@Ayol_ziynati 👑

🌙Ётмайлик биз асло ғафлатда, 🌙Ўзинг айла бизни нусратда. 🌙Мудроқ босмас, Сени албатта 🌙Уйғотиб қўй Роббим бомдодда! 🌙 ТУНИНГИЗ ОСУДА ЎТСИН! 🌸 @Ayol_ziynati 🕊 👸Ayollarimiz uchun maxsus kanal

#Бугунги_кун 8 май — Халқаро Oналар куни! Сизни минг мақтай, булар кам етмайди, Сизда сохта кулгу асло бўлмайди, Сиз бўлмасангиз, кўнгилим бу тўлмайди, Муштипарим сизни яхши кўраман. Аллоҳга айтаман биргина нолам, Сизни асрасин Парвардигор олам, Меҳрингиз тафтидан қувонар  болам, Ширин сўзим, сизни яхши кўраман. 🚀Яқинларга Ҳам Улашинг!

​​У бор кучини аямай, тер тўкиб ишлади. Энди омборга мудир бўлиш тушига кирадиган бўлиб қолди. Омбор мудирининг маоши 450-лира-я! Одам боласи бир нарсани астойдил ният қилса, ниятига етаркан. Яна уни хўжайин чақириб қолди. — Сизга бир яхшилик қилмоқчиман, омбор мудирлигини ҳам олиб берсам, нима дейсиз? — Миннатдор бўламан, бейафандим. — Жуда яхши, маошингизга яна 35-лира қўшиб қуяман. Бориб, омборни қабул қилиб олаверинг! Омбор учун олинган баъзи молларни адашиб ўзининг уйига ташиб кетадиган паришонхотир омборчининг паттаси қўлига тутқазилди. Омбор мудирлиги ҳам дарвозабонга ўтди. Иш кўплигидан унинг қўли қўлига тегмай қолди. Хўжайин ҳам ҳўкиз эмас-ку, кези келганда унинг тиришқоқлигини инобатга олар, ахир. Мана, инобатга олди ҳам. Хўжайин бир куни уни ҳузурига чақириб: — Сиздан ғоят миннатдорман, жуда хурсандман… деди. Ишлаган тишлайди-да. Очиғини айтганда, дарвозабонлик сизга ярашмайди. Бошқа юмушлар зиммангизда қолаверади-ю, мен сизни фабрикага директор қилиб ҳам тайинламоқчиман. Директор бўлиш-а? Буни эшитиб Саломат довдираб қолди! Ўзи-ку айни муддао-я! Одам боласи бир нарсани астойдил ният қилса, ниятига етаркан. Мана, фабрикага директор ҳам бўлиб олди. — Ойлигингизга 90-лира қўшилди, — деди хўжайини. Дарвозабонликдан бўшаганлиги сабабли маоши 80-лира камайди. Лекин янги лавозими учун қўшимча равишда тўқсон лира ола бошлади. Хуллас, ойига ҳаммаси бўлиб 260-лира маош оладиган бўлди. 2,500-лира маош олиб келган директор хўжайиннинг секретари билан “дон олишиб” қолгани учун фабрика дан қувилди. Фабрикада қирқ ишчи, икки уста ва йигирмага яқин машина бор. Оддий ишчи бўлиш унинг қўлидан келмайди, усталикни эплай олмайди, машиналарнинг ўрнини эса босолмайди. Идорада ўзи билан хўжайиннинг секретаридан бошқа ҳеч ким қолмаган. У бўш пайтларида секретарь қиз билан валақлашиб ўтириб, унга нуқул хўжайинни мақтаб кетарди: — Барака топкур, хўп тилло одам-да. Мен фабрикага саксон лира оладиган дарвозабон бўлиб кирувдим. Мени тунги қоровул қилиб тайинлади, ойликни 110-қилди. Иннайкейин, котибликни ҳам берувди, маошим 170-га чиқди. Сўнг ҳисоб-китоб ишларини ҳам иноят қилган эди, 215-лира