Andijon viloyati Ekologiya va iqlim o‘zgarishi bosh boshqarmasi

Matbuot va ommaviy axborot vositalari xodimlariga tabrik — Поздравление работникам печати и средств массовой информации Prezident.uz|Facebook|Instagram|YouTube|X

QORADARYO MUHOFAZA HUDUDIDA TONGDAN NAZORAT-REYD TADBIRLARI BOSHLANDI Ekopolitsiya alohida maxsus topshiriqlari bo‘yicha tezkor guruhi tomonidan tong sahardan Andijon tumani Qoradaryo muhofaza hududida ekologik qonunchilikka rioya etilishini ta’minlash maqsadida keng ko‘lamli nazorat-reyd tadbirlari olib borilmoqda. Reyd davomida muhofaza hududida noqonuniy ov qilish, baliq ovlash, daraxt va butalarni kesish, chiqindi tashlash, foydali qazilmalarni noqonuniy qazib olish hamda boshqa ekologik huquqbuzarliklarning oldini olishga alohida e’tibor qaratilmoqda. Aniqlangan har bir huquqbuzarlik holati yuzasidan amaldagi qonunchilikka muvofiq qat’iy choralar ko‘riladi. 🌿 Tabiatni asrash – barchamizning burchimiz!

✅Eko-oromgoh atrof-muhit muhofazasiga befarq bo‘lmagan faol yoshlarni birlashtiradi! Ekologiya va iqlim oʻzgarishi milliy qo‘mitasi tomonidan 29-iyun – 4-iyul kunlari Toshkent viloyatidagi “Yoshlar oromgohi”da ekologik muammolar va ularning yechimlariga bag‘ishlangan “Ekooromgoh – 2026” ekologik haftaligi tashkil etiladi. https://gov.uz/oz/eco/news/view/183897 ✅Эколагерь объединит активную молодежь, неравнодушную к охране окружающей среды! Национальный комитет по экологии и изменению климата Республики Узбекистан организует экологическую неделю «Эколагерь – 2026», посвященную экологическим проблемам и путям их решения. Мероприятие пройдет с 29 июня по 4 июля в молодежном лагере «Yoshlar oromgohi» в Ташкентской области. https://gov.uz/ru/eco/news/view/183897 ✅The Eco Camp Will Bring Together Active Young People Committed to Environmental Protection! The National Committee on Ecology and Climate Change of the Republic of Uzbekistan will organize the environmental week “Eco Camp – 2026”, dedicated to environmental challenges and solutions. The event will take place from 29 June to 4 July at the “Yoshlar Oromgohi” youth camp in the Tashkent region. https://gov.uz/en/eco/news/view/183897 📱Instagram | 📱Telegram | 📱Facebook | X | 📱 Linkedin

BULOQBOSHI TUMANIDA SANITARIYA VA EKOLOGIK HOLAT O‘RGANILDI Andijon viloyati hokimligida o‘tkazilgan “Hokim soati” yig‘ilishida belgilangan vazifalar ijrosini ta’minlash maqsadida Buloqboshi tumanida sanitariya-ekologik holatni yaxshilash, hududlar obodonligini ta’minlash hamda atrof-muhit musaffoligini saqlash yuzasidan kompleks nazorat-o‘rganish ishlari amalga oshirildi. Nazorat tadbirlarida Andijon viloyati Ekologiya va iqlim o‘zgarishi bosh boshqarmasi davlat ekologik nazorat inspektorlari, tuman hokimligi mas’ullari, tegishli korxona va tashkilotlar vakillari hamda maxsus texnikalar ishtirok etdi. O‘rganishlar davomida mahallalar, ijtimoiy soha obyektlari, ko‘chalar va jamoat joylarining sanitariya holati batafsil ko‘zdan kechirildi. Aniqlangan maishiy hamda qurilish chiqindilari maxsus texnikalar yordamida olib chiqilib, hududlarni obodonlashtirish va tozalash ishlari tashkil etildi. Shuningdek, chiqindilarni yig‘ish va olib chiqish tizimi, sanitariya qoidalariga rioya etilishi hamda ekologik talablarning bajarilish holati o‘rganilib, aniqlangan kamchiliklarni bartaraf etish yuzasidan mas’ullarga tegishli ko‘rsatma va tavsiyalar berildi. Ularning ijrosi qat’iy nazoratga olindi. Nazorat tadbirlari doirasida aholi o‘rtasida ekologik madaniyatni yuksaltirish, hududlarni ozoda saqlash, chiqindilarni belgilangan joylarga tashlash hamda atrof-muhitni asrash bo‘yicha tushuntirish va targ‘ibot ishlari ham olib borildi. Andijon viloyati Ekologiya va iqlim o‘zgarishi bosh boshqarmasi tomonidan hududlarda sanitariya va ekologik holatni yaxshilashga qaratilgan nazorat tadbirlari izchil davom ettirilmoqda.

