ប្រវត្តិសាស្ត្រ&សង្គម

“ប្រទេសកម្ពុជានៅតែជាជនរងគ្រោះពីសំណាក់ប្រទេសមហាអំណាច “។ ផ្អែកលើព្រឹត្តិការណ៍ដែលកើតឡើងលើពិភពលោក និងសៀវភៅ Cambodia’s China strategy security dilemma of bracing dragons

នៅចំណោមប្រទេសជាសមាជិកអាស៊ានពោពេញដោយScam ឬ Transnational scams ប៉ុន្តែសារព័ត៌មានអន្តរជាតិ តែងលើកឈ្មោះ Cambodia មកចុះផ្សាយ

ប្រសិនបើប្រទេសចិន ប្តូរមកគោរពលទ្ធិប្រជាធិបតេយ្យតើ អាមេរិក នឹងបើកផ្លូវឲ្យចិនមានឥទ្ធិពលក្នុងតំបន់ និងក្លាយជាប្រទេសមហាអំណាចដែរទេ??

សង្គ្រាមនៅវៀតណាមរវាងអាមេរិកកាំង យួនខាងត្បូង និងកុម្មុយនិស្តយួនខាងជើង ចាប់ផ្តើមនៅឆ្នាំ១៩៦២។ បារាំងកាន់កាប់ស្រុកយួន ខ្មែរ លាវគឺក្នុងគោលបំណងផ្សព្វផ្សាយសាសនាកាតូលិក អារ្យធម៌បារាំង និងកាន់កាប់សេដ្ឋកិច្ចឥណ្ឌូចិន។ ចំណែកពួកអាមេរិកកាំងដែកមកស្រុកយួនខាងត្បូងគឺ ក្នុងគោលបំណងទប់របបកុម្មុយនិស្តតែប៉ុណ្ណោះ។ អាមេរិកកាំងឥតត្រូវការចង់បានឥណ្ឌូចិនឬស្រុកចិនយកមកធ្វើជាស្រុកខ្លួនឯងនោះទេ។ កាលជំនាន់នោះស្រុកចិនក្ររហេមរហាមអត់បាយស្លាប់សឹងពាយ។ ស្រុកចិនដែលបានដល់សព្វថ្ងៃនេះក៏ដោយសារអាមេរិកកាំងទេ។ លោកអ្នកអាននឹងដឹងរឿងនេះនៅពេលខាងមុខ។ ចំណែកយួនវិញគឺចង់យកឥណ្ឌូចិនទាំងមូលធ្វើជាស្រុករបស់ខ្លួនតែម្តង។ត្រង់នេះហើយដែលខ្មែរ លាវ ស្អប់យួននោះ។ មានតែអ្នកដែលវាលើកកន្តុបទេទើបស្រលាញ់វា។ តែគួរឱ្យសរសើរយួនណា(ក្នុងន័យអវិជ្ជមាន) ព្រោះយួនឥតមានដីមួយចំអាមសោះ ស្រាប់តែក្លាយជាម្ចាស់ឥណ្ឌូចិនទាំងមូល។ ដកស្រង់ពីសៀវភៅទ័ពត្រងោល ដោយជុតខៃ

...ស្រុកខ្មែរឥឡូវមិនមែនជាស្រុករាស្រ្តខ្មែរនោះទេ។ វាជាស្រុករបស់លោកធុតង្គ តាឥសី ឥសូ អ្នកសច្ចំ អ្នកមានបុណ្យអ្នកចេះប្រស់មនុស្សរស់ឡើងវិញ អ្នកចម្រៀង អ្នកមានទ្រព្យមានអំណាច។ ខ្មែរល្មមដល់ពេលមួយដែលត្រូវចឹងខ្លួនហើយ ប្រយ័ត្នអស់ដីនិងអង្ករច្រកឆ្នាំង។ អ្នកដែលគេពង្វក់បាននោះ ក៏ដោយសារតែយើងមានជំនឿខុសរបៀបនេះដែរ។ មនុស្សយើងខុសពីសត្វត្រង់មនុស្សមានប្រាជ្ញាចេះគិតគូរ។ បើសិនជាខ្មែរមិនចេះយកខួរក្បាលមកប្រើទេនោះ វាពិតជានឹងក្លាយទៅជាសត្វ។ ពេលនោះហើយដែលគេធ្វើអ្វីៗបានតាមចិត្ត។ ដកស្រង់ពីសៀវភៅ កងទ័ពត្រងោល ដោយ ជុត ខៃ

