Ethiopia Press Agency\Sidaamu Afoo

Soorrote gashshooti irkotf dira #Wollaggaho‼️ Wollaggaho soorro irkisanno dira assinanni hee'noonni‼️ Dotteessa 30/2016MD

Irkote dira #Wolleggaho‼️ Welleggaho soorro irkissanno dagitte irkote dira harinsanni afantanno!! Welleggu zoonna dagoomi techo soodihunni hanafe soorrote massagora noose irko keeru diranni xawissanni afantanno 👉 Soorro kaajjishate hiikkonne waagano baanteemmo, 👉 Qeellenke agarreemmo aantete seyoorano gutunni loonseemmo, 👉 Keerenke agaratenni qeellenke kaajjinsheemmo, 👉 Soorro kaajjishate hiikkonne kakkalooshsheno baanteemmo, 👉 Keerunninna gatona yaate doogonni baalunku qeelaanchoho 👉 Keerunnino latishshunnino lawishsha ikkine naaxxisiinseemmohe, 👉 Welleggu keerunna jireenyu baatto yitannonna wolootta sokkubbano macciishshiishshanni afantanno. Dotteessa 30/2016 M.D

Techo soodo XM Abiy Ahimed (Dr), songaafootu,layinki xaphoomu ministirichinna Oromiyu qoqqowi pirezidaante haaro loonsoonni Neqemiti Horophilu fooliishsho iilliteenna iibbadu koyishshinni haa'noonninsata xaphoomu ministirichi borro mini xawisino. Dotteessa 30 /2016 MD

Jireenyu paarte laalchonna laalchimma lossatenni qote qoteho loosu kaayyo kalaqora uyitino illachi guma afisiisanni no ***** (IPU/Bakkalcho Gaazeexxa) Jireenyu paarte laalchonna laalchimma lossatenni qote qoteho loosu kaayyo kalaqora uyitino illachi guma afisiisanni noota mereerimi Itophiyu, Sidaamunna Benishaangul Gumuzete qoqqowubba jireenyu paarte sinu borro mini sooreeyye xawissu. Itophiyu odoote owaante hasaawissinonsa mereerimi Itophiyu, Sidaamunna Benishaangul Gumuzete qoqqowubba jireenyu paarte sinu borro mini sooreeyye yitino garinni; paarte loosu kaayyo kalaqora illacha uyite loossanni... https://www.facebook.com/share/p/Q8ZtXrGZWGjjq6hi/?mibextid=oFDknk

Komaandotenna diilallote hajajo kifile olubbanna rejimeentootu sokkonsa naaxxisanno garinni gumultanni no ** (IPU/Bakkalcho Gaazeexxa) Komaandotenna diilallote hajajo kifile olubbanna rejimeentootu sokkonsa naaxxisanno garinni gumultanni afantannota Letenaal Jeneraal Shuuma Abdeta egensiisi. Komaandotenna diilallote hajajo gadachote gumulshinna afi`noonni gumi aana hajajote hajajaanchi Letenaal Jeneraal Shuuma Abdeta afaminowa hasaawa assinoonni. Hajajote kifile olubba kakkacha wolqa dunneessatenni, qafadatenninna anga uytanno gede assatenni uyinoonninsa gobboomu gadacho danchu garinni gumultinotanna jajjabba qeelle borreessiissinota hasaawu...https://www.facebook.com/share/p/unEQyzq8t7Sdr3ac/?mibextid=oFDknk

Gargarooshshu olanto fawundeeshiine olantote horaameeyyimma buuxissanno loossa loossanni no ***** (IPU/Bakkalcho Gaazeexxa) Gargarooshshu olanto fawundeeshiine olantote horaameeyyimma buuxissanno loossa loossanni afantannota gargarooshshu ministere ministir dieetichi dokiter Abrihaam Belay egensiisi. Gargarooshshu olanto fawundeeshiine gumultanni noo duuchu handaari loossa lainohunni hasaawa assinoonni. Hasaawu aana afaminohu gargarooshshu ministirchi dokiter Abrihaam Bilay gargarto sagaletenni umose dandaatenna olantote horaameeyyimma buuxisate fawundeeshiine garunni tantanne sau lame dirrara hexxo aanno looso loonsoonnitano huwachishino. Olanto horaameeyye assanno minu ijaarshinna latishshu loossa halaladunni loosantinota coyi`... https://www.facebook.com/share/p/WuoirUPrZLfii7LA/?mibextid=oFDknk