🍀Daraxtlarga nafas berildi Bo‘ston tumani Pillakor MFY hududida joylashgan tibbiyot birlashmasida ekologik tadbir tashkil etilib, hududdagi manzarali va mevali daraxtlarning tag qismi yumshatildi hamda parvarish ishlari amalga oshirildi. Mazkur tadbir davomida daraxtlarning ildiz qismiga havo kirishini yaxshilash, ularning sog‘lom o‘sishini ta’minlash va yashil hududlarni yanada obodonlashtirish maqsadida “daraxtlarga nafas berish” ishlari olib borildi. Tabiatni asrash va yashil hududlarni ko‘paytirish har birimizning burchimizdir. Bunday amaliy tadbirlar ekologik muhitni yaxshilash, daraxtlarning yashovchanligini oshirish hamda hududning ko‘rkamligini ta’minlashga xizmat qiladi.

📌Yoshlar kuni munosabati bilan Andijon Yashil texnikumida uchrashuv tashkil etildi Payshanba kuni Yoshlar kuni munosabati bilan Andijon viloyati Ekologiya va iqlim o‘zgarishi bosh boshqarmasi boshlig‘i A. Nazarov tomonidan Andijon Yashil texnikumida yoshlar bilan ochiq muloqot va uchrashuv o‘tkazildi. Uchrashuv davomida yoshlarning ekologiya sohasiga bo‘lgan qiziqishlarini qo‘llab-quvvatlash, ularning bo‘sh vaqtlarini mazmunli tashkil etish hamda kasb tanlashda to‘g‘ri yo‘l-yo‘riq berish masalalari muhokama qilindi. Shuningdek, texnikumda olib borilayotgan qabul jarayonlari, yaratilgan zamonaviy shart-sharoitlar va istiqbolli ta’lim yo‘nalishlari haqida batafsil ma’lumot berildi. A. Nazarov o‘z so‘zida Andijon Yashil texnikumi ekologiya va zamonaviy texnologiyalar uyg‘unlashgan ta’lim maskani ekanligini, bu yerda zamonaviy laboratoriyalar tashkil etilishi hamda o‘quvchilar uchun amaliy bilim va ko‘nikmalarni egallash imkoniyatlari yaratishi ta’kidladi. 🍀 Andijon yagona Yashil texnikumiga qabul davom etmoqda!

AVTOMOBILSIZ KUN Har oyning 10 va 25-sanalarida “Avtomobilsiz kun” aksiyasi o‘tkaziladi. Ushbu tashabbus atmosfera havosini muhofaza qilish, zararli tashlamalarni kamaytirish hamda ekologik madaniyatni yuksaltirishga qaratilgan. Aksiya doirasida fuqarolar va tashkilotlar piyoda yurish, velosipeddan hamda jamoat transportidan foydalanishga chaqiriladi. Mazkur tadbir 2026-yil 1-maydan boshlab amalga oshirilmoqda. Andijon viloyati Ekologiya va iqlim o‘zgarishi bosh boshqarmasi barcha yurtdoshlarni "Avtomobilsiz kun" aksiyasini faol qo‘llab-quvvatlashga chorlaydi. 🍀Bir kun avtomobilsiz – toza havo va sog‘lom kelajak sari muhim qadam!

