XYZ News

စစ်မှု့ထမ်းအစားထိုးဖို့ ငွေကောက်ခိုင်းတာ တရားဝင်ရဲ့လား ၁၃-၅-၂၀၂၅၊ မိတ္ထီလာမြို့။ မိတ္ထီလာမြို့နယ်ထဲက ရွာတွေမှာ ပြည်သူ့စစ်မှု့ထမ်း လူစားထိုးဖို့ ငွေတွေကောက်နေတယ်လို့ သိရတယ်။ ယောက်ျားလေးရှိတဲ့အိမ်ဆို ၅၀၀၀ဝိ (စာဖြင့် ငါးသောင်း)၊ နိုင်ငံခြားရောက်နေတဲ့အိမ်ဆို ၈၀၀၀ဝိ (စာဖြင့် ရှစ်သောင်း)၊ ယောက်ျားလေးမရှိတဲ့အိမ်ဆိုရင် ၃၀၀၀ဝိ (စာဖြင့် သုံးသောင်း)ကောက်သည်ဟုသိရတယ်။ ပိုက်ဆံပေးထားရင် ရွာထဲမှာ လွတ်လွတ်လပ်လပ်နေလို့ရမယ်၊ ရွာပြင် အခြားနေရာမှာ အဆွဲခံရရင်တော့ အာမ မခံဟုပြောကြောင်းသိရတယ်။ ရွာတွေက ပိုက်ဆံတွေကောက်ခိုင်းပြီး အဲ့ပိုက်ဆံယူပြီး အခြားနေရာကနေ လူစားထိုးထည့်ပေးတယ် ၊ တရားဝင်ရဲ့လား၊ ဘယ်သူတွေက လုပ်နေတာလဲ။ လူစားထိုးသည်ဟုဆိုရာမှာလဲ ညနေ အလုပ်သွား အလုပ်ပြန် လမ်းပေါ်မှာတွေ့တဲ့ လူငယ်တွေကို ဖမ်းပြီး ထည့်နေတော့ ပြည်သူတွေမှာ စိတ်မလုံခြုံကြတော့။ အေးချမ်းတဲ့ ထီလာမြို့မှာ ညဘက်စစ်မှု့ထမ်း အဆွဲခံရမှာစိုးရိမ်တော့ လူငယ်တွေ ညဘက်အပြင်မထွက်ရဲကြတော့လို့ မြို့က တိတ်ဆိတ်ခြောက်ကပ်လာတယ်။ တလောက ထွန်းညိုလူတိုးဂိတ်မှာ ပြည်သူ့စစ်မှု့ထမ်း အပြေးလူငယ်တစ်ယောက်ဖမ်းမိတယ် ၊ ဖမ်းမိတဲ့ လူငယ်ကို စစ်ဆေးတော့ မိတ္ထီလာ ၁၁၃ တပ်ထဲမှာ စစ်မှု့ထမ်းမပါအောင် လုပ်ပေးမယ် သိန်း(၇၀) ပေးဟုပြော၍ ပေးခဲ့ကြောင်း ၊ ၎င်းတပ်ထဲမှ ကားနှင့်ခေါ်ထုတ်ပေးခဲ့ကြောင်း စစ်ဆေးမေးမြန်းချက်အရသိရှိရတယ်။ ငွေယူပြီး တရားဝင်မလုပ်ပေးဘဲ ခိုးထုတ်တော့ အဖမ်းခံရတဲ့လူငယ်အနေနဲ့ ငွေလဲပေးရသေး အရေးယူလဲ ခံရသေးဖြစ်ပြီ၊ ပါဝင်ပတ်သက်သူများကို တာဝန်ရှိလူကြီးမင်းများမှ ဖော်ထုတ် အရေးယူဖို့ လိုနေပါပြီ။ ဘယ်သူတွေ ၊ ဘယ်အဆင့်တွေထိ ပါဝင်ပက်သက်ပြီး လုပ်စားနေကြလဲ ဖော်ထုတ်ဖို့ လိုမည်ထင်ပါတယ်။ အခု ရွာတွေမှာ ငွေကောက်တာ ခန့်မှန်းပျှမ်းမျှ ၄၀၀၀၀ ပဲထား တစ်ရွာမှာ အိမ်ခြေ ၁၀၀ အနဲဆုံးနဲ့တွက် ၊ မိတ္ထီလာမှာ တိုက်နယ် (၄)ခု ၊ ကျေးရွာအုပ်စု (၅၈) အုပ်စု ၊ ကျေးရွာပေါင်း (၃၇၉) ရွာရှိတယ်။ တစ်ရွာအတွက် အိမ်ခြေပျှမ်းမျှ ၁၀၀ ပဲ တွက်မယ်ဆိုရင် ၄၀၀၀၀×၁၀၀= ၄,၀၀၀,၀၀ဝိ သိန်းလေးဆယ်ရတယ်။ ရွာပေါင်း ဘယ်နှစ်ရွာအထိ ကောက်ခိုင်းထားသလဲ မသိရသေးဘူး။ အသက် ၁၈~၃၅ အတွင်းက မလွှဲမသွေ စစ်မှု့က ထမ်းကြရမှာပဲ ၊ အခုလိုတွေ ငွေပေးလိုက်လို့ လုံးဝ စစ်မှု့မထမ်းရပါဘူးလို့ ဘယ်သူမှ အာမ မခံပါဘူး။ အခုလို ရွာတွေကို ဘယ်သူက ပိုက်ဆံကောက်ခိုင်းတာလဲ ၊ အဲ့ငွေတွေက ဘယ်ရောက်သွားလဲ ၊ စစ်မှု့ထမ်းဥပဒေအကြောင်းပြ လုပ်စားနေကြခြင်းမှ မိတ္ထီလာသူ မိတ္ထီလာသားများ ကင်းဝေးကြပါစေ။ ဇော်ယုထွန်း