اتحاد طلاب معادلة كلية الهندسة 2024
Open in Telegram
قناة للمذاكرة اون لاين رابط جروب الشات العام https://t.me/athadmoadlahg
Show more1 346
Subscribers
No data24 hours
No data7 days
-2030 days
Posts Archive
اللي يعرف حد داخل 3 فني او تانيه معهد او خامسه فني يقوله ان المعادلة بقت محاولة واحده وهي السنة الجاية
انا بكرا موجود في الكلية عليا سيكشن الساعه 4 ونص ل 6 ونص ممكن اكون متواجد عالساعه 3 ونص كدا
📌طب الامتحان دا أمتي هو ملهوش معاد ثابت بس في الأغلب بيكون اول او تاني اسبوع من الدراسه.
دلوقتي انت عندك حلين علشان تنجح في الامتحان دا، اول حاجه انا هبعتلك امتحان سابق الانجليزي والماث ودا الوحيد اللي معانا والامتحانات بتكون شبها باذن الله بنسبه 90% أو اكتر كمان فوالله لو عرفت تذاكره و تحله لوحدك فأنت باذن الله كدا هتنجح في الامتحان.
طب تاني اختيار انك مش هتعرف تحله لوحدك للاسف لانه حرفيا منهج ثانوي عام وانا كنت ثانوي عام وبقولك الامتحان دا صعب حتي عليا لاني الكليه مش عاوزك تنجح في الامتحان فأنت هتواجه صعوبه في حله وحتي لو حليت جز منه مش هتعرف تحله كله طب الحل ايه انا باذن الله حاليا بصورلكوا مراجعه اونلاين شارح فيها الحاجات المهمه وازاي نحل الامتحان كله ولو جالك اسئله شبه تعرف تحله لوحدك باذن الله.
طب سعر المراجعه عامل كام وهتنزل أمتي والماتريال فين هبعتلك كمان شويه باذن الله.
طبعا انا عامل مراجعه للماث بس اما الانجليزي فأنت هتذاكره لوحدك وهو عباره عن قواعد الانجليزي فهو سهل باذن الله بس لازم تحل الامتحان كله وتحل اسئله شبه والاحسن تحل من اسئله الثانوي العام لانه نفس المنهج ونفس الاسئله.
📌السلام عليكم يابشمهندسين
اهلا بحضراتكم معانا في عين شمس انا عارف اني لسه نتيجه التنسيق بتاعه معظمكوا مظهرتش بس باذن الله تكونوا معانا في عين شمس.
معاكوا زميلكوا يوسف يحيى سينيور 2 كهربا باور يعني السنه دي باذن الله اخر سنه ليا في الكليه ، انا باذن الله بشرح الاستاتيكا ومواد الماث الخاصه باعدادي.
دلوقتي اي طالب مكنش ثانوي عام مصري يعني لو انت طالب صنايع أو معادله أو معهد أو حتي جاي وافد من خارج مصر وايا كان تعليمك فالكليه بتعملك امتحان قدرات في الانجليزي والماث في بدايه الدراسه اما الناس اللي جايه من ig معنديش خلفيه ليهم امتحان ولا لا فيسالوا شئون الطلاب.
الامتحان دا بيتوقف عليه كذا حاجه دلوقتي المفروض في اعدادي الترم الاول بتاخدوا مواد
Math 1
Statics
Vibration and waves
Chemistry or production
Drawing or projection
و مادتين من المواد النظريه
حلو فأنت لو نجحت في امتحان الانجليزي هتسجل المواد عادي جدا ذيك ذي باقي الدفعه اما بقا لو منجحتيش في امتحان الانجليزي فكل المواد دي هتكون مقفوله ليك ومش هتعرف تاخدها في الترم الاول هيكون بس مفتوح ليك تاخده مواد النظري ومواد الرسم الهندسي والاسقاط اما الماث والاستاتيكا والفيبراشن والكيمياء والإنتاج كل دا مقفول ليك للاسف.
طب لو منجحتيش في امتحان الماث نفس الحكايه هتلاقي مواد ماث 1 والاستاتيكا والفيبراشن مقفول ليك والباقي هيكون مفتوح عادي ولكن بردوا علشان تاخده فأنت محتاج تنجح الانجليزي بردوا.
ملخص الكلام لازم تنجح في امتحان الانجليزي والماث علشان لو منجحتيش مواد الترم الاول هتكون مقفوله ليك وكدا انت اتاخرت ترم عن دفعتك وهتبدا بقا تدرس ماده اسمها بيزك ماث وماده اسمها تيكنيكال انجليزي في الترم الاول واخر الترم الاول هتمتحن في المادتين دول ولو منجحتيش فيهم هيفضل بردوا المواد مقفوله ليك ومش هتعرف تاخد حاجه الترم التاني وهتاخد المادتين دول تاني وتمتحن فيهم اخر الترم التاني وبكدا انت اتاخرت سنه كامله ولو لقدر الله منجحتيش في الترم التاني بعد كدا هتسجلها بفلوس والماده تقريبا ب 7500 جنيه.
يعني الامتحان دا اهم حاجه عندك دلوقتي لانك لو منجحتيش فيه ياما هتتاخر ترم ياما هتتاخر سنه ياما هتتاخر سنه وتدفع فلوس علشان تاخد المواد دي وكل الحالات دي حصلت مع الدفعات اللي قبليكوا والماده ب 7500 جنيه وكمان لقدر الله ممكن تتأخر تلات ترمات للاسف فأنت هتكره حياتك كلها في الكليه وهي لسه مابداتيش بسبب امتحان القدرات دا لذلك حرفيا هو اهم حاجه عندك دلوقتي ولازم تذاكره كويس جدا ولو عاوز تعرف الناس بتعاني ازاي خش علي اي جروب من جروبات اللي موجوده في community هنا واسال الدفعه اللي فاتت هم تعبوا ازاي في الحوار دا بس علشان مكنش فيه حد يوجهم ويساعدهم في الموضوع دا وهم علشان تعبوا طلبوا مني اني اساعدكوا في امتحان القدرات ونوفر عليكوا كل التعب اللي هم عانوا منه دا غير الفلوس طبعا.
لان بيكون داخل معاك اوائل الجمهورية في ناس مش بتفضل القاهره كرغبة اولى
