اركب معَنا...🌸

يا رب يا سميع يا قريب يا مجيب يا من تعلم حالنا و ترى مكاننا و خبير بما تكن صدورنا تعلم أننا نحبك مهما عصيناك و نرجو رحمتك و نخاف عذابك فوالله والله ما عصيناك إلا بجهلنا و ضعف نفوسنا فنقسم بك عليك يا الله ألا تقبضنا إلا و أنت راضٍ عنا و قد عفوت عنا و غفرت لنا و جعلت نفوسنا راضية مرضية مطمئنة ... #الوتر 🤍

قال ابن عثيمين رحمه اللّٰه: إصابتُك بالعين لا تعني أنَّك جميل أو غني، بل تعني أنَّك مُقصِّر فِي ذِكرُ اللّٰه. #أذكار_الصباح 🤍

قال رسول الله ﷺ : أَيَعْجِزُ أحدُكم ، أن يكسِبَ كُلَّ يومٍ ألفَ حسَنَةٍ ؟ يُسَبِّحُ اللهَ مائَةَ تسبيحَةٍ ؛ فَيَكْتُبُ اللهُ لَهُ بَها ألفَ حسَنَةٍ ، ويَحُطُّ عنه بِها ألْفَ خَطِيئَةٍ. #أذكار_الصباح

5️⃣ حاجات تعملهم تعوّض بيهم اللي فاتك من العشر بصراحة؟ أكتر حاجة الشيطان نفسه فيها دلوقتي .. إنك تيأس. إنك تبص لأول ٦ أيام وتقول: "يا نهار أبيض .. ده خلاص ضاعت مني" "أنا قصّرت جامد .. وخلاص العشر خلصت" مع إن الحقيقة؟ إن أغلى وأهم وأخطر أيام ذي الحجة .. لسه جايه مش راحت. إنت داخل على: يوم التروية يوم عرفة يوم النحر يوم القر يعني داخل على أيام و ليالي كلها نفحات عظيمة .. ناس خرجت منها بقلوب جديدة، وأقدار جديدة، وحياة مختلفة تمامًا. عشان كده .. لو اللي فات ضاع منك، فاللي جاي محتاج منك ٥ حاجات: ① متيأسش لأن ربنا سبحانه وتعالى ما أغلقش الباب لحد دلوقتي. فحتى لو قصّرت .. حتى لو وقعت .. حتى لو ضيّعت الأيام اللي فاتت، لسه عندك يوم صيام يغفر سنتين كاملتين. ولسه عندك ساعات دعاء ممكن تغيّر مصيرك كله. ولسه عندك ٤ أيام هم خير أيام الدنيا عند الله. وربك كريم ودود .. يفرح برجوعك مهما اتأخرت. ② اجمع وجعك كله ليوم عرفة بدل ما تدخل يوم عرفة عادي .. ادخله وإنت شايل كل اللي جواك، خوفك. كسرتك. تأخيرك. همّك. ذنوبك. أحلامك اللي شايفها مستحيلة. وارمِ كل ده على باب ربنا. قول له: يا رب أصلحني. يا رب نجّيني. يا رب افتحها عليّ. يا رب أنا تعبت. لأن يوم عرفة .. معمول أصلًا للقلوب المكسورة الموجوعة المحطمة المتألمة. ③ ابدأ حتى لو متأخر الشيطان عايزك تحس إنك لازم تعمل حاجة عظيمة مرة واحدة ! وده حيلة إبليسية خبيثة، لكن ربنا يحب منك البداية الهادئة البسيطة الصادقة، كما قال في الحديث القدسي " من تقرب إلي شبرًا " ركعتين بخشوع. تكبيرة طالعة من قلبك. استغفار بصدق. صفحتين قرآن. يمكن العمل الصغير اللي هتعمله الليلة .. يبقى سبب نجاتك كلها. ④ الدعاء ثم الدعاء في ناس بين يوم وليلة .. ربنا بدّل حياتهم بالكامل. مش بقوتهم ولا بشطارتهم. بدعوة صادقة خرجت من قلب مكسور. فألحّ على ربنا .. اطلب كتير .. وابكي لو عرفت. ⑤ اقفل باب الذنب كفاية هروب ! كفاية ذنوب بتطفّي قلبك .. وتمنع عنك الطمأنينة .. وتكسرك من جوّا وإنت مش حاسس. ارجع لربنا بصدق .. وشوف الفتح بنفسك. اللهم بلغنا عرفة بلوغ من أرادك فأردته، ولجأ إليك فآويته، وبكى بين يديك فرحمته. #مش_هسيب_الباب #مش_هيأس #أفضل_أيام_الدنيا #مشرف

