MØØRÃÃ FÚGÚG ÎRRÃÃ

GUYYAAN HUNDI HALKAN ISAATILLEE DABALATEE KAN DUBARTOOTAATI. Addunyaan keeysa jirru tun silaa hundaaf waluma qixa. Garuu akki itti keeysa jirru hundi wal adda. Tanuma keeysatti warri gaalee namatti dhawee namaan deemu guyyaa addaan hiree fixeeti halkan hiruuf hiraata nyaachutti jira. Akka raabsii isaaniitti guyyaan arraa kun (Bitooteysi 8) ka dubartootaati. Guyyaa 360 fi wayi keeysa guyyuma 1 qoodaniif. Raabsiin isaanii akkas haa taatu malee silaa akka Raabsii haqaatti guyyaa fi halkan hundi kan dubartootaati. Dubartoonni; 1. Haadha nama deeysu, tan rakkoo fi rakkama kee hunda dandeeysu, tan gaafa daa'imaa qoma isiirra si keeysu, tan yoo ati beeloyte harma isii si afaan keeysu, ta yoo karaa deemtu Uka (duuyda isiirra) si keeysu, Ta yoo ati haajaa baatu miilarra si keeysu, tan ifii ol kuchiiftee mataarra isiirra si keeysu, tan osoo hin nyaanne afaan sii keeysu, tan osoo hin dhuuyne si obaaftee ifii dheebuun teeysu, ta akka ati nama taatu ganamaa galgala gorsaan karaarra si keeysu, ta huggalle siif kadhattu akka si milkeeysu, tan waan arkatte hunda ifii qullaa haftee suma harka keeysu tanaaf akkamitti namni haadharraa dhalate kan harma isii luugee sanumaan guddate guyyaa hedduu kana ofumaaf dhiifatee guyyaa tokko qofa qoodaaf haadhaaf laate? Guyyaa tokkichaahuu yoom waa isiif laate Obboleeytii fi jaartiis walumaan ramadeeti guyyuma tokkicha nama sadiif qoode. Akkamitti namni dilana garaa jabaatee guyyaa dila kana keeysaa quudhaa dadhabeefii guyyuma tokko qofa haadha, Obboleeytii fi jaartii isaatiif laate? 2. Jaartiin hiriyaa yaadaa fii waadaa, tan onnee teetii fi tan isii walitti qadaadaa, tan uffata jalaarra sitti dhiyaattu, tan hulaa cufattee kophaa waliin bultu, tan jaalala teetiif warra isii dhiiftee duuyda itti galtu, tan gaddaa gammachuu si waliin qooddattu, tan hiree isii guutuu sirratti amantu, tan guddina keetiif hoggalle laffaatu, tan siree sii aftee irra si bulchitu, tan ilmaan siif hortee shanyii biqilchitu, tan yoo ati aarte fuularraa si beeytu, tan ija jaalalaatiin hoggayyu si laaltuu, tan akka haadhaa abbaatti gorsa siif kannitu, yoo duaayii taatees tan leeylii siif gootu, ta diinii duniyaa irratti akkaan si gargaartu, tan hogguu hojii galtu dhungoon si afaan baatu, bishaan sii oowwiftee qaama sirraa dhiiyxu, ta daawwitii taatee hogguu suma laaltu, ta firaa firii tee sirra jabeeysitu, Ta irra deddeebitee JAALALLEE siin jattu, Hedduun si jaaladha jettee ta sitti maramtu, ta jannata addunyaatiin hogguu si qananiiftu, mee jaarsuma akkami ka isii tanaafiis guyyuma tokko laatu? Guyyuma tokkicha kana Haadhaafii obboleeytiiniis wajjiin kan qooddatu. Mee maaluma si goote kan guyyaa dila kana keeysaa tokko isii kennitu? 3. Obboleeytiin tan wajjiin dhalatan, harma haadhaa wajjiin luuggatan, wajjiin taphatanii tan wajjiin baratan, tan biddeena tokko saamaa wajji nyaatan, tan waliin dhaadatan, tan waliin morkatan, tan akka haadhaatti gorsa irraa fudhatan, tan akka jaartiitti rakkoo itti himatan, tan waan warratti himuu sodaatan isidhaan gayatan, tan jiruuf jireenya keeysatti irkoodhaaf abdatan, tan malaa fi mariif itti hasaassatan, Guyyaa dila kana keeysaa guyyaa tokko qofa akkamitti isiif laatan? Obboleeysa akkami ka akkanaa qorqodaan? Guyyaa tokkichaahuu yoom kophatti isiif laata? Guyyuma tokkicha kana Haadhaafii jaartiidhaa Obboleeytiif kennee sa'aan adda qooda, Guyyaa hafe kaaniifi galkan guyyaa kanaallee kophaa fudhateetuma kan isaa godhe qooda. Mee; Ilmaas taatu, jaarsaas taatu, Obboleeysaas taatu akkamitti guyyaa 360 keeysaa guyyaa 1 qofa Haadha tee, Jaartii teetii fi Obboleeytii teetiif walitti qooddee ifii teetii halkan guyyaa tokkicha kanaallee fudhattee guyyaa fi halkan hafan dila sanitti ida'atta? Dhumarratti Guyyaa fi halkan hundi kan haadha teenya, Jaartii teenyaa fi Obboleeytii teenya itti yaadannu malee guyyaan tokko qofti isaaniin hin malle. GUYYAAN HUNDI HALKAN ISAATILLEE DABALATEE KAN DUBARTOOTAATI.❣ Adem Dhalate Bitooteysa 8,2021. https://telegram.me/ademchannel

