مهمهيّة

"سافرت لك بعد إتصالك على طول ‏جيتك ولا تسألني شلون جيتك ‏قل نورت بوجودك الدار و أقول ‏منورة بـ وجود أهلها فديتك." #أدب_السفر

"حبيبتي، شدّ الغياب وثاقي ‏حتى السفر عيّا يجيبك صدفة ‏في غيبتك كنّ السراب: أحداقي ‏قدّامه أمسي والقدر من خلفه ‏أزهم رحيلك وألتفت والاقي ‏وجهٍ من أيام الظما ماعرفه ‏ضمّيت طيفك وأرهقتني ساقي ‏عيب الرحيل: إنه يبي له وقفة." #أدب_السفر

صباح الخير، مـيّ تقول: ياربعنا اللي بين ظالم ومظلوم ‏ماتشتبه اْلاريا السديده عليّه ‏صكتني الدنيا بـ عادات وسلوم ‏ولا نثرت إلها المبادي ضحيّه .

‏"لا تباطاني فديتك تراني جاي جاي ‏والسفر ما هو بكيفي ولا غصبٍ علي ‏ياعذابي يوم اقفّي وانا ادري إنك وراي ‏وادري إن قدّام عيني ربوعي واهلي." #أدب_السفر

"أنا كيف أسافر يامحمد واخلّي نوف ‏وأنا كيف اعيش بديرة ٍ ماتعيش بها." #أدب_السفر

"حنين المحب يعيّشه طرقة الكداد ‏لا سافر يردّه صالي الشوق من حينه." إختيار تويتري_ #أدب_السفر

"ليت لي من وصلها ما لليتيم من البراءة ‏لا نشد من غيبة الميت وقالوا له مسافر" ‏ #أدب_السفر

"أنا فالسفر لا صار مالي خوي ازريت ‏أشوف الطريق بعيد والطرقه وحيشه ‏لا تتكل على أهل المال ولا على أهل الصيت ‏عسى الله يقوّم كل طيرٍ على ريشه." #أدب_السفر

"يجيب السفر طاريك، ياحي ذا الطاري ‏وأنا بين تغميض العيون ومدامعها ‏غريب السفر والاغرب احساسه الناري ‏ياكم ناس جمعها وياكم ناس فرقها ." الخالدة للخالد: أبو جابر. #أدب_السفر

"سلامي على ذيك الزوايا وذاك البيت ‏سلام الغريب اللي يحسب السفر منفى ‏احسبه بيقْفي بعد ما شافني قفيّت ‏لكن للأسف قفيّت عنه وهو ماقفى." #أدب_السفر

"مصلوحي من الناس ما منه مفر ‏ولا تركت الديره ومخلوقها ‏مرارة العزلة وتفضيل السفر ‏ذوّاقها كذاب .. لين اذوقها ‏ماردني عنها سوى الظبي العفر ‏اللي لو اباعد وصلني شوقها." #أدب_السفر

"وتسألني على طاري الهدايا وش تبين اجيب؟ ‏ابي قلبي يعود من السفر بـ يدين محبوبه ‏ ‏انا ماخاف ياخذك الزمان لغيبته و تغيب ‏انا اخاف المحبّ ان غاب ليله غيّر اسلوبه." _ الظاهرة: ميّ. #أدب_السفر

"تسافر وتبغاني وراك أمدح المقعاد ‏وأنا لا بغيت الصدق ما عاد لي قعده" #أدب_السفر

"ما تغيّر حنين البوصلة للشمال ‏لو تسافر ويمسي من جنابك خَلي ‏سيّدي لو تنادي كل وجهة تعال ‏غربتي كيف أجاوزها ووجهك هَلي." #أدب_السفر

"ألا ياصديقي ليت لي فالحِجاز حْجاز تعبنا نسافر والسفر تعرف اسراره." #أدب_السفر

"ولا يشغلك شرخ صوتي، شرخ صوتي قديم ‏يمكن من أول وداعيّة سفر قالها." #أدب_السفر

"كل ماصارت الليلة عيونك .. سريت ترجهن الدروب لخاطرٍ ما هجع وجهك اللي ذكرت و وجهك اللي نسيت كنه الضحكة اللي في طرفها وجع ياكثر ما أسافر عنك ولا مشيت شي مني وقف نص الطريق ورجع." #أدب_السفر

"ترى المسافر ما يمل من الوقوف ‏إلا الوقوف اللي على سير الشنط." #أدب_السفر

"مسافر وانتظر من كفّها التلويح ‏وهي راحت تحسب إن المسافر راح" ): #أدب_السفر

"أنا أطول سفر سافرته اللي بدون شناط أحس الأماكن تنهزم والحنين يفوز." #أدب_السفر