Shme Geniouse Hair Stylist

በአፍሪካ ሀሩራማ ክልል ተስፋፍቶ የሚበቅለው ቁጥቋጦ መሰል ግራዋ ቁመቱ እስከ 5 ሜትር ያድጋል፡፡ በብዙ የአፍሪካ አገራት በተለያየ መጠሪያ ይታወቃል፡፡ግራዋ ሳይንሳዊ ስሙ ቨርኖኒያ አሚግዳኒና (Vernonia amygdalina) ይባላል፡፡ ለጽዳት፣ ለምግብነት፣ ለአጥር፣ ለእንስሳት መኖ፣ ለሰው እና ለእንስሳት መድኃኒት እና ለሌሎችም ብዙ ነገሮች ይጠቅማል፡፡ አገራችንን ጨምሮ በብዙ የአፍሪካ አገራት በተለያየ መጠሪያ ይታወቃል፡፡ የግራዋ ጥቅሞች - ግራዋ በኢትዮጵያ ውስጥ ባህላዊ መጠጦችን ከማዘጋጀታቸው በፊት ለዕቃ ማጠቢያነት ያገለግላል። ለምሳሌ ጠላ፣ጠጅ ከማዘጋጀታቸው በፊት እቃወቹ በግራዋ ቅጠል ይታጠባሉ። - በእንስሳት አካል ላይ ለሚራቡ ጥገኞች በእንስሳት አካል ላይ መዥገር፣ ቅማንዥር እና ቅጫም የተራባ እንደሆን፣ የግራዋን ቅጠል ጨፍጭፎ፣ በጨው ዘፍዝፎ የእንስሳን አካል በደንብ ማጠብ ነው፡፡ - የዚህ ተክል ቅጠል ግርዛት በሚፈፀምበት ጊዜ ጥቅም ላይ ይውላል። የደም መፍሰስን ለማቆምና ደም እንዲረጋ ለማድረግ ገራዦች ይጠቀሙበታል። ጥቂት ቅጠሎችን በመዳፎች በማሻሸት ፈሳሽ መውጣት ሲጀምር ቁስሉ ላይ እንዲንጠባጠብ ይደረጋል። ከዚያም ሌላ ቅጠል ደግሞ ቁስሉ ላይ ይደረጋል። - በምዕራቡ የምድር ወገብ አካባቢ ያሉ የአፍሪካ አገራት ቀንበጡን ግራዋ ለሾርባ ወይም ለወጥ ይጠቀሙታል፡፡በአገራችን በጣም ውስን በሆነ ደረጃ የሳማ ቅጠል እና ግራዋ በአንድነት አረንጓዴ ወጥ ይሰራል፡፡ ምንም እንኳን ግራዋ መራር ቢሆን፣ የሳማ ጣዕም ጥሩ ወጥ እንዲሆን ይረዳዋል፡፡ ግራዋ ፀረ ፈንገስ፣ ፀረ ተውሳክ የሆነ፣ ሲጠጣ ለሰው ጤና በብዙ ፍቱን የሆነ ተክል ነው፡፡ በቀላሉ ከቆላ እስከ ደጋ ቢተክሉት ይበቅላል፡፡ ለምግብም፣ ለመድኃኒትም ይሆናል፡፡ ግራዋን አልሙ፣ ጤናችሁን ተንከባከቡ፡፡ አፍሪ ኸርባል ወደ ተፈጥሮ እንመለስ