Magic ask

الحمد لله وبعد ... ملخص أحداث الأسبوع الخامس جروب B 🔴 مفيش شئ جديد اوي يعتبر 🔴محدش زار مدرجنا غير المنسق بس يوم الحد 🔴السكاشن كانت عادية نسبيا ويوم الثلاثاء والأربعاء مسجلتش للاسف 🔴ملحوظة هامة بقى 😅 الدكاترة متضايقيين جدا جدا من الحضور واحنا فعلا مش عارفين ناخد اي تسهيلات او أي اسئلة للامتحان بسبب دا صراحةً الليدرز الترم اللي فات تعبوا في حوار التقسيم ومحدش عبرهم بالمعنى الحرفي فعدم استجابة حد منهم لفكرة التقسيم تاني دا شئ مبرر جدا ولاقصى حد يعني هتقولي اي الحل ؟ هقولك التقسيم هو الحل فعلا بس لازم عدد كبير يتفق أنه هيحضر ويلتزم بالتقسيمة عشان يبقى في تحرك ناحية الحركة دي غير كده بلح وانسى التسهيلات للاسف الشديد 💔 🔵كل الريكوردات اترفعت على قناة التسجيلات بس لسه معملتهمش في الجدول وهعملهم قريبا بإذن الله 🔵الباوربوينت متجمعة في قناة الملفات لوحدها وكمان متجمعة في قناة التسجيلات وانا حاطط بجانب كل ريكورد الملف بتاعه بحيث انك لو حابب تسمع الريكورد مع الملف دعواتكم لي ولاخواننا اللي ساعدونا في الريكوردات ربنا يباركلهم لأنهم تعبوا معانا جدا 💚🤍

استعنا بالله يا شباب 🤍 إن شاء الله هنحاول نجمع اي حاجه نوصلها كده سواء عمليات فديوهات مختصرة تلملك الدنيا أو حتى فديوهات جامدة في المطلق ويا ريت لو حد وصل لفديو شايفه حلو برده يبعتهولي هنا @Mr_Dr_Ask عشان ننشره واعتبرها خير لأخيك المسلم تكسب بيه ثواب يعني 🤍

السلام عليكم شباب جروب B يا رب تكونوا بخير ... عندي اقتراح بسيط نسيت انفذه الترم دا الترم اللي فات قدرت الحمد لله اوفر فديوهات في الجراحة لجروب A ومقدرتش اعمل دا لجروب B لأسباب يطول شرحها لكن المهم يعني ... هل من رأيكم أحاول مثلا اللي اجمع في العمليات مثلا او زي فديوهات الباطنة المختصرة اللي هو مثلا يشرحلك مرض بالرسومات في وقت صغير او اللي بيجيب الحاجات الكلينيكال مع المرضى اجمع الحاجات اللي وصلتها كده ولو حد وصل لحاجه برده يبعتها وانشرها هنا ولا رايكم افكني منا دا خالص والموضوع ملهوش لازمة ؟

الحمد لله وبعد ... ملخص احداث الأسبوع الثالث والرابع جروب B 🔴الاسبوع الثالث يعتبر كان عادي إلى حد ما 🔴يوم الاحد في الاسبوع الثالث الدكتور كان متضايق جدا من عدد الحضور وتقريبا كان في حد أو منسق أو حد مهم في الكلية موجود 🔴دكاترة الجراحة محضروش كلهم في يوم السبت من الاسبوع الثالث 🔴الاسبوع الرابع كان مضحك إلى حد ما 🔴 يوم الاحد برده دكتور حضر ولقى العدد وقال هيقول للعميد عن أن العدد قليل وكان متضايق 🔴صراحة اغلب شرح الدكاترة في الاسبوع الرابع كان فوق العظيم وجميل جدا 🔴يوم الاثنين والثلاثاء مفيش دكاترة جت شرحت يعتبر ويوم الاثنين جه واحد متأخر قالنا كلمتين ومشي ونفس الكلام يعتبر يوم الثلاثاء 🔵التسجيلات أغلبها اترفع على قناة التسجيلات 🔵الباوربوينت متجمعة في قناة الملفات لوحدها وكمان متجمعة في قناة التسجيلات وانا حاطط بجانب كل ريكورد الملف بتاعه بحيث انك لو حابب تسمع الريكورد مع الملف دعواتكم لي ولاخواننا اللي ساعدونا في الريكوردات ربنا يباركلهم لأنهم تعبوا معانا جدا 💚🤍

السلام عليكم ورحمه الله وبركاته 😊 عساكم بخير إن شاء الله كل عام وأنتم بخير وتقبل الله منا ومنكم صالح الأعمال 🤍 تقرير الاسبوع السابق هيتأخر لبعد العيد وكذلك الريكوردات إن شاء الله استمتعوا بالأجازة دي بقى 😅

السلام عليكم 😊 دي قناة لأحد اصدقائنا فيها خبراته التقنية ومنوعات أخرىٰ مفيده @GenICes لمن أحب الاشتراك 🤍