Andijonda viloyat rahbariyati va tuman hokimlari ishtirokida ishchi yig‘ilishni o‘tkazdik. Aksariyat muammolarga respublika, viloyat, tuman va mahallalar miqyosida hamjihatlik bilan ish ko‘rilsagina yechim topiladi. Bugun qarorlarni tezkorlik bilan qabul qilish, ularning ijro muddatlari va vazifalarini aniq belgilash talab etilmoqda. Yigʻilishda muhokama qilingan muhim masalalardan biri 1980-yillarda barpo etilgan magistral suv tarmog‘ini yangilash bo‘ldi. Aholi yashaydigan ko‘plab xonadonlar, mahalla va tashkilotlarning suv ta’minotiga bevosita daxldor bo‘lgan ushbu inshootni rekonstruksiya qilish jarayonini kechiktirib bo‘lmaydi. — В Андижане провели рабочее совещание с руководством области и хокимами районов. Многие вопросы требуют согласованной работы сразу на нескольких уровнях: республики, области, районов и махаллей. Нам необходимо, чтобы решения принимались быстрее, а сроки и задачи их реализации были конкретнее. Один из обсуждённых вопросов — обновление магистрального водопровода, построенного ещё в 1980-е годы. Этот объект, влияющий на водоснабжение большого числа жителей, махаллей и организаций, давно требует реконструкции.

Bugun Andijon viloyatida zudlik bilan eʼtibor qaratilib, yangilanishi talab etilayotgan bir nechta obyektda bo‘ldik. Oltinko‘l tumanidagi “Ko‘makay” oilaviy poliklinikasini ko‘zdan kechirdik. Ushbu binodan 1988-yildan buyon foydalanib kelinmoqda, u bugungi kun standartlaridan ancha orqada qolgan. Shuningdek, 9-sonli bog‘cha va 36-sonli maktabda ham bo‘ldik. Bog‘cha 1970-yillarda qurilgan oromgoh o‘rnida joylashgan. Maktab binosi undan ham eski — 1960-yilda barpo etilgan bo‘lib, sig‘imi o‘quvchilar soniga mos kelmaydi. Har ikki obyekt yangidan quriladi. Gap tibbiyot va ta’lim haqida ketar ekan, shifokor va o‘qituvchining ish joyi, yaratilgan sharoit, farzandini maktab yoki bog‘chaga kuzatayotgan ota-onaning ko‘ngli to‘q bo‘lishi — eng muhim, birinchi galdagi masaladir. Odamlar turmushini yaxshilashga qaratilgan o‘zgarishlar o‘n yillab cho‘zilmasligi kerak. Jarayonni tezlashtirish, aniq va sezilarli natija tez fursatda amalda ko‘rinishi lozim. — Сегодня в Андижанской области посетили несколько мест, которые требуют срочного внимания и обновления. В Алтынкульском районе побывали в семейной поликлинике «Кумакай». Здание эксплуатируется с 1988 года и давно не соответствует современным требованиям. Посетили также детский сад № 9 и школу № 36. Детский сад расположен на базе бывшего лагеря, построенного ещё в 1970-е годы. Школа ещё старше — 1960 года постройки, и она не соответствует количеству обучающихся в ней учеников. Оба объекта будут построены заново. Когда речь идёт о медицине и образовании, очень важны условия, в которых работает врач, учится ребёнок, спокойны ли родители, когда оставляют детей в саду. Изменения жизни людей в лучшую сторону не должны быть растянуты на десятилетия. Нужно ускоряться, нужен видимый и понятный результат уже сейчас.

Andijonda «Turkiy dunyoning madaniyat poytaxti» maqomi doirasidagi xalqaro tadbirlar qizg‘in davom etmoqda Buyuk ipak yo‘lining chorrahasida joylashgan ko‘hna va betakror Andijon shahri ayni kunlarda «Turkiy dunyoning madaniyat poytaxti — 2026» maqomi doirasidagi mahobatli xalqaro tadbirlarga mezbonlik qilmoqda. Xalqaro turkiy madaniyat tashkiloti — TURKSOY tomonidan tashkil etilgan ushbu yirik madaniy loyiha doirasida viloyat markazida rang-barang festivallar, ijodiy uchrashuvlar va anjumanlar qizg‘in pallasiga kirdi. Xalqaro madaniy anjumanning ochilish marosimi munosabati bilan O‘zbekiston Respublikasi Prezidenti Shavkat Mirziyoyev tadbir ishtirokchilari va xorijlik mehmonlarga samimiy tabrik yo‘lladi. Davlatimiz rahbari o‘z murojaatida Andijon zamini asrlar davomida ilm-fan, san’at va adabiyot beshigi bo‘lib kelganini, xususan, Zahiriddin Muhammad Bobur va Abdulhamid Cho‘lpon kabi buyuk siymolarni voyaga yetkazganini alohida e’tirof etdi. Shuningdek, ushbu qutlug‘ zaminda tug‘ilgan askiya san’ati va «Andijon polkasi» raqsi bugungi kunda butun turkiy xalqlarning umumiy nomoddiy madaniy merosiga aylangani ta’kidlandi. Ayni paytda Bobur shahrida qardosh davlatlardan tashrif buyurgan san’at va madaniyat namoyandalari, vazirlar hamda xalqaro tashkilotlar rahbarlari ishtirokida bayram dasturlari davom etmoqda. Ushbu keng ko‘lamli madaniy diplomatiya tadbirlari turkiy tilli davlatlar o‘rtasidagi qardoshlik rishtalarini va strategik hamkorlikni yangi bosqichga ko‘tarishga, shuningdek, mintaqada madaniy turizm salohiyatini yanada yuksaltirishga xizmat qilmoqda.