оладиган бўлдим. Шундан кейин омборчиликни ҳам қўшиб берувди, ойлик 250-лирага етди. Мана энди директор ҳам бўлиб олдим. Маошимни айтмайсизми 260-лира-я! Секретарь қиз ҳам унга бўш келмади: — Мен фабрикага пол ювадиган бўлиб кирганман. Ойлигим 40-лира эди. Кейин хўжайиннинг кир-пирини ювадиган, уйини супуриб-сидирадиган бўлдим, ҳақим 60-лирага чиқди. Сўнгра машинисткаликни ҳам ўрганувдим, 80-лира тўлайдиган бўлди. Уйида овқат қилиб беришга, рўзғорига қарашишга ўтдим, 100-лира ола бошладим. Кейин… кейин бўлса, хўжайин учун ким бўлиб қолганимни ўзингиз кўриб турибсиз. Менга яна 15-лира тўлайдиган бўлди. Ҳозир 115-лира олиб турибман. Бир куни у қизга қараб: — Кўп ишлаб, толиқиб қоляпсан-да, деди. — Ўзингиз-чи? жавоб берди у. Наҳотки маошингиз камлик қилмаётган бўлса! Ойлигингиз ошишини наҳотки истамасангиз? У қизнинг бетига тикилди. Идорада шу секретарь қиз икковигина қолганлиги унинг эсига тушди. Кейин бу қизнинг қўшимча вазифаси нимадан иборат эканлигини кўз олдига келтириб, сесканиб кетди. — Йўқ-йўқ, деди у, ойлигимнинг ошишини истамайман. Шунисига ҳам шукур. Хотин киши бўлганимда нима бўларди-а? Худо кўрсатмасин! Хўжайин сени ҳам ишдан ҳайдаб, ойлигимга яна 20-лира қўшиб берарди… Йўқ, керакмас… эркак киши бўлганимга хурсандман… Аммо лекин хотин киши бўлганимда-ю… Тамом... Азиз Несин. Туркчадан Миад Ҳакимов таржимаси. Ўқинг... Фақат йиғламанг!

Хотин киши бўлганимда-ю… Саломат трикотаж фабрикасига дарвозабонликка кириб, саксон лира ойлик оладиган бўлди. У бунака маош бир киши у ёқда турсин, чорак кишига ҳам етмаслигини била туриб, шундай қилди, чунки у ўзининг ишчанлигига, уддабуронлигига ишонарди. Ахир унинг бу қобилияти бир кун эмас, бир кун хўжайиннинг қулоғига етмай қолмайди, ана ундан кейин ойликнинг ошиши ҳам гапми! Аслида дарвозабонлик қилиш унга тўғри келмасди-я, лекин начора, дунёнинг ишлари шунақа экан. Ҳатто ўзи дарвозабон бўлишга арзимайдиганларнинг ҳам эшигини беш-ўнлаб туппа-тузук одамлар қўриқлай берар экан. Хуллас, дунёнинг ишлари чархпалак дегандек, хўжайинлар билан дарвозабонлар ўрин алмашган эканлар-да. Саломат ойлигим ошиб қолар, деб эртаю кеч жонини жабборга бериб ишлади. Ҳатто, ҳани энди тунги қоровул бўлиб олсам, деб кўнглига ҳам тугиб қўйди. Тунги қоровул 200-лира ойлик олади-я. Ўзи унчалик қийин иш эмас… Одам боласи астойдил ният қилса, албатта ниятига етаркан. Бир куни уни хўжайин чақиртириб: Хизматингдан хурсандман, деди. Раҳмат, афандим, саломат бўлинг. Кейин хўжайин ундан: Уйланганмисан? деб сўраб қолди. Ҳа, уйланганман, деди у бирор ножўя иш қилиб қўйган одамдай қимтиниб. Кейин, айбини биратўла бўйнига олиб, енгил тортмоқчи бўлган кишидай бошини эгиб, қўшиб қўйди:Иккита болам ҳам бор, бейафандим. Хўжайин ҳам койиган, ҳам ачинган бўлди.