Honsu agani giddo bunu laalchinni 835 miliyoone 230 kume doolaare eo afinoonni –174 kume 596 toone ale buna gobbaydira sonkoonni **** (IPU/Bakkalcho Gaazeexa) 2016 baajeetete dirinni honsu agani giddo bunu laalchinni 835 miliyoone 230 kume doolaare eo afinoonnita Itophiyu bununna sha``ete billoonyi egensiisi. Honsu agani giddo 174 kume 596 toone ale bunu laalcho gobbayidi gobbuwara sonkoonnitano xawinsoonni. Billoonyu layinki qaru dayirekiterichi kalaa Shaafi Umer Itophiyu pireesete uurrinshara xawisino garinni; 2016 baajeetete dirinni 174 kume 596 toone ale buna gobbayidira sonke 835 miliyoone 230 kume Ameeriku doolaare eo afinoonni. Tayxe dirinni honsu agani giddo afinoonni eo konni albaanni noo dirrara afinoonnite ledo heewisantanno woyte woyyitinota ikkase layinki dayirekiterichi buuxise; bunu laalchi eo lossate babbaxxitino hajubba aana woyyeessote looso loonsoonni yee huwachishino. Loosantino rifoormete loossanni bunu laalchi eo biliyoone doolaare widoogge lophitinota coyire; sai dirinni 1.33 biliyoone doolaare ale eo afinoonniha ikkanna; tayxe dirinni 1.75 biliyoone doolaare afirate minine halaladunni loonsanni heenoonni yee xawisino. Tayxe dirinni kalqoomu deerrinni bunu waagi dirrinna furchote ledo amadame duumu baari qooxeessira kalaqamino qarri bunu dikkira aana mitiimma ikkinota kaysino. Furchote ledo amadame xaadino qarrinni bunu laalchi babbaxxitino gobbuwara kaameelunni hodhanno gede assatenni hananfe babbaxxitino wonaalshubba gumulloonnita coyirino. Bunu laalchi halaladunni afamanno woyte dikkote dirra xaaddanno; konni daafira ispeeshaaliti buna halaladunni soyaate loonsanni heenoonni yiino. Kalaa Shaafi egensiisino garinni; honsu agani giddo albi bunu laalchi iillubbanni ledote haaruudde dikkubba hasate looso gumulloonni. Itophiyu buna hidhate qeechinsa 10 geeshsha noo deerri giddo nookki gobbuwa; mittunni 10 geeshsha noo deerra karsama dandiitino yee xawisino. Halantino Arabete Emireete, Suudaanenna Chayinu konni albaanni Itophiyu buna hidhatenni mittunni 10 geeshsha noo deerri giddo nookki gobbuwa ikkitanna; honsu aganinni Chayinu lamalki, Suudaane settikkinna Arabete Emreete honsokki deerra amadatenni Itophiyu buni iillo ikkitino yee huwachishino. Layinki qaru dyirekiterichi coyirino garinni; konni albaanni dikkote xaadooshshe seedira; bunu angatenni amammadamannohura dikkiraano hasidhanno deerrinni islanchimmasi agarantino laalcho afira qarrissannote. Qarra tirate mereeroho noo xaadooshshu seendille haransatenni buni shiqishaanonna hiraano suwashshu garinni xaaddanno gede assinoonni yiino. Ledotennino baatto loosidhe galtinori maamarunni tantanante suwashshu garinni buna gobbayidi dikkora shiqishshanno gede rifoormete looso gumullanni heenoonni yee coyi`rino. Dotteessa 28/2016MD

"Keere booreessannori leellanno woyte tirate sharrama hasiissanno" -Pirezidant Sahileworq Zewude **** (I.P.U/Bakkalcho Gaazeexa) Baalunkuri safn ikkino keere agaranna awuuta Keere booreessannori leellanno woyte tirate sharrama hasiissannota Pirezidant Sahileworq Zewude xawissu. Pirezidant Sahileworq Zewude 83ki bareeddate qeelle qaaggo aana leelte assitino hasaawinni, annuwinkenna amuwinke mundeensa dunte, miqqansa cancante abbitino qeelle ikkasenni dagganno ilama dhagge affanno gede assa hasiissanno yitino.

