة على القناة. هذه الرسالة ستكون إما النهاية وإما البداية لصفحة جديدة نبدأها على القناة. - الحذف صعب عليّ فالقناة هذي اعتبرتها مشروعي الصغير الذي بدأته منذ سنوات. قراري لم أحدده بَعد ولكن لتعلموا أن خيار الحذف صعب، فمَن يريد المغادرة فمع السلامة، ومَن يريد البقاء فالسلام عليه. • والآن هناك شيئين مهمين: ١- ستبقى هذه القناة إلى عيد الأضحى وربما بعده ببضع أسابيع.. وبعدها سيكون الفعل إما البقاء أو الحذف. ٢- غير مسموح بنقل شيءٍ من القناة حتى تلك الفترة -حتى لو فُتح النقل في هذه الأثناء- سبحانك اللهم وبحمدك أشهد أن لا إله إلا أنت أستغفرك وأتوب إليك. #كبسولة_حياة

صباح الخير... كل مشروع زواج أساسه الحقوق والواجبات مآله الفشل. وكل منتصح بشلة "تالله لأكيدن أصنامكم" مآل زواجه الفشل وإن صح في بدايته. وكل شاب يحتاج إلى الاستشارة في كل أموره الزوجية غير مؤهل للزواج، فالنصيحة إنما تكون في الأمور الدقيقة. وكل ناصح لم يخض التجربة فهو متعالم متكلم في غير فنه، فإن النصائح الزوجية باب يختلف تماما عن الأحكام الفقهية وأضرب لك مثالين : ما حكم من قالت له زوجته لن أخدم أمك؟ الجواب الفقهي : لا يجب على الزوجة خدمة أهل زوجها. النصيحة: هذه أم زوجك وخدمتك لها إكراما له، وتثابين عليها ثوابا عظيما، ويرق قلبه لك إن فعلتي، ثم الله عز وجل أمر بالإحسان فإن أحسنتي فأنت مأجورة، ومثل هذه الكلمات التي لا تكاد تخطئ مرة مع امرأة. المثال الثاني: أمي مريضة وزوجي يمنعني من زيارتها فما الذي ينبغي علي فعله؟ الجواب الفقهي الجاهز عند كثير من المعاصرين: أطيعي زوجك. النصيحة للزوج: خلافك مع أهل زوجتك لا يسوغ لك أن توقع زوجتك في العقوق فإن عيادتها لأمها واجبة عليها كما أن طاعتها لك واجبة، فلا تعطل حكما لله وتورث القسوة والجفاء بينك وبين زوجتك وإن كان أهلها أفسد الناس، فإن الله عز وجل أمر ببر الوالدين وإن كفروا! ولو أنك قلت لزوجتك: هذا لا يحتاج إلى سؤال ولا استئذان، وأعطيتها مالا تساعد بها أمها لزادت المودة بينكما، ولو أن أهل زوجتك كانوا أفسد الناس للانت قلوبهم؛ فالله عز وجل يقول: ادفع بالتي هي أحسن فإذا الذي بينك وبينه عداوة كأنه ولي حميم! وما يلقاها إلا الذين صبروا؛ فاصبر واكظم غيظك ودافع الشيطان. هكذا تدار الخلافات الأسرية لا كما نرى من سفاهات المتصدرين، وأجوبة الأسك العجيبة التي أفسدت أكثر ما أصلحت، وصراحة التي وضعها كل من هب ودب لمجرد أن يكتب في نهاية اسمه: الأثري، الأزهري! وقد نصحنا كثيرا هؤلاء المتعالمين ولم ينتصحوا؛ فإن شهوة السيادة والصدارة أشد من شهوة المال والنساء عند بعضهم.. فالنصيحة الآن موجهة للشباب: الزواج والخطوبة باب يحتاج إلى خبرات وقد ينصحك فيه شخص لا يعتنق الإسلام حتى بنصائح ذهبية. وأقولها والله عز وجل يسامحني إن كنت مخطئا: كثير من المشايخ وخاصة الوعاظ من السلفيين يُفسدون في هذا الباب ولا يُصلحون، يحفظون كلمات توارثوها من مشايخ في فترة كان الأمر فيها مختلف، وطبيعة الرجال والنساء مختلفة، وحتى تلك الأمور لا تسلم من أخطاء فقهية وتصورات فاسدة. وكلمة أخيرة: ظهر مؤخرا مجموعة من السمجين اللزجين المتعالمين يتصدرون المشهد وأكثرهم لم يتخطى الثلاثين من عمره حتى، يستدرجون النساء بكلمات ركيكة، ويفتون بدين جديد يكاد يكون دين المرأة، ويوهمون النساء أن الدين إنما نزل لإرضائهن، ويدلسون ويجتزؤون نصوصا؛ فاحذروهم. والله أعلم. -أ. عبد الله الحسيني

