𓆩𝗕𝗔𝟳𝗥𓆪
Open in Telegram
سعاات ربناا بيقفل بااب، نت مش عارف تقفلوا فاهم!. 𝒐𝒘𝒏𝒆𝒓: @YousseF_ShereF
Show more5 035
Subscribers
-324 hours
-237 days
-10030 days
Posts Archive
5 035
Check out Yo'usseF Sh'ereF (@JOo_ShereF): https://x.com/JOo_ShereF?t=6utveMoXFBRlkjKovFF0LA&s=35
5 035
مش معنى إن الدنيا لما تديك ضهرها في لحظة معينة، أو تقفل باب فرصها في وشك، أو تصدمك في مكانة شخص عندك شوفته على حقيقته البشعة إنها بتعاقبك أو إنك شخص سيء وتستحق ده!..
معظم إن ماكنش كل الصدمات اللي بنشوفها بشكل مستمر هدفها إنك تقبل محدوديتك، وتسلم أمرك لله..
الإنسان مش بيتعلم غير بالطريقة الأصعب، والشطارة الحقيقية إنك تقرا الرسايل صح في وقتها، وماتحملش نفسك فوق طاقتها مادمت عامل اللي عليك للنهاية.. إرسم خطط، وخد خطوات، واسعى بكل طاقتك بس وأنت عارف إن ربك في لحظة ممكن يعدلك مسارك بالشكل الأنسب، والأفيد ليك مش شرط اللي أنت عايزه.. ده ليه؟.. عشان ربك الخير مش بيجيب إلا خير.
5 035
مليون واحد هينتقدك وهيشاورلك على النواقص اللي عندك أو في خطواتك اللي بتاخد رأيهم فيها بس قليلين جدًا اللي هيكونوا مهتمين ينصحوك بجد عشان تصلح ويقفوا في ضهرك لحد ما تعمل ده ويحطوا خطوات يمشوها معاك.. من بره بره الناس أساتذة تكسير مجاديف، ونقد حتى لو مش فاهمين وبدون ما يوفروا حلول أو اقتراحات.. النصيحة الحقيقية الخالصة لوجه الله لو متغلفة بنية صافية مش هتبقى مجرد كلمة تترمي وخلاص لكن هيصاحبها تفكير عملي ووقوف في ضهري لحد ما أعدل مساري.. العمارة عشان تتبني بتاخد شهور، وعشان تتهد بتاخد ساعات.. أسهل حاجة إنك تهد، وأصعبها وأدومها إنك تبني.
5 035
كل حاجة لازم تبتدي من عندك..ربنا مش هيساعد حد مش عايز يساعد نفسه..الموضوع عامل زي لما تقفل موبايلك وتزعل إن مفيش حد بيتصل يسأل عليك!.. ما أنت قافله!.. افتح الخط عشان تبدأ تستقبل!.. في القرآن ربنا بيقول في سورة "الرعد": ﴿إِنَّ اللهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ﴾.. لازم الناس تصلح من نفسها قبل ما ينتظروا ده من ربنا!..
في قوانين الفيزياء العلم بيقول: لكل فعل رد فعل في عكس الإتجاه، ومساوي في المقدار.. يعني غيّر الفعل عشان يتغّير رد الفعل!..عايز تشرب شاي ماتحطش معلقة بُن على معلقتين سكر في كنكة!.. شاي يعني سكر وميه وشاي في براد!.. عايز قهوة؟.. غيّر العناصر هتتغير النتيجة فهتاخد اللي عايزه..
فين مجهودك؟.. فين دليل إن عندك رغبة حقيقية إنك توصل.. تبدأ من جديد.. تغّير.. تكون أفضل.. تتعافى من الحاجة أو الشخص أو الموقف اللي كسروك!.. يقينك في ربنا شيء في محله بس لازم يسبقه مساعدتك لنفسك.. الخطوة الأولى لازم تكون منك، والباقي كله من ربنا.
