الجارح | 🇸🇦 .

المحبه ماعلى خطّها لوحة رجوع ‏كود لاسرائيل لوحه على خط ضرما ‏-وصل العطياني

سعت خاطري جو شماله ثلاث هضاب ‏واعدوده قرااااح وعزبة الذود شرقيّه ‏القى في نسيمه سلوة الخاطر الي طااب ‏من المدن واجراءاتها الاعتياديه )؛

ضيقةٍ مع كل غيبة شمس تكتب لي رواية ‏تعطي الرجال من تأثيرها من فوق سنّه ‏عبرة الخاطر منطّحها طريق بْلا نهاية ‏كنّها بين الضلوع اليا سبقها صوت ونّة

احب التراب الي مشو به لو انه تراب ‏وامر المكان الي لهم فيه مدهالي ‏- ابن شايق

تعالي ، والطريق اللي تجينه تزهر أوراقه ‏أجل وش ظنك بـ قلبي لو الليله تمرّينه ؟

لا انقفل باب ٍ من الرزق حرّاسه وقوف ‏فتحت بيبان الارزاق من كل اتجاه! ‏— سعد بن جدلان

بعيد عن بعض السوالف و المشاغل و الزحام ‏البال مبطي ماهدا و القلب جرحه ما رفا ‏ف ارض خلا في جوها سجه وراحه وانسجام ‏لا احد يلحقني عتب ويقول وش فيه اختفا💔

سريت ولا على صبري ملام و خاطري قد طاب ‏على الله خطوتي لو الدوافع تِرهق أقدامي "

في هواها استعذب الموت وأطا كل حار ‏ واستظل بـ شمسها و اتفرّش حيدها ‏موميٍ بـ سنين عمري لـ قصّاف العمار ‏بين دنّاقة عزاها و ضحكة عيدها .

سقاك البدر قمرا سريت و لحقت لحوق ‏ و أنا خابرك لمصافح النور ميلافي "

على الهون يا زهرة شبابي و تو الناس ‏علام العمر يمضي و الافراح منسرقة ‏تلّج الطواري كل ما ذعذع النسناس ‏على واحدٍ بين العرب واضحٍ فرقه ‏شعور المسافة بين حبل الرجا و الياس ‏شعور المسافر كل ما طالت الطرقة .

تْشعشع خلوم البدر لا فرّقه بيديه ‏يشادي الضباب اليا تعدّا القمر غطاه

اقسم مسرّاتي وضحكاتي معك نصفين ‏ تعال ومسندك قلبي وانا لا طحت تسندني"

‏طلوعه يبث ( النور ) في ..(واسع الافاق ) ‏و(نوره ) يبث (الشوق ) ويحرك الهامي.

يانجوم الليل مري علي عبر الفضا ‏واسمري فوقي مع دلتي وابهارها ‏ ساهر ماعندي الا أم سالم والغضى ‏القرى والمدن ماعاد أشوف أنوارها ‏ابن شايق

المعتبر ياخذ على الدنيا دروس من العبر ‏والناس يكسبها معاملها بقد عقولها ‏- ابن جدلان