اتحاد طلاب معادلة كلية الهندسة 2024
Open in Telegram
قناة للمذاكرة اون لاين رابط جروب الشات العام https://t.me/athadmoadlahg
Show more1 346
Subscribers
No data24 hours
No data7 days
-2030 days
Posts Archive
ظهور نتيجة معادله هندسه 2024 علي الرابط 👇
https://engineering.scu.eg/student/StudentHome.php
بالتوفيق لكل الطلاب
هيتم فتح الجروب لما النتيجة تظهر مش عاوين اي هبد بالله عليكم
السلام عليكم انا معرفش النتيجة امتى بس اقدر اقولكم ان اخر 3 سنين كانت بتظهر خلال 10 ايام بعد اخر امتحان فخير انتم مخلصين ليكم يومين تلاته اللي يقدر يروح يحضر في كلية الهندسة القريبة ليه برقم الجلوس يروح علشان لو نجح ميكونش فاته كتير
الف مبروك ياشباب بمناسبة اخر يوم امتحانات
ان شاء الله ربنا يكرمكم في النتيجة وكل اللي ذاكر وتعب ينجح بأذن الله
اخيرا قيم امتحان الكيمياء
السلام عليكم و رحمة الله و بركاته ..
هنتكلم إن شاء الله ف البوست عن أهم الاسئلة اللي جاتلي ف الخاص 😀👇🏼
* هو المعادلة صعبة ؟
اه صعبة و لكن مش مستحيلة ذاكر و اجتهد و افهم محتوى المواد كويس و ربنا هيكرمك إن شاء الله و لما تذاكر المواد و تحل هتلاقي إن المعادلة دي سهلة و بسيطة .
* اي مصادر المذاكرة اللي كنت بتذاكر منها ؟
و الله منهج المعادلة هو نفس منهج ٣ ثانوي عام بالظبط ف حضرتك هتجيب كتب ٣ ثانوي و تذاكر منها .
* كنت بتذاكر من كتب اي ؟
كنت بذاكر من كتاب المعاصر لمواد الرياضة و الميكانيكا و الانجليزي و للفيزيا شرح الوافي و حل الوسام و للكيميا الامتحان .
* هو انا ممكن اعمل المعادلة و انا مقدم ف كلية ؟
اه عادي جدا و الله .
* هو انا ممكن اعمل معادلة و انا طالب ف معهد عالي هندسة ؟
ايوه عادي برضو ما دام مدخلتش هندسة جامعة حكومية تقدر تعمل عادي و ليا واحد صاحبي عملها و هو ف معهد العاشر و نجح و حول ع الزقازيق معايا 😀
* حضرتك كنت اون لاين ولا بتروح سنتر ؟
كنت اون لاين على اليوتيوب و مكنتش بروح سنتر خالص خالص الحمدلله و لازم تكون ملتزم مع نفسك و متضيعش وقت و تعرف مصلحتك و الا لو العكس انزل سنتر
* طيب الافضل مدرسين معادلة ولا مدرسين ثانوي ؟
مدرسين ثانوي افضل من ناحية انك تفهم كل كلمة تفهم المادة العلمية كويس جدا * و بالمناسبة ده هيريحك جدا ف الكلية بعد كده *
انما معظم بتوع المعادلة بتوع لم درجات للأسف محدش بيفهمك المحتوى بشكل محترم فأنا مرشحهمش غير ف المراجعات عشان تحل معاهم بس
* طيب اي افضل المدرسين على اليوتيوب ؟
الرياضيات و الميكانيكا
و الله الموضوع مالوش إجابة محددة انت اسمع اول درس من كل فرع من فروع الرياضيات لمدرس مختلف و اللي تفهم منه و ترتاح معاه كمل معاه ... بالنسبة ليا كنت متابع احمد عصام ف الرياضيات و الميكانيكا " حاليا مالوش فيديوهات شرح ع اليوتيوب الا قليل " كان فيه قناة مو اكادمي فانا مقدرش ارشحلك حد فجرب و شوف الكويس و كمل معاه
الفيزياء
كنت متابع مع محمود مجدي
الكيمياء
عبد الله حبشي
الانجليزي
مكنتش متابع حد معين كنت بسمع شرح القاعدة من اي حد بس اغلب الفيديوهات كانت مع انجلشاوي
* كان اي نظام مذاكرتي ؟؟
و الله يا جماعة كل واحد و له طريقة فمش شرط نظامي يناسبك أو يمشي معاك ..
أنا كنت كائن ع الله اوي كنت بشوف جايه معايا اذاكر مادة اي انهارده و اذاكرها ... اي ده يعني مكنتش عامل جدول و تصحى ٥ الصبح و تلعب جيم و الكلام ده 😀 ، لا و الله كنت بصحى اقول أنا هعمل كذا و كذا و خلاص الدنيا بتمشي
بس خد بالك ⚠️
اوعى تيجي ع حساب مادة لمجرد انك مش بتحبها و كارفلها ، لا هو دواء و لازم تاخده عشان تعدي لاني وقعت ف المشكلة دي و ربك كرم و لحقت نفسي ف اخر شهر الحمدلله
بص يا سيدي كنت افتح الدرس اللي بذاكره و اسمع الشرح و أفهمه كويس جدا جدا و كنت بحاول احل الأمثلة اللي بتتشرح قبل ما يحلها عشان اختبر فهمي الاول و اشوف حله و كنت بحاول احل المسألة بكذا طريقة ، مش طريقة واحدة عشان اعود نفسي على التفكير و الابداع ف المسائل 😃
و بعد الشرح كنت بحل مسائل الكتاب مع نفسي و لو وقف قدامي سؤال أجيب حله من ع النت عادي جدا و افهمه و اعرف أنا عطلت ف أي و احاول اظبطه
و كفاية عليك كده دلوقتي و إن شاء الله هكون معاك هنا اول بأول و هنشوف بوستات من دي كتير للمشاكل اللي هتقابلك و اسألتك 😘
معليش انا على سفر لو حد معاه امتحانات الكيمياء يبعتها عالجروب كدا كدا مش مستاهله