Andijon shahrining “Turkiy dunyoning madaniyat poytaxti” deb eʼlon qilinishi doirasida oʻtkazilayotgan xalqaro tadbirlar ishtirokchilariga tabrik — Поздравление участникам международных мероприятий в связи с объявлением Андижана «Культурной столицей тюркского мира» Prezident.uz|Facebook|Instagram|YouTube|X

Xabaringiz bor, Xalqaro turkiy madaniyat tashkiloti — TURKSOY Doimiy kengashining 42-yig‘ilishi qaroriga ko‘ra, Andijon shahri 2026 yilda turkiy dunyoning madaniyat poytaxti deb e’lon qilindi. Mazkur muhim qarorga muvofiq ayni damda Bobur shahrida xalqaro tadbirning ochilish marosimi bo‘lib o‘tmoqda.

MUNOSABAT ⚡️ Ijtimoiy tarmoqlarda Andijon tumani hududida somon poyalari yoqilgani va buning oqibatida atmosfera havosi ifloslanayotgani yuzasidan xabarlar tarqaldi. Mazkur holat yuzasidan Andijon viloyati Ekologiya va iqlim o‘zgarishi bosh boshqarmasi quyidagilarni ma’lum qiladi. Mazkur holat yuzasidan o‘tkazilgan o‘rganishlar davomida somon poyalarini yoqish holati Andijon tumani Saydilobod MFY G‘. Toshmatov massivi hududida joylashgan “Ashurali dehqon” fermer xo‘jaligi tomonidan foydalanilayotgan qishloq xo‘jaligi yer maydonida sodir etilgani aniqlandi. Holat yuzasidan Andijon tumani Ekologiya va iqlim o‘zgarishi bo‘limi davlat inspektorlari tomonidan tegishli tartibda o‘rganish ishlari olib borilib, huquqbuzarlik yuzasidan O‘zbekiston Respublikasi Ma’muriy javobgarlik to‘g‘risidagi kodeksining 88-moddasi 3-qismi bilan ma’muriy choralar qo‘llanildi. Shuningdek, tabiatga yetkazilgan zarar miqdori hisob-kitob qilinib, to‘plangan materiallar qonunchilikda belgilangan tartibda sud organlariga yuborish uchun tayyorlanmoqda. ❗️ Eslatib o‘tamiz, somon poya qoldiqlarining yonishi natijasida atmosfera havosiga uglerod oksidi, azot oksidi, azot dioksidi hamda oltingugurt oksidi kabi zararli moddalar ajralib chiqadi. Bu esa havo sifatining yomonlashishiga, inson salomatligiga salbiy ta’sir ko‘rsatishiga va ekologik muhitga zarar yetkazishiga sabab bo‘ladi. Somon poya qoldiqlarini yoqish nafaqat ona tabiatimizga, balki aholi salomatligi va iqtisodiyotimizga ham jiddiy zarar yetkazishini unutmang. 🔍 Nazorat tadbirlari davom ettirilmoqda.