النهاردة بسبب تغيير الساعة هيحصل توقف وتعديلات في أنظمة شركات المحمول وشركات الدفع الإلكتروني والبنوك معنى كده ايه النهارده بليل بداية من الساعة ١٠ لحد فجر الجمعة -متحاولش تشحن رصيد الموبايل أو تدفع فواتير سواء من تطبيق عالنت أو من مكنة في سوبر ماركت -متحولش لحد فلوس سواء فودافون كاش أو إنستا باي -متحاولش تسحب أو تودع فلوس في مكنة ATM وإلا وارد جدا عملية الشحن أو التحويل متتمش أو يحصل فيها مشكلة نبهوا عيلتكم وأصحابكم ضروري لتجنب أي مشكلة -نقل.

لو كان لي أن أصف مرض العصر لقلت دون تردد أنها الغفلة.. الغفلة وسكرتها التي تكاد تملأ النفوس وتفيض من عيون البشر.. شباب في ريعان قوتهم تراهم يكلمونك بعيون فارغة ليسوا معك ولا يعنيهم كلامك ولا النظر في معانيه.. بالغون في قمة طاقتهم يسيرون في الشوارع كالأشباح عيونهم في هواتفهم أو عقولهم غائبة مع سماعاتهم.. تضيع منهم الساعة تلو الأخرى بين وسائل تواصل وألعاب فيديو ومقاطع تيتكوك قصيرة لا تقدم أي معنى.. هائمون منشغلون ولا يدرون بماذا، أذهانهم مليئة بشيء لا يعرفونه ولا يستطيعون وصفه، مجرد قطع من الأفكار، بدايات كثيرةلم يكملوها، ثوانٍ قصيرة مروا خلالها على منشور هنا أو صورة هناك، لكن تركيزهم قليل ومازال ينقص، ونظرهم في نفوسهم وعالمهم مازال في انخفاض.. تلك الغفلة مرعبة، خطيرة على النفس وعلى الجيل القادم، تضيع فيها الأمة ويفقد المرء فيها قيمة نفسه واحترامه لها، تذكرني بالقرشيين الذين لم تنفعهم مجاورة البيت الحرام في ألا يشركوا بالله، تخبرنا بأن المرء يستطيع فعلاً أن يعيش عمراً كاملاً وسنين طويلة كثيرة دون أن يكتسب علماً نافعاً ولا يرى ما هو أمامه بنظرة تفيده! أقفل هاتفك واصنع تغيير نفسك بدءاً من الآن، افتح عينيك على حالك ووقتك ومسيرك، أمامك في كل يومٍ وكلّ فعلٍ قرارٌ جديد وامتحانٌ جديد ومسؤولياتٌ جديدة، انظر في غاية وجودك وهدفك، واعلم أن سعيك اليوميّ وصرفك لطاقتك هو معيار وتمثّل ذاك الفهم وإحياؤه.. -أ. تسنيم راجح

‏فيه شيء من الرداءة غير الملحوظة تتسرب إلى المرء حين يدمن متابعة ماهو تافه ورديء.. شيء يؤثر في نمط مخفي من نفسه، ربما لا يلحظ بدقة آثاره ولا مظاهره، ولكن من هنا تكمن خطورته، أنه تأثير أعمق من أن يرصد، شيء ينفذ إلى أصالة الروح، ويؤثر بعيدا على المستوى الوعي واللغة وطريقة التفكير. -أ. أيمن الشمري • مِن فطرة. | باختصار لا تتابع التفاهات، وأصحابها.. هذا سيؤثر في داخلك وسيُغيرك يومًا، والعكس بالعكس. |

