አርከለዲስ | Arkeledis Media

*_++ የእናቶችን ቀን ባሰብኹ ጊዜ +++_* መጽሐፍ ማርያምን "የኢየሱስ እናት" እያለ ሲጠራት ምን ይሰማህ ይሆን? ብዬ እጠይቃለኹ። ☞ የዚህ ዓለም መሪዎችን ሚስቶች እየተንቀጠቀጥህ:- "ቀዳማዊት እመቤት - First lady" እያልክ በክብር ትጠራለህ የክርስቶስን እናት ድንግል ማርያምን እመቤቴ ለማለት ግን ይተናነቅሃል። ☞ ወላጅ እናትህን ከነፍስህ በላይ ትወዳለኽ እናትህ መልካም ብትሆን አጋንነህ÷ ባትሆን ፈጥረህ ሳትደክም ባገኘኽው አጋጣሚ ሁሉ ትናገራለህ። "እናትህን አክብር።" ብሎ ያዘዘ ደግነትን ከርኅራሄ አስተባብራ ስለ ያዘች በታላቁ መልአክ፦ “ደስ ይበልሽ፥ ጸጋ የሞላብሽ ሆይ፥ ጌታ ከአንቺ ጋር ነው፤ አንቺ ከሴቶች መካከል የተባረክሽ ነሽ።” (ሉቃ 1፥28) ተብሎ ስለተመሰከረላት፤ "ጌታ ብዬ አምኜዋለሁ" ስላልከው ስለ ክርስቶስ እናት ስለ ድንግል ማርያም መልካምነት መናገር ግን እንደ ቋጥኝ ይከብድሃል። ☞ አንተ ስለ እናትህ መልካም ነገር ሲነገር ደስ ይልሃል። "ትውልድ ሁሉ ብፅዕት ይሉኛል።" ብላ እንድትናገር ሀብተ ትንቢት የሰጣት ክርስቶስ ስለ እርሷ ክብር (አንተ? ክርስቶስን ከመውለድ በላይ ምን ክብር አለ?) ብትናገር ንጽሕት: ክብርት: ብፅዕት እያልክ ብታመሰግናት ቅር የሚለው ይመስልሃልን? ☞ አንተ ክርስቶስን "አምላኬ ጌታዬ በማለቴ ዕድለኛ ነኝ" ትላለህ። ድንግል ማርያም ግን "ጌታዬ አምላኬ" ብቻ ሳይሆን "ልጄ" እንደምትለው ግን ትዘነጋለህ። እግዚአብሔርን "ፈጣሪዬም ልጄም" የሚል ከእርሷ ሌላ ማን አለ? ☞ መጽሐፍ ድንግል ማርያምን ደጋግሞ "የኢየሱስ እናት" እያለ ሲጠራት ምን ይሰማህ ይሆን? ነገሩ የእርሱ ጌትነት: የባሕርይ አምላክነት: ሳይገባህ እርሷ "የኢየሱስ እናት" ስትባል ምን ሊሰማህ ይችላል? ☞ በልጇ ጌትነት የእርሷ ቃል የማይገልጠው ክብር እንደገባቸው አበው ቀደምት አንተም ሲገባህ "ሌሎች ሴቶችን ጻድቃንን ሰማዕታትን ወለዱ ብለን እናከብራቸዋለን: እርሷን ግን አምላክን ወለደች ብለን እናከብራታለን።" እያልክ ትዘምራለለህ። ለዚያ ያብቃህ!! ክርስቶስ ሆይ የእናትህን ፍቅሯን በልቡናችን: ጣዕሟን በአንደበታችን አሳድርብን!!! ☞ የአምላክ እናት ሆይ እናትነትሽ አይለየን!! ቢትወደድ ወርቁ የእናቶች ቀን

