آذربایجان گوزللری

نصیحت نامه ائگید گرک لیاقت لی دولانا گدیب هر گلن له دولانما اوغول قولاغینان إشید گوزوننده گور هر دئییلن سوزه اینانما اوغول دوست اولاندا یتیش اصل سؤیونا اویما گینن نامردلرین حویونا سا لا لار ادامی اولماز اویونا هر ایپنن قویویا سالانما اوغول سخاوتین اولسون حیله کار اولما دونیا مالینا چوخ تاماح کار اولما مبادا مبادا ظولم کار اولما دونیانین رنگینه آللانما اوغول یازیق محبوب بیر اللهین قؤلؤدو محبتی اورگینده دولودو مستقیم یول پیغمبرین یولودو مطلبینه یتیش یوبانما اوغول @Azerbaijn69

گؤزومو تیکمیشم گوزل شکلینه آی گونش اوتانیر سنین یانیندا خومارلی باخیشین دئممیش سؤزون سرحد کناریندا آخدی قانیندا آرازا دا آغلادی بو آیریلیغا شکلینی ساخلادی اؤز قوجاغیندا آخیردی یوردومون توپراغلارینا گؤز یاشین قویلادی گل بوداغیندا سسین او تایدایدی منده بوتایدا گومانیم قالمیشدی یانیغلی سسه آیریلیق گوجلنیب هر ساعات هر آن شاهیدی تاپشیرما سن غریب کسه @Azerbaijn69

‍ آتا آدین شرفیم عزّتیم آیلار ایللر دی حسرتیم گوروشون اولسون لذّتیم دنیز دولو قایغی آتا سن منه بیر گول آتاسان عدالتلی بیر جاداسان جوشغون دنیزسن آداسان دنیز دولو قایغی آتا عزیز آتا جان آتایدین داماریمدا قان آتایدین ارباب آتا خان آتایدین دنیز دولو قایغی آتا یاپیشاردین اللریمدن تومارلاردین تللریمدن سئچیلمزدین گوللریمدن دنیز دولو قایغی آتا گئتدین جانا دوشدو قادا سنسیز یئتر کیم فریادا سن بیر دنیز منده آدا دنیز دولو قایغی آتا آتاسیز پریشان اولدوم شکلینه باخدیقجا دولدوم غنچایا دولمامیش سولدوم دنیزدولو قایغی آتا شاعرتدین ‌محزون دولانیر درد اوستونه درد قالانیر گوزیاشیم گوزدن جالانیر دنیز دولو قایغی آتا @Azerbaijn69

دؤنن گئجه آنام گلدی یوخوما سؤیله دی آی بالام نئجه دی حالین دئدیم آنا سن گئدندن ائله بیل بیابانه دوشدوم من آیاخ یالین دئدی اوغلوم اورگیمده وار داغیم دئدیم آنا سنله گئتدی خوش چاغیم سنسیز خزان اولوب او بارلی باغیم دای باغدا گؤرمورم میوه نین کالین گونشیم تار اولموش سنسیز آی آنا گؤیده یوخدو سنسیز حتی آی آنا یالواریرام دایان گئتمه دای آنا قوی دادیم من سنله اولماغین بالین قلبیمی داغلاییر اوغلوم سؤزلرین خاکیستر اولماسین گؤروم کؤزلرین آغلاما گل یاخین سیلیم گؤزلرین گؤز دستمالی ائدیب او اؤرتوک شالین یوخودان قاخدیم آیاغا آنامین عطیری ساچیب داماغا گؤروم کی آی فامئل آی دوست آی آغا اولماسین بیر لحظه آناسیز قالین @Azerbaijn69

گونو گوندن قوجالان نازلی نیگاریم آی آنا دیلده ازبر اولونان ذکر و شعاریـــــم آی آنا آغاران ساچلارینا خسته جانیم قربان اولا ای منیم قیشدا یاشیل گوللو بهاریم آی آنا گولو گولشنده اءکیب باغیبان اولدون منه سن یولومو آیدین ائدیب زیروه ده قالدین چنه سن آخ دیینده آلیشیب قول بویون اولدون غمه سن غمیم ایله پوزولان دار و نـــــــــــداریم آی آنا نه ظرافتله ائـــــــــــدیب خالیق عالم سنی خلق من اوچون درده دوزوب سن ائدیسن گلشنی خلق لایــــــق اولسام ائدرم سن قوجالاندا دمی خلق کــــورپه یه جان وئرن ای جانلی ووقاریم آی آنا حــــیرتم خیلقه تینه کیم نه یارالدیبدی خدا وئریلیبدیر سن اوچون وعده یه جننتده ندا آنامـــیز فاطیمه دن روز جــــــــــــزا اولما جدا سئومه سی قلبیمه جان لیل و نهاریم آی آنا @Azerbaijn69

جوان اولدوم آتا قدرین بیلمدیم دویمامیشام شیرین سوزوندن آتا نادان اولدوم آغلارگوزوسیلمدیم قلبیمه نورچیله اوزوندن آتا اولان دردلریمین درمانی سنده الینده عومرومون فرمانی سنده منه لطف ائدیب سن آرمانی سنده اذن وئرسن اوپوم گوزوندن آتا گناهکارمن اولسام سن اوزو آغسان داغلارین کویسوندن آخان بولاق سان یامان گون آرخامدا سن اولاجاخسان یاخین سان ائللرین یوزوندن آتا اورییمده اولان آهیم سان منیم داهیسان دونیادا داهیمسان منیم قبله گاهیم اولدون شاهیمسان منیم چیخمارام دئدیگین سوزوندن آتا آتامقدسن سوزلرین دوغرو نصیحت سویلدین گوزلرین دوغرو حاق نورونا باتیب اوزلرین دوغرو قلبیمی آلیشدیر کوزوندن آتا آشیق غفار اولوب ائلده شرمنده یانیب دیر اورگی هر دردمنده قلبیمه تسللی وئرنده سنده گئدرم یوللارین دوزوندن آتا @Azerbaijn69

