غِراسْ.

﴿قُلْ إِنِّي أَخَافُ إِنْ عَصَيْتُ رَبِّي عَذَابَ يَوْمٍ عَظِيمٍ﴾ "إني أخاف إن عصيت ربي".. يا ترى عندنا الخوف ده؟ الخوف اللي يخليك لما تكون المعصية قدامك، والفرصة متاحة، ومحدش شايفك؛ تختار ربنا! في لحظات كتير، اللي هيوقفك فعلًا هو خوفك من الله عز وجل.. فراقب نفسك وخلي دايمًا الآية دي قدامك..

وما أذى الناس إلا من الناس!

تقبَّل أنك كائن حي ضعيف، لديك نقص، تُخطئ كثيرًا. أنت كائن حي قال عنه النبي ﷺ: "يا أَيُّها الناسُ! إنكم لن تُطِيقوا كُلَّ ما أَمَرْتُكم به، ولكن سَدِّدُوا، وقارِبوا، وأَبْشِرُوا".

مِن فُرسان العرب المُسلمين: الصَّحَابِيّ الجَليل ‏عَمرو بن معد يكرِب -رضي اللهُ عنه- يُعَدّ مِن اشجع فُرسان المُسلمين ولقبُه (فارِس العرب) وسيفُه المشهُور بالصّمصامَة، ماتَ عطشًا في القادِسِيّة وقيل يوم نهاوَند وهُو من قطع خراطيم الفيلة يوم القادِسِيّة وعمره 120 سنة.

خزانة الأدب للبغدادي.

تخيل لو عندك مشكلة كبيرة جدًا وفي يوم من الأيام جالك إنسان صاحب جاه ومال ونفوذ، وقالك: "اطمّن.. مشكلتك دي عندي، وهتتحل بإذن اللَّه". طبيعي قلبك هيهدى وتحس إن الحمل خف. فما بالك برب السماوات والأرض وهو يقول:{يُدَبِّرُ الْأَمْرَ مِنَ السَّمَاءِ إِلَى الْأَرْضِ}. للَّهِ المثل الأعلى سبحانه. يكفي إنك تسلّم أمرك كله للي مفيش أرحم منه. طمّن قلبك.. سيبها على ربك، واترك الأمر لمن بيده مقاليد السماوات والأرض.

-حازم شومان.

مهما كانت آلامك.. ومهما حسّيت إن الدنيا قافلة في وجهك.. افتكر إن المشهد الأخير مش هنا! الجنة هتنسيك كل تعبك، وكل وجعك. قال رسول اللَّه ﷺ: (يُؤتى بأشدّ الناس بؤسًا في الدنيا من أهل الجنة؛ فيُصْبَغُ صبغةً في الجنة، فيقال له: يا ابن آدم، هل رأيت بؤسًا قط؟ هل مرّ بك شدة قط؟ فيقول: لا واللَّه يا رب، ما مرّ بي بؤس قط، ولا رأيت شدة قط). جنة ربنا كفيلة تمحي من ذاكرتك كل لحظة وجع عشتها هنا.

حازم شومان.

لفت نظري هذا الكشف اللهم بارك، ووقفت طويلًا عند الأسماء! صهيب، صفوان، عمران، عروة، تميم، الزبير.. أسماءٌ جميلة، عربيةٌ أصيلة، ولكل واحدٍ منها وقعٌ خاص، وكأنها تحمل شيئًا من عبق تاريخنا الجميل.. ثم تأملتُ ما كُتب بجوارها، فإذا بهم ستة إخوة، أتمّ كل واحدٍ منهم حفظ القرآن الكريم كاملًا، ثلاثين جزءًا.. يا لجمال أن يجتمع في بيتٍ واحد هذا العدد من حفظة كتاب الله! ويا لجمال أن يكبر الإخوة معًا، ولكل واحدٍ منهم مع القرآن قصة وحفظٌ ومجاهدة ، اللهم بارك! اللهم بارك! اللهم بارك! نسأل الله أن يبارك فيهم، ويثبّت القرآن في صدورهم، ويقرّ أعين والديهم بهم، ويجعلهم من أهل القرآن وخاصته.. اللهم ارزقني وذريتي القرآن، واجعل لنا منه أوفر الحظ والنصيب.. - قبس.

«لا يطيبُ السيرُ في شَعَثِ الحياة وكدرِها إلا بالحُبّ، ولا يطولُ الطريقُ على مُحبٍّ حملَه قلبُه!»

- وجدان العَليّ.