Ана холос! Тирикчилик ҳандай ўтяпти?Бир амаллаб, бейафандим. Кел, сенга бир яхшилик килай. Кундузи дарвозабонликдан қутулгач, кечаси қоровуллик қила оласанми? Қўлимдан келади, афандим. Буни қара,кундузи олти соат дарвозабонлик қиласан, кечаси саккиз соат навбатда турасан. Жами ўн тўрт соат бўлади. Яна ўн соат бўш вақтинг қолади. Розимисан шунга? Қуллуқ, бейафандим.Кечаси ишлаганинг учун ойлигингга яна ўттиз лира қўшиб бераман. Раҳмат. 200-лира ойлик оладиган тунги қоровул уйқуси қаттиқ бўлганлиги учун дарҳол ишдан бўшатилди, ўрнига уни тайинлашди.Кундуз кунлари у дарвозада турадиган, кечалари эса бўйнига шақилдоқ осиб,фабрикани қўриқлайдиган бўлиб қолди. Маоши 110-лирага чиқди. Кечани кеча, кундузни кундуз демай ишлайверди. Хўжайин ҳам бефаҳм одам эмас-ку, пайти келиб унинг жонбозлигини инобатга олар, қўлидан келадиган яхшилигини аямас, ахир. Масалан, айтайлик, фабрика котибининг ўрнига ўтса, қандай соз бўларди. Котиб ойига 300 лира ҳақ олади-я!Одам боласи бир нарсани ният қилса, ниятига етаркан. Бу гал ҳам шундоқ бўлди.Хизматингдан мамнунман, деди хўжайин уни чақириб. Сенга яна бир яхшилик қилмоқчиман. Кечалари ҳар ҳолда бекор ўтирарсан. Арзимаган ёзув-чизув ишлари бор эди, шуни қилмайсанми? Ойлигингга яна 60-лира қўшиб берардим… Бундоқ ўйлаб қараса, ойига 170-лира оладиган бўларкан.Илойим бирингиз ўн бўлсин, афандим, деб жавоб берди у хўжайинга.300-лира маош оладиган котиб қаҳва ичиш ва чекишдан қўли бўшамай,ишга қарамай қўйганлиги важидан фабрикадан қувилди. Бунинг юмуши ҳам дарвозабонга ўтди.Энди у кундуз кунлари дарвозабонлик қиладиган, кечалари эса фабрикани қўриқлаш билан бирга, ёзув-чизув ишларини ҳам бажарадиган бўлиб қолди. У тиним билмай ишлайверди.Хўжайиннинг ҳам кўзи бор-ку,унинг бу ишларини кўрмай ўлибдими. Фабриканинг бухгалтери 400-лира маош олади-я! Қани энди бухгалтер ҳам бўла қолса… Одам боласи бир нарсани астойдил ният қилса,ниятига етаркан. Кунлардан бирида хўжайин уни яна чақириб қолди:170-лира сизга камлик қилаётганини сезиб турибман, шунинг учун бир оз ошириб бермоқчиман. Ташаккур, афандим, дея миннатдорчилик билдирди у. Анча бўш вақтингиз бор кўринади. Уйда бекор ўтирганингизда фабриканинг ҳисоб-китоби билаи шуғуллансангиз девдим. Жоним билан, афандим. Жуда соз, маошингизга яна 45-лира қўшиб бераман. 400-лира ойлик оладиган бухгалтер тўрт амални чалкаштириб юборганлиги учун ишдан қувилди. Бизнинг дарвозабон энди 215-лира ойлик оладиган бўлиб қолди. Кундузи у олти соат эшикда турадиган,кечаси саккиз соат фабрика қўриқлайдиган ва шу вақт ичида ёзув-чизув ишларини ҳам қиладиган,уйида эса фабриканинг ҳисоб-китоби устида бош қотирадиган бўлди.......

