Magic ask

دول بصمجة الكارديو والرينال يا شباب

كل عام وانتم بخير جمعنا الله على عرفات العام القادم بإذن الله لا تنسونا من دعائكم

شباب جروب A لو حد منكم احتاج اي سؤال او حاجه انا في الخدمة دائما إن شاء الله سواء سؤال في الداتا أو حتى سؤال في الشرح هو مش فاهمه وانا مش هتأخر بإذن الله طالما معايا المعلومة

السلام عليكم يا شباب يا رب تكونوا بخير الفترة اللي فاتت الواحد كان في كرب واكتئاب كده ف مكنش فيه نشر للريكوردات والشباب جزاهم الله خيرا سجلوا جزء كبير من الاسبوعين يعني فهنشرهم دلوقتي بإذن الله بقي أن أقول بس إن للاسف من بعد العيد مش هيبقى في تسجيلات تاني طالما ما زال العدد في الحضور قليل لأن كده الريكوردات بتيجي علينا احنا بالضرر اكتر ما بتنفع نسألكم الدعاء

السلام عليكم يا شباب جروبي A&B - دي رسالة الموديولات ورأيي فيها بتاعة Nephro-cardio-thoracic - بالنسبة لريكوردات nephro-cardio-thoracic هتلاقوها على القناة دي إن شاء الله https://t.me/recordsmagicask - ودا الفهرس بتاع تسجيلات المحاضرات دي والفهرس فيه كمان الباوربوينتات بتاعة كل محاضرة جنب لينك الريكورد - ريكوردات GIT & psychiatry هنرفعها على نفس القناة برده أن شاء الله تبارك - بالنسبة لفديوهات العمليات اللي وعدتكم بيها فللأسف ملحقتش أجمعها كويس يعني قبل الامتحان فإن شاء الله إن شاء الله هعملها خلال الموديولين دول بأمر الله