عارفين شكلنا عامل ازاي .. - بنبص في المراية كل يوم على السنة المكسورة ، الجسم التخين ، الجسم النحيف ، حتى الهالات السودة شايفينها والله ضحكتنا عارفين إنها مش حلوة ، عارفين إن في ناس أحلى مننا بكتير .. بس دلوقت لما حاجة مش بتعجبنا بنعيب عليها وعلى اللي صانعها فـ أنت دلوقت بتعيب الصنعة ولا الصانع ؟! هوضحلك أكتر .. بتعيبني ولا بتعيب اللي خلقني كدا ؟ طب ما انا صُنع الله .. فانت كده بتعيب صُنع الخالق أنا شايف كويس جسمي اللي مش متناسق مع شكلي ، شايف شعري الخشن ، شايف إني قصير وعارف إني طويل اوي .. بحب وحدتي مش لازم لما تشوفني تقولي أنت محدش بيحب قعدتك .. يمكن الخمار مكبرني شكلًا بس صدقني مكبرني مقامًا عند الله ..ويمكن مش حلوة في النقاب بس هكون حلوة وأحلى في الجنة لما أُتوج بيه .. صدقني انا عارف ان بؤي كبير والله فليه تتريق عليا وتقولي! يمكن ربنا ميزني في الشكل وخلقني مختلف بس دا مش عيب خُلقي لا دا ميزني عنك فمش لازم تحسسني إني صعبان عليك .. أنا يمكن بتهته في الكلام بس صدقني نفسي أتكلم حلو فـ مش كل ما أتكلم تضحك وتتريق عليا وتقلدني ، أنا شايفني في المراية وعارفني وعارف ان أنا اتخلقت وعندي ضعف نظر فليه تتريق على نظارتي وتقولي دول كام ! حافظ مكان كل حبايه في وشي والله وصدقني نفسي اكون جميل نفسي يختفوا تمامًا فمش لازم انت تيجي تقولي عليهم وتكسر خاطري دا انا بحاول أخبيهم .. الرسول_صلى الله عليه وسلم_لما صحابي قاله: أنا كاسد رد وقاله :" ولكنك عند الله غالِ وحضنه " . وهرجع أسألك تاني أتعيب الصنعة أم الصانع ؟ " وَيْلٌ لِّكُلِّ هُمَزَةٍ لُّمَزَةٍ "ومعنى اللمزة: الذي يعيب الناس, ويطعن فيهم. فـ ويلٌ لكم من الله ثم ويلٌ لكم منَّا عند القنطرة .. -أُم بتحكي وبتقول إن كان عندها ابن كان زي القمر لحد عشر سنين حصل حريق كبير في البيت وشه اتشوه ..وبقى عنده إعاقة في رجله يعني مشوه وبيعرج ..لدرجة إن الحال وصل بـ إن زمايله في الفصل كانوا بيتريقوا عليه ..اللي يقوله وريني بؤك واللي يقوله طب غمض عينك واللي يقوله طب اعمل مشية البطة كدا ! الأم لقيت دا بيحصل واتكلمت كتير مع أهالي الأطفال واللي شغالين في المدرسة وبعدها طلعته حاولت تدخله مدرسة خاصة ..بتقول لفيت على أكتر من ٦ مدارس محدش قبله !! لحد ما لقيت مدرسة كان فيها المضايقة بنسبة أقل وفضل لحد ثانوي ..بعدين حاول يشتغل ويدور على شغل محدش قبله وقابل كمية كلام لا يحصى ولا يعد ! الولد دا كان عنده صاحب وللأسف أهل صاحبه كانوا عاوزين ابنهم ميمشيش معاه ويقولوله شوفلك واحد سليم صاحبه ! حتى لما دخل الجامعة مترحمش من الأذية والتنمر .. الولد في الآخر انتحر !! كفاية تنمر ..كفاية كسر خواطر ..كفاية حرقة القلوب والعياط اللي بييجوا نتيجة كلامكم السيء ..كفاية أرجوكم .. ضحكتك حلوة "صدقني وقتها هحب سنتي المكسورة" جسمك حلو اوي بس لو خسيت هتبقى أحلى " صدقني وقتها هيبقى عندي إرادة اني اخس " انتي قاعدة لوحدك ليه ؟ تعالي اقعدي معانا " وقتها مش هحب وحدتي " بحب طريقة كلامك " وقتها هحب تهتهتي " شكلك حلو في الخمار "هحب خماري وأتمسك بيه" بشرتك حلوة ولونها حلو "هحب وشي بحبوبه بكلاكيعه" امدحني ، حسسني إن أنا حلو ، هون عليا إحساسي بالفقر في الجمال ..اجبر بخاطري حتى لو شايفني وحشة  .. ربنا قال : " لَقَدْ خَلَقْنَا الْإِنسَانَ فِي أَحْسَنِ تَقْوِيمٍ " بس احنا جمال وحلوين حلوين اوي وغاليين اوي عند ربنا _أ/إسراء عاطف حفظها اللّٰه.

