ЧОХООН

ЧЭЭТИИН 🇷🇺 Дойдубутугар - Россияҕа араас норуот сомоҕолоһон олорор. Хас биирдии омук туспа култууралаах, тыллаах-өстөөх, үгэстээх. Бүгүн "Чээтиин" рубрикаҕа "Кэскил" уһуйаан кыргыттарын толоруутугар үс тылынан ылланар татардыы ырыа таҕыста😍 🎵 "Яз жите" (Саас) Салайааччы Сардана Черкашина. 🌿 Дойду үрдүнэн, татаардар Сабантуй диэн биир сүрүн бэлиэ күннэрэ бу күннэргэ ыытылла тураллар. Сааскы ыһыы үлэтин түмүктүүр бырааһынньыктара сайын бастакы ыйыгар бэлиэтэнэр☀️ 🟡 ЧОХООН МАХ | Rutube | ВК | VK видео суруттар

🇷🇺 РОССИЯ КҮНҮНЭН! Омукпут элбэх, дойдубут соҕотох! 🫶 Россия - бүттүүн норуот - биһиги буолабыт! ✊ Арассыыйа олохтоохторо бары биир эрэ дойдулаахпыт. Аҕа дойдубут туһугар сомоҕолоһон эйэлээхтик олоруохха, Ийэ сирбит инникитин туһугар түмсүүлээх, биир санаалаах буолуохха! 🤝 Дойдубут күнүнэн төлөннөөх эҕэрдэ! 👏 👏 👏 Тапталлаах Модун Россиябыт үйэлэргэ үүнэ-сайда, туругура тупса тур! 🙌 Бар дьоммутугар чэгиэн-чэбдик туругу, чөл өйү-санааны, үгүс үөрүүнү-көтүүнү, дьолу-соргуну, саргылаах олоҕу баҕарабыт!☀️ 🌿 Күндү доҕотторбут, Дойдуга бэриниилээх үтүө дьон буола улаатыҥ! ❤️ 🟡 ЧОХООН МАХ | Rutube | ВК | VK видео суруттар

Бүгүҥҥү оонньуу түмүгэ 🟡 ЧОХООН МАХ | Rutube | ВК | VK видео суруттар

ТУҺАЛААХ САЙЫН "ЧОХООН" айар бөлөҕө бу күннэргэ, "Саха буолан сандаар, киһи буолан килбэй" сайыҥҥы дьарык чэрчитинэн, Өрөспүүбүлүкэ лиссиэй-интэринээтигэр үлэлиир. Оҕо сайыҥҥы сынньалаҥын туһалаахтык атаарарын туһугар, төрүт тылы сайыннарыы, өбүгэ үгэһин сөргүтүү тула түмсэбит. Оҕо дьоҕурун сайыннаран, туохха ордук сыһыаннааҕын таба көрөн, медиа эйгэтин кытары дьүөрэлээн сахалыы контент оҥоруутугар үлэлэһэбит. Бэһискэ тахсыбыт саҥа кылаас оҕолоро бэрт сэргэхтик дьарыктана сылдьаллар. Бары оттомноох, сахалыы тыллаах-өстөөх, тобуллаҕас толкуйдаах оҕолор мустубуттарын көрөн киһи үөрэр, астынар. Кэнчээри ыччаппыт кэскилин туһугар бары бииргэ түмсэбит! 🟡 ЧОХООН МАХ | Rutube | ВК | VK видео суруттар

Ойууга 5 уратыны бул. 🟡 ЧОХООН МАХ | Rutube | ВК | VK видео суруттар

ОМУКТУУ КЭПСЭТ КЫТАЙ ТЫЛА 🏛 Биһиги М.К. Аммосов аатынан ХИФУ Тас дойду филологиятын уонна регионоведения институтун (ИЗФиР) уһуйааччыларын уонна устудьуоннарын кытта төрдүс сылын бииргэ үлэлиибит Улуу Кытай тылын биһиги корреспонденнарбытын кытта бииргэ үөрэт Оҕо-ыччат сөбүлээн көрөр биэриитин көтүтүмэ. Бүгүҥҥү уруогу Витя Яроев ыытар👆 ✅ Уруок дьиэтээҕи сорудаҕын оҥор, тугу өйдөөбүккүн, туохха үөрэммиккин тута чиҥэтэн ис: https://forms.yandex.ru/u/6a17f1d7d046884fc8fabeaf 🟡 ЧОХООН МАХ | Rutube | ВК | VK видео суруттар