5 035
أى اختبار صعب بيقابلك في حياتك بيبقى في أساسه امتحان من ربنا وبيحاسبك بناءًا على تعاملك معاه.. هتصبر؟.. هتستسهل؟.. هتنخ بسرعة؟.. هتتمسك بأخلاقك وتربيتك وتدينك ولا هترميهم على أول ناصية؟.. "الاختبار" عمره ما هييجي على مزاجك ولا هتقدر تنقي توقيته حسب استعدادك.. "الاختيار" هو ده اللي في إيدك، وهو اللي ربنا هيحاسبك على أساسه!.. إنك تختار هتتعامل إزاى مع الموقف الفلاني وهتاخد أنهي سكة عشان تعدي منه..
لو الاختبارات، والمصايب، والإبتلاءات ينفع تتفصل على المقاس كانت هتبقى شيء ماسخ وهش مالوش قوام ولا طعم وكانت هتضيع معاها نعمة كشفك لمعادن الناس.. "الاختبار" دايماً هيكون مفروض عليك، و"الاختيار" دايماً هيكون في إيدك انت.
5 035
غلطان اللي يحصر النجاح في دخول كلية معينة بس أو يفترض إن المجموع الفلاني في ثانوية عامة لو ماجاش الدنيا هتتهد!.. تصنيفات كليات القمة والقاع مالهاش بالضرورة علاقة بأنت هتكون فين بكره وبتعمل إيه!.. التفوق الدراسي مش شرط يكون له علاقة بالتفوق العملي في الحياة.. وارد طبعاً يكون له علاقة بس مش شرط..
فيه مئات النماذج الناجحة اللي نجاحهم في الحياة العملية مالوش أى علاقة بدراستهم.. وفيه مئات النماذج الناجحة ما أخدوش حظهم من التعليم أساساً!..
ثانوية عامة بحلوها ومرها كده كده مرحلة وبتخلص والدنيا هتسحبك للي بعدها!.. الأهم إنك في كل مرحلة تعمل اللي عليك للنهاية وبدون تقصير وهتلاقي أهدافك أصلاً لوحدها بتغير مسارها للأفيد والأنفع ليك.. ثانوية عامة بتبقى أول قصتك مش آخرها.
5 035
اتمني الكل يقول رأيه عشان لو حابين نغير شويه ف المحتوي او ننوع ونعمل ميكس مع حاجه تانيه وهكذا ف قولوا رأيكوا وشكرا. 🖤
5 035
شوية حر تُقال حددوا إقامتنا، وثبتوا معظم الناس في البيوت!.. شوية حر مش سيول حتى ولا أعاصير ولا عواصف!.. زاد كمان من إحساسنا بالموضوع حكاية تخفيف الأحمال وقطع الكهرباء واللي بسببها بقينا لفترات خلال اليوم حرانين ومفيش مراوح ولا تكييفات!..
الطبيعة والكون بيأكدوا للمرة المليون إن الإنسان مهما كان هو مين هو في النهاية ولا حاجة قدام قدرة ربنا.. إحنا "ورق" ومافيناش غير "لسان".. عشان كده تستغرب من اللي يسوق في الإفترا أو الغرور والعنطزة ويفتكر إن محدش قده!.. تستغرب برضه من اللي بيشوفها مقفلة من كل ناحية وسوادها ملوش آخر وبيفقد الثقة في حل عُقدها!..
ربنا كبير، وكل الإجابات عنده.. أكبر من الظروف، الخنقة، الصدمات، وفي إيده مفاتيح التوفيق، الرضا، وشقلبة الحال من حال لأحسن حال يارب. 🖤
5 035
شوية حر تُقال حددوا إقامتنا، وثبتوا معظم الناس في البيوت!.. شوية حر مش سيول حتى ولا أعاصير ولا عواصف!.. زاد كمان من إحساسنا بالموضوع حكاية تخفيف الأحمال وقطع الكهرباء واللي بسببها بقينا لفترات خلال اليوم حرانين ومفيش مراوح ولا تكييفات!..
الطبيعة والكون بيأكدوا للمرة المليون إن الإنسان مهما كان هو مين هو في النهاية ولا حاجة قدام قدرة ربنا.. إحنا "ورق" ومافيناش غير "لسان".. عشان كده تستغرب من اللي يسوق في الإفترا أو الغرور والعنطزة ويفتكر إن محدش قده!.. تستغرب برضه من اللي بيشوفها مقفلة من كل ناحية وسوادها ملوش آخر وبيفقد الثقة في حل عُقدها!..