"خلي لسانك = عداد حسنات" مش مطلوب منك تفرّغي نفسك طول اليوم، وتسيبي البيت من غير رعاية عشان تغتنمي ثواب العشر.. إنت ممكن تغتنميها بعمل طاعة عظيمة جدًا، وتقيلة في الميزان، وفي نفس الوقت من غير مجهود جبار! وإنتي بتطبخي، وإنتي بترتبي البيت، وإنتي بتكوي الهدوم >> خلي لسانك لا ينقطع عن الذِّكر.. تسبيح، تحميد، تهليل، تكبير... عداد حسنات شغال بفضل الله.. وخلي في بالك دايمًا أجر الذِّكر، فالله عز وجل قال في الحديث القدسي: "أنا عِندَ ظَنِّ عَبدي بي، وأنا معهُ إذا ذَكَرَني، فإن ذَكَرَني في نَفسِه ذَكَرتُه في نَفسي، وإن ذَكَرَني في مَلَإٍ ذَكَرتُه في مَلَإٍ خَيرٍ منهم..." والنبي ﷺ قال: «مَثَلُ الذي يَذكُرُ رَبَّه والذي لا يَذكُرُ رَبَّه مَثَلُ الحَيِّ والمَيِّتِ». #الرسالة_الثالثة #إزاي_تكسبي_العشر

لا ينبغي لامرأة عاقلة أن يغيب عنها أن صلاتها في الأماكن العامة ليست حرامًا، حتى وإن رآها الرجال. إن وقوعكِ في فخ "الصلاة من جلوس" بحجة الستر وتفادي رؤية الرجال لكِ يجعل صلاتكِ باطلة ويلزمكِ إعادتها؛ لأن القيام في الفريضة ركنٌ لا يسقطه خوف رؤية الرجال... من الصدمة أن نرى فتيات يفضلن خروج وقت الصلاة تمامًا بحجة عدم وجود "مصلى خاص"، ولسان حالهن: "كيف يطّلع عليّ الرجال وأنا أصلي؟!".. هل غيرةُ العبد على الحرمات تفوق شرع الله؟ هل نحن أعلم من جمهور العلماء الذين أباحوا ذلك.. إليكِ هذه الحلول لتدركي صلاتك في وقتها:👇 ١..ابحثي عن ركن:.. كل ما عليكِ فعله هو أن تأخذي ركنًا بعيدًا عن الزحام وتصلي صلاتكِ كاملة الأركان. ٢..بخصوص النقاب..إذا كنتِ منتقبة ..فصلي بنقابك.. ولا حرج في ذلك عند الحاجة لستر الوجه عن الأجانب. ٣..بخصوص الحذاء:.. لا يشترط خلع الحذاء إذا كنتِ في مكان عام .يجوز لكِ الصلاة بحذائك.. ما دام طاهرًا، فالدين يسر... 👌الله أحق أن يُخشى، وستره لكِ وأنتِ في طاعته أعظم من أي اعتبار آخر. لا تتركي الركن (القيام) ولا تؤخري الوقت، فالمؤمنة القوية هي التي تقدم أمر الله على كل شيء.

عشر ذي الحجة.. ثورة تصحيح لمسار قلبك! 🔄 عارفين إيه أحد أعظم أسرار تفضيل الأيام دي عند ربنا؟ وليه مقامها عالي أوي كده؟ لأنها أيام بترجع الإنسان لأصل فطرته الأولى.. للعهد القديم بينه وبين ربنا. ربنا سبحانه قال: ﴿أَلَسْتُ بِرَبِّكُمْ ۖ قَالُوا بَلَىٰ شَهِدْنَا﴾ كل روح أقرت وقتها بربوبية الله، قبل ما تنزل الدنيا وتنشغل بزحمتها وفتنها وشهواتها. ومع الأيام.. فيه قلوب اتعلقت بالدنيا، وقلوب نسيت طريقها، وقلوب انتكست عن الفطرة اللي ربنا خلقها عليها. وعشر ذي الحجة جاية عشان توقظ القلب من جديد. 🔄 جاية تفكرك إنك عبد لله، وإن أعظم كلمة ممكن تعيش بيها وتموت عليها هي: "ربي الله". جاية تجهزك للسؤال الأهم.. لما يُقال لك في القبر: من ربك؟ فالوقت بيجري.. ولازم من دلوقتي نعلي همتنا، ونقرب من ربنا بصدق، عشان ندخل العشر بقلوب مستعدة للطاعة والتغيير. 👌 #تن_تن_أتينشن #حازم_شومان

