Xushnud Rahim official

ДУШМАНИМ КЎП, ДУШМАНИМ #янгисидан Сўзлаб кам-у кўстимдан, Ғийбат қилар, устимдан, Ҳаётимда дўстимдан, Душманим кўп, душманим. Ўйланиб кундуз-кеча, Тузарлар, турли режа, Билмайман сони неча? Душманим кўп, душманим. Дўстман деб очиб қучоқ, Орқадан санчар, пичоқ, Йўлим тўла, чох, тузоқ, Душманим кўп, душманим. Бириси кўзлар, жойим, Бири захарлар, чойим, Ўзинг асра, Худойим, Душманим кўп, душманим. Хушнуд айтар, ҳар қачон, Бир яхшига бир ёмон, Гапим аниқ бегумон, Душманим кўп, душманим. ©Хушнуд Раҳим шеъри✍ KANAL|@xushnudrahim_official

ДЎСТ БЎЛМАСАНГ ДУШМАН ҲАМ БЎЛМА! #янгисидан Дўстим дея ишондим сенга, Гар йиқилсам, устимдан кулма. Садоқатли дўст бўлгин, менга, Дўст бўлмасанг душман ҳам бўлма. Гоҳ баланд, гоҳ пастлигимиз бор, Гоҳ ёлғон, гоҳ ростлигимиз бор, Ўртада шу дўстлигимиз бор, Дўст бўлмасанг душман ҳам бўлма. Худо бериб ишларим юрса, Ҳасад қилма, омадим кулса, Чин дўстим бўл, қўлингдан келса, Дўст бўлмасанг душман ҳам бўлма. Неки гапинг бўлса, ўзимга, Айтавергин, тўғри юзимга, Лекин чўп суқмагин, кўзимга, Дўст бўлмасанг душман ҳам бўлма. Йиқилсам қўл узатгин, эй дўст, Синсам, қайта тузатгин, эй дўст, Ҳаётимни безатгин, эй дўст, Дўст бўлмасанг душман ҳам бўлма. Дўстингман деб алдаб юрмагин, Алдаб ишончимга кирмагин, Сўнг орқамдан пичоқ урмагин, Дўст бўлмасанг душман ҳам бўлма. Тулки каби қилмагин хийла, Не сўйласанг ростини сўйла, Хушнудни ҳам озгина ўйла, Дўст бўлмасанг душман ҳам бўлма. Соҳта дўстлар дўст ғамин емас, Дўстим борми, йўқми ҳам демас, Чин дўстим бўл, душманим эмас, Дўст бўлмасанг душман ҳам бўлма. ©Хушнуд Раҳим шеъри✍ KANAL |@xushnudrahim_official

БИТТА ЧИН ДЎСТ ТОПИЛМАЙДИ #янгисидан Оғир ҳолда қолганингда, Ғам эшиги ёпилмайди. Ёрдамга зор бўлганингда, Битта чин дўст топилмайди. Ғамдан қаддинг букилганда, Ташвишлардан сиқилганда, Қўл чўзмаслар, йиқилганда, Битта чин дўст топилмайди. Гар қўлингда бўлса давлат, Ёнинг тўла соҳта улфат, Бошингга бир тушса кулфат, Битта чин дўст топилмайди. Дўстингман деб юргувчи кўп, Йиқилсанг юз бургувчи кўп, Ҳолинг кўриб кулгувчи кўп, Битта чин дўст топилмайди. Дунё ўзи ёлғон дунё, Садоқати йўқдир, асло, Ҳар нарса топилар, аммо, Битта чин дўст топилмайди. Дўстман деган ўша дўстлар, Сендан бирор фойда кўзлар, Хушнуд ҳақиқатни сўзлар, Битта чин дўст топилмайди. Қулоқ тутгин, ушбу сўзга, Ишонмагин, соҳта дўстга, Асли Худойимдан ўзга, Битта чин дўст топилмайди. ©Хушнуд Раҳим ше'ри✍ 📞+998934685150 KANAL |@xushnudrahim_official

O‘zbekistonda she’rlari “xit” qo‘shiqqa aylangan shoirlar taqdirlanadi Yuqori natija ko‘rsatgan, qo‘shiqchi, sozanda, kompozitorlar, yozuvchi va dramaturglar ham taqdirlanadi. Ularga yil davomida har oyda 5 mln so‘mdan qalam haqi beriladi, O‘zbekiston bo‘ylab samolyot, poyezd va jamoat transportidan bepul foydalanadi. Ixtisoslashgan tibbiyot markazlarida davolanish xarajati to‘liq budjetdan qoplanadi. Ularning mahorat maktabi va ijod uylari tashkil etiladi. @daryo_live

ЙЎЛИНГГА КЎЗ ТИКАМАН #архив Йўлинга кўз тикаман, Келмайсан. Ҳар кун азоб чекаман, Билмайсан. Севдим, сендай золимни, Бериб бутун боримни, Келиб бирбор холимни, Сўрмайсан. Сен кўксимда юраксан, Сен қалбимда чечаксан, Менга жуда кераксан, Сезмайсан. Чалиб севги торингни, Куйлаб дилда борингни, Нега мендек ёрингни, Севмайсан. Хушнудингни кўнгли ғаш, Азобларда кўзи ёш, Нега бунча бағринг тош, Куймайсан. 23.09.2018 © Ҳушнуд Рахим ше'ри.✍ KANAL |@xushnudrahim_official

KELMADING #arxiv #архив Diydoringni sog‘indim man, Yondim, kuydim, og‘rindim man, Kelgin dedim, yalindim man, Kelmading. Kelaman deb va'da berding, Yuragimga dalda berding, Meni har kun aldayverding, Kelmading. Kuyar bo‘ldim, kuta-kuta, Ishqingda g‘am yuta-yuta, Barchasiga qo‘yding nuqta, Kelmading. Darig‘ tutib diydoringni, Berding dardu ozoringni, Aytmading, dilda boringni, Kelmading. Yurak to‘ldi armonlarga, Yo‘l ochildi, xijronlarga, Ishontirib yolg‘onlarga, Kelmading. Sen Xushnudni sevmadingmi? Unga ko‘ngil bermadingmi? Kutganini bilmadingmi? Kelmading. © Xushnud Rahim she'ri.✍ KANAL |@xushnudrahim_official

ЁДИМДАСАН, ҲАЛИ ҲАМОН #янгисидан Менинг дард-у, фарёдимда, Додимдасан, ҳали ҳамон. Бўлмасанг ҳам ҳаётимда, Ёдимдасан, ҳали ҳамон. Юрагимни очиб қара, Қолиб кетган сендан яра, Унутмадим сени сира, Ёдимдасан, ҳали ҳамон. Дунё шундай экан, бир кам, Камим бўлиб қолдинг, эркам, Унутмасман сени ҳеч ҳам, Ёдимдасан, ҳали ҳамон. Кечалари тўлғонаман, Исминг айтиб уйғонаман, Соғинаман, ҳам ёнаман, Ёдимдасан, ҳали ҳамон. Англаб етди шуни Хушнуд, Тарорлар, ҳар куни Хушнуд, Унутмайди сени Хушнуд, Ёдимдасан, ҳали ҳамон. ©Хушнуд Раҳим шеъри ✍ KANAL |@xushnudrahim_official