س) حين تسألني زوجتي: هل تراني جميلة؟ كيف أجيب إذا كانت صفاتها لا تنطبق على التصور الذي أحمله عن الجمال؟ لا أريد أن أكسرها وإذا قلت ما لا أعتقد أحس بنوع من الانفصام . ج/ الحمد لله ، لا أدري لماذا انعقد لساني حينما قرأت سؤالك هذا بين آلاف الأسئلة المتراكمة عليَّ ، وهذا من آخرها. وكذا أجده منعقدًا عن كثيرٍ مما ينبغي أن أقوله لكَ. ولكن ؛ على العموم: حسبي أن أقول لكَ - وأنا ضائق الصدر - : إن الكلمة الطيبة في حق عموم الناس صدقة ، وفي حقِّ المسكينة التي جعلها الله أسيرة عندك من آكد العبادات. والسرور الذي يدخل على عامة الناس من أحبِّ الأعمال إلى الله ، فما بالك بالسرور الذي تدخله على أحق الناس ببرك وطيب كلامك. يا أخي الحبيب ؛ حتى الكلمة ! لا تكن بخيلًا بالكلمة ، لعل الكلمة التي تقولها لها ترفعها إلى أعالى السماء، وأنت تقولها لا تلقي لها بالًا. لا انفصام في قولك لها: (أراك جميلة) ، ولا كذب ، بل صفها بما توصف به ملكات الجمال، ولستَ آثمًا ، بل مأجورٌ بأجر عظيم ، ولست منفصمًا.. واعلم أن من بخل بالكلمة فهو بغيرها أبخل ! واتقِ الله في وصيّة رسول الله صلى الله عليه وسلم .. اتقِ الله في وصيّة رسول الله صلى الله عليه وسلم .. اتقِ الله في وصيّة رسول الله صلى الله عليه وسلم .. الشيخ محمد سالم بحيري

يومُ العيد؛ زمنٌ قصيرٌ ضاحك، هو يوم السلام والبِشر والضحك والوفاء والإخاء، وقول الإنسان: وأنتم بخير. يومُ الزينة، يوم تقديم الحلوى إلى كلَّ فمٍ لتحلوَ الكلماتُ فيه، يومٌ تعُمُّ فيه الناسَ ألفاظُ الدعاء والتهنئة مرتفعةً، فوقَ منازَعاتِ الحياة. -الرّافعي.