Booddeen warra firinxiixee ykn bololee hin tolle Seenaan Fir'ownaa bishaanin dhumte. Seenaan Numrud Biimbeen dhumte. Seenaan Qaaruun dachiitu citeenii dhumte. Seenaan Abrahaa dhagaa xixiqqaa ibiddaatin dhumte. Seenaan Ahzaab qilleensaan dhumte. Seenaan Hitlar if gubnaan dhumte. Gartanii? Warra if dhaadee cubbuun aangoome Rabbiin waan xixxiqqoon salphisee balleesse. Warra boonee firinxuuxu mara Rabbiin salphisuuf jiraata. Hanga fedhan bubbulanis akka xiqqeenyaan godaanuuf jiraatan beeki. Rabbiin waan Zaalimni dalagu sirritti arga. Qabaqabaaf malee hin dagatu. Guyyaan eeggatee isaan balleessa. Qur'aana Suuraa Ibraahim keessatti Rabbiin akkana ja'a.. * وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ * * (Yaa Muhammad) waan Zaalimtoonni(miidhaa hojjattoonni) dalagan irraa Rabbiin dagataa tahuu hin yaadin. Guyyaa isa keessa ijji banamtuufi ol fuudhamtuuf Rabbiin isaaniif booda aansaa

Waldaan Tokkummaa Muslimoota Magaalaa Jimmaafi Naannoo Isii guyyaa har'aa 20/06/2013tti hundeeffamaa jira. ****************************** Ummanni Muslimaa magaalaa Jimmaafi naannoo isaa 'Waldaa Tokkummaa Muslimoota Magaalaa Jimmaafi Naannoo Isii' jedhamu guyyaa Sambata xiqqaa gaafa 20/06/2013tti hundeeffamuu irra jira. Saganticha irratti ulamoonni magaalaa Jimmaa, hayyoonni Yunivarsitiifi magaalichaa, dargaggoonni, dubartoonniifi daldaltoonnis irratti hirmaataniiru. Kaayyoon waldichaa tokkummaa cimsuudha. Akkuma beekamu Islaama keessatti tokkummaan lafee dugdaati. Tokkummaadhaan amantichi galma ga'a; jireenyi hawaasummaa, diinagdeen, barnoonni, nageenyiifi kkf tokkummaa irratti hundaa'a. Kanaafuu Rabbiin tokkummaatti nu ajaje. Isin ummata tokkoo nutti hime. Karaan keessanis karaa tokkicha jedhe. Gurmuu tokkummaa Muslimaatiin tawhiidni Rabbii batamee deemame. Tokkummaan Rabbiifi tokkummaan ummata Muslimaa yoomuu kan adda ba'uu miti. Garuu yeroo ammaa sababa adda addaatiin tokkummaan boora'aa deemaara. Sababa siyasaa, mazhaba adda addaa, bu'aa addunyaa, kutaan wal qooduu, naannummaafi gosummaa tokkummaan Muslimaa laafaa jirachuun waan haalamuu miti. Amma garuu Muslimoonni dammaqanii tokkummaa ofii eeguun dirqama ta'a. Kan Jimmatti geggeeffamaa jiru kun fakkeenya gaariidha. Kutaaleen biroos waan kana bifa adda addaatiin hojjataa jiru. Ammas itti fufuu qabu. Rabbiin tokkummaa kana galmaan nuuf haa ga'u. Nama ittiin milkaa'us nu haa taasisu. Share fii Join Godhaa 👇👇👇👇👇👇👇👇 @Yaadaafiihaada @Yaadaafiihaada @Yaadaafiihaada 🙏🙏🙏🙏🙏🙏🙏🙏🙏🙏

