.

ست سنوات نقاوم هذه الحياة بـ شطر وبيت وقصيدة ، وللعمر كله وهذا سلاح شعورنا الحقيقي ، الاختلاف البسيط ان المشاركة صارت ثقيلة على الروح . وصار النشر عن الإعجاب فقط ، خوفاً من أن ينكشف الشعور بالشعر ، ويصبح الأمر ثقيل أكثر .. شكراً من ٢٠١٩ لكل من كان صديق للقناة . 🤍 أتمنى ان الجميع يوصل له شكري ويقرأ هذه الحروف قبل أن تختفي القناة خلال ٢٤ ساعة .. اقروا قصايد دائماً ، قاوموا كل لحظة صعبة بقصيدة عذبة ، وشُكراً جداً 🤍🤍🤍🤍.

⁣‏"الحياة أربع جدران .. القصايد نوافذ"

"كنت اسمع الشعر واتهجاه واستعذبه ‏واخايله برق وسميّه لو انه سراب! ‏-يمرني وجه احبه بيننا كم شبه ‏وادفن بقاياه ما بين الخطأ والصواب- ‏آحن وألقى .. جفافه روضةٍ معشبه ‏وتموت لهفة سؤاله في جحيم الجواب ‏كذا .. تسللت لـ انفاسه وجيت اكتبه ‏حرفٍ تعلقت في ظله وطاح الغياب"

⁣"اقبل الليل معه السالفة والقصيد"

"بلاني والا أنا ماكنت اعرف إن الهَوى غلاب ياليته صد عني قبل أجيه مشرِّع أبوابي"

" يا حظ من لا عرف منهو ولا شيف إن طاب يحمد ، وإن تردى .. بكيفه "

"دريت اني سمحت من المواصل يوم دمعي سال ‏وانا تحت المطر.. طرِّيت حيِّيني وامواتي ‏ولا اجهشت بْدموعي في رجا تتحسن الاحوال.. ‏ولا كانت عسى ربي يردِّك ضمن دعواتي."

‏"في طريق الردى المليان غدر وشماتة ‏ماني بْـ مستغلّ الفرصة !.. إليا تهيّت ‏وش يعذّرني مْن اللي ، عطاني وصاته ‏مستحي منه حيّ ومستحي منه ميّت"

⁣" كل ما بكت عيني تجلّت قصيدة كنّ الشعر لدموع عيني طرف كُم "

‏"متى يحن الحنين و يعتق نْعاسي ‏من حبك اللي تعتّق في شراييني ‏فاضي ومن ذكرياتك ممتلي راسي ‏والمؤلم إني ذكرتك وأنت ناسيني ‏اليوم ماكل كلمة تجرح احساسي ‏ولا يعّنيني إلاّ شي يعنيني ‏شعوري إنّك مخليني ماهو قاسي ‏القاسي إنّك قدرت إنّك تخليني"

"ليلة من ليال الشتا والهوى الهاب ‏يلعب بـ روحٍ .. ما قدرت أحتويها ‏متعلقة نفسي ورى .. درفة الباب ‏تسعى ، خلاف الحاجة اللي تبيها ‏ذكرى ووقتٍ راح .. و وجيه غيّاب ‏قانع .. بـ فقدان الأمل ، وأحتريها ‏مالي سوا السجادة الليلة أحباب ‏بـ آمدّها .. وآسوق نفسي ، عليها ‏ياربي أنقذني من أعراض وأسباب ‏الوحشة !.. اللي قاعد آحس فيها"

" أنت لا رحت غالي حيل وإن جيت غالي مير ياليتك - تصون الغلا والمحبة -"

"ليلةٍ بردها برد ، وهواها شمالي "

أحب ان في كل مره تصلني رسالة واحدة على الأقل عن محبتكم للقناة ، لكن الأكيد يا أصدقاء مقاومة ؛ ان ٢٢- فبراير " اذا ربي كتب لي عمر" راح تنحذف 🤍 خمس سنوات ونحن نقاوم وقت كافي اعتقد .

⁣‏"صاحبي لا شفت بعيوني قصيد ‏اعرف ان الهم في صدري حيا "

" تهيّا لـ الشتا صدرٍ صريره من صرير الباب تلاعبه الهبايب .. مثل ما صدّك لعب فينا جعل يسقی شتا عامٍ ندوّر لـ الكلام اسباب و اذا لحْق السوالف برد ، قصايدنا تدفینا تباعدنا .. ما كنّا يومٍ من العمر كنّا قْراب و تبهذلنا ، و تشتتنا ، قبل تتشابك ايدينا أجامل نفسي بـ قولة بخير و خاطري قد طاب و انا الله يعلم فـ قلبي و فيني .. ما تخطّينا فتق صدري تنهاتي و لحقه من الحنين اتعاب و غدت كل حاجةٍ بعدك تضحكنا ، تبكينا خذانا الحلم في غفله .. و رجّعنا الزمان اغراب و على الله .. كل ما تطري علي و اذکر ليالينا يجوز ان الليالي ما تخلينا نعود احباب :( و لكن الأكيد أن الليالي .. ما تنسّينا "

"والله مدري وش آقول .. ووش اخلي ‏من يوم قلبك وعدني واختلف وعده ‏وشلون ابنسى هذاك اليوم .. يا خلي ‏يومٍ !.. عن الواقع الملموس يا بعده ‏شكراً جزيلا على جرحك هذاك اللي ‏ماعاد حسيت بـ جروح الزمن بعده "

‏"يطل القمر ولا يغيب القمر .. لا باس ‏الاغلى تهون بـ حضرته ، قيمة الغالي ‏عن الطلة اللي تنتظرها جميع الناس ‏أنا فـ انتظار !.. الطلة ، اللي على بالي"

"من ريبة النفس، وإلّا شرْهَة أحبابي ‏ملَّت عيون السحاب، وسالت الدمعة ‏يا الله لا تاه الكلَام.. وضَاقت رْحابي ‏سخَّر لي إنسان يدعي لي مع الجمعة."

"أحنّك من دموع التفرقه والحزن بعد البين ‏ومن صمت الوداع، وعبرةٍ فالحلق جَرّحتْه ‏ومن هالليلة الليلة.. ومن بكرة ومن بعدين ‏ومن ليل الحنين وشوقه وباقي أسلحته"