MUNOSABAT ⚡️ Ijtimoiy tarmoqlarda Paxtaobod tumani Durdiyor aholi yashash punktiga yaqin hududda somon poyalari yoqilgani, natijada hosil bo‘lgan tutun aholi yashash xonadonlariga tarqalayotgani yuzasidan xabarlar tarqaldi. Mazkur holat yuzasidan Andijon viloyati Ekologiya va iqlim o‘zgarishi bosh boshqarmasi quyidagilarni ma’lum qiladi. Mazkur holat yuzasidan o‘tkazilgan o‘rganishlar davomida somon poyalarini yoqish holati Paxtaobod tumani Durdiyor MFY Do‘stlik massivi hududida joylashgan “Saxovat” fermer xo‘jaligi tomonidan foydalanilayotgan qishloq xo‘jaligi yer maydonida sodir etilgani aniqlandi. O‘rganish natijalariga ko‘ra, fuqaro M.Z. tomonidan 3,7 gektar maydondagi somon poyalariga o‘t qo‘yilgani ma’lum bo‘ldi. Holat yuzasidan Paxtaobod tumani Ekologiya va iqlim o‘zgarishi bo‘limi davlat inspektorlari tomonidan huquqbuzar M.Z.ga nisbatan O‘zbekiston Respublikasi Ma’muriy javobgarlik to‘g‘risidagi kodeksining 88-moddasi 3-qismi bilan ma’muriy bayonnoma rasmiylashtirilib, 1 263 000 so‘m miqdorida ma’muriy jarima qo‘llanildi. Shuningdek, atrof-muhitga yetkazilgan zarar uchun 7 800 000 so‘m miqdorida zarar hisoblanib, undirish choralari ko‘rilmoqda. Andijon viloyati Ekologiya va iqlim o‘zgarishi bosh boshqarmasi fuqarolarni qishloq xo‘jaligi qoldiqlarini yoqmaslikka, ekologik talab va me’yorlarga qat’iy rioya etishga chaqiradi. Somon poyalarini yoqish atmosfera havosining ifloslanishiga, aholi salomatligiga salbiy ta’sir ko‘rsatishiga, tuproq unumdorligining pasayishiga hamda yong‘in xavfining ortishiga sabab bo‘lishini eslatib o‘tadi. 🔍 Nazorat tadbirlari davom ettirilmoqda.

MUNOSABAT ⚡️ Ijtimoiy tarmoqlarda Oltinko‘l tumani hududida bug‘doydan bo‘shagan dala maydonida somon presslari yonayotgani aks etgan videoxabarlar tarqaldi. Mazkur holat yuzasidan Andijon viloyati Ekologiya va iqlim o‘zgarishi bosh boshqarmasi quyidagilarni ma’lum qiladi. Mazkur holat yuzasidan o‘tkazilgan o‘rganishlar davomida somon presslarini yoqish holati Oltinko‘l tumani Cadda MFY hududida joylashgan “Baxt Imkon” fermer xo‘jaligi tomonidan foydalanilayotgan qishloq xo‘jaligi yer maydonida sodir etilgani aniqlandi. Holat yuzasidan Oltinko‘l tumani Ekologiya va iqlim o‘zgarishi bo‘limi davlat inspektorlari tomonidan qonunchilikda belgilangan tartibda tegishli hujjatlar rasmiylashtirilib, aybdor shaxslarga nisbatan O‘zbekiston Respublikasi Ma’muriy javobgarlik to‘g‘risidagi kodeksining 88-moddasi 3-qismi bilan ma’muriy bayonnoma rasmiylashtirildi hamda ma’muriy jarima qo‘llanildi. Shuningdek, atrof-muhitga yetkazilgan zarar miqdori amaldagi tartibda hisob-kitob qilinib, undirish choralari ko‘rilmoqda. Andijon viloyati Ekologiya va iqlim o‘zgarishi bosh boshqarmasi fuqarolarni qishloq xo‘jaligi qoldiqlari, jumladan somon poyalari va somon presslarini yoqmaslikka, ekologik talab va me’yorlarga qat’iy rioya etishga chaqiradi. Bunday holatlar atmosfera havosining ifloslanishiga, tuproq unumdorligining pasayishiga hamda yong‘in xavfining ortishiga sabab bo‘lishini eslatib o‘tadi. 🔍 Nazorat tadbirlari davom ettirilmoqda.

