Nader Atia | نادر عطيه

يشفق المرء على نفسه عندما يدرك أن كُل الأذى منبعهُ من سوء اختياراته ، وأنه عندما سعى لكسب سعادة كان ينجرف لا إراديًا لحزنٍ آخر.

سلام عليكم ورحمة الله وبركاته ، لو انت ليك هدف معين وعاوز تنجز فيه بسرعه فـ الافضل ليك عشان تقدر تنجز فيه فعلا هو انك تبعد عن اي شئ ممكن يخليك تماطل وتضيع وقت .. زي السوشيال ميديا كده بتضيع وقتك عليها ، شيل البرامج بتاعتها لمده شهر وكل اسبوع تابع بس اللي مبعوت ليك او فيه ايه اتبعت ليك .. هتلاقي نفسك بتستفاد ومُستغل وقتك اكبر استغلال حقيقي ، السوشيال ميديا مدمرة للعقول وممكن تجيب اكتئاب لاكتر من سبب وبسبب حاجات كتير .. المهم من اولي خطوات نجاحك في اي شئ هو عدم الاهتمام بـ السوشيال مُطلقا.

سلام عليكم ورحمة الله وبركاته .. انا نفسيا مش افضل شئ بقالى فتره وبحاول ، فـ اي شخص يعرفني او ميعرفنيش يدعيلي فضلا وليس امرًا بصلاح الحال وان الأمور كلها تكون تمام .. وان شاء الله نرجع ليكم كويسين وننزل كل حاجه معموله قريب.

لو مهتم ف لينك اتشانل الواتساب اهي..

مساء الخير .. لو عاوز تتعلم حاجه متستناش كورس معين فيها لان الكورس مش هيعلمك كل حاجه ، 80% من الحاجه اللي انت عاوز تتعلمها دي هتكون مبنية علي الممارسة وانك تنُط بوشك وتدخل الموضوع جد وتشتغل علي نفسك اكتر ، انما كونك تفضل مستني الوقت المناسب فـ احب اقولك ان دلوقتي هو الوقت الانسب.

تحديث الواتساب التشبع بتاع الوانه غريبة ، ولكن هو اي لعب وخلاص .. يعني هما الاول كانو شغالين بـ ستايل الوان معين زي مثلا الابيض ومن ثم ابيض بس اغمق درجه او اتنين ووضع الـ Dark Mode كان شغال بـ اسود ورمادي اللي هو يسمي عندنا في الـ UI UX بـ Gray والـ Gray ده عندنا بيكون درجات ، جه المصمم بقا عمل ايه؟ حب يعمل الهوية البصرية كلها بألاخضر قال يعني انه تكامل الواتساب لان الواتساب معروف دايما بـ إنه اخضر فـ ليه ميعملش كل حاجه اخضر؟ هو انه غير شكل المسدجات لما بتكون متعلق من Gray لـ لون اخضر بس فاتح وكذلك الازرار اللي تحت كان الزر اللي شغال او اللي انت عليه زي مثلا الاستوري بيكون منور بلون رمادي كده فـ ابيض هو بدل الرمادي ده بـ اخضر فاتح .. الموضوع كله يندرج تحت الهوية البصرية فـ هتلاقي التحديث ده مش علي هواك خالص بس هل الموضوع مزعج؟ ممكن يكون غير مريح شويه لانه مُلفت الانتباه اووي يعني .. وبس كده ده شويه كلام حبيت اقولهم بما اني علي ما يُقال Ui Ux Design 😂

من فتره نزلت عندي تيك توك نسخه USA وحقيقي النتايج ابهرتني .. مفيش لايڤات كبسو كبسو ولا ابعتلي اسد ولا الكلام السادج ده! دا غير ان الابلكيشن مش بيجيب اي محتوي والسلام ، لأ بيجيب محتوي فعلا زي مثلا لو انت مهتم بالتعليم هتلاقيه جايب ناس بتعمل حاجات كيميائية ومعادلات وغيره ، لو مهتم بالمونتاج هتلاقي ناس بتشرح Point لحاجه معينه في فيديو ما ازاي تعملها والحقيقه محتوي خرافي وجميل علي عكس اللى بشوفه علي تيك توك النسخه العربية.

رغم انشغالي وعدم اهتمامي الفترة اللى فاتت بس قربنا علي الـ 500 مشترك🥰

مساء الخير .. من افضل الحاجات اللي لاحظتها عليا بعد فتره من كوني انسان مش بيسمع اغاني بقاله مدة وهي اني مبقتش احب اسمع اغاني تاني! اه والله كنت راكب عربيه انهارده ووالله نفس الاغاني اللي كنت بحب اسمعها لقيتني قرفان منها وطلعت الهاند فري وقعدت اسمع بودكاست وانا كُلي سعادة! انا لاحظت الموضوع وبقيت مبسوط بيه جدا والله .. الموضوع فيه جهاد مع النفس في البداية ، لكن بعدين انت لوحدك هتلاقي انك مبقتش تحبها .. الاغرب بقا اني كل مره بسمع بودكاست فيها او اسمع قرآن ان بكون مبسوط اووي ومطمئن كده ، فـ حقيقي يعني اللهم ادم القرآن نعمة في حياتنا وابعدنا عن اي شئ يغضب الله سبحانه وتعالى.

طيب ايه يعم نادر المحتوي اللى هينزل وهيكون موجود؟ المحتوي هيكون عباره عن : • الإنتاجية. • أسئلة كل الشباب بتسألها "عن الشغل والدراسه" • محتوي تقني وليه علاقه بالمونتاج. ده كله يندرج تحت مسمي "محتوي تعليمي" وان شاء الله ربنا ينفع بينا.

صباح الفل يا شباب ، طبعا انا عارف اني مقصر في التنزيل واني مش متابع اي شئ .. انا بحاول بس اهندل الدنيا واعيد ترتيب الأولويات عشان اقدر انتظم بشكل كويس "لاني اكتشفت اني مبقتش اعرف انط بوشي واكمل فـ الحاجه بعشوائية زي زمان" ولكن ان شاء الله ان كان لينا عُمر بعد العيد ان شاء الله هيكون فيه محتوي هنا وعلي يوتيوب وعلي تيك توك وكل مكان هيكون ليه محتوي حصري خاص بيه غير التاني ، ولكن التلاته بيكملو بعض.

كل سنة وانتوا طيبين وعيد سعيد علينا كلنا بإذن الله 💌