هيحاول الشيطان يقنعك بإن صيام ال ٨ أيام من ذي الحجة نافله يعني حاجه مش مهمه وإن كفاية عليك يوم عرفه، هيخليك تقول لنفسك ما هو اصل ١٦ ساعة صيام في عز الحر دا كتير بردو. - ولكن أذكر نفسي وإياكم بإن إحنا اللي أحوج لله مش العكس والله الغني ونحن الفقراء، احنا اللي مذنبين ومقصرين ومحتاجين أي حسنه، فما بالك بموسم الحسنات واجابة الدعوات. اللهم ارزقنا الصبر علي الطاعات و جنبنا وساوس الشياطين.

‏لك في كل حرف تقرؤه حسنة وفي كل آية تحفظها ترتقي في منازل الجنة صدّقني أن بركات القرآن وفضائله ليست محصورة على من بلغوا في القرآن درجة عالية من الإتقان ! ‏بل بركات القرآن ستشمل كل من أقبل عليه بصدق، كل من يقاوم، كل من يجاهد لأجل الوصول"

سيدنا النبي ﷺ علّمنا إن التوكّل على الله، وقول: "حسبنا الله ونعم الوكيل" من أعظم أسباب الطمأنينة وقت الكرب. ولو كانت الكلمة دي ثبّتت قلوب المؤمنين في أشد المواقف… تفتكر مش هتكون سبب في طمأنينتك وسط هموم الدنيا؟ اطمّن… أنت في رعاية الوكيل في كل خطوة من حياتك، وحتى لقاء الله. قال الله تعالى: {وَكَفَىٰ بِاللَّهِ وَكِيلًا} اللهم ارزقنا حسن التوكل عليك، والثقة في موعودك. 🤲 #أسرار_حسبي_الله_ونعم_الوكيل #حازم_شومان

يقول الشيخ عبدالرزاق البدر: إذا اكرمك الله أن تحفظ وتراجع القرآن في هذا الزمن المزدحم بالمشتتات والملهيات والتحديات الكبرى، فهذه نعمة اختصك الله بها من بين كثير من الناس.. فاحمد الله على ما اصطفاك به، واثبت واعلم أنك ستُبتلى ليرى الله صدقك.." فأوصيكم بالمراجعة المراجعة يا أهل القرآن دوامُ المراجعة، وكثرة التِّكرار هِي "أداةُ الإتقان الناجحة " و "علامة الضبط النافعة " وماسِواها فهو تبعٌ لها فللذين ينزعجون من كثرة مراجعة القرآن وتفلّته أقول: لو شاء الله لصبّـه في قلوبنا لكن لعله جعله يتفلّت منا حتى نديم النظر فيه *ولا يملّ الله حتى تَملّوا*

- شخص ينتظر الصباح ليأخذ جرعة الكيماوي - شخص ينتظر الصباح كي يغسل كليته - شخص يصبح علي قصـ/ف الطائرات - شخص يصبح لا يجد ما يأكله عندما تعرف هذه المعاناة ستفهم قول النبي ﷺ (من أصبح منكم آمناً في سربه ، معافي في جسده ، عنده قوت يومه ، فكأنما حيزت له الدنيا بأسرها) #أذكار_الصباح