83ki Bareeddate qeelle qaaggote ayyaana ayirrinsanni hee'noonni *** (I.P.U/Bakkalcho Gaazeexa) 83ki Bareeddate qeelle qaaggote ayyaana Addis Ababaho ayirrinsanni hee'noonni. IFDR Pirezidaante Sahileworqi Zewude 4 kiilora afamanno bareeddate qeekle qaaggo sumudi hunda daraaro wortino. Tayixeha 83ki qeellete qaaggo ayyaana "Gobbate baxilli bareendenni afi'noonni qeelle" yaanno adawarshinni ayirrinsanni hee'noonni. Amaan Reshiid Dotteessa 27/ 2016 MD

"ilama Kiristoosi kaote ayyaaninni baxille, halammenna hajajama rosa noonsa hasiissanno" . -Paster Yooseef Yotona ** (I.P.U/Bakkalcho Gaazeexa) Amma’note harunsaano Kaote ayyaana ayirrinsanni woyte Mootichu Kiristoosi lawishsha harunsatenni ikka hasiissannota Itophiyu Wongeeli Roobooti amma’note mini loosu massago boorde gambisaancho ikkinohu Paaster Yooseef Yotona saysino sokkanni xawisino. kaote ayyaana lainohunni Itophiyu pireesete uurrinshanni ledo assino keeshshonni; ilama kiristoosi kaote ayyaaninni baxille,halammenna hajajama rosa hasiissannonsata qummeessitino. Kiristinnu amma’no baalunku Mootichinke Kiristoosi kaote ayyaanira hawalle iillishi’ne yiinohu paster Yooseefi; Kiristoosi manchi beeettira leellishinohu baxillenna gatona yaa ikkinota ...https://www.facebook.com/share/p/CDiF4mxCjShL4Rq3/?mibextid=oFDknk

“Kaote ayyaana ayirrinseemmo woyte manchi beetti baalaho keerenna hobbaateho huuccatenninna qarrantinore kaa’latenni ikkara hasiisanno” -Amma’note massagaano *** (I.P.U/Bakkalcho Gaazeexa) Yesuusi biilinke kaote ayyaana ayirrinseemmo woyte keerenna hobbaateho huuccatenninna qarrantinore kaa’alatenni ikka hasiissannota amma’note annuwi xawissu. Itophiyu Ortodokisete tewaahido amma’no Paatiriyaarike bitsu wo qiddus Abune maatiyaas,Itophiyu kaatplikete amma’no roorrichu Phaaphaasichi Bitsu kaardinaal Birihaane iyesuus Suraafeelinna Itophiyu wongeellu amma’no Abiyaate kiristinni amaale qaru borreessaanchi qees derejje Jemberu kaote ayyaana lainohunni hawalle iillishi’ne sokka ...https://www.facebook.com/share/p/srBC7umd5cMo4pZU/?mibextid=oFDknk

Hawaasi quchumi gashshooti Kntiiwi kalaa mekuriya Mershaye Yesuusi kaoteayyaana laise hawalle iillishi’ne sokka sayisi ** (I.P.U/Bakkalcho Gaazeexa) Hawaasi quchumi gashshooti Kntiiwi kalaa mekuriya Mershaye Yesuusi kaoteayyaana laise hawalle iillishi’ne sokka sayisi. Kantiiwu sokkasinni,duuchunku kiristinnu amma’no harunsaanoranna Itophiyu dagara ayyaanu keerunniha,hagiirrunniha,atootunna jireenyunniha ikkanno gede halchino;ayyaanu mimmitoho kaa’lammeemmohanna mittimmanniha ikkonke yiino. “Yesuusi biilinke Manchu beettira yee iiminni dirre umosi kakkalamooshsheho shiqishe baxillesi leellishinonke” yiinohu kantiiwu; manchi beetti mimmitinkera irkisama hasiissannota qummeessino. ...https://www.facebook.com/share/p/KQzkuHgnaCXXPRMC/?mibextid=oFDknk