🪴 التقصير في الضيافة لا يعني التقصير في حسن الوداع! لا داعي لكثير كلمات وأوصاف، فأنت أدرى الناس بحالك ولا داعي لجلد الذات لأن ما تبقى من رمضان أقل من أن نتحسر ونحزن فنضيع هذه الدقائق الثمينة، فلنفكر في الواقع والوضع الحالي وكيف نستدرك ما فات.. ديننا هو دين غرس الفسيلة ولو قامت الساعة، وحتى تقوم ساعة رمضان من دنيانا وينفض مجلسه على خير، فلا تنقطع أبداً عما يلي: • جمع القلب: الصدق لحظة، التوبة لحظة، جمع القلب لحظة، عتق رقبتك من النار في لحظة، عفو الله عز وجل عنك في لحظة، فلا تحقرن من المعروف شيئاً وأحسن الظن بربك فإنك تتعامل مع أكرم الأكرمين ولو كنت أشد المقصرين المفرطين، وإياك والتعامل مع الله عز وجل كما تتعامل مع البشر، الله عز وجل (ليس كمثله شيء وهو السميع البصير) وكذلك علاقتك معه، ليست مثل أي علاقة أخرى، ومتى استقر هذا المعنى في قلبك: سكنت نفسك وجدت في العمل باستغلال الثواني والدقائق في الطاعة. • الدعاء: ألا يتوقف لسانك عن الدعاء، وأوصيك بهذه تكررها مراراً: (اللهم إنك عفو تحب العفو فاعف عني، اللهم اهدني وسددني، اللهم لا تحرمني توفيقك، اللهم ألهمني رشدي وقني شر نفسي، يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين، اللهم أعتق رقبتي ورقبة أهلي من النار، اللهم انصر إخواننا المستضعفين في كل مكان وانصرهم على عدوك وعدوهم واستر عوراتهم وآمن روعاتهم ولا تشمت أحداً في دينهم) • الذِكر: بعد الدعاء، ألا يفتر لسانك عن ذكر الله عز وجل مهما كانت انشغالاتك، الزم الذكر ونوِع بين الدعاء والذكر حتى لا تفتر نفسك أو تمل وفي نفس الوقت لا تتركه في هذه اللحظات المباركة.. إنك إن قصرت في الضيافة فلا تقصر في حُسن التوديع، رمضان فرصة، كل ثانية فيه فرصة غالية قد لا تُكرر! فإن عجزت أن تكون صاحب همة عالية، فكن ذو طمع عالٍ في كرم الله عز وجل ولعله يشملك مع من سبق لأنه الكريم الذي لا يرد أحد عن بابه.. فإن عجزت عن الوقوف على بابه، فاعلم حينها أن المسألة أنك "لا تريد" لا أنك "لا تستطيع".. الفرصة ما زالت أمامك، والخيار لك.. إقبال أم إدبار عن رب العالمين.. »» نافع | Nafe3 »» صوتيات نافع

مش عارف إيه اللي حصل وهم بيحضرو الفطار .. فقالت لبنتها روحي ياشيخه الله يعكنن عليكِ عيشتك .. البنت أصلها بطيئة شوية وهي بتحضر الفطار أو بتتدلع .. فـ أمها قالتلها كدا ! بس الحقيقة هي الأم مش قالت .. هي الام دعت .. دعت على بنتها بالعكننة .. وسبحان الله الأم كأنها تحرت وقت إجابة .. اجابة الدعاء ! دعوة الصائم حين يُفطر .. تفتكروا الدعوة دي لو استجابت .. اللي عملته البنت يستحق الدعوة دي؟ معلش دي كلمة مش مقصودة وأنا كنت متعصبة! معلش!! معلش إيه! النبي صلى الله عليه وسلم نهانا إننا ندعي على ولادنا .. عارفين نهانا ليه؟ تعالوا أحكيلكم : • واحدة هنا على الفيس بتحكي عن أم كان بتدعي على بنتها إن ربنا يحرق دمها .. الدعوة استجابت .. والبنت جالها سرطان في الدم. • أب كان دايما يقول لابنه ابن الـ 17سنة وهو نازل إلهي ما ترجع .. الولد مارجعش. • أخت بتحكي على إن أمها قالت لأخوها وهو نازل روح ربنا يبتليك بمصيبة .. اتاخد وهو ماشي في الشارع .. ومش عارفين هو فين لحد دلوقتي! • والأب اللي بيقول لابنه أنا مش هستحمل أعيش معاك كتير .. يارب لا تاخدني لا تاخده .. وفعلا معاشوش مع بعض كتير .. وكان بيكلم نفسه في جنازة ابنه وبيقول .. كانت أمنيتي وربنا حققهالي! دي نقطة من بحر دعاوي أهالي على ولادهم استجابت .. ونقول معلش! متعصبين! الأولاد كانوا فعلا مشاكسين أو متعبين .. بس هل كانوا يستحقوا الدعوة دي؟ قصف عمر ومرض واعتقال! مش هنسى مرة لما واحد قال للمدرب : متحاولش أنا مش هبقى صالح .. عشان أنا أمي دعت عليا .. وهي كانت بتاعة ربنا فاكيد استجابلها .. متخيلين الأم دي زرعت في ابنها إيه طول حياته! أنا أمي دعت عليا .. الكلمة دي بقت تتسمع كتير أوي على فكرة .. وإنا لله وإنا إليه راجعون. زي الست اللي جت المسجد تسأل عن كفارة دعائها .. فبيسألوها يعني إيه كفارة دعاء! قالت إنها كانت بتدعي على بنتها بوقف الحال .. والبنت فعلا متجوزتش .. وبتحكي إن بنتها في مرة انفجرت فيها قالتلها .. عملتلك إيه أنا عشان تحرميني أبقا عروسة وإني أبقا أم .. عملت إيه أستاهل تدعي عليا كدا .. والست عايزة كفارة عن دعائها على بنتها .. والست بتحلف إنها ماتقصدش وإنها كانت بتقولها تهريج إلهي يتوقف حالك .. تهريج! قصص الندم اللي بيوصل للبكاء بالدم .. من الأهالي اللي مقهوريين على عيالهم لأنهم دعو عليهم تملى كتب .. اللي ممكن توصّل بعض الاهالي لمحاولة الانتحار لفكرة إن ابنهم ولا بنتهم ماتو بسبب دعائهم .. واللي أغلبهم بيجو يسألو مستغربين هو معقولة دعائنا على عيالنا يُستجاب .. دا أنا كنت بقول كلمة عادية! نيجي نسأل إيه الكلمة العادية دي تلاقي: الله ينغص عليك عيشتك، إلهي تنشل، الله ينتقم منك، الله ياخدك، ربنا يفرسك زي ما فارسني، الهي ما تكسب ولا تربح، الهي ما توعى .. اتوكس ! دا كلام عادي! ودا كلام للولاد! أومال الأعداء بتقولولهم إيه؟ والكلمة الشائعة للأطفال: اتهد ربنا يهدك! ربنا يهده! يهد ابنك! ولسه إحنا في غفلة وبندعي على عيالنا وإحنا مش واخدين بالنا .. ولسه في غفلة وساكتين على اللي بيدعو على عيالهم قدامنا؟ في مرة كنت عند واحدة قريبتنا .. ابنها 8 سنين .. وقفت تصرخ فيه: إلهي ربنا ينتقم منك .. وأنا ببصلها وساكت .. فضحكت قالتلي معلش بقيت عصبية .. قلتلها الأذان بيأذن .. قالت هستغفر هو كان صوتي أعلى من الأذان؟ قلتلها: لأ مش موضوع أعلى من الأذان .. دا موضع استجابة دعاء .. قوليلي عايزة ربنا ينتقم منه ازاي؟ يعمل فيه إيه! اتلجلجت كدا وقالتلي بخوف: دا ابني .. يعمل فيه إيه يعني إيه! هو أنا قاصدة! فهمتها وفضلت أتكلم معاها وأقنعتها إنها لما تتعصب تدعيله مش تدعي عليه .. وتدرب نفسها على كدا .. وعدى فترة بعدها لقيتها بتقولي: عايزة أشكرك على موضوع الدعاء دا. وحكت بتقولي: أنا كنت لما أقوله ربنا ينتقم منك كان يقف يبصلي ويعيط ويقولي بعند آمين .. ويزود كمان ويقولي ربنا ياخدني ياماما .. فأنا كنت أعند وأقوله آمين. دلوقتي لما بقوله ربنا يهديك وبقولها وأنا بصرخ بردو مفيش فايدة فيا لازم أصرخ .. فبقا يقف يضحك ويرفع إيده لربنا ويقوله اهديني يارب عشان أمي تسكت .. وساعات يجري عليا بعدها ويحضني. كانو بيحكو عن أب في جنازة ابنه وقف يسأل صحاب ابنه .. هو ابني كان حاسس إني بحبه .. كان عارف إني بحبه؟ .. واحد من صحاب ابنه حب يهديه .. وقاله أيوة يا عمو كان حاسس وعارف .. الأب قاله: منين؟ حس منين وعرف منين؟ .. وانا كنت بدعي عليه في وشه .. حس حبي ازاي وعرف منين إني بحبه! والحقيقة السؤال دا مهم جدا .. خصوصا إننا في مجتمع ماتربناش إننا نقول لولادنا قبل النوم إحنا بنحبكم .. فـ الولاد دول ممكن يحسو أو يعرفو منين إننا بنحبهم؟ وإحنا بندعي عليهم في وشهم وبصوت عالي! إحنا اليومين دول في رمضان .. يعني أوقات الاجابة أوسع .. أبواب السماء مفتوحة. - لصاحبه.