حطيت البتاعة بتاعة ميسي دي 🚨 عشان الناس تصدق ويسمعوا الكلام

الحمد لله الذي علم بالقلم وعلم الإنسان ما لم يعلم والصلاة والسلام على خير معلم الناس الخير وبعد ... مدخل ل Nephro-cardio-thoracic modules بص يا صديقي ببساطة شديدة 😊 🚨بالنسبة للكارديو انت عندك حاجتين مهمين الباطنة والأطفال جميع مواضيع الأطفال مشتركة مع مواضيع الباطنة ما عدا congenital heart disease واللي بالمناسبة يعتبر أهم موضوع في كارديو الاطفال فانت افضل حاجه تعملها هي انك بعد ما تخلص موضوع معين في الباطنة تروح تسمعه أو تقرأه في الأطفال وبعد أو قبل دا تذاكر cong heart D طيب بالنسبة للداتا ؟ بص بصراحة افضل اتنين في الساحة انا شايفهم هم د علام الكراش كورس و د الهواري ود علام بالمناسبة فعلا ممتاز جدا في الكارديو حتى في الكراش كورس فأنت لو بتحب د علام متغيرهوش لكن لو بتحب د الهواري فطبعا ليه رونق مختلف جدا 🤍 د الهواري شارح الكارديو ف 39 ساعة بينما د علام شارك الكارديو في 12 ساعة بينما الاطفال بقى فيعتبر اغلب الدكاترة قريبين من بعض في الشرح فأنت شوف بتفضل مين وتوكل على الله د القزاز شارح ف 8.5 ساعة د محمد إسماعيل شارح في 11 ساعة د عرفة شارح في 13.5 ساعة وبصراحة بردة دائما برجح انك تقرا تفريغات ابو الاسرار في حتة تانية حرفيا بالنسبة للكتب فكتاب علام يعتبر رقم واحد أيا كان اللي هتسمعه الا لو هتسمع الهواري فاسمعه على كتابه احسن وبالنسبة للأطفال فكتاب القاهرة أو أي كتاب انت ماشي عليه من الجينيرال وشايفه كويس كمل عليه يعتبر كده الكارديو خلص 🚨بالنسبة لل chest في حاجتين مهمين برده باطنة وأطفال تقريبا كل المواضيع اللي في الأطفال في الباطنة فأنت برده اول ما تخلص موضوع في الباطنة روح اقراه أو اسمعه بسرعه في الأطفال بالنسبة للداتا فيعتبر افضل اتنين في الساحة هم د الهواري و د الشافعي بصراحة أنا مش بفضل د علام في الشيست اوي لكنه ما زال خيار متاح برده لو حابب اكيد 😅 لكن بصراحة د الشافعي و د الهواري افضل يعني د علام شارح شيست ف 7.5 ساعة د الشافعي شارح ف 16.5 ساعة د الهواري شارح ف 23 ساعة بالنسبة للأطفال فبرده الكل يعتبر قريب من بعضه فشوف انت د القزاز شارح ف 5.5 ساعة د محمد إسماعيل شارح ف 9.5 ساعة د عرفة شارح ف 7.5 ساعة وبرده شايف أنه يفضل بشده قراءة تفريغات أبو الأسرار بالنسبة للكتب فلو هتسمع الهواري فأفضل حاجه كتابه لو هتسمع الشافعي فعلى كتابه لو هتسمع علام فعلى كتابه بصراحة يعني 😅 شايف ان كتاب د موافي ممتاز برده وتقدر تسمعه مع د الشافعي أو د علام طيب بالنسبة لجراحة cardio-thoracic دي حاجه بسيطة جدا عبارة عن ساعة ل د علي حسيب ساعة واحده بس اسمعها وفكك بقى من اي حاجه على كتاب وائل طبعا كده cardio-thoracic تمام 🚨بالنسبة لل nephrology دا بقى عندك تلت مواد المسالك ودي جراحة الكُلى الباطنة والأطفال وبرده اغلب مواضيع الأطفال جوه الباطنة فأنت اي موضوع تخلصه باطنه اقراه أو اسمعه اطفال بالنسبة للداتا فأفضل ناس في الباطنة هم د الشافعي و د أسامة محمود و د الهواري وبرده د علام خيار بس بالنسبة لي يجي بعد دول د أسامة محمود شارح ف 15 ساعة د الشافعي شارح ف 7 ساعات د الهواري شارح ف 16 ساعة د علام شارح ف 5 ساعات وبرده الاطفال نفس الفكرة كلهم قريبين د القزاز شارح ف 5.5 ساعة د محمد إسماعيل شارح في 6 ساعات د عرفة شارح في 5 ساعات وبرده تفريغات ابو الأسرار لا يُعلى عليها بالنسبة للكتب ف اللي هتسمعه اسمعه على كتابه وكتاب د علام ممتاز جدا بالمناسبة بالنسبة للمسالك فبصراحة انتم عارفين رأيي من زمان 😅 لا يُعلى على دكتور المطري بصراحه لكن برده لو عايز حاجه تنجزك ف د على حسيب موجود و كالعادة د وهدان وسط بين الاتنين في كل حاجه فانت اللي مرتاح معاه من قبل كده كمل معاه د المطري شارح ف 33 ساعة د وهدان شارح ف 14 ساعة د على حسيب شارح ف 4.5 ساعة وكله على كتاب وائل بالنسبة العملي فالعملي بنسبة كبيرة جدا هيكون سلايدات إن شاء الله فأنت متقلقش بس وذاكر كويس وقبل امتحان العملي بيومين هتلم الدنيا إن شاء الله 🤍 ملحوظة : لو في حاجه في الاكاديمي الخاص بالموديولات دي انت مذكرتهوش فيفضل تمر عليه سريعا خاصة من الهستو والفسيو والفارما والباثو دا رأيي يعني وكما تحب اكيد ملحوظة كمان : في حاجات مش علينا في الموديولات التلاتة زي مثلا HTN في الكارديو من وجهة نظري المتواضعة انك تخلصه معاهم بحيث يبقى اسمك خلصت كل الكارديو يعني 😅 حتى مش لازم تسمعهم لكن اقراهم ع السريع كده يعني ملحوظة كمان : هتحتاج كل من x ray - ECG جدا في cardio-thoracic وهتحتاجهم كمان عشان هتتسأل فيهم في العملي فأنت لو مخلصهم راجع عليهم لو مش مذاكرهم من قبل كده فاعمل حسابهم وسيب وقت ليهم عشان متتزنقش وتلاقي نفسك محتاس بالتوفيق يا أصدقاء وأتمنى أكون ساعدتكم دعواتكم بقى ولو حد عنده اي سؤال انا في الخدمة دائما 🤍

بالنسبة لجروب A الحبايب 😊 إن شاء الله على آخر الاسبوع كده هنزلكم رسالة بزتونة المواد الثلاثة 🤍 ركزوا في ما بقي لكم ووفقكم الله لما يحب ويرضى 🤍

الحمد لله حمد الشاكرين الحمد لله كما ينبغي لجلال وجهه ولعظيم سلطانه 🤍 نص الترم الأثقل خلص ولله الحمد وعدى بهمومه صراحة مينفعش في وقت زي دا مشكرش الشباب اللي تعبوا معايا طول الترم في التسجيل وتجميع الأسئلة نعيم ودياب وشاهين واحدهم ربنا يجازيهم كل خير 🤍 وليهم فضل بعد الله أنهم دفعوا الواحد للإستمرار بعد ما وصل لمرحلة الإحباط إن محدش عايز يساعد فجزاهم الله عنا كل الخير 🤍 استمتعوا بالأجازة يا شباب نرجو أن نكون أفدناكم ولو بالقليل 🤍

@جروب B

Cardio-thoracic Group B End module 2023

دعواتكم لصاحب المجهود بارك الله فيه 🤍

Nephrology 2023 Group B

السلام عليكم ورحمه الله وبركاته المواضيع دى عليها اسئله فى ال MCQs فلو تنزلها على القناة للناس لو حد حب يقرأها ويفهمها

بالتوفيق والسداد لجميع شباب جروب A غدا بإذن الله ربنا يسهلكم الصعب وييسر لكم الأمور كلها ويا رب تتجوزوا كلكم بإذن الله 🤍💚

السلام عليكم يا شباب نعتذر عن اخر اسبوعين دول الحالة كانت صعبة شوية لكن الشباب سجلوا حاجات كتير على مدار الاسبوعين جزاهم الله خيرا فلا تنسوهم من دعائكم الريكوردات المتاحة نزلت على القناة