ትረካዎች በ ቤዛዊት🎧

እማዬ ሁልጊዜ እኔ እና ብሩክን ይዛ ስትወጣ "አይ ወይዘሮ ኤልሳቤጥ !ሴቷን ልጅ አጥቁረሽ ቅላትሽን ሁሉ ወንዱ ልጅ ላይ አባከንሽው! መልክ ለወንድ ልጅ ምን ያደርጋል አሁን ? አሄሄ! ይላሉ... እኔ እንዲህ እና እንዲያ ሳስብ ቴሌቪዥኑ ላይ ጓድ መንግሥቱ ኃይለማርያም የዛምቢያውን ፕሬዝዳንት ኬኔት ካውንድን ሲቀበሉ የሚያሳይ ምስል መጣ። መንግሰቱ ሀይለማርያም በመጣ ቁጥር የሚቀለድብኝ ቀልድ እስኪጀምር ጠበቅኩ፤"መንጌ እኮ አባትሽ ነው"ሊሉኝ ነው።ጠበቅኳቸው።እህቴ ቀደመችና "ይሄውልሽ ሜሮን! አጎትሽ አባትሽን ሊጠይቅ አዲስ አበባ መጣ!" ሁሉም ሣቁ። እኔ ግን ነጭ መሃረብ እያርገበገበ ከአውሮፕላን ደረጃ ላይ የሚወርደውን "አጎቴን" ኬኔት ካውንድን እያየው እግዚአብሔር ከ ነነጭ መሃረቡ በአውሎ ንፋስ ጥ...ር...ግ አድርጎ ወደመጣበት ቢመልሰው እየተመኘው ከእንባዬ ተናነቅኩ።ደግሞ በዚህ ጥቁረቱ ላይ ነጭ መሃረብ የሚይዘው አማረብኝ ብሎ ነው ?...ወይስ ከሩቅ እንዲታይ ?አንጀቴን አሳረረው። "ዕያት..ዕያት ...በሸቀች! በሸቀች!" ይላሉ እየተቀባበሉ "አትናደጂ ይባስ ያጠቁርሻል"አለ ብሩክ ፣ አጠገቤ መጥቶ እየሳቀ ... ከባርቾ መፅሐፍ