ᖴᑌTᑌᖇE ᒪIᗷᖇᗩᖇY📚

ကျွန်မလက်တွေကပဲ တိုလွန်းနေတာလား၊ မမီမကမ်း ဖြစ်ခဲ့ရသော ချစ်ခြင်းမေတ္တာနှင့်လည်း လွဲခဲ့ရဖူးပြီ။ -ဂျူး (ကောင်းကင်မပါသောည)

ဒီရက်ပိုင်းတွေ ဆောင်းကအအေးပိုတယ် မြေပုံပေါ်မှာတောင် လက်တစ်ဖဝါးမက ဝေးကွာတဲ့မြို့မှာ ရှိနေတဲ့ ချစ်ရပါသောလေးလည်း တယုတယနဲ့ ကိုယ့်အနေနဲ့ အထွေး‌မပိုနိုင်တာမို့ ဂရုတစိုက်နဲ့ပဲ အနွေးပိုအောင် နေထိုင်ပေးပါ ဆောင်းကအအေးပိုလည်း ဝေးကွာနေတော့ အချစ်က ပိုလို့ မရနိုင် -နေဗလ် (အချစ်ရဲ့ Cafe)

ကျွန်တော် စာရေးတာ၊ စာဖတ်တာ ဘယ်ကနေစပြီး ဝါသနာပါလဲဆိုတာသိချင်လား။ မသိချင်လဲပြောမှာပါဗျာ။ ဒီလိုဗျ ကျနော်က သူများတွေထက်စာရေးတာစောသလို၊ စာဖတ်တာလည်းစောတယ်ဗျ။ ကျနော်မှတ်မိသေးတယ်။ ကျွန်တော် ၁ တန်းကတည်းက မင်္ဂလာဆောင်ဖိတ်စာတွေ၊ အလှူဖိတ်စာတွေကို စဖတ်နေပြီဗျ ဟဲ ဟဲ ။ ကျွန်တော် ၂ တန်းရောက်တော့ စာရေးရတာကို ဝါသနာပါလာတယ်။ စာဖတ်ရတာကို ဝါသနာပါလာတယ်ဗျ။ ကျွန်တော် ၂ တုန်းက မြင်မြင်ချင်းချစ်မိတယ်ကောင်မလေးတစ်ယောက်ရှိတယ်။ တကယ်ဗျ သူကယဉ်တယ်၊ နန်းဆန်တယ်။ အထူးသဖြင့်ချစ်ဖို့ကောင်းတယ်။ ၂ တန်းကျောင်းစအပ်တဲ့ နေ့ကတည်းကချစ်မိသွားတယ်။ အချစ်စစ်ဗျ။ အဲ့ကောင်မလေးကို ချစ်မိတဲ့နေ့ရဲ့ ၃ ရက်မြောက်မှာ သွားပြီးဖွင့်ပြောခဲ့တယ်။ ငနဲသားကျနော်က လည်းစွံတယ်ဗျ။ မျက်စိပြောပါတယ်။ အငြင်းခံရတာပေါ့ ”မေမေကရည်းစားမထားရဘူးတဲ့” တကယ့်ကို မားမားဂဲပါဗျာ။ မလျော့သောဇွဲနဲ့ နောက်တစ်ကြိမ် ရည်းစားစာပေးတာပေါ့။ အဲ့တာကိုဗျာ။ ရိုင်းလှချည်လားဆိုပြီး ပါးကို ဘယ်ပြန်ညာပြန် ၃၈ ချက်လောက် ရိုက်တာဗျာ။ လူကို အီဆောင့်နေတာပဲ။ ကျွန်တော်ရေးတာဘာများ အမှားပါလို့လဲဗျာ။ ခင်ဗျားတို့ပဲကြည့်" “ ငါနင့်ကို ချတယ် ” ရေးတုန်းကတော့ Feeling အပြည့်နဲ့ ငါနင့်ကို ချစ်တယ်လို့ရေးတာပဲ။ “ ငါနင့်ကို ချတယ် ”လို့ ဖြစ်သွားတာကို နောက်မှသိတယ်။ ခင်ဗျားတို့လဲ ကျွန်တော့်လိုမဖြစ်အောင် စာလုံးသတ်ပုံလေးတော့ မှန်အောင်ရေးကြပေ့ါ။ သူမငြင်းတော့ ရင်မှာအလူးအလဲခံစားပြီး ပဲနို့တွေသောက်လိုက်၊ Overtine တွေသောက်လိုက်နဲ့ဗျာ ။အတော်လေးခံစားရတယ်။ မနည်းကို Move On လိုက်ရတယ်။ ၃ တန်းကိုရောက်တော့ ရည်းစားထားချင်ရင် ရည်စားစာရေးတတ်ရမယ်ဆိုတဲ့ အတွေးက ၀င်လာရော အပေါင်းအသင်းကောင်းတာလဲပါပါတယ်။ သူတို့‌ကမြှောက်ပေးတော့ ကျွန်တော်ရည်းစားစာရေးနည်းကို အသည်းအသန်ခဲမှန်အောင် လိုက်ပြီးလေ့လာတာပေါ့။ ခက်တာက ရည်းစားစာရေးနည်း သင်တန်းကလည်းမဖွင့်သေးဘူး။ ရည်းစားစာ Elementary လောက် ရေးတတ်သွားတော့ Business တစ်ခုတောင်စလိုက်သေးတယ်။ သူငယ်ချင်းတွေကို ရည်းစားစာရေးပေးတာပါ။ ရည်းစားစာ တစ်စောင်ကို ၂၀၀ ။ အဲ့တုန်းက ၂၀၀ က Nabti တစ်ထုတ် ရတယ်။ ဆရာကြီးပဲပေါ့။ သူတို့လည်း အဆင်ပြေကြပါတယ်။ ရုံးခန်းရောက်တဲ့ကောင်နဲ့၊ ပါးရိုက်ခံရတဲ့ကောင်နဲ့၊ ကျောင်းထုတ်ခံ‌ရတဲ့ကောင်နဲ့။ ကျနော်လည်း နောက်ကျ ကျွန်တော် “အချစ်စာ ရည်းစားစာရေးဆားဗစ်” ကို နားလိုက်တာ အခုထိပါပဲ။ ခင်ဗျားတို့ရော ဘယ်လိုကနေ စာဖတ်ရတာဝါသနာပါလာတာလဲဗျ။ Comment မှာ အတည်ဖြေပေးခဲ့ကြပါဦးဗျာ။ (Post ကို လွတ်လပ်စွာ share နိုင်ပါသည် ကူးယူဖော်ပြခွင့်မပြုပါ) •FUTURE LIBRARY•

ချစ်ဖို့ မထိုက်တန်တဲ့သူနဲ့ ကြုံတဲ့အခါ မ “အ” ပါနဲ့တော့ … ဒီလောကမှာ တွေ့ဆုံခြင်းများစွာရှိပါတယ် မထိုက်တန်သူကို လက်ပြနှုတ်ဆက်နိုင်မှ ထိုက်တန်တဲ့သူနဲ့ ဆုံရမှာဖြစ်ပါတယ် -နိုင်နိုင်းစနေ (ပျော်ရွှင်ဖို့ ဒီလောက်မခက်ခဲပါစေနဲ့) စာဖတ်ရန်လင့်