បណ្តាស្ថានទូតលោកសេរីថ្លែងសារហាក់បីមិនពេញចិត្តចំពោះលទ្ធផលសាវនាការរបស់លោក កឹម សុខា

ព្រោះតែចង់បានអំណាច លោកធំ បានពឹងនិងបានបើកដៃឲ្យបរទេសចូលអន្តរាគមន៍ប្រទេសរបស់ខ្លួន ជាលទ្ធផលអ្នកដែលរងទុក្ខវេទនាឥតឈប់ឈរគឺពលរដ្ឋខ្មែរ។ 👉 (សៀវភៅនេះសំខាន់ណាស់ #កូនខ្មែរ គួរតែជាវទិញ ដើម្បីអាន)

អគារខ្ពស់ល្អ ជាច្រើនតំណ រឹងមាំពេកក្រៃ សប្បាយមួយភ្លែត សងគេហុយដី តកូនប្រុសស្រី ជាច្រើនជំនាន់។ អគារស្កឹមស្កៃ រដ្ឋស៊ីវិល័យ ងាប់អ្នកបង់ពន្ធ អគាររដ្ឋធំ រាស្ត្រឈឺចង់គ្រុន យកលុយបង់ពន្ធ អរគុណគេទៀត។ អគារស្គុះស្គាយ គួរឱ្យរីករាយ មោទនភាពជាតិ តែផ្ទុយទៅវិញ មន្ត្រីចោលម្សៀត កេងយកលុយជាតិ ក្បត់ម្ចាស់ទឹកដី។ ស្មេរ: ហាវរិន & ពាង ប្រភពរូបភាព: Brave

ឆ្នាំ១៩១៧ ជាលើកដំបូងបង្អស់នៅប្រទេសចាប់ផ្តើមកសាងប្រទេសជាប្រទេសសង្គមនិយម។បន្ទាប់មកទ្រឹស្តីនេះមានការរីកចម្រើនដុះដាលទៅប្រទេសអឺរ៉ុប អាស៊ី និងអាហ្រ្វិក។ឥទ្ធិពលនៃលទ្ធិសង្គមនិយមនេះបានជ្រាបចូលមកក្នុងប្រទេសកម្ពុជាបន្តិចម្តងៗចាប់តាំងពីឆ្នាំ១៩៣០ តាមរយៈបក្សកុម្មុយនិស្តឥណ្ឌូចិន ដែលបង្កើតឡើងដោយលោក ហូ ជីមិញជនជាតិយួន។ បក្សកុម្មុយនិស្តនេះមានយួនជាមេក្លោង ហើយកម្ពុជា ឡាវជាកូនអុក។ ប្រភពសៀវភៅ ឱលោកធំ ខ្មែរ។

ពេលឮសូយន្តហោះបេ-៥២(b52)របស់សហរដ្ឋអាមេរិកមកពួកកុម្មុយនិស្តយួនយៀកកុងមួយនាក់ឬ២នាក់ធ្វើរត់ឆ្លេឆ្លារសេចរសាចចូលក្នុងភូមិនេះភូមិនោះចូលក្នុងសាលារៀន វត្តជាដើម។ ដោយឃើញមានពួកយៀកកុងយ៉ាងនេះយន្តហោះបេ-៥២តាមទម្លាក់តាមបាញ់រហូតខ្ទេចខ្ចីកន្លែងនោះនិងស្លាប់តែប្រជាកសិករខ្មែរស្លូតត្រង់ ឆេះតែសាលារៀន វត្តអារាម គ្មានងាប់ពួកកុម្មុយនិស្តយៀកកុងម្នាក់។ ការទម្លាក់គ្រាប់បែកនេះ កាន់តែមានសភាពខ្លាំងឡើងៗ មិនត្រែមតែនៅតាមតំបន់ព្រំដែនរាលដាលរហូតដល់ផ្ទៃក្នុងនៃប្រទេស ព្រោះពួកកុម្មុយនិស្តយួនយៀកកុងចូលកាន់តែជ្រៅឡើងៗ។ គ្រាន់តែការទម្លាក់គ្រាប់បែករបស់សហរដ្ឋអាមេរិក ធ្វើឱ្យយួនចំណេញមហាសែនចំណេញគឺថា ១. យួនបានជាលេសធ្វើជាគេចគ្រាប់បែកអាមេរិកចូលមកស្រុកខ្មែរកាន់តែជ្រៅ ដែលជាមូលហេតុធ្វើឱ្យពួកគេកាន់តែអាចក្តាប់ភូមិសាស្រ្តបានល្អ និងចាក់ឫសកាន់តែជ្រៅក្នុងប្រទេសកម្ពុជា។ ២. សហរដ្ឋអាមេរិកទម្លាក់គ្រាប់បែកនេះ ត្រូវស្លាប់តែខ្មែរត្រូវខ្ទេចតែភូមិខ្មែរ ដីខ្មែរក្លាយជារណ្តៅគ្រាប់ ដែលធ្វើឱ្យប្រជាពលរដ្ឋខ្មែរជួបការលំបាកគ្រប់បែបយ៉ាង។ ប្រភពសៀវភៅ ឱលោកធំ ខ្មែរ។