صديقي في الشغل كان بيهزر معانا وفي وسط الكلام زميلنا التاني بيقوله يارب تتجوز ياخي عشان نلاقي واحدة تاخدك مننا ونرتاح منك شوية فرد وقاله: أتجوز وأخنق نفسي ليه، هو في طير يبقى حر ويدخل القفص بمزاجه ليه هو أنا أهبل! افتكرت لما مراتي سابتلي البيت بسبب إني كنت بهزر مع أي بنت في عيلتنا عادي وساعتها كنت شايفها غلطانة جدًا وإن الموضوع ميستاهلش ده كله، وعشان كدا مروحتش صالحتها وبقيت كل يوم بخرج في حتة مع بنات عمي وأنزل أستوري وعادي. لحد اليوم الرابع لاقيت حماتي بترن عليا وبتقولي: إنت بتحب بنتي يامحمد؟ رديت وقولتله بدون تفكير « طبعًا بحبها » ساعتها قالتلي: والحب ده مفهومه إيه عندك؟ فكرت شوية وقولتلها: إني أكفيها من كل حاجة ومحرمهاش من حاجة وأخلي بيتها مش ناقصه طلب. ردت وقالت: يعني هي كان ناقصها الحاجات دي في بيت أبوها؟ فقولتلها: لا بس دلوقتي الوضع إتغير. فقالتلي: بالظبط يامحمد الوضع إتغير هي سابت أمان أبوها وحنيته عشان تعيش في أمانك إنت، والأمان ده معناه كبير أوي يامحمد لدرجة لو اتكلمت فيه مش هخلص.. بس أهم حاجة في الأمان إن مراتك تعيش مرتاحة نفسيًا مش متكدرة. تعيش شاكرة ربنا على وجودك مش راضية بعيشتها وخلاص! تعيش وهي حاسة إن مفيش واحدة ممكن تشغل دماغها بأي سؤال زي: هو بيهزر مع فلانة، هو شايف فلانة أفضل مني؟ تعيش شايفة نفسها متتقارنش بحد في عينك! خدت نفس وقولتلها: ياست الكل إنتي مش حاسة إنها مكبرة الموضوع شوية، دول شوية هزار. ردت وقالتلي: ربنا لما حط حدود للراجل والست يامحمد محطهاش عشان نقول ده عادي، حطها وهو عالم إن الإنسان ميال. هيهزر وارد يميل. هيتكلم وارد يميل. ولما يميل وارد يخون. القلب اتسمى قلب عشان متقلب يابني، النهاردة بقول دي زي أختي بكره تبقى عشيقتي. الجواز أسمى وأجمل علاقة في الدنيا لما الطرفين يكونوا بيحبوا بعض وكل واحد بيكمّل التاني. اللي بيعلي من مكانة مراته بيبقى راجل ليه هيبة. البيت بابه موارب في إيدك تقفله عليكم بالحب أو تفتحه بالخراب.

~عزة_العمروسي

معَ بِدايَة الدِراسَة، اتقِنُوا دِرَاسَتكُم يا شباب وَلا يَستهِن أَحدٌ مِنكم بِقدرِ ما يتعلَّم، فالمُسلمُ كالغيثِ أينما حَلَّ نفع بإذن الله. جَاهد، صابِر، استعن باللهِ ولا تَعجز، وَسر في ثَغرك كأنك الوحيد فِيه، ولا تتركه لأجلِ أيّ حُجَّة.. وتَذكَّر دائمًا بأنَّهُ -عزَّ وجلَّ- لا يُضيعُ أجرَ مَن أَحسنَ عملًا، كُن صادقًا، فإنَّ هِمَةَ الصَّادقِ لا تشيب.

فالدنيا مليئة بالمشاق، ولا يسهل العيش إلا إدراك حقيقة العبور، وأن زمن مكث الإنسان ضئيل، فهو كراكبٍ استظلَّ تحت شجرةٍ ثم راحَ وتركها، وصغر ظل الشجرة أو كثرة هوامّها مما يحتمله المسافر الغريب والعابر فقط دون غيره!

- عبد الله الوهيبي.

«يظلُّ المرءُ غليظًا حتى يُنجِبَ فتاةً!»

غازي القصيبي كان يقول: ستُدركُ في وقتٍ متأخرٍ من الحياة أنّ مُعظمَ المعارك التي خضتها لم تكن سِوى أحداثٍ هامشيةٍ أشغلتك عن حياتكَ الحقيقة. ‏وبعد ذلك كتب: ‏وعُدتُ من المعاركِ لستُ أدري ‏علامَ أضعتُ عُمري في النِزال.

«سيروا إلى الله تسير إليكم حوائجكم تِباعًا، فإن ابتعدتم عن الله بعُدَت عنكم حتى تلك التي بين أيديكم» — الوتر

مفيش حاجة في حياتنا ينفع نغتر بيها ونفتكر إنها من شطارتنا لوحدنا ... الدين، والصحبة الحلوة، والأهل، والذكاء، والرضا، والرزق.. كل دي نعم من ربنا، وتوفيق منه قبل أي حاجة. حتى الصلاة اللي بنقوم نصليها، والذكر اللي بيتقال على لساننا، والقرآن اللي بنفتحه ونقراه.. كل ده ربنا هو اللي وفقنا ليه. الواحد محتاج يفضل فاكر إن النعمة مش بس في وجودها، النعمة كمان في إن ربنا يوفقنا نحس بيها ونشكره عليها. يا رب ما تجعلناش نعتاد نعمك لدرجة ننسى إنها منك، ولا تجعل الدنيا أكبر همنا، وارزقنا دايما قلبا شاكرًا لفضلك.

بمناسبة العودة للدراسة أذكركم بقول د / أحمد عبد المنعم: إذا كان أصحابك في الكلية بيذاكروا هيكونوا بيذاكروا بس... خليك أنت بتذاكر، وبتحفظ قرآن، وبتحضر دروس وبتطلب علم شرعي في نفس الوقت. أنا عارف إن الحمل تقيل ومجهودك أكبر بس الجنة مش ببلاش إياك تعمل صراع وهمي بين الدنيا والدين، اتدرب على طلب العلم بالمذاكرة. ومتنساش اوعى تنزل الدنيا بنية الدنيا انزل الدنيا بنية الآخرة، وجدد نيتك من المذاكرة واجعلها الله فيكون لك عليها أجر.

ربنا هيحاسب الاتنين نفس الحساب ! {الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِائَةَ جَلْدَةٍ ۖ وَلاَ تَأْخُذكم بِهِمَا رَأْفَةٌ فِي دِينِ اللَّهِ إِن كُنتُمْ تُؤْمِنُونَ بِاللَّهِ وَالْيَوْمِ الآخِرِ وَلْيَشْهَدْ عَذَابَهُمَا طَائِفَةٌ مِّنَ الْمُؤْمِنِينَ}