SOORA QALBII Garaa beelawe sooruuf Hoggayyuu laffaata Nyaatasa barbaada Goda meeqa kessa baata Halkani fi guyyaas tahee Dhabuun hayyamtu nyaata Duuba garaa kana sooruuf Akkana hojettaa Soora qalbii kana hoo Akkami dagattaaa Qalbiin tun maal sooratti Mee xiqqo ni yaadatta Mee anuma hordofi Wahi irra hubattaa Zikrii rabbittii Qalbiin kan sorattuu Isaan addan baate Abad hin jiraattu Rabbi faarsuuni Gammachuu kan arkkattu Namni dilii firra dhiise Rabbii saa abadu Ganama subiin ka'ee Salaata sagadu Namni akkasii sunii Kan hoguu gammadu Akka fadhe tahuus Rabbiin qamaa kee hin laaluu Waan qalbiin tee taateenii Kani si madaalu Kanaaf rabbiitti dhihatee Amman if talaalu Qalbiin dhukkubsa tellee Zikrii saatiin yaalu Garaa keenya caalaa Qalbiin nyatatii haajamaa Yoo qalbiin nurraa gogagee Qaama hundaa midhamaa Kanaaf qalbiin sooruf Mee itti cin qamaa Sher join godhaa 🙏🙏🙏🙏

Miidiyaa islaama Yaa miidiya ummataa Ulamaa nuuf ol neeyxe Mana kheeysa dubbattaa Namni miidiyaa muslimaa qabu Yoom waan biraa mildhataa Miidiyaa islaamatirra Wantoonni garsiisan Sagantaale babbareedu Kan nama barsiisan Afaaniin si gorsaa Kan nama bashannansiisan Waan miilaan barbaanu Khunoo dhiheeysitee Akka manatti barannuuf Haala mijeeysitee Diin rabbii gadi dhaabuuf Utubaa jabeeysitee Tokkolleen hin balleeysu Waan ati miidhaaysite Sheekkoota kheenya Ifatti muldhiftee Isaanii fi hawaasa Kunoo wal barsiifte Waan nurraa dhokhate Meeqa nu garsiifte Miidiyaale islaama Bira nuu dhaabbadhaa Mana kheeysattillee Isuma daawwadha Beekkumsa guddaa dabarsaa Me irraa baradha Rakkoolee miidiyaa Meeqaantam kheeysa tarree Ulamoota hedduu Aduunyaarra dabree Sababa miidiyaatiin Tokko hin agarre Amma khunoo hiree arkkanne Akka yaroon nun dabarree JOIN 👇👇 @Yaadaafiihaada

Tan dhaloota qofaan hin dhufne Ati yaa obbolummaa Osoo saba hin laalle Amaasiis gosummaa Tan of kheesatti hammattu Qabaata fi miskiinumma Yoo atin jiraanne Waa hin arkkamtu tokkummaan Obbolummaan gaariin Rabbiif jecha wal jaalachu Jireenya aduunya qofaamiti Aakhiraafiis wal abdachu Wal amananii Jaalalaan wal bira daabbachu Obbolummaa kheeysatti Waa hedduu arkkama Wajji dhalootaan malee Namni obbolooma Sababaa diinsaatiif Walitti hidhama Namni rabbi jecha wal jaalate Waliif amanama Haada rabbi khan hin cinneen Walitti hidhama Yoo rabbiif jecha wal jalaanne Rabbiilleen nu jaalata Imaana guutu Hoggaas ni arkkata Yoo qabaattees khan gargaartu Miskiina rakkataa Khaaliqni ol tahees Wallahi nuuf rahmata Rabbiif jecha obbolooma Arkkadha jannata Beekhi faayda hin qabduu Obbolummaan duniyaa Yoo namuutu je'e Faayda mataa khiyyaa Obbolummaan ni diigamtii Yoo nin jala deeme fedhii lubbuu tiyya Adawiiniis nu laallatti Osoo aduun guyyaa Obbolummaa jeebeeysa Diin kheenya me taha waardiya Osoo obbolummaa diin qabaanne Adawiin nun laallattuu Tokkummaa dhabuu keenya laalte Akkanatti nun tuffattu Tokkummaan tuniis obbolummaan ala Wallaahi hin arkkamtu Obbolummaan dhugaa Rabbiif jecha wal jaalachu Rakkoo fi baldhoottiis Wal bira dhaabbachu Obbolummaa rabbiin nuuf dhaame Haada si qabachu Jireenya sahaaboota Kan dabre sun yaadachu Allah allah yaa rabbii Mooticha olaana Qalbiin teenya nu goggooyde Sumaatu nu wal dhaana Rahmata kheetiin nu jiisi Mee wal jaalannee tokko taana @Yaadaafiihaada

