.

‏" يا كم مرّ سبت مْن التحرِّي ، وعوّد سبت ‏لكنّ الوعد لا من عتق مشرقه دارك ‏أنا اللي سقيتك من بياض الوجيه ، وغبت ‏ولا جيت ليل ، ولا أقتطفتك من أسوارك ‏متى ما أعتراك الشكّ في ما مضى ، وأرتبت ؛ ‏أنا أقرب من مْزوحك ، و ضحكات زوّارك "

"تيبّس طارف أشجار الكلام وما قدرت اجيك ‏حداني عنك تأنيب الضمير و دافع مروّه ‏تناسيتك رغم هذي السنين وقلت لك ناسيك ‏وأنا اللي مات في برد الكرامه ما شعم ضوّه ."

"احب اطول مع الغيمه مشاويري ‏واحب ريح الهوى و السيل له خنه ‏و احس لون السما يشبه تباشيري ‏و يشبه قدر ربي اللي ما اعرف عنه ‏ يا جعلني مثل لونه في نظر غيري ‏و الطيّب ظنون يا جعلي على ظنه ‏رب المطر لا تحاسبني بتقصيري ‏حاسبني برحمتك لين أدخل الجنه يا الله سحابة بخت تروي مقاديري ‏الين وجهي يوصف في ضّحْك سنه ‏و أعيش نفسي عزيزه في كنف خيري ‏اكبر من الحاجه و اكرم من المنه"

‏"على سبيل الصبح ،، ماشفتوا أحباب! ‏كانوا هنا بين النظر والمشاعر ‏عهدي بهم في جمرة اشواقي : أطياب ‏راحوا مثل كلمه ، وظلّيت .. شااااعر"

"أحس دار الزمان وغيّر أسلوبي حتى أقرب الناس خلّيته وخلاني أن جيت برضاي وإلا رحت مغصوبي الحين ما كل شي يهزّ وجداني يمكن كبرت أو نسيت العام مطلوبي يمكن تغافلني الحلم وتعداني والدمعة اللي تروح وتلتفت صوبي تركتها فالضلوع وصرت وحداني يا جروح الأيام ما ملّيتي دروبي خليني أرتاح لو مرّه على شاني!"

‏"بالي اللي كل ليله ، والطواري تستبيحه ‏لين اعاف النوم ، واسهر ليلتي ، واجفى الوساده ‏عنْك ياكم انصحوني مير ماطعت النصيحه ‏قالوا : انسه ، قلت : مامن عزم ولا من إراده ‏وش ينسّيني عبق ماضي لياليك المليحه ‏مستحيل انسى ، لوْ النسيان لـ الانسان عاده ‏من نسى مَلامحك ياجعل ما ربي يبيحه ‏ومن سلا عن جرحك الله لا يذكّرْه الشهاده"

"لا اختلَط في طويل الليل بارد نسيمه ‏زاولَت كل ضيقة صدر فيني عمَلها ‏مرّت اوّل رياح تهبّ عمري عظيمه ‏من كبر حاجةٍ في نفسي و كبر املْها ‏يا رفيق اُمنيات العمر . . و لّا نعيمه ‏بادلَتني بعدْك المُغريَات . . بمللها ‏كل ضحكة بعدك تمرّ وجهي سقيمه ‏ما امّنت نفسي الوجله و داوَت عللها ‏لا لفَحني الحنين اذكر خيالك و اهيْمه ‏و رحت آمرّ السنين الفايته و ارتحِلْها ‏ما خلَى البال و الصورة لا زالت مقيْمه ‏لو خلَت واسعات الدار من صوت اهلْها ‏صعبه آردّ‏ الايام القلال القديمه ! ‏و عنْك الاصعب آلدّ البال و آسج و الهى "

"أستحيت من المشاريه ومعاتب جفاك ‏وأقتنعت إن الغلا مايجي عرض وطلب ‏قلت أصدّ بـ كل حبي وتعظيمة غلاك ‏قبل أصدّ بـ قلب عايف وحالٍ منقلب"

“القلوب يريبها طول الجفا ،،، والليل دوبه ‏يتهادى عطره الحسّاس وأحظى بإهتمامه ‏كل وجهٍ قد طويت اوراق ماضيه بصعوبه ‏تحمل الانسام بالغ شوقه ووافر سلامه :( ‏وين ابهرب والثواني واقفه شبه مغصوبه ‏عدّني يا ليل شرهاتك واعديك الملامة ‏-الضمير الحي ما تسكن من اللهفة حروبه ‏تربكه حتى نسانيس الهواء مدري علامه- ‏من ترك لي صورةٍ فالبال ماهيب محجوبة ‏يتشجر في زوايا القلب وده واحترامه ‏من تخيّر دربك المهجور عن باقي دروبه ‏لاقيٍ بعيونك الثنتين مضياف وكرامه ‏لا تلومه لو تشوف الصمت ذنبٍ من ذنوبه ‏وش يقول اللي يشوف إحساسه اكبر من كلامه ‏واحدٍ مهما تضيق بعينه الارض الرحوبه ‏ما يبين في عيون الناس ضعفه وانهزامه”

"الناس تتزاحم على شرب الأنهار ‏وأنا مكفيني عن الناس . . بيري ‏ماني لكل مضيّع دياره.. ديار ‏وماهو ضروري كلٍ يذوق خيري -‏أنا فدا اللي ينتظرني على نار ‏إن غبت عنّه ما يعوّضه غيري - "