...អាមេរិកដឹងថា កំលាំងទ័ពយួនខាងយៀកកុងទាំងអស់ដែលធ្វើការវាយលុកលុកទៅលើពួកខ្លួននៅយួនខាងត្បូងគឹចេញមកពីប្រទេសកម្ពុជា។នៅថ្ងៃ២៤ កុម្ភៈ ១៩៦៩ មេបញ្ជាការរបស់អាមេរិកប្រចាំនៅយួនបានធ្វើពាក្យស្នើរសុំទៅប្រធានាធិបតីខ្លួន ដើម្បីធ្វើការទម្លាក់គ្រាប់បែកបេ-៥២ទៅលើតំបន់ពួកកុម្មុយនិស្តយួននៅក្នុងប្រទេសកម្ពុជា។ នាថ្ងៃទី១៧ មិនា ១៩៦៩ ប្រធានាធិបតីនិច សុន បានទទួលយល់ព្រមនូវសំណើរនេះ។ ប្រភពសៀវភៅ ឱលោកធំ ខ្មែរ។

ប្រទេសធំៗបានមើលឃើញនូវនយោបាយអព្យាក្រឹត្យក្លែងក្លាយ គេក៏ចាប់ផ្តើមជ្រៀតជ្រែកនឹងលូកដៃចូលប្រទេសកម្ពុជា។ ដកស្រង់ពីសៀវភៅ ឱ លោកធំខ្មែរ (ហេង ហុង)

ចាប់ពីឆ្នាំ ១៩៦២ មកដល់ ១៩៦៩ សម្តេចព្រះបាទ នរោត្តម សីហនុបានទទួលប្រាក់ជំនួយពីចិននិងយួនខាងជើងឲ្យស្ថាបនាផ្លូវលំចាក់គ្រួសក្រហមបន្តភ្ជាប់ផ្លូវលំហូជីមិញ ពីសេប៊ូនកាត់ស្ទឹងត្រែង រតនគិរី មណ្ឌលគីរី ក្រចេះ កំពង់ចាម ព្រៃវែង ស្វាយរៀង កាត់តាមឧត្តុង្គ ចាក់ទៅផែកំពុងសោម។ ដកស្រង់ពីសៀវភៅ ឱលោកធំខ្មែរ

នៅឆ្នាំ១៩៦៣ លោកនរោត្តម សីហនុ បដិសេធឈប់ទទួលជំនួយរបស់សហរដ្ឋអាមេរិកដែលឆ្នាំ១៩៦៣ មានចំនួនប្រហែល១៤ភាគរយនៃប្រាក់ចំណូលប្រចាំឆ្នាំ និងអាមេរិកបានផ្គត់ផ្គង់ប្រហែលជា៣០% នៃប្រាក់ចំណាយលើយោធា។ (Williams shawcross S. 59) ដកស្រង់ពីសៀវភៅ ឱលោកធំខ្មែរ

នៅក្នុងឆ្នាំ១៩៤១ បារាំងបានលើកសម្តេចនរោត្តម សីហនុដែលមានព្រះជន្ម ១៨ ព្រះវស្សាឲ្យឡើងសោយរាជ្យ ដើម្បីងាយស្រួលដល់បារាំងក្នុងការគ្រប់គ្រងប្រទេសកម្ពុជា។ ដកស្រង់ពីសៀវភៅ ឱ លោកធំខ្មែរ (ហេង ហុង)

សៀវភៅ: ឱ! លោកធំខ្មែរ ដោយលោក ហេង ហុង