Turkistan TV

Шардараның тазалығы сын көтере ме? «Таза Қазақстан» бағдарламасы аясында бұл жолы Шардара ауданындағы тазалықтың жай-күйін бағамдап қайттық. Ауданның орталық көшелерімен ғана шектелмей, ішкі көшелер мен елді мекен аумақтарын да аралап көрдік. Кей жерлерде шашылған қоқыс пен тұрмыстық қалдықтар көзге түсті.

👩‍💼 Қазақстандағы ең ықпалды әйелдер кімдер? Forbes Kazakhstan 2026 жылғы «Қазақстанның ең ықпалды 25 әйелі» рейтингін жариялады. Биыл алғашқы төрттік өзгеріссіз қалды: 🥇 Үміт Шаяхметова 🥈 Мәдина Әбілқасымова 🥉 Аида Балаева 4️⃣ Ләззат Ибрагимова Ал үздік бестікті Әсел Тасмағамбетова түйіндеді. Ал сіз Қазақстандағы ең ықпалды әйел деп кімді атар едіңіз? 👇

ӨЗБЕК АҒАЙЫНДАР ҚАЗАҚСТАНҒА АРНАП САМСА ПІСІРДІ Өзбекстандық аспаздардың Қазақстан атауын бейнелеп, самса пісірген видеосы әлеуметтік желіде тарап, көпшіліктің назарын аударды. Ерекше туындыға желі қолданушылары қызығушылық танытып, кәсіпкердің шығармашылығына жылы пікірлерін білдірді.

Өзбекәлі Жәнібековтің туғанына – 95 жыл Биыл қоғам қайраткері Өзбекәлі Жәнібековтің туғанына 95 жыл. Мәдениет жанашырының мерейтойына орай Түркістанда көрме ұйымдастырылды. «Әзірет Сұлтан» ұлттық тарихи-мәдени музей-қорығында ұйымдастырылған экспозицияға тұлғаның өмірі мен қызметіне қатысты құнды дүниелер қойылған.  

«АТА-АНАЛАР ЖҰМЫСТАН КЕЙІН ҰСАҚ-ТҮЙЕК МӘСЕЛЕМЕН МҰҒАЛІМДЕРДІ МАЗАЛАМАУЫ КЕРЕК» Оқу-ағарту министрі Жұлдыз Сүлейменова мұғалімдердің ата-аналармен кешкі сағат 6-дан кейінгі қарым-қатынасына қатысты пікір білдірді. Министрдің айтуынша, ата-аналар жұмыс уақытынан кейін мұғалімдерді ұсақ-түйек мәселелермен мазаламауы керек. Бұл педагогтердің жеке уақытына құрметпен қарау үшін маңызды.

«АМАНДАСУ ӘДЕБІН ЖАҢАРТУ КЕРЕК» Амандасу әдебін білу, оны дұрыс қолдану ұлттық тәрбиенің маңызды бөлігі. Этнографтар осылай дейді. Ал, Мемлекет басшысы бұл мәдениетке қатысты жаңа қоғамдық этика мен мәдени мінез-құлық қалыптастыру қажеттігін айтқан болатын. Дәстүрден келе жатқан амандасу әдебі қандай? Толығырақ тілші материалында.

1000 теңгеге бірнеше ғасырға саяхат жасағыңыз келе ме? Түркістандағы Ясауи музейінде қаланың көне тарихы, ислам өркениеті және Қожа Ахмет Ясауидің өмірі мен іліміне қатысты құнды жәдігерлер қойылған. Әр экспонаттың артында өзіндік тарихы бар. Түркістанға келсеңіз, тарихи орынға соқпай кетпеңіз!