Og'izda eriydigan qayta qayta yegingiz keladigan magizli pirojni tayyorlaymiz 😍 Muallif | recipe_mali Kerakli masalliqlar: ✅5 ta tuxum ✅200 gr shakar ✅300 gr magiz ✅300 gr sut ✅6 gr ichimlik sodasi ✅5-6 gr qabartma ✅320 gr un ✅vanilin Kremi uchun : ✅400 gr qaymoq ✅140 gr quyultirilgan sut ✅3 gr vanilin Ganaji uchun : ✅100 gr qaymoq ✅100 gr shokolad Tayyorlanishi videoda batafsil koʻrsatilgan. Qizigan duxofkada 30 daqiqada pishirib olamiz. Albatta obuna bo’ling 👇

Мардлик... Бозор кунларидан бири. Аёл уч кун аввал банкка бориб, хорижда ишлаётган эри юборган пулни олган эди. Бу ойдаги ўлжа аввалгиларига нисбатан хиёл мўлроқ экан. Нақд беш юз АҚШ доллари. Аёлнинг иккита вояга етмаган боласи бор. Бири еттинчи, иккинчиси бешинчи синфда ўқийди. Иккови ҳам ерга урса, осмонга сапчийдиганлар хилидан. Шумтакалар бировнинг кетмонини, бошқанинг ўроғини олиб қочавериб, онаизор қўни-қўшнилар олдида юзи шувит бўлиб қолган. Ҳартугул, бу кунларда икковига ҳам инсоф кириб, сал қуюлиб қолишганми, уззукун кўча чангитиб юрадиган бесар болалар энди онаси айтган ҳар бир гапга қулоқ илишяпти, ортиқ уни қийнашмаяпти. Ҳадемай таътил тугаб, мактаб бошланадаи. Ҳамма ўқувчилар янги форма кийиб, қаддини ғоз тутиб боришса, бу шўринг қурғурлар эски кийим-бошда боришадими?... Аёл шу ҳақида ўйлаб-ўйлаб, бугун бозорга тушиб, болларига кийим-бош харид қилмоқчи бўлди.  -Пешинга қолмай қайтаман, бозорга тушиб келай, сизларга кийим-бош олиб келаман, сизлар уйни ишларини қилиб ўтиринглар. Келгунимча ҳамма ёқ ёғ томса, ялагудай бўлсин,-тайинлади аёл қўлтиғига тўрсумкани қистириб олиб, дарвозадан чиқаётганида. -Айтганингиздай қиламиз, яхши бориб келинг, ойижон,-тўнғич ўғил онасини кузатиб қўйди. Кенжатой ҳам бир нималар деб онасининг кўнглини хотиржам қилди. Она уйдан чиқар-чиқмас, ака укасига қилиши лозим бўлган юмушларни тайинлай кетди: -Так, учта хонани, сўнг, ошхона билан айвонни супириб чиқасан, ҳожатхона ҳам эсдан чиқмасин. Хўш, кейин пол артасан... Шу ерга келганда кенжатойнинг фиғони фалакка чиқди: -Ие, полни ҳам мен артаманми? Унда сиз нима иш қиласиз. -Жим халақит берма, яна қанақа иш бор-йўқлигини ўйлаяпман,-укасининг оғзига уриб, тинчитмоқчи бўлди ака. Бироқ ука бўш келмади. -Сиз ишламасангиз, мен ҳам ишламайман. -Нима? Нима дединг, гап қайтариш қанақа бўлиши ҳозир кўрсатиб ўяман сенга... Ишдан бош тортаётган укани тавбасига таянтириш учун ака унга яқинлашганда, кенжатой «қочмаган номард» қабилида чаққонлик билан ҳовлининг нариги четига қараб югурди. Ака ортидан қувди. Шу тариқа мушук-сичқон ўйини бошланиб, тўзиб турган ҳовли чанг-чунгга беланди. Ҳовлини гир икки айланиб, укага етиб олган ака унинг енгидан ушлаб, юзига тарсаки солиб юборди. Ука мувозанатини йўқотиб, чалқанчасига йиқилиб тушдию, бирдан «вой-вой»лай кетди. Ака уканинг бу қилиғини унинг навбатдаги ҳийласи деб ўйлаб, жим тураверди, аммо ерга қапишган кафтларида қон сирқиб чиқаётганини кўриб, капалаги учиб кетди. -Нима бўлди?-тўнғич ўғил қўрқа-писа кенжатойга яқин келиб, бирдан ранги оқариб кетди. Кенжатой йиқилган маҳал михли тахтача устига тушган, тиғдай бўлиб турган мих унинг билагига чўрт ботган эди. Аммо ака довдираб қолмади. Икки эшик наридаги ҳамшира қўшни аёлни чақириб келди. -Жонларингга ичларинг ачимайди-я, қачон қарама, шаталоқ отиб юрганларинг-юрган, саннади ҳамшира аёл жабрдийдага яқинлашгач, нима юз берганидан ҳали хабар топмай. У кенжатойни ўрнидан турғазди-да, билагига ёпишиб қолган тахтачани суғуриб, спирт шимдирилган пахтани қўйди ва устидан бинт айлантириб боғлади. Аёл қуёш тиккага келган пайт бозордан қайтди. Бу дам тўнғич ўғил супирилган ҳовлига сув урар, кенжатой эса айвондаги кроватда ёнбошлаб ётганди. Онасининг шарпасини сезибоқ ўрнидан ирғиб туриб, унга яқинлашди. -Вой, ўлмасам, бу нима аҳвол,-кенжатойнинг оппоқ бинт сириб боғланган қўлини кўриб, қўрқиб кетди аёл,-айт яна нима ҳунар кўрсатдиларинг, ким билан тевалашдинг, зумраша. -Ҳеч ким билан,-овози хийла паст чиқди кенжатойнинг,-ҳовлида қоқилиб тушдим. Ака «укам ҳозир мени ойимга чақиб, урдирса керак», деб ўйлаганди. Йўқ, ундай бўлмади. Ука мардлик қилди. Акасини аяди. Умид Али.  