ЧОХООН ХОҺООНО ▶️ Бүгүн "ХОҺООН" рубрикаҕа Дьокуускай куорат 51 N-дээх "Кэскил" уһуйааныттан Айыы-Куо Исакова, Артур Олесов хоһооннорун көрүҥ🤩 ✅ Хоһоон ааҕыан баҕалаах уһуйаан оҕолорун төрөппүттэрэ, иитээччилэр биһиги электроннай аадырыспытыгар суруйан билсиэххитин, хоһооннору уһулан ыытыаххытын сөп ✉️ chokhoon@mail.ru күүтэбит. 💛 Чохоон хоһоонуттан саҕалаан кырачааннар сахалыы саҥараллар, чочуллан чобуотук чоргуйаллар🥰 🟡 ЧОХООН МАХ | Rutube | ВК | VK видео суруттар

Бүгүҥҥү оонньуу тыла ЭРЭДЭҺИН 🔷Сурааһыны эрийэ тардан оҥоһуллубут киэргэл, ойуу.  Холобур: Кини эриэккэс эрэдэһин оһуордаах ойуулаах, толору арыылаах кымыстаах улахан чороону икки илиитинэн тутан Чөрөкөйгө биэрдэ. ("Чолбон") 🔹Саа уоһун иһинээҕи быһыыта. Холобур: Карабин өр туһаннахха ис эрэдэһинэ кэһиллэр, оччоҕо буулдьата көндөйдүү барар. (В.Миронов) 🔹даҕ. суолт. Эриллибит, эриллэн хаалбыт диэн өйдөбүллээх (быа). Сап эрэдэһинэ. 🔹Эриллэн аһыллар (күлүүс, күлүүс тыла). Холобур: Аан эрэдэһин күлүүстээҕин көрөн, балыыһаҕа чоочугураан тиийбиттэрэ. (П.Аввакумов) 🔹көсп. Олох ыар мускуурдара. Холобур: Эргитэ санаан кэлэбин Эрэдэһин эриэн эгэлгэтин - Сайын холоруктар сөрүүллэр, Кыһын силлиэлэр бөрүүллэр. (П.Тобуруокап) 🔹Хотуур эрэдэһинэ – хотуур тууратын укка хам тутар биһилэхтэрэ – олору түөрт муннуктуу оҥоһуулаах анал күлүүһүнэн эрийэн кытаатыннараллар. 🔹Эрэдэһин быа – тирии быаны эрийэн баран ууннары тардан хатарыллыбыта. 🔹Эрэдэһин долгун – улахана суох дьиримнэс долгун. 🟡 ЧОХООН МАХ | Rutube | ВК | VK видео суруттар

АМАН ӨС 🔸 Күннээҕи олоххор, кэпсэтэр тылгар сомоҕо домохтору, өс хоһооннорун тутта үөрэн😉 🔸 Тылгын байыт, өбүгэ мындыр өйүн үтүө сүбэһит оҥоһун. ▶️ "Аман өс" бүгүҥҥү быһаарыытын көтүтүмэ. 🎙 Айсан Гермогенов ааҕар. 🟡 ЧОХООН МАХ | Rutube | ВК | VK видео суруттар

Бүгүҥҥү ребус тыла: ТЭТИҤ Сырдык бороҥ субалаах, хатыҥҥа маарынныыр сэбирдэхтээх мас (осина) Холобур: Баараҕай тиит таһыгар кырдалга тэтиҥ илибирии турарын көрдө. (А. Софронов) Тэтиҥ тэллэйэ кэпс. – тэтиҥнээх сиргэ үүнэр араҕас эбэтэр кыһыл дьүһүннээх сиэнэр тэллэй. (подосиновик) Оҕолоор, хатыҥы уонна тэтиҥи тэҥнээн көрөөрүҥ. Туох уратылаах эбиттэрий? 🟡 ЧОХООН МАХ | Rutube | ВК | VK видео суруттар