Wanti si fiiysisaa yoo waan fiiguufii hin qabne yoo tahe maali beeyta? Dhaabbadhuu hafuura fudhu mee. Maaliif fiigicha dhuma hin qabne kan waan fiiyduuf hin beeyne fiiyda. Fiigicha fedhii kee malee jalqabde, kan jalqabaa fi xumura isaa hin beeyne, kan bu'aa fi miidhaa isaa hin beeyne keessa maaliif seenta? Maaliif meeshaa namni hundi itti fayyadamanii fedhii isaanii itti guutattan taata? Fiiguu kee dura adawwii si arihachu jiru if booda garagalii laali. Booyuu kee dura waan si boochisu, barbaaduu kee dura waan barbaaddu, rakkachuu kee dura waan si rakkisu, darbachuu kee dura waan darbattuuf, dubbachuu kee dura waan dubbattuuf mee altokko yaadi. Maaliifi ni beeytaa? Wanti si fiiysise waan nama hin fiiysisne, wanti si boochisu cufti waan ati booyuufii hin qabne, wanti ati barbaaddee kophee firra fixxe waan si hin barbaachifne, wanti rakkatteefii halkanii guyyaa hirriiba itti dhabde waan rakkachuufii hin qabne,wanti ati dhagaa itti darbattee fi dubbattee deebisteef waan tuffattee bira dabruu qabdu tahuu dandayan. Wanti hundi salphaa tahuu mala. Ati dadhabuu kee dura dhaabbadhuu yaadi. Maaliif ja'ii if gaafadhu. Fayya bareed dargaggeessa ni harkifti taha. Akka kun hin taaneef dhaabbadhuu yaadi. Miira aaraa keeysa taatee waa hin murteeysin. Ilyaas Abdallaa February 27, 2021

