နိုင်စိုးနှင့် အမျိုးများ

"ဗုဒ္ဓဆိုတာ 'Religion' မဟုတ်" ------------------------------------ 🔴 'ဘာသာတရား (Religion)' ဆိုတဲ့ စကားလုံးကို လူတိုင်း ပြောဆို သုံးစွဲကြတယ်။ 🟡 အဓိပ္ပာယ်က လူသားတွေ ကိုးကွယ်တဲ့ ဘာသာတရား မှန်သမျှ အားလုံးကို 'Religion' လို့ ဆိုလိုနေ ကြတာပဲ။ ဗုဒ္ဓက 'Religion' မဟုတ် ပါ။ 🔴 'ဗုဒ္ဓဝါဒ (Buddhism)' လို့ကို ဆိုထားသည့်အတွက် 'Religion' ကို မဟုတ်တော့ပါ။ 🟡 'အစ်ဇင် (Ism)' ဆိုတာ 'ဝါဒ၊ ဝါဒီ' ဖြစ်တယ်။ 🔴 'ဗုဒ္ဓဝါဒ' တွင် ယုံကြည်မှု၊ မျှော် လင့် တောင့်တမှုတွေထားပြီး ကိုးကွယ် ရတဲ့ စနစ်မျိုး မရှိသလို တစုံတယောက် သော တန်ခိုးရှင်ကို မျက်စိမှိတ် ယုံကြည် မှီခိုနေရတာမျိုးလည်း မဟုတ်ပါ။ 🟡 အသိဉာဏ်နှင့် အကျင့်မပါတဲ့ ယုံကြည်မှု (သဒ္ဒါ) မျိုးကို 'ဗုဒ္ဓဝါဒ' က လက်မခံပါ။ ယုံကြည်မှု (သဒ္ဒါ) ဆိုတာ က အသိဉာဏ်ပေါ်မှာ အခြေခံပါတယ်။ အသိအသိဉာဏ်ပေါ်မှာ အခြေခံပြီး ယုံကြည်မှု (သဒ္ဒါ) နောက်မှာ လက်တွေ့ အကျင့်တရား ပါရပါမယ်။ အကျင့်တရား ပါမှ ချမ်းသာစစ် ချမ်းသာမှန်ကို ရရှိနိုင်ပါ တယ်။ 🔴 ဗုဒ္ဓကို အလွန်အမင်း ကြည်ညိုပြီး အနားက မခွာနိုင်အောင် ဖြစ်နေတဲ့ ဝတ္တလီ ရဟန်းကို ဗုဒ္ဓက - 🟡 "အို - ဝတ္တလီ၊ ငါ၏ ပုတိကာယ (အပုပ်ရည်ပြည့်နေတဲ့ ကိုယ်ကြီး) ကို ကြည်ညို၍နေခြင်းဟာ ဘာအကျိုး ရှိမည်နည်း။ သွားလော့၊ ကျင့်လော့" ဟု နှင်ထုတ်ခဲ့ဖူးပါတယ်။ 🔴 ကိုးကွယ်ရာ အမှန်ကား 'အကျင့် တရား '(စရဏ)' ပင် ဖြစ်၏။ 🟡 ဒုက္ခဆင်းရဲမှ လွတ်လိုလျှင် မကောင်းကျင့်ကို ရှောင်ကြရမည်။ ချမ်းသာရလိုလျှင် အကောင်းကျင့်ကို ကျင့်ရမည် ဖြစ်၏။ ဒုစရိုက်ဟူသည် အပြစ်လည်း သင့်၏။ ဒုက္ခလည်း ပေး၏။ သုစရိုက်ဟူသည် အပြစ် ကင်း၏။ သုခကိုလည်း ပေး၏။ သို့ဖြစ်၍ချမ်းသာရလိုလျှင် သုစ ရိုက်ကို ကျင့်သုံးရုံသာ ဖြစ်သလို ဆင်းရဲ ကင်းလိုလျှင် ဒုစရိုက်ကို ရှောင်ရှားရုံသာဖြစ်၏။ 🔴 စရဏခေါ် ကိုယ်တိုင် ကျင့်ရ သည့် အကျင့်တရားက 'Religion' နှင့် 'Philosophy (ဒဿန)' နှစ်မျိုး စလုံးမှာ မရှိပါ။ 🟡 လူဖြစ်ဖို့ ခက်၏။ သဒ္ဒါနှင့် ပညာ ပြည့်စုံသော လူဖြစ်ဖို့ ပို၍ ခက်၏။ ထို့ထက် ပို၍ ခက်သည်ကား 'စရဏ (အကျင့်)' ဖြစ်၏။ သစ္စာ မသိသော ကြောင့် ချမ်းသာ မရ၊ ဆင်းရဲကြရ၏။ စရဏကို ကျင့်ဖို့၊ သစ္စာကို သိဖို့ရန် သဒ္ဒါပညာပြည့်စုံသောလူတို့ တရား မှန်ကို နာကြားရဖို့ကလည်း အခက်ကြီး တစ်ပါးပင် ဖြစ်ပါလေတော့သတည်း။ (Andrew Soe) 17th June 2026