ربنا كبير، وكل الإجابات عنده.. أكبر من الظروف، الخنقة، الصدمات، وفي إيده مفاتيح التوفيق، الرضا، وشقلبة الحال من حال لأحسن حال يارب. 🖤
5 035
النفس البشرية دي هتفضل أعقد شيء خلقه ربنا.. عشان كده ماتشغلش دماغك ليه فلان ده باع، أو ليه عِلان ده ماكنش قد الثقة، أو إيه أسباب إن كذا أذاك رغم إنك كنت كويس معاه..
مع الوقت أكتر بقى عندي "تفّهم" لفكرة إن فلان حركاته ناقصة.. خلاص هو عنده أسبابه المريضة اللي أقنعته يكون ناقص ومكيفاه ومكفياه.. آه متفّهم بس بقيت بحتقره.. تفّهم واحتقار سوا مع بعض.. أنت مش هتقدر تربي الناس ولا تعلمهم اللي يصح واللي مايصحش.. بس تقدر تنجو بنفسك من كل علاقة طرفها شخص مؤذي ومقرف لما تصنفه صح بدري بدري، ولما ماتخّليش حركاته الناقصة تأثر على صحتك أو نفسيتك..
ربنا يديم علينا نعمة فرز الناس صح، والتعامل معاهم باللي يستحقوه ويتمنوه لينا، ونعمة احتقارنا للحقير بدون ما حقارته تأثر علينا أو تعدي.
5 035
الدنيا دي عجيبة بشكل مُلفت وثوابتها معدودة ، لا إرادياً هتلاقي نفسك بتتعطل لحظات لما بتقلب في شات قديم على الواتس أو حتى فضولك يخليك تراجع قائمة الأسماء المسجلة في تليفونك أو عينك تيجي بالصدفة على الـ Memories في فيسبوك، وتشوف صورة أو منشن في بوست بيشاركك فيه ناس كانوا متصنفين امبارح حبايب، غاليين، وعزاز والنهاردة كل واحد بقي في حتة، وحرفياً ماتعرفوش حاجة عن بعض!..
فيه اللي ظروفهم بعدتهم.. فيه اللي دماغهم بعدتهم.. فيه اللي ظنونهم بعدتهم.. فيه اللي كإن كان دورهم إنهم يجرحوا ويمشوا، وفيه اللي أنت بعدت عنهم عشان كان إستمرارك معناه إستهلاك للي باقي منك.. الأسباب كتير بس العامل المشترك في كل اللي مشيوا إنك كنت فاكر إن عقارب الساعة هتقف بعدهم، والأيام اللي كنت متأكد إن مش هيطلع عليها وعليك نهار طلع عادي!.. الحياة اللي كنت فاكرها هتفضل محلك سر كملت عادي، وأنت كملت!..
مهما كان حجم الوجع اللحظي أو مدته بس فعلاً الحياة بتمشي وكل يوم فيها جديد ومش بتقف على حد ولا على حاجة.. زى ما صاحبت، وحبيت امبارح هتعمل المثل بكره برضه!.. أنت العنصر المشترك في كل العلاقات أو الحاجات اللي كانت بتبسطك.. الحياة عمرها ما بتقف على حد مشي بمزاجه.
5 035
غلطان اللـ يفتكر ان حياته هتبق خاليه مـ كراهيه غير مبرره من بعض الناس له ، زي ما في اللـ هيفضل يحبك مهماا كان ليك بعض الزلات او الاخطاء ، فيه كمان اللـ هيكرهك مـ الباب للطاق مهما كنت فـ نظر الاغلب انسان كويس..
السعي انك تنول رضا الكل مستحيل.. مش صعب حتي.. لء.. مستحيل ومش مطلوب اصلا.. مفيش مفتاح بيفتح كل الابواب.. مـ اول الانبياء لحد العلماء ومرورا بـ لعبيه الكوره ، وغيرهم مفيش بني ادم مهما وصلت درجه تميزه فـ الحته بتاعته او جدعنته او بساطته او حتي ضحكته الحلوه ما طلعلوش حد بيكرهه..! والسبب..؟
غيره ، نفسنه ، شايف نفسه اقل ، مستكتر عليك اللـ اللـ شايفك فيه.. مليون سبب وكلهم ميستحقوش تشغل بالك انهي فيهم اللـ ملا قلب فلان تجاهك..