Qeeqa yeroodhaaf lakkisi Dur Namticha tokko ture. Ganda xiqqaa kan namni waggaa 100 dura irraa godaane fakkaattu keessa goojjoo caccabxuu keessa jiraata. Rakkinni adda addaa waan isa qunnamuuf namni kun jireenya isaatti gammadee hin beeku. Guyyaalee keeysaa guyyaa tokko ganda tokko kan ganda inni jiraatu kanatti dhihaatu keessa akka namni hayyuun tokko dhufu dhagaye. Yeroo kana nama hayyuu kana walarguun qaba jechuun murteeyse. Imala ganama jalqabee guyyaa guutuu miilaan deeme kan faana dhukkee kun ganda namticha hayyuu kana itti argachuu dandayu dhaqe. Mooraa namtichaa ol seenee teessoo mukaa irra gad-taa'ee eeguu jalqabe. Eega yeroo dheeraa eege booda namticha hayyuu argee gaafii gaafachuu jalqabe." Abbaa koo! Kunoo ani jiruu kootti humaa gammachuu hin qabu; ani rakkinaa fi gadadoodhaaniin marfamee jira... gamanaan hojii hin qabu, maatiin koo fedhii kiyya guututti hin jiran, rakkinni mana keenya keessaa lakkaawamee hin dhumu. Maalo abbaa koo mee rakkina kiyya kanaaf gorsa naaf laadhu. Jireenya gammachuu fi nagayaa akkaan jiraadhu na gargaari," jedhee gaafate Jaarsi hayyuun seeqeeti, "ilma koo! rakkoo si qunname kanaaf boru ganama furmaata siifin kenna garuu amma hojii xiqqoo takka akka naaf hojjattuun si gaafadha," jedhe. Namtichiis "tole niin hojjadha" jechuun waliif gale. "Imala keenya gaala 100 qabannee deemu jirra. Isaaniis mooraa kana keessa jiran. Kanaafuu ati gaala hundaahu naaf eegi. Hattuu fi bineensa irraa tiiysi. Eega gaala hunda gad-teeysifte booda gara mana hirriiba keetii deemtee rafuu dandeessa. Adaraa ! Hanga gaala hunda hudduun gad-teeysiftuu deemtee hin rafin" jechuun jaarsi gurbaa kanatti ajaja dabarsee gara manaa seenee mataa lafa kaaye. Gurbaan kuniis waan ajajame godhuuf gara mooraa gaalli jiru deeme. Jaarsi ganama subiidhaan ka'ee gara mooraa gaalli jiru dhaqe." Ilma koo! eda hirriiba sirritti rafteemi? Jedhee gaafate. Namtichi garuu fuula akka nama qaaxiraa galgala sadi bule fakkaatuun ija rirrigachaa, " Abbaa koo ijji ati agartu tun ija kaleeti, liphuu takkaafillee ijji osoo walitti na hin dhufiniin bule, hedduun dadhabe, yaalii baay'een godhe. Akkasumaa wajjin gaala hunda hoggu takkatti gad-teeysisuu hin dandeenye. Gaalli tokko tokko ifumaaf gad-taa'an, gariin hoggaan gadiin teeysisa ja'eehu naaf gad-hin taa'an. Hoggaa hangi tokko gamanaa gadtaa'e kaan gama kaanii ol-ka'an. Jaarsi ammaas seeqaniiti," ilma koo kun hundi kan tahe galgaluma edaa qofattiimi?" Gaalli ofumaaf fedhii isaaniitiin gad-taa'an hedduudhaami? Ammaas gaalli lakkoofsaan hedduu tahan yaalii keetiin gad-taa'anii jiraniimi? Hangi tokko ammaas gadiin teeysisa hoggaa jettu si didanii yeroo hanga takka booda ifumaaf gad-taa'aniimi? Hangi tokko ammaas galgala guutuu osoo gad-hin taa'in hin bullee? Gurbaaniis: "eee! Eee!... sirrii jettan" jechuun deebise. Jaarsi itti fufee: "kanaafu ilma koo mee amma waan tokko hubatteemi?" Jireenya kee keessatti rakkinoonni si qunnamaniis akkuma kana. Rakkooleen tokko tokko ofumaaf furmaata argatan. Hangi tokkoos yaalii fi ifaajii keetiin furmaata argatan. Hangi tokko ifaajii keetiinillee furmaata hin argatan. Rakkoolee akkanaa yeroodhaaf dhiisi. Yeroon sirrii hoggaa geesse ifumaafuu furmaata ni argatan. Atiis akkamitti rakkoo kana akka furmaata itti kennitu yeroo keessa ni barta. Tarkaanfiin tarkaanfattu gara kaayyoo keetitti akka si geessitu mirkaneeffadhu. Eegasii tarkaanfachu hin sodaatin. Yeroo tokko tokko dogongorri milkaa'ina osoo hin rakkatin argachuu hawwuu irraa dhufa. Kun garuu sirrii miti. Rakkoo fi milkiin waljala deeman. Rakkoo waliin ballootu jira. Balloo waliiniis rakkootu jira. Hiraaruu fi rakkachuu booda gammachuun akka jiru hubadhu. Ba'aa jireenya kanaa obsaan yoo duraa tarkaanfatte ba'aan sun si gubbaa lafatti bu'uu mala. Yoo ati iddoo ba'aan rakkoo sitti fe'ame dhaabbachaa oolte namni sirraa buusu hin jiru. Rabbiin nama gargaarsa gaafate, sosochii godheef gargaarsa godha. Rakkina hammattee niin rakkadhe yoo jette osoo rakkina odeeysituu ardii tana gad lakkifta. Ilyaas Abdallaati Harar, February 26, 2021

Ajajni mana murtii kabajamuu dhabuu irratti manni murtii Waliigalaa Oromiyaa maal jedhe? Naannoo Oromiyaatti murteen manneen murtii kabajamuu dhabuun rakkoo mul'achaa jiru ta'uu qondaalli Mana Murtii Waliigalaa Oromiyaa Obbo Gonfaa Atoomaa himan. Obbo Gonfaan namoota bilisaan akka gadhiifaman murtaa'e gadhiisuu diduu fi kanneen mirgi wabii eegameef gadhiisuu diduun poolisoota biratti akka mul'atu ibsan. Maaliif akka ajajni mana murtii hojiirra hin ooliin hafe poolisoonni wayita gaafataman ''qaama olaanaarra ajajaatu nuu kenname'' akka jedhan dubbatu Obbo Gonfaan. Ajaja mana murtii kabachiisuu dhabuun yakka akka ta'e kaasuun sirreeeffamu akka qabus himan. Dhimma kanarratti Pirezidantii naannoo Oromiyaa, dabalatee qaama dhimmichi ilaallatu wajjiin mari'achaa akka jiraanillee kaasan. Gabaasa guutuuf👇 https://www.gadaapost.com/oduu/ajajni-mana-murtii-k-2021-02-26-101231902664 @Gadaapost @Gadaapost