Сауран ауданына қоғамдық көлік қатынайтын болады Түркістан облысының әкімі Нұралхан Көшеровтің облыс тұрғындарымен кездесуінде көтерілген мәселелер кезең-кезеңімен өз шешімін табуда. Соның бірі жүзеге асып, Сауран ауданының Түркістанмен шектесетін аумағында қоғамдық көлік мәселесі шешілді. Жолаушы ЖШС №10 автобустың бағытын созып, қосымша тағы 2 автобус қосылғанын мәлімдеді.

ЖЕТІСАЙЛЫҚ МАҚСАТ ҚЫДЫРША ТӨРТ ДҮРКІН ЕЛ ЧЕМПИОНЫ АТАНДЫ Талдықорғанда пара үстел теннисінен ересектер арасында Қазақстан чемпионаты өтті. Жарысқа 15 өңірден 100-ден астам спортшы қатысты. Түркістан облысының намысын қорғаған Мақсат Қыдырша жекелей сында І орын алып, ересектер арасында төрт дүркін Қазақстан чемпионы атанды. Сондай-ақ жұптық және аралас жұптық сайыстарда екі қола жүлдеге ие болды. Мақсат Қыдырша бұған дейін жастар арасында да төрт дүркін ел чемпионы атанған.

ТУРИЗМ САЛАСЫ ЕЛ ЭКОНОМИКАСЫНА 5 ТРИЛЛИОН ТЕҢГЕ ТАБЫС ӘКЕЛДІ Қазақстанда туризм саласы екі жылда 60 пайызға өсіп, ел экономикасына 5 триллион теңге табыс әкелді. Салаға салынған инвестиция 2,2 триллион теңгеден асып, ел ішінде Hilton мен Mandarin Oriental сияқты халықаралық деңгейдегі 25 жаңа қонақ үй бой көтеруде. Сондай-ақ, елде 10 мыңға жуық жаңа жұмыс орны ашылмақ. Туристер ағыны бойынша Алматы тау кластері, Түркістан және Маңғыстау өңірлері көш бастап тұр.

ЗАҢСЫЗ КАЗИНОНЫҢ ҚАРАЖАТЫ ӘШКЕРЕЛЕНДІ Алматыда заңсыз интернет-казинолардың қызметін қамтамасыз еткен адамдар тобының әрекетіне тосқауыл қойылды. Тергеу мәліметінше, күдіктілер «Olymp Casino», «Rukh Poker» және «7Kcasino» интернет-казиноларының төлем жүйесін ұйымдастырып, «Rocket.do» платформасы арқылы ойыншылардан ақша қабылдаған. Топқа қатысқан шетел азаматы банк шоттарын пайдалануға беретін адамдарды іздеп, оларға 200 долларға дейін сыйақы ұсынған. Кейін дропперлерді Қазақстанға әкеліп, ЖСН рәсімдетіп, банк шоттарын аштырған. Тергеу барысында осындай шоттарға интернет-казино ойыншыларынан 110 миллион теңгеден астам қаражат түскені анықталды.

2 МЫҢҒА ЖУЫҚ ОҚУ БАҒДАРЛАМАСЫ ЖАҢАРТЫЛДЫ Қазақстанның ЖОО-ларында 2 мыңға жуық білім беру бағдарламасы түбегейлі жаңартылды. Енді отандық университеттерде энергетиктер — IT-энергетикке, агрономдар — цифрлық агрономға айналмақ. Бұл туралы Үкімет отырысында Ғылым және жоғары білім министрі Саясат Нұрбек мәлімдеді. Тіпті еліміздегі 8 жоғары оқу орнында дрон басқаратын мамандар даярлана бастапты. Қазірдің өзінде 430 студент дрон инженериясы мен аэроғарыштық бағытта білім алуда.

🎆 Сүйіктісіне тосын сый жасағысы келген жігіт 5 тәулікке қамалды Оқиға Астанада болған. Жас жігіт сүйіктісімен мейрамханада кездескеннен кейін, оған тосын сый жасау үшін дәмхана маңында отшашу ұйымдастырған. Алайда ол пиротехниканы пайдалану талаптарын бұзып, айналадағы тұрғындарға қолайсыздық келтірген. Нәтижесінде студент 5 тәулікке әкімшілік қамауға алынды.