ﻗﺎﻝ ﺍﺑﻦُ ﺍﻟﺠَوْزِﻱ عن نهايةِ شهرِ رمضان: " ﺇﻥَّ ﺍﻟﺨَﻴْﻞَ ﺇﺫﺍ ﺷَﺎﺭﻓﺖْ ﻧﻬﺎﻳﺔَ ﺍﻟﻤِﻀﻤﺎﺭِ ﺑﺬﻟﺖْ ﻗِﺼﺎﺭَﻯٰ ﺟُﻬﺪﻫﺎ ﻟﺘﻔﻮﺯَ ﺑﺎﻟﺴﺒﺎﻕ؛ ﻓﻼ ﺗﻜُﻦْ ﺍﻟﺨَﻴْﻞُ ﺃﻓﻄﻦَ ﻣﻨﻚَ! ﻓﺈﻧﻤﺎ ﺍﻷﻋﻤﺎﻝُ ﺑﺎﻟﺨﻮﺍﺗﻴﻢ؛ ﻓﺈﻧﻚ ﺇﺫﺍ ﻟﻢ ﺗُﺤﺴِﻦْ ﺍﻻﺳﺘﻘﺒﺎﻝَ ﻟﻌﻠّﻚ ﺗُﺤﺴِﻦُ ﺍﻟﻮَﺩﺍﻉَ! " ﻭقال ﺍﻟﺤَﺴْﻦُ ﺍﻟﺒَﺼْﺮﻱُّ عن نهايةِ شهر رمضان: " أَحْسِنْ ﻓﻴﻤﺎ ﺑﻘَﻰٰ ﻳُﻐﻔَﺮْ ﻟﻚَ ﻣﺎ ﻣَﻀَﻰٰ، ﻓﺎﻏﺘﻨِﻢْ ﻣﺎ بقَىٰ؛ ﻓﻼ ﺗَﺪﺭِﻱ ﻣﺘﻰٰ ﺗُﺪﺭِﻙُ ﺭَﺣﻤﺔَ ﺍﻟﻠﻪِ! "

المرأة الممنوعة مِن الصّلاة بعُذر الحيض ؛ لها الجلوس في مُصلّاها ليالِ العشر تقرأ القرآن وتذكُر الله وتدعوه.. ويُرجى لها إدراك أجر العشر وليلة القدر. كما أنها تؤجر على ألم الحيض وتقلُصاته وتؤجر على محاولة استدراك العبادات أيضًا. فاطمئنوا فإنَّ هذا شيءٌ كتبَهُ اللَّهُ عزَّ وجلَّ على بَناتِ آدمَ، وفيه نفع شديد للغُدد عند النساء، وبدونه عفاكم الله يحدث خلل في الهرمونات كهرمون الحليب وبالتالي يحدث عُقم، فلا تأخذن موانع لنزوله بحجة إقامة العشر فإن الله لا يحب إن يَضرّ الإنسان نفسه.. ولا يظلم ربّك أحدًا. فاستبشرن وتمعّن في نِعم الله، واحمدوا الله عز وجل فإنه نعمة جليلة يجعلها الله سبب في الوقاية من الأمراض، ولا يدرك قدرها إلا مَن حُبس الدم الفاسد بداخل أجسادهن.. - عباد أمثالكم

ضيعت كل رمضان بالمعنى الحرفي، هل هناك أمل فيما بقي؟ ج/ نعم بلا شك.. أمل كبير جدًا.. بقيت أيامٌ من الرحمات، وليالٍ يعتق في كل واحدة منها الكثير من العباد.. بقيت ليلة 27 التي هي أحرى الليالي أن تكون ليلة القدر.. الله جل وعلا يقول: "إن ينتهوا يغفر لهم ما قد سلف" وكان الفضيل بن عياض يقول: "اتق الله فيما بقي يغفر ما قد سلف" و"إنما الأعمال بالخواتيم".. فأعظم الأعمال والمواسم خاتمتها.. المهم أن تقوم الآن، وتنفض غبار الكسل والغفلة، وتفتح صفحة جديدة، تحسن استغلال ما بقي، وستجد أثرًا عظيمًا إن شاء الله. -الشِّيخ كريم حلمي.