ربنا هو الوحيد الاحق بـ توددك ، وثقتك ، ومحبتك ، وسؤالك ، فـ كل وقت وبدون حساب.. رضا ربناا عنك هو الطريق لرضاك عن نفسك ، ورضاك عن نفسك هو الطريق لرضا الدنياا بناسها اللـ شبهك عنك "شمس التبريزي" قال:(اذا كنت ترجو رضا الناس فلن يرضوا ، وان كنت ترجو رضا روحك سيرضي عنك الكون بأسره).
5 035
الرهان عـ مراعاة غيرك للـ انت بتمر بيه رهان خسران..
معظم الناس بتقيس ظروفك حسب وعيهم هما بدون ما تتحط أسبابك فـ الحسبان..
تعبك فـ عيونهم شئ عادي تتجاوزه ، اللـ مزعلك بـالنسبالهم هين.. الغلطه الصغيره منك تتحول لكارثه عندهم.. اللـ يتعلق بـ قشه البشر غرقاان.. مش كتير هيفهموا ان فـ القلوب حكايات تقيله لا بتبان علي وشوش ولا بيعبر عنها لسان..
فـا اللـ بيرمي حموله علي ربناا مش بيخسر ، والايد المرفوعه للسما مش بترجع فاضيه.. ﴿آلَمِ يّعَـلَمِ بّـأنِ آلَلَهِ يّريّ﴾.. ربناا عالم ومطلع.. دايما بيتدخل فـ الوقت المناسب بشكل حاسم يرجع الحق ، يبرد القلب ، يهدي البال ، ويقدم اجابات. 🖤
5 035
فـ جمله عظيمه بتقول:(لو علم العبد مقاصد الاقدار لبكي مـ سوء ظنه بـ الله)..
مهماا كنت عايز حاجه معينه فـ توقيت معين الفيصل دايماا نقطتين: الاولي انت عايز الحاجه الفلانيه بإخلاص وهتعمل عشانها مجهود ولا لأ؟.. والتانيه لأي درجه مش هتيأس مـ رحمه ربناا وبرضه لأي درجه عندك ثقه فيه انه هيستجيب؟..
دايماا اللـ بيحصل هو الافضل ، والاصح ليك حتي لو مشوفتش ده فـ لحظتها.. ربنا مش بيجيب حاجه وحشه.. لو آمنت بـ النقطه دي هتبق النتيجه ﴿ولسوف يعطيك ربك فترضي ﴾.. مش مجرد عطاء!.. لأ عطاء لحد مترضي..
مفيش عوض بيتوه ، ولا ظلم بيدوم ، ولا فرج بيتأخر ، ولا خير مش بيجي فـ ميعاده.
5 035
مفيش رفض بعده موت او نهايه او وقعه مابعدهاش قومه!.. مفيش حاجه بتحصل فـ حياتك صدفه.. الناس اللـ رفضتك هي الناس اللـ ادتك سبب عشان تبق احسن عشان تثبت لنفسك انك ماتستحقش الرفض ده او حتي عشان تثبت للـ رفضك انو خسرك..
الرفض ممكن يكون سبب عشان الناس السيئه تخرج مـ حياتك ويحل محلهم اللـ عارفين قيمتك.. الرفض مـ الشغل جايز يكون حصل عشان يوسع السكه لشغل تاني اقيم وافضل.. القسوه اللـ ممكن تكون سمعتها وانت بتترفض هتكون سبب ان يتزرع جواك رحمه هتخليك ماتتكررش ده مع ناس تانيه..
عشان فـ الاخر احناا مجرد سواعي بريد بنوصل الرسايل اللـ ربناا عايزها توصلك بس بطرق مختلفه الفاصل الوحيد بق انت هتقرأ الرسايل دي ازااي.. فـ مش كل رفض ليك بيكون لوجود عيب فيك.. ساعات بتترفض بسبب مميزاتك مش عيوبك.. 🖤🍂