آنام ناماز اوسته ال آچیب گؤیه آللاها یالواریر یا رببیم دئیه سنسن خلق ائلیین گؤیلری یئری جان دان شیرین اولور بالا آی آللاه سن منیم عؤمرومدن کسیب ایللری بالامین عؤمرونه جالا آی آللاه بو نه دیر آرزویا دیله یه بیر باخ گؤر بیر نه لر کئچیر آنا قلبیندن چوخدور بو دونیادا هدیه آنجاق عؤموردن هدیه گؤرمه میشم من ایسته رم بیر آنا بیر بالا سؤزو لغت ده سؤزلرین اؤنونده گئده اوجا اولدوغوندان آنانین اؤزو اوجادیر بؤیوک دیر هدیه سی ده چوخدور هدیه لر انسان آدینا قییمتلی زینت لر قییمت لی داشلار آنا حیات وئریر اؤز اؤولادینا همده اؤز عؤمروندن عؤمور باغیشلار @Azerbaijn69

آنا منه بیرلایلای دی کؤرپه لیگیم یادا گلسین امزیک ائیله بارماغیوی زهر آغزیم دادا گلسین الینی قوی کوره ییمه دیانت اول اوره ییمه شکر چیله چوُره ییمه مین بیر دادا طاما گلسین صؤحبت مردین گؤ ُزو توخدو سؤزلرین آچ مرده اوخدو آغیر ائلین پیسی یوخدو چاغیر ائلی دادا گلسین @Azerbaijn69

پریم سحر  سحر سر چشمه لر باشیندا گون کیمی عالمه یاییلان پریم هر کیم مندن سانا یامان قاندیرسا یا عقرب دیشله سین  یا ایلان پریم قووما درگاهیندان شیرین نؤکری گئیینمه هر شالی هر قلمکاری هیجران خسته سی یم یئمم شکری قوینونداکی نارا ماییلام پری گؤتور سورمه نی چک قاشینا گلسین چال ایری چالمانی باشینا گلسین عابباسین سؤزلری خوشونا گلسین حوری لر قیزیندان یاییلان پریم عابباس توفارقانلی @Azerbaijn69

ائله باخما اينجيه رم ياراسی وار اوره ييمين ياری بؤلوب آپاریبسان پاراسی وار اوره ییمین سن سیز قلبیم هئچ گولمه میش آخان گؤز ياشيم سيلمه ميش حسرت دن ده خال دوشمه ميش هاراسی وار اوره ييمين بو بهمنين ايلكی عشقی بيرجه سنسن قلبينده كی ائل بيلير كی سنی تكی چاراسی وار اوره ییمین @Azerbaijn69

بو وفا رسمی دئييل جانيمی جاندان اوزه سن سونرا بير دؤنمه يه سن باری بو قوربانه باخیم بیر دایان ساخلا آیاق بلکه ایلیشمیش اوره یی سون باخیشدا توکونون ایچره چکیم شانه باخیم @Azerbaijn69

یانمیش اورگیم عشقے باشین نان آتا بیلمیر بیر درده دوشوب بیر گئجہ راحت یاتا بیلمیر بیر یولچے کیمین یوللارا یولداش دےبو کونلوم عشقینده قاچیر هر یئره آممان چاتا بیلمیر @Azerbaijn69

ایکی قلبی بیر بیرینه باغلامیـشام ایکیمیزین ده یئرینه آغلامــیشام اؤز الیمه اؤز قلبیمی داغلامیــشام ایندی آغلار سیزلار قلبیم اونودولموش محــبتیم @Azerbaijn69

بو سئوگیدن سن قورخورسان عیبی یوخ من سئورم ایکیمیزین یئرینه بو عشق اوچون بیر گون دارا چکسه لر من گئدرم ایکیمیزین یئرینهمین عذابدیر سنسیز کئچن هر گونوم اونوتموشام یاخشی یامان فرقینی @Azerbaijn69

یارالانمیش اورئگین چارہ سے سن سن گوزلیم روحومون همدہ جانین پارہ سے سن سن گوزلیم دئمیرم منلہ قالیب دردیمہ درمان اولاسان بو سارالمیش جگرین یارہ سے سن سن گوزلیم @Azerbaijn69

گولون عشقینده گرک بولبول نالان اوخوسون آشکار ائیله مه ییب دردینی پنهان اوخوسون موسیقی خادمی دیر بولبول شیدا اوزوده گرک عاشیقله برابر ائدیب افغان اوخوسون @Azerbaijn69

ناز ایلمز انسان نقدر قاره قاش اولسا اینجیتمز اوز عشقین نقدر قلبی داش اولسا فکر ایلمه دائم شه خوبان اولاجاخسان چوخلاری سولوبده گوزلیم سنده سولارسان @Azerbaijn69

توت الیم دن گوزلیم یئرده قالان تز سارالار بو سینیخ کونلومی هجران غمی هر گون یارالار بیلیرم هر گوزلین عیبی وفاسیز لیغی دی رحم سیز چرخ فلک دونیامی سن سیز قارالار @Azerbaijn69