خِوٌآطِر

D/ Mohamed Abdalfatah ا/الطيب النفسي / ت/ 01140643366 ت/‏ 01009723735 ‏ /تواصل

انا يمكن اتغيرت الفتره دي مع ناس كتيره وكلامي بقا قليل بس محدش عارف انا بمر ب اي محدش عارف انا جوايا اي او حاسس بي اي حاسس اني مش عايز اتكلم و عايز ابقا لوحدي و في نفس الوقت مش عايز كده انا عارف ان ده مش انا و دي مش شخصيتي القديمة بس بتمناه ارجع للشخص بتاع زمان .

‏أسوأ حاجه حصلتلي الفترة دي إني خسرت شغفي ناحية كل حاجه في حياتي ، مبقاش عندي طاقه إني أتكلم مع أقرب الناس ليا ، مفيش طاقة إني اتناقش مع أي حد ، مفيش طاقه إني اعاتب حد على حاجه عملها وزعلتني ، مفيش حتى طاقة إني اعبر عن اللي جوايا ، وأي حد بيسألني مالك ؟ بقوله أنا كويس وخلاص

‏الدنيا بتمشي ومبتقفش علي حد ، وهتتفاجئ ان اللي كنت فاكر انك متعرفش تعيش من غيره هتعيش أحسن من بعده، وهتعرف ان في ناس لا غاليه ولا حاجه، انت بس اللي بتبالغ في تقديرك ليهم ، وهتعرف ان في ناس خسارتهم مكسب ليك مش خساره ، اعرف قيمة نفسك وحب نفسك أولا ، متجيش علي نفسك ومتستناش حد يتغير.

.مش كل الناس بتفهم إن العتاب محبه ‏، عمرنا ما بنعاتب حد مايشغلناش على فكرة ، إنك تفتح قلبك وتقول إللي مخليك واخد على خاطرك ، إنك تدي إللي قدامك فرصه إنه يبرر تصرفاته أو يعتذرلك عشان تصفاله ويفضل مقامه عالي عندك ، فكرة إنك تتنازل للي قدامك عن بعض كبريائك ده في حد ذاته يعتبر إعتراف صريح منك بغلاوته ، طول ما احنا بنتعاتب اعرفوا أن انتوا فارقين معانا .

انضم إلي في غرفة الدردشة الآن! أنا منتظر! https://www.toptop.net/shares/chat/2c549ca8324bae7278e8b478a360e32f#/