"تحريتك على رجوی وصالٍ ما بعده غياب ‏ و تمنيتك و أنا حزني عليك أكبر من الجيّه ‏ تراودني تعاليل المحبة و الشعور أسرابْ ‏ و أغض البال لا منّي سرحت و قلت منسيّه ‏ على هوْن اليدين اللي على جرحي تطق الباب ‏و أنا بابي ذرى عابر سبيل .. و صوت طرقيّه حملت الظن لين أبعد حميدات الظنون و خاب ‏ و رجعت و ما بقى غير السلام و طيّب النيه ‏ أنا ما لي محل إلا على الذَّكرى و على الإعراب ‏و قصيدٍ لو ضحك نصه .. بکی نصه علانيّه ‏ -تبي تلقى أحد غيري- و لكن ويش جاب لـ جاب ! ‏ و أنا ضلعي يميل أكثر ، وداد و عشق و حميّه"

‏"حبيبي الليْ فتق صدر الظلام و صب فيه النور ‏قسم بالله ... لو كل يوم اقول -أحب- معذوره "

"يا حبيبي و الغلا اللي مره الاعمى وشافه ... ‏ما عطاني غير خطوة لو تودي ما تجيب ! ‏ما زعلت الا بعد مر الشعور اللي اخافه .. ‏انك تصير الوطن والناس واجي لك غريب ‏لا يهمك جرحي و دمعي و كفي و ارتجافة ‏انت بس ارجع وكل جروحي الاولى تطيب ‏كل حلم ما حلمته في رجوعك كان تافه ... ‏كل ضحكة ماهي بـ وياك سجلها " الرقيب " ‏يوم رحت تودع ايام الغلا ضيق و حسافه ... ‏ما دعيت الله ينسينيك خايف يستجيب !"

" احب اروح بصمت لااجادل ولا ابادل تُهَم ‏اذا انخذلت أقفّل الموضوع واقطع دابره "

اللهم اغفر لبشاير المقبل وارحمها وعافها واعف عنها واكرم نزلها ووسع مدخلها واغسلها بالماء والثلج والبرد ونقها من الذنوب والخطايا كما ينقى الثوب الأبيض من الدنس .اللهم بشرها بروح وريحان ورب راض غير غضبان وارحمها رحمة الابرار.

- رثائيه مكتوب يومك كلهم يبكونه الموت لا جاء من يرد طعونه؟ الله يصبّر قلبي ، ويغفر لك ويروي ثراك برحمته ومزونه كلما طريتي والله إن أدعيلك والله .. لا يحرمك ما يدعونه هالصبح انتي وبعدك الله يعلم منهو يموت الليله وينعونه يمكن تكون المقبله هي دوري! وتفيض روحي من وسط ماعونه ! الموت هيّن والبلا في قبري ! يا ويل حالي من سواد ركونه! لا حثّ أبوي الطين فوق اكفاني واسقى ترابي من دموع عيونه وسمعت دق اقدامهم من فوقي وعظ القبر على الجسد بسنونه وراحوا هلي خلوني فيه لحالي تحت التراب مقيده مرهونه وجاني ملك يسألني منهو ربك؟ والخوف ساد المقبره بسكونه وتخالفت حدب الصدر وانصكّت والدود وردت جايعه مجنونه! هو قبري اللي به هبوب الجنه ؟ والا كأنه ملةٍ مدفونه! خلي القبر يوم الحشر وش حالي؟ عني بعيد العرش والا دونه !! أنا مع "محمد" بجال الكوثر ؟ والا حطب للنار مع فرعونه؟ يالله يا ربي دخيلك عذني قلبي تفطّر من بدو يطرونه وراك موت استوعبي يا روحي ياللي بملذات الزمن مفتونه يالله ترحمنا إذا صرنا لك وتشفع لعبد فيك حسن ظنونه انت اللذي (يا رب) ما تنسانا يوم البشر حتى الظنى ينسونه - بشاير المقبل رحمها الله

" أهَجر الساري، ويوحشني قديم عْتابه ‏الغياب أسهل عليّ، وأنا ما أعرْف أجادل ‏وين أروح بْعيد، يا فجرٍ خذَا جلبابه ‏من زمانٍ مِسدل مْن أسود عتيمه سادل ‏-ما يقصَّر عمر الإنسان أكثر مْن أحبابه ‏والتشبّث، والشعور اللي ماهو متبادل- ‏أوجَع مْن الشعر .. لا نبَّش حزن كتَّابه ‏وأكذب مْن الضحكة اللي في محيَّا النادل ‏ويش حبَّبني بـ فيضة موطنْك، وتْرابه؟ ‏وأنت لا قاضي نزيه ولا أنت حاكم عادل "

‏"يالله أسترني بلطفك دام سترك ثوبي ‏وأغفر لعبدٍ كساه الذنب وأصفح عنّه ‏ما لنفسي غير نورك في ضلال دروبي ‏والمُنى عفوّك وحسن الخاتمة و الجنّة ‏مذنب ولاجيت أقارن رحمتك بذنوبي ‏ أذكر إن ذنبي عظيم وعفوّك أعظم منّه"

⁣-قصايدكم 💌-

‏"ما بقى من ذكرياتك سوى يوم الربوع ‏النهار اقرأ رسايلك.. والليل أسهره"