Өзбекәлі Жәнібековтің 95 жылдығына арналған көрме ашылды Көрменің басты мақсаты – көрнекті тұлғаның ұлттық мұраны сақтауға қосқан еңбегін дәріптеп, кейінгі ұрпаққа насихаттау. Экспозициядан тарихи құжаттар, фотосуреттер мен құнды жәдігерлерді көруге болады.

ҚОҚЫС МӘСЕЛЕСІ ҚАШАН ШЕШІЛЕДІ? Табиғаты көз тартатын Түлкібаста тазалық мәселесі әлі де өзекті. Ауылдардағы бей-берекет шашылған қоқыс пен тозығы жеткен балалар алаңы тұрғындардың наразылығын туғызып отыр. Жауаптылар мыңдаған тонна қалдық шығарылды дегенімен, халық оның нәтижесін сезбей отырғандарын айтады. Толығырақ тілші материалынан көріңіз.

МЕКТЕПТЕРДЕ СТОМАТОЛОГИЯЛЫҚ КАБИНЕТТЕР АШЫЛУДА Ақтөбе облысында «Болашаққа – сау тіспен» өңірлік жол картасы сәтті жүзеге асып жатыр. Мектеп қабырғасында стоматологиялық кабинеттер ашу арқылы мамандар балалар арасындағы ауыз қуысы ауруларының алдын алуды көздейді. Осындай заманауи орталықтың бірі былтырдан бері Ақтөбе қаласындағы №56 мектепте тұрақты жұмыс істейді. Егер баланың тісінен ақау табылса, дәрігерлер бірден медициналық көмек көрсетіп, ата-анасына бағыт-бағдар береді.

Бір ағаш – бір адамның әрекеті, Мың ағаш – тұтас мәдениет. Бүгін бір ағаш егіп, ертең біреуге сая бол!

ТЕМІРЖОЛ ЖЕЛІСІНІҢ ҚҰРЫЛЫСЫ ҚАРҚЫНДЫ Сарыағашта салынып жатқан «Дарбаза-Мақтаарал» теміржол желісінің құрылысы қарқын алды. Жоба Мемлекет басшысының тапсырмасы бойынша іске асырылуда. Теміржол желісі толығымен іске қосылғанда мыңға тарта жұмыс орны ашылмақ. Бес ауданнан өтетін шойын жол Өзбекстанға дейін жалғасып, алыс-жақын шетелге тауар тасымалдауға мүмкіндік береді. 

Әлихан Бөкейхан заманында қандай көлік мінді? Оның жанында қанша атқосшысы болды? Ал қазақтан шыққан тұңғыш математик Әлімхан Ермековтің тағдыры қалай өрбіді? «Алаш экспедициясы» Ақтоғайдан әрі жолын жалғайды! Қарағанды → Қарқаралы → Баянауыл → Семей. Көлік жолда. Ал Алаштың ізі — бізбен бірге.

Сайрам қаншалықты таза? Түркістан облысы халық саны бойынша республикада көш бастап тұр. Ал өңірдегі халқы ең көп аудандардың бірі — Сайрам ауданы. Бүгінде мұнда 250 мыңнан астам тұрғын тұрады. Халық көп шоғырланған ауданда тазалықты сақтау да — маңызды міндет. Көшелердің тазалығы қандай? Қоқыс уақытылы шығарыла ма? Тұрғындар қоршаған ортаның тазалығына қаншалықты жауапкершілікпен қарайды? «Таза Қазақстан» жалпыұлттық экологиялық бағдарламасы аясындағы кезекті сапарымызды Сайрам ауданында жалғастырдық. Ауданның тазалық жағдайын өз көзімізбен көріп, атқарылып жатқан жұмыстарға назар аудардық.