ЧОХООҤҤО КЫТАЙ ТЫЛА | ҮӨРЭХХЭ СИТИҺИИЛЭЭХ БЫРАЙЫАК Бүгүн ХИФУ магистраннара түмүктүүр квалификационнай үлэлэрин көмүскээтилэр. Олортон биирдэстэрэ Мария Егорова буолар. Кини биһиги каналбытын кытта ыкса үлэлэһэн, “Разработка образовательного видеоконтента для якутоязычной аудитории: уроки китайского языка” диэн тиэмэҕэ суруйбут үлэтин туйгуннук көмүскээтэ🤩 Тас дойду филологиятын уонна регионоведения института (ИЗФИР) номнуо үһүс сылын биһиги каналбытыгар – “Чохоон” көрөөччүлэригэр анаан тахсар туспа бырайыактаах. Ол түмүгүнэн, “Кытай тыла” рубрика 18 биэриитэ эфиргэ таҕыста, көрөөччү биһирэбилин ылла🫶👍 Эһиилги үөрэх дьылыгар институту кытары салгыы үлэлиир торумнаахпыт. Үһүс сезоҥҥа эмиэ 10 уруогу таһаарыахпыт. Магистраннары, бииргэ үлэлээбит уһуйааччыларбытын  үлэҕитин ситиһиилээхтик көмүскээбиккитинэн истиҥник эҕэрдэлиибит!👏👏👏 “Кытай тыла” рубриканы көрүҥ, үөрэтиҥ✊ 🟡 ЧОХООН МАХ | Rutube | ВК | VK видео суруттар

⁉️ Ребуһу таай, ханнык тыл кистэммитий? Комментарийга суруй ⤵️

ТААБЫРЫНЫ ТААЙ Сайыҥҥы сынньалаҥыҥ санааҥ хоту буоллун!🙌 Таабырыны таай, таах сылдьыахтааҕар өйгүн үлэлэт😉 🟡 ЧОХООН МАХ | Rutube | ВК | VK видео суруттар

ОСТУОРУЙА ИСТИЭХХЭ Быйыл Сахабыт сиригэр Култуура сыла биллэриллэн турар. Маны тэҥэ, киин куораппытыгар үөрэхтээһин 100 сыла! Бу бэлиэ дьылга Дьокуускай куорат уһуйааннарын иитээччилэрэ, уһуйааччылара биһиги каналбыт көрөөччүлэригэр анаан остуоруйа ааҕаллар. Бүгүҥҥү остуоруйаны Дьокуускай куорат 51 N-дээх "Кэскил" оҕо уһуйаанын социальнай педагога Жанна Барашкова кэпсиир. Сайын баһаар уота тулалыыр эйгэҕэ, тыынар тыыннаахха олус кутталлаах. Кытарартан быыһаммыт куобахчаан туһунан остуоруйаны, эһиэхэ анаан, ааптар бэйэтэ ааҕар "Куобахчаан кэпсээнэ" остуоруйа "Остуоруйалар" рубрикаҕа таҕыста. 🎧 Сэргээн истиҥ, төрөөбүт тылбыт, култуурабыт үйэлээх баайын бу рубрикаҕа тиһэбит. Саха саҥатын төрүт дорҕооно сатараатын, симэлийэн сүппэтин! ✅Ол туһугар эн эмиэ сэмэй кылааккын киллэр. Остуоруйа ааҕан, куолас уһултаран үйэтитиэн баҕалаах иитээччилэри, уһуйааччылары биһиги айар бөлөхпүт кэккэтигэр ыҥырабыт. Электроннай аадырыспытыгар суруйаргытын күүтэбит chokhoon@mail.ru 🟡 ЧОХООН МАХ | Rutube | ВК | VK видео суруттар

Бүгүҥҥү оонньуу түмүгэ 💡

👀🔍Ойууга 6 уратыны бул. Тугу булбуккун комментарийга бэлиэтээн ыыт ⤵️

БКЭ | ЕГЭ Сахабыт Сиригэр быйыл, сүрүн түһүмэххэ 8538 киһи БКЭ (ЕГЭ) туттарара бэлиэтэммит. Өрөспүүбүлүкэ үрдүнэн 231 пуун үлэлии турар. ✅ Бүгүн Нуучча тылыгар Биир кэлим эксээмэни туттарар күн 🙌 БКЭ туттарар оҕо-ыччат дьоммутугар ситиһиини баҕарабыт! ✊