🇸🇦ۛ ּمۘــڜــٰٱ̍؏ــڕ شاعر🇸🇦
Closed channel
النور ، ضحكة ثغرك الوضّاح ملامحك . . مدعاة للتسبيح ٰ مالك شبيه إلّا المطر لا طاح ولا نديد . . إلاّ بنـات الريح !
Show more628
Subscribers
No data24 hours
No data7 days
No data30 days
Posts Archive
أحبّك وتدري إن قلبي رضاه رضاك
وأقلل علاقاتي لأجل ساعة وصالك
هذا قدرك بقلبي وذا بيتك ومركاك
ومعك بقضي أيامي أراعيك وأجلك..!‼️
يا قوّ قلبي .. قبل أحب قوّاه
مير المحبه ليّنت قلبي الصلب
لا جيت بنسى اللي مضى وأتناساه
يطري علي اللي سلب خافقي سلب
أحاول أكابر .. وأسوي سواياه
مير الهوى غلّاب وأهل الهوى غلب
أعاند الفرقى .. وأنا بيوم فرقاه
والله يا جاني شيٍ يروّع القلب :)‼️
ياشين طبعٍ عند بعض المخاليق
يظن فيك السوء قبل الحقيقة
على كلام الناس سريع تصديق
وينسى العلوم الطيّبة في دقيقة ")‼️
ماعاد به مجامل وأستلم والعلوم عفاك
أنا كان أجامل والمجامل موهقني
ضهدني زماني وأنت معطيني ، مقفاك
تسولف لي من الظل والشمس تحرقني
تغير علي طبعك ولا أدري وش اللي جاك
تعامل معي بكذب وتقول صدقني !
لا شفت المعاتب قل حاول تروح هناك
(أنا لا وصلت لمرحلة صمت / فارقني)‼️
لي ايام وانا كل ماكتب ثلاث ابيات
يجيني بلا وارجع عليها واكنسلها
واعود على قديمي اللي فالاعجابات
وانسخ كم تغريده قديمه ولا ارسلها
اعاني من التفكير واشعر بـجلد الذات
وحاجات واجد بس ماني بـ قايلها
لا مات الشغف فالادمي كل شي ٍ مات
حتى اغلا طموحاته مع الوقت يهملها🤦🏻♂️..!‼️
أخاف أصارحك عن رغبتي وأندم على التصريح
معي موضوع لكن ما معي للحين مفتاحه
أدوّر في اللغة عن كلمة ٍ تعفيني التوضيح
أنا ويّاك ! عالق بين حد الياس والراحة
عذابي معك في حبس الشعور وكثرة التلميح
تعبت أكتم شعور أصعب علي من كتمه إفصاحه‼️
راسي اللي جرب الدنيا وصل ومفارق
ماخذٍ من ( دورة الأيام ) درسٍ قاسي
لين صار الوضع مع سود الليال مزارق
كان ما جتني بضيقة جبتها من راسي
مختلف ما عاد يشعاني وميض البارق
وصايرٍ ما عاد أحس الناس هذي ناسي
أدري أن عزمي قوي بس أشعر إني غارق
واثقٍ من كل شي وخايف من إحساسي🚶🏻♀️:)‼️
خلاص بصوم حاول ماتكلمني
حتى الرسايل على سنابي جنبها
في ذا الشهر حاول انك ماتعلمني
لاتجرح صيامي ونفسي تعذبها
وان الله أحياني وجاء العيد
سلم علي في ليله العييد وخربها :)‼️