🚨 QONUNBUZARLIKLARGA QARSHI QAT’IY CHORALAR KO‘RILMOQDA! Ekopoliya alohida maxsus topshiriqlari bo‘yicha tezkor guruhi tomonidan Andijon tumani Qoradaryo muhofaza hududida o‘tkazilgan nazorat-reyd tadbirlari davomida 3 ta ekologik huquqbuzarlik holati aniqlandi. Aniqlangan holatlar yuzasidan huquqbuzarlarga nisbatan O‘zbekiston Respublikasi Ma’muriy javobgarlik to‘g‘risidagi kodeksining 82-moddasi 2-qismi bilan ma’muriy bayonnomalar rasmiylashtirildi. 🍀 Tabiatni asrash – barchamizning burchimiz! ⚖️ Ekologik qonunchilik talablarini buzgan shaxslarga nisbatan qat’iy choralar ko‘riladi. #Ekopoliya #EkologikNazorat #Qoradaryo #Andijon #TabiatniAsraylik

BRIFING |    23.06.2026 Telegram | Youtube | Instagram | Facebook

🍀Ekologik huquqbuzarlikka qarshi chora ko‘rildi Andijon shahar Nayzaqayrog‘och MFY hududida o‘tkazilgan ekologik nazorat tadbiri davomida fuqaro tomonidan tabiatga zarar yetkazgan holda to‘plangan quruq o‘tlarga o‘t qo‘yilgani aniqlandi. Holat yuzasidan amaldagi qonunchilik talablariga muvofiq tegishli tartibda chora ko‘rilib, huquqbuzarga nisbatan ma’muriy jarima qo‘llanildi. Shuningdek, kelgusida bunday holatlarga yo‘l qo‘ymaslik maqsadida fuqaro bilan profilaktik suhbat o‘tkazilib, atrof-muhitni muhofaza qilish hamda yong‘in xavfsizligi qoidalari bo‘yicha tushuntirish ishlari olib borildi. ♻️Atrof-muhitni asrash — har birimizning burchimiz. Quruq o‘tlar va o‘simlik qoldiqlarini yoqish havo ifloslanishiga, tabiatga zarar yetkazilishiga hamda yong‘in xavfining ortishiga sabab bo‘ladi. 📌 Tabiatni birgalikda asraylik!

IZBOSKAN TUMANIDA SANITARIYA VA EKOLOGIK HOLAT O‘RGANILDI Andijon viloyati hokimligida o‘tkazilgan “Hokim soati” yig‘ilishida belgilangan topshiriqlar ijrosini ta’minlash maqsadida Izboskan tumanida sanitariya-ekologik holatni yaxshilash, hududlar obodonligini ta’minlash hamda chiqindilar bilan bog‘liq muammolarni bartaraf etish yuzasidan keng qamrovli nazorat-o‘rganish ishlari olib borildi. Mazkur tadbirlarda Andijon viloyati Ekologiya va iqlim o‘zgarishi bosh boshqarmasi davlat ekologik nazorat inspektorlari, tuman hokimligi, tegishli korxona va tashkilotlar vakillari hamda maxsus texnikalar ishtirok etdi. O‘rganishlar davomida hududlarning sanitariya holati, chiqindilarni yig‘ish va olib chiqish tizimi, noqonuniy chiqindi to‘planish holatlari hamda obodonlashtirish ishlari atroflicha ko‘zdan kechirildi. Aniqlangan maishiy va qurilish chiqindilari maxsus texnikalar yordamida olib chiqilib, hududlarni tartibga keltirish va tozalash ishlari amalga oshirildi. Shuningdek, tumandagi ta’lim, tibbiyot va boshqa ijtimoiy soha obyektlarida chiqindilar bilan ishlash tizimi, sanitariya qoidalariga rioya etilishi hamda ekologik talablarning bajarilishi o‘rganildi. Nazorat tadbirlari davomida aniqlangan kamchiliklarni bartaraf etish yuzasidan mas’ullarga tegishli tavsiya va ko‘rsatmalar berilib, ijrosi nazoratga olindi. Bundan tashqari, aholi o‘rtasida ekologik madaniyatni yuksaltirish, hududlarni ozoda saqlash, chiqindilarni belgilangan joylarga tashlash hamda atrof-muhitni muhofaza qilish bo‘yicha tushuntirish-targ‘ibot ishlari olib borildi. Andijon viloyati Ekologiya va iqlim o‘zgarishi bosh boshqarmasi tomonidan hududlarda sanitariya va ekologik holatni yaxshilashga qaratilgan nazorat tadbirlari tizimli ravishda davom ettirilmoqda. Mazkur tadbirlar ekologik barqarorlikni ta’minlash, aholi salomatligini muhofaza qilish hamda hududlarda toza va obod muhitni shakllantirishga xizmat qilmoqda.