«Соғинтирган қадрдонларим...» Соғинган қадрдонларингизга юбориб қўйинг! 👉🏻 @HokimBuva - Расмий канал!

ШУМҚАДАМ. Докторлар бу хомилангиз хавфли дейишди. Туғсангиз соғлиғингиздан айриласиз. Назира опа ўз қарорида туриб олди. Вақти келиб ўғил чақалок туғилди. Назира опа ярим жон бўлиб қолди. Эри хатто ўғли хақида сўрамади ҳам. Аёли соғлиғидан қайғурарди. Собир ака аёлини жуда севарди. Катта ўғли ўн ёш, иккинчиси етти ёшда эди. Каттаси укасига умуман қарамасди. Онаси у туфайли касал бўлиб қолгандида. Кичиги бошида ўйнатиб юрди. Акаси сўкавергач у ҳам болага қарамай қўйди. Назира опа роса куюнар, Аллоҳдан ўзига фарзанди учун узоқ умр тиларди. Фақат Назира опагина болага қарар, бошқалар наздида чақалок шумқадам эди. Йиллар ўтгани сайин Назира опанинг соғлиги ёмонлашарди. Бола уч ёшда ҳаммадан ҳайиқар бирор ширин сўз эшитмасди. Ҳамма уни турткиларди. Олти ёшга тўлганда эса Назира опа дунёни тарк этди. Болакай дунёда ёлғиз қолганди гўё. Катта ўғли Сухроб ўшанда укасини тутиб роса урди. Зўрға катталар болачани ажратиб олишди. Собир ака эса аралашмади ҳам. Маракалари ўтиб уйда ўзлари қолгандан сўнг болакайга азобли кунлар бошланди. Оталари ишда ака-ука болакайга оғир юмушларни буюришар, бола калтак емаслик учун ҳамма ишларни бажарар эди. Бирор иши ёқмаса аёвсиз калтакланарди. Шундай қилиб Назира опанинг дунёдан ўтганига ҳам бир йил бўлди. Болакай еттига кирганди. Ҳар кунги калтак, азоблардан болакай чўкиб қолганди. Акаларининг кўзларига жавдираб қарарди. Ўша кун негадир болакай бахтиёр уйғонди. Онасини тушида кўрганди. Оппоқ либосли онаси уни қўлидан етаклаб кетди. Турдида негадир ювингиси келди. Билганича таҳорат олди. Бир пайт онаси олиб берган чиройли кийимларини кийиб онаси ёқтирган гуллардан узиб онасининг қабрига йўл олди. Қабр ёнида бир паст турдида, қабрни қучоқлаб олди, худди онасини қучоғида ётгандай бўлди. Юзида табассум билан ухлаб қолди. Болача санани билмас эди. Ўша кун онасини туғилган куни эди. Ички бир ҳиссиёт уни етаклаб келганди. Бир оздан сўнг Собир ака икки ўғли билан қабр ёнига келишди. Қабр қучоқлаб кичик ўғли ётарди. Бориб уни туртишди. Юзда табассум билан болакай дунёни тарк эткан эди! Ота боласини қучоқлаб йиғлаб юборди. Нега аёли тушида унга норози қараганини энди тушунди.  Ўқинг... Фақат йиғламанг!