*8 أفكار تساعد ابنك يحفظ القرآن ويحبّه* *1. قاعدة الـ 3 دقايق الذهبية* المخ بيحفظ أحسن في الجرعات الصغيرة. *الطريقة:* آية واحدة بس، تتكرر 10 مرات وهو مركز. 3 دقايق الصبح، 3 دقايق قبل النوم. أسبوع = صفحة كاملة من غير ما يحس. *ليه بتنفع:* بتمنع الملل وبتثبت الحفظ. *2. اربطي الآية بحياته* الحفظ من غير فهم = بينساه بسرعة. *الطريقة:* *{وَالْكَاظِمِينَ الْغَيْظَ}* ← احكي موقف اتخانق فيه مع أخوه وقولي: الآية دي بتعلمنا نعمل إيه؟ *{إِنَّ مَعَ الْعُسْرِ يُسْرًا}* ← لما يقع في امتحان. لما الآية تبقى حل لمشكلته عمره ما هينساها. *3. شغّلي التكرار وقت اللعب* *الطريقة:* شغلي السورة اللي بيحفظها بصوت شيخ هو بيحبه زي المنشاوي أو الحصري المعلم، وهو بيلعب بالمكعبات أو بيلون. المخ بيلقط 70% من السماع من غير مجهود. *نصيحة:* سورة واحدة بس تتكرر طول الأسبوع. *4. طريقة الجدول الحسي* الأطفال بتحب تشوف إنجازها. *الطريقة:* اعملي جدول وكل آية يحفظها يلون مربع أو يحط استيكر نجمة. بعد 10 نجوم = خروجة هو يختارها. *الخدعة:* خلي المكافأة "وقت" معاكي مش "حاجة" يشتريها. خروجة، حدوتة زيادة، لعبة معاه. *5. أنتِ الإمام وهو المأموم* *الطريقة:* خليه يصلي بيكِ إمام باللي حفظه. حتى لو آيتين بس. إحساس المسؤولية بيخليه يركز ويتقن. ولو غلط تصححي له بهدوء بعد الصلاة مش فيها. *6. حكاية قبل الحفظ* *الطريقة:* قبل ما يبدأ سورة جديدة احكي له هي نزلت ليه. سورة الفيل احكي قصة أبرهة. سورة البقرة احكي قصة البقرة باختصار. *القاعدة:* القصة قبل النص = الحفظ أسرع 3 مرات. *7. ثبّتي "وقت مقدس" للقرآن* *الطريقة:* 10 دقايق ثابتة كل يوم. بعد الفجر أو قبل النوم. نفس الميعاد، نفس المكان، نفس المصحف بتاعه. المخ بيحب الروتين. بعد شهر هو اللي هيفكرك. *8. إياك والمقارنة* *التنظير:* شايف ابن خالتك حافظ 3 أجزاء وأنت لسه. *النتيجة:* هيكره القرآن ويكره ابن خالته. *النصح:* ما شاء الله أنت امبارح كنت حافظ آيتين، النهاردة 3. أنت بتتقدم. قارنيه بنفسه بس. --- *أخطاء بتوقف الحفظ لازم تتجنبيها* الخطأ البديل الصح يلا اخلص كمل تعالى نقرأ سوا آية ونلعب كمية كبيرة مرة واحدة آية واحدة بإتقان أحسن من صفحة غلط التسميع أول ما يصحى من النوم التسميع بعد اللعب وهو رايق العقاب على النسيان النسيان طبيعي. نراجع سوا بحب *أهم قاعدة:* *الهدف مش نختم بسرعة.. الهدف نحب القرآن ونعيش معاه.* قال ابن مسعود: "كنا لا نتجاوز عشر آيات حتى نتعلم ما فيها من العلم والعمل". *حفظ + فهم + عمل = قرآن يغيّر قلبه فعلًا.* *{وَلَقَدْ يَسَّرْنَا الْقُرْآنَ لِلذِّكْرِ فَهَلْ مِن مُّدَّكِرٍ}* ربنا مسهله.. احنا بس نسهلها عليهم 🩵

قال زيد بن أسلم : قال موسى عليه السلام : يا رب ، قد أنعمت علي كثيرا ، فدلني على أن أشكرك كثيرا ، قال : اذكرني كثيرا ، فإن ذكرتني كثيرا ، فقد شكرتني ، وإذا نسيتني فقد كفرتني .  #أذكار_الصباح ❤️

‏ملازمة الورد القُرآني كلّ صباح والانكباب على تلاوته بعدد أجزاء محدّدة؛ يُسهم كثيرًا في تصفية الذهن، وترتيب الأولويات، وتجدد الإيمان في القلب، وعودته إلى مساره المعهود، من مداومة الاتصال مع الله وذكره في كلّ وقت. وكما هو معلوم؛ أنَّ البركة كلَّها تكمن باستغلال لحظات البكور. #أذكار_الصباح #افتح_مصحفك

ما تقومي تصلي ركعتين بعشر آيات فقط و تبقى مش من الغافلين 🤌💛 #الوتر