الحمد لله وبعد ... ملخص أحداث الاسبوع الثاني جروب B 🔴يوم السبت الدكاترة حضروا وشرحوا وكان شرحهم جميل ما شاء الله ولكن لا شئ غريب فيه إلا أن العدد كان قليل جدا 🔴يوم الأحد كذلك 🔴يوم الإثنين دكاترة المسالك كان شرحهم جمييييل جدا جزاهم اللهم عنا خيرا وكان العدد كويس يعني 🔴يوم الثلاثاء دخلنا دكتور هيثم وصراحةً كان أحد المبدعين في الشرح هذا الأسبوع 🔴يوم الأربعاء كانوا دكتورين وكان الاتنين فوق الرائع جدا جزاهم الله خيرا اي ان ملخص الاسبوع = شرح جميل + لا شئ غريب + حضور قليل جدا في المحاضرات 🔵التسجيلات أغلبها اترفع على قناة التسجيلات والباقي هيترفع خلال اليومين الجايين بإذن الله 🔵الباوربوينت متجمعة في قناة الملفات لوحدها وكمان متجمعة في قناة التسجيلات وانا حاطط بجانب كل ريكورد الملف بتاعه بحيث انك لو حابب تسمع الريكورد مع الملف دعواتكم للمسجد الأقصى ولأهلنا في فلسطين ✨

طيب بسم الله ... ملخص أحداث الاسبوع الأول ( السابق ) من دوري الأبطال اقصد من الترم الثاني جروب B ... 🔴 يوم السبت الدكاترة حضروا وشرحهم كان جميل خاصة اول وثالث دكتور ولكن لا شئ غريب في اليوم 🔴 يوم الأحد لم يأتِ أحد من الدكاترة إلى الساعة ١٢ تقريبا 🔴 يوم الاثنين شرح سكاشن عادي 🔴 يوم الثلاثاء شرح سكاشن الصدرية في مستشفى الحسين كان فوق فوق فوق الممتاز 🔴 يوم الأربعاء أيضا شرح سكاشن وكان الشرح فوق الممتاز 🔵 التسجيلات بما فيها السكاشن هتترفع على قناة التسجيلات بإذن الله 🔵 الدكاترة أحيانا كانوا بينوهوا على حاجات مهمة للامتحان في الريكوردات 🔵 الباور بوينت اللي قدرنا نجبها هنرفعها على القناة هناك بإذن الله 🔵 القناة هناك هيبقى فيها ( لو لقينا تشجيع يعني ) تجميعة كل فترة للحاجات المهمة اللي الدكاترة كانت بتقول عليها إن شاء الله دعواتكم للمسجد الأقصى ولأهلنا في فلسطين ✨

طيب يا رجالة لله الامر 😅 الواحد كان نفسه يساعد بصراحه لكن يبدو أن مفيش حد ناوي يساعد ان شاء الله يكون ترم خفيف وجميل وسهل ونتمنى لكم جميعا التفوق فيه وفقكم الله لما يحب ويرضى .

طيب يا اخونا .... Group 🅱️ الكلام بدري سيكا بس عايز اذكره بدري حبتين عشان متسوحش زي الترم اللي فات 😅 الترم اللي فات قدر الله أني اسجل المحاضرات لوحدي خالص وللاسف دا اثر على مذاكرتي جدا للاسف الترم التاني للاسف مش هقدر اعمل كده لوحدي فلازم كذا حد معايا فعلا ... فيا ريت فعلا يبقى في كذا حد يتطوع ونتشارك في هذا الأمر وباذن الله هنخلي الحضور تقاسمي بينا وممكن ميحضرش غير مره كل اسبوعين مثلا بإذن الله ...

الجدول نزل 🥲

كلُّ عامٍ وأنتم بخير ... هلَّ رمضان شهرُ القرآن وأكرمنا الله أن أحيانا لنصومه ونتعبد فيه أُولىٰ ليالي الشهر الكريم الليلةَ ولله عُتاق من النار في كل ليلة فأروا الله من أنفسكم خيراً ...

كفارة يا شباب خلصنا بفضل الله 🤍 نتمنى لكم إجازة سعيدة وأن نكون ساعدناكم ولو بالقليل 🤍

وجهة نظر شخصية 👀 اصعب سورتين انت ممكن تتعامل معاهم في الخمس اجزاء دول هم النحل ويونس فانت ممكن بسهوله تحفظ في دول بس اوائل الارباع و اول السورتين الكهف ويوسف والاسراء اعتقد مش محتاجين مجهود 😅 والباقي متوسط المجهود ممكن ياخدوا يوم لوحدهم فانت ممكن تشتغل بالطريقة دي بحيث تضمن اكبر درجات يعني ولو في وقت أتقنهم كويس وراجع من بعد الامتحان كويس بقى عشان لا يتفلت القران منك القران دا كنز عظيم من أُنسيه بعد حفظه فقد حُرم شيئا عظيما والله وبالنسبة ل breast feeding فلنا الله

ملخص السمستر دا

ورق ال fever اللي وعدتكم بيه يا دكاترة دول خمس محاضرات في سبع ورقات بس الحمد لله وكلهم عبارة تقريبا عن أسباب فأنت بص فيهم بصة او اتنين لمجرد المعرفة وعشان تعرف تهبد كويس ودا ملف عند محمد علاء فيه كل اسئلة المحاضرات

اخوتنا الجمال كده 👈👉 حد يحلهم بليز 👀