ኦዲዮ ከአድነኒ እግዚኦ እመ ብእሴ እኩይ

*_<<በእንተ_ጸሎት_ሐሙስ>>_* "ተራሮችን በኃይሉ የሚያስታጥቃቸው ለማገልገል ማበሻ ጨርቅ ታጠቀ፡፡ የባሕርን ውኃ እንደ አቁማዳ የሚሰበስበው በቀላያትም መዝገቦች የሚሾማቸው ርሱ ከወዳጁ ከአልዓዛር ቤት የውኃ ማድጋ አንሥቶ እግሮችን ለማጠብ ያገለግልባት ዘንድ ወደ ኩስኩስት አፈሰሰ፡፡ እጆቻቸውንና እግሮቻቸውን በሚታጠቡበት ገንዘብ የናስ ኩስኩስት ሠርቶ በደብተራ ኦሪት ደጃፍ እንዲያኖራት ሙሴን ያዘዘው ውኃውን በኩስኩስት ሞልቶ የደቀ መዛሙርቱን እግር ሊያጥብ ዠመረ፡፡ የተረከዞቻቸውንም እድፍ በታጠቀው ማበሻ ጨርቅ አሸ፡፡" *(አባ ጊዮርጊስ ዘጋስጫ)* "በወገቡ የታጠቀውን ማድረቂያ አይተው መላእክት አደነቁ፤ ስሙ ከፀሓይና ከጨረቃ በፊት የነበረ ርሱ አገልጋይ ኾነ፤ ሕያው ጌታን ሱራፌል ያመሰግኑታል፤ ቦታውን ግን አያውቁም፤ ሱራፌልን የፈጠረ ርሱ በራት ጊዜ ወገቡን ዘርፍ ባለው ዝናር ታጠቀ፤ እንዳያቃጥል በመፍራት የማይታይ እሳት ለሐዋርያት አገልጋይ ኾኖ አብነት ይኾናቸው ዘንድ የትሕትና ሥራን የሚሠራበትን ውሃ በኩስኩስት ቀዳ የደቀ መዛሙርቱን አለቃ ጴጥሮስንም እግሩን ሊያጥበው ጠራው" *(ሃይማኖተ አበው ዘያዕቆብ ዘሥሩግ)*

ፎቶ ከአድነኒ እግዚኦ እመ ብእሴ እኩይ

⛪የኪዳን ትምህርት ኅቡአት አንድምታ ትርጓሜ* 🎥መምህር ነቅዓጥበብ ከፍያለው ♥️ኪዳን እና ድምጠው

ኦዲዮ ከአድነኒ እግዚኦ እመ ብእሴ እኩይ

ኦዲዮ ከአድነኒ እግዚኦ እመ ብእሴ እኩይ

_*13ቱ ሕማማተ መስቀል*_ 1. አክሊለ ሦክ (ወደ 70 የሚደርስ ራስ ቅሉ ላይ የተተከለ የብረት እሾኽ የያዘ ዘውድ ወይም አክሊል) 2. ተኰርዖተ ርእስ (ራሱን በዘንግ ወይም በዱላ መመታቱ/መቀጥቀጡ) 3. ተጸፍኦ መልታሕት (ጉንጩን ወይም ፊቱን በጥፊና በቦክስ መመታቱ) 4. ሰትየ ሐሞት (ተጠማሁ ብሎ ስለ ውሃ ፋንታ መራራ ሐሞትን መጠጣቱ) 5. ወሪቀ ምራቅ (በፊቱ በአካሉ ላይ በንቀትና በጥላቻ በመሳለቅ በመዘባበት ፊቱ ላይ ምራቅ መትፋታቸው) 6. ተቀስፎ ዘባን (6,666 ጊዜ የሾለ አጥንትና ብረት በታሰረበት ጅራፍ መገረፉ) 7. ተአስሮ ድኅሪት (የፍጥኝ ወደኋላ መታሰሩ ...በአፍ ጢሙ መደፋቱ) 8. ፀዊረ ጒንደ ዕፀ መስቀል (የሚሰቀልበትን የእንጨት መስቀል መሸከሙ) 9. ሳዶር (ቀኝ እጁ ከመስቀሉ ጋር የተጣበቀበት ችንካር) 10. አላዶር (ግራ እጁ ከመስቀሉ ጋር የተጣበቀበት ችንካር) 11. ዳናት (ቀኝ እግሩ መስቀሉ ከቆመበት ፍልፍል ግንድ ጋር የተጣበቀበት ችንካር) 12. አዴራ (ግራ እግሩ መስቀሉ ከቆመበት ፍልፍል ግንድ ጋር የተጣበቀበት ችንካር) 13. ሮዳስ (ደረቱ ከመስቀሉ ጋር እንዲጣበቅ ከታሰረበት ሽቦ ጋር ልቡ ላይ የተቸነከረ...) አሥራ ሦስቱ ሕማማተ መስቀል የሚባሉት እሊህ ናቸው ብዙውን አንድ ብዙውን አንድ እያሉ በመቁጠር መናገር ነው እንጂ የመከራው ብዛት የስቃዩ ጽናት በቁጥር የሚገለጽ ሆኖ አይደለም!!! ጌታ ሆይ! ሕማምህ ይፈውሰን ዘንድ ቁስልህ እንዲሰማን ማስተዋልን ስጠን እንበለ ደዌ ወሕማም እንበለ ፃማ ወድካም ዓመ ከመ ዮም ያብጽሐነ ያብጽሕክሙ እግዚአብሔር በፍሥሓ ወበሰላም አሜን! መጋቤ ሐዲስ ነቅዐጥበብ ከፍያለው የቦሌ ገርጂ ደብረ ገነት ቅዱስ ጊዮርጊስ ቤተ ክርስቲያን ሰባኬ ወንጌል ምንጭ ፦ ቅዳሴ ማርያም አንድምታ ትርጓሜ