"نحنُ نتعامل مع ربّ لا يُفتّش عن ماضيك إن تُبت." انت عارف معنى الحديث القدسي : (غَفَرْتُ لكَ على ما كان فيكَ ولا أُبالِي) ؟ أهي (ولا أبالي) دي معناها: ومش هنفتح الموضوع ده تاني، ومش هنذكر الذنوب دي تاني. - الشيخ محمد خيري.

خلي بالك واقرا الكلام ده كويس اوي .. اللي في الصورة ده ابلكيشن موجود على جوجل ستور اسمه زي ما مكتوب كدة "Money box" . الابلكيشن ده عبارة عن ابلكيشن قروض، الفكرة العامة انه بيدي قروض صغيرة للناس من باب الفلوس السهلة يعني، هتلاقيه منتشر في الجروبات من نوع "عايز تكسب فلوس بسهولة ابعتلي خاص" والجو ده، وطبعا كلنا في عرض الجنية، فا مش خسرانين حاجة، فا بكل سهولة بنروح ننزله ونتبع الخطوات اللي هيا عبارة عن رقم محفظتك ومعلومات عنك وصورة بطاقتك وصورة سيلفي ليك واربع ارقام ثقة مقربين ليك ورسالة كونفرم والحاجات دي جميل؟ وبعد كدة بيعمل loading لحد ما يقولك تم التسجيل بنجاح ✅ وفجأة بتلاقي مبلغ نزل على محفظتك فعلا من غير ما تطلبه، اجباري، وانتا وحظك ممكن يبقا ١٢٠٠ جنية مثلا، لحد ما يعدي ٦ ايام بالظبط. وهنا المصيبة بقا .. هتلاقي ارقام واتساب بتكلمك تطالبك بتسديد ضعف المبلغ كفوايد وده بعد ٦ ايام بس، يعني لو ادوك ١٢٠٠ جنية هتلاقيهم بيطالبوا ب٢٤٠٠ جنية، ولو رفضت، فا لما البرنامج كان بيعمل loading هما سحبوا بيانات تليفونك كلها، ارقامك وحسابك عالفيس وصورك انتا واللي يخصوك من عالموبايل، وتبدأ لهجة التهديد والشتايم بقا، هتدفع ولا ننشر صورك ونبعتها لجهات اتصالك؟ لو عملت بلوك للرقم هتلاقي رقم تاني بيبعتلك، رقم تاني وتالت ورابع وارقام بتتصل بيك هدفها تخوفك وتشوه سمعتك، ونفس اللهجة والشتايم والابتزاز، وهتلاقي صورك اتركبت على صور عريانة وبيبتزك بأرقام وحسابات اقرب الناس ليك، وارقام اغلبها برة مصر يعني مش مرخصة ومفيش جهة قانونية تعرف تطاردهم. طيب لو سددت؟ هتلاقي باقي الارقام بتهددك بردو كأنك مسددتش حاجة، وظيفتهم كلها انهم يسحبوا منك اكبر مبلغ ممكن، ولو سددت هينزلك قرض تاني بمبلغ اعلى اجباري، وبعد كام يوم هتلاقي نفس الابتزاز على ضعف الرقم اللي سلفوهولك بالغصب، دايرة مبتنتهيش. الفكرة ان اكتر المهددين والمستهدفين هما البنات اللي متصورة بشعرها او لنفسها عالموبايل وبيتم ابتزازها بالصور دي، او اي صور خاصة ليك او لحد يخصك، او اي محادثة مش عايز مديرك في الشغل يعرفها، او تهديد انك تتشتم بالام ويتقال عليك نصاب لمديرك في الشغل مثلا او اهل خطيبتك وهكذا، فا لو عدى عليك الابلكيشن ده او اي ابلكيشن شبيه زي cash plus او غيره، متنزلوش، اللي قبلينا قالوا الحداية مبتحدفش كتاكيت، لو عندك احذف ، شارك ..✅ -نقل.