Wodiidi Sidaami Zoone gashshaanchi Kalaa Mangashi Fiitamohu, kaote ayyaana laise hawalle iillishi'ne sokka sayisino ** (I.P.U/Bakkalcho Gaazeexa) Wodiidi Sidaami Zoone gashshaanchi Kalaa Mangashi Fiitamohu, kaote ayyaana laise hawalle iillishi'ne sokka sayisi. Yesuusi Caabbichu sutamasinna ka"asinni baxillenna gatona yaa,kaajjillenna qeelle,jifonna jifamme sa'nanni gara rosiisinonke yiino gashshaanchu xawishshisinni. Sutamasinna kaosinni leellishinonke danchumma, meessaneeto sayinse aanna co'itte shooshanqe, dhaggeeffachishshannote" yiinohu kalaa Mangashi; konne lawishsha manchi beetti gumulsara Mootichu loosunni leelleshe sainota kulino. Gobbanke Itophiyu dirrate mittimmatenni kaajjite baca amma'nonna afoo,budenna dhagge amadde ta'annokki siiwonni siiwamatenni,kaajjado dhaggenni hoshooshantannokki mittimma uddidhino... https://www.facebook.com/share/p/9pboNY9V33zVSY6q/?mibextid=oFDknk

"Noonkeha noosikkihura beehanna kaa'lama ilamatenni ilama reekkantanni daggino; Itophiyimmanke balchoomaati" -Pirezidaant Desta Ledamo ** Sidaamu qoqqowi pirezidaantichu Desta Ledamo Yesuusi kaote ayyaana harunse buxanete hurbaate beehino. Tenne yannara "Noonkeha noosikkihura beehanna kaa'lama ilamatenni ilama reekkantanni daggino Itophiyimmanke balchoomaati" yiino.

Pirezidant Sahileworq Zewudeti albankeenni ayirrinsanniha ka"ote ayyaana korkaata assatenni hurbaate beekkino **** I.P.U IFDR Pirezidaantitte Sahileworq Zewudeti 2016 M.D ka"ote ayyaana korkaata assatenni dhukiweelootahonna hooffayidi heeshshote deerrira afantanno maatera hurbaate beekkino. Pirezidant Sahileworq Zewudeti tenne yannara sayissino sokkanni, irko aanteteno kaajjite suffannota xawisse, mimmito irkisama barru barrunku looso ikka hasiissannota huwachishshino. Albiidinkeha ka"ote ayyaana dhukiweelo maate ledo sayisa hasiissannota coyidhino. Irko assinoonninsa maateno ka"ote ayyaana hagiirrunni sayissanno gede Pirezidaantitte assitinonsa kaa'lora galattino.

Kaote ayyaana korkaata assatenni laalchu anjenna saibbo waagu lexxo heedhannokki gede kaajjinshe loonsanni hee'noonni ** (I.P.U/Bakkalcho Gaazeexa) Addis Ababa:- Kaote ayyaana korkaata assatenni laalchu anjenna saibbo waagu lexxo heedhannokki gede kaajjinshe loonsanni keeshshinoonnita Sidaamu Qoqqowi Daddalunna Dikkote Latishshi Biiro egensiissu. Biirote Layinki Sooreessi kalaa Burqa Buxxuula Itophiyu pireesete uurrinshara xawisanni; ayyaanaho shiqanno laalcho batinyunninna isilanchimmatenni dikkote shiqanno gede assate loonsanni keeshshinoonnita coyi’rino. Laalcho batinyunninna isilanchimmatenni shiqanno gede, saibbo waagu lexxo heedhannokki gedenna allaggichore karsiisse hirtanno daddalaano seerunni xa’mamaano assateno hajo la’annonsa bissa ledo qinaambe loonsanni hee’noonnita kaysino. Konninni, geexaanote maamarranna mittimmate loosi ejense ledo sumuu yinoonni garinni lamalate dikko... Guuta odoo eeliidi linkenni afidhe https://press.et/bakalcho/?p=9088