جروب ملخصات كتب تالته ثانوي 2025

دي ملاحظات علي فصل المناعه والتكاثر كان المستر قال عليها في فيديو

دكاترة ٣ث ده الجزء الخاص بالمحتوي الجيني و الDNA متكرر

شباب ضيفو جهاتكم في شات القناه عشان يستفيدوو https://t.me/banda_EG

بعيداا عن محتوي القناه 3 ثانوي أصدقائي وأخواتي جميعاً ..♥️ - ال 120 يوم اللى فاضلين دول بيبقا اسمهم " أيام حصد الدرجات " لأنهم اهم 4 شهور فى الثانوى كلها , اللى ناقصه حاجه هيقدر يلمها ويراجع مرا واتنين وثلاثه , واللى لسا مافتحش المنهج خالص يقدر يذاكر المنهج كله ويلمه مرا واتنين ويراجع ويجيب مجموع .. سيبك من اللى فات وحط فى دماغك ان ال 120 يوم دول هما الأساس وبس يعنى لسا الامل ماضاعش أعرف ناس كانت بتذاكر كانت مقضياها لعب ومذاكره خفيفه ومجهود بسيط وجم عند شهر 2 او 3 وأنعزلوا لوحدهم وبدأوا يدحوا ويذاكروا بكل مجهودهم وماشاء الله عليهم جابوا مجاميع عاليه. - مش مُهم تعمل جدول او تذاكر عشوائى المُهم تدح ال 120 يوم دول وكل يوم بليل تبص لنفسك وتشوف انت قدرت تنجز قد ايه فِ اليوم ده , حفظت كام كلمه انجلش , خلصت كام chapter فِ القصه , حليت على باب ايه وايه فى التاريخ او الفلسفه او الجغرافيا او الكيمياء او الفيزياء.. هُما 4 شهور لو استغليتهم صح هتفلح لأن والله الفتره دى ماعايزة طالب ذكى عايزة واحد بيعرف يُقعد على المكتب اكتر من 8 ساعات فِ اليوم حتى لو مش متواصلين المهم انه يدح ويحفظ - فوق لنفسك كدا , فاضل على حلمك 4 شهور و بأيدك تحققه ماتخليش الظروف تكسرك مهما كانت ايه أنت تقدر والله ماحدش أحسن منك , امشى على الخطوات دى مع مجهودك الشخصى وتوفيق ربنا ليك وان شاء الله هتوصل . 1 - قلل من النت و السوشيال ميديا , ماتمنعهوش لانك مش هتعرف تمنعه ساعه فِ اليوم تفتح فيها النت مش هتضر المهم افتكر ان فِ الوقت اللى انت فاتح فيه الفيس وقاعد بترغى مع ناس مش هتفيدك بحاجه الفتره دى , غيرك قافل على نفسه وقاعد بيدح وبيلم المنهج من اوله لاخره 2 - سـد ودانك للناس , عشان نفسيتك ترتاح لأنك هتسمع كميه اشاعات رهيبه الفتره دى عن ان الامتحانات هتيجى صعبه وكل واحد محبط هيحاول يحبطك معاه 3 - قرب من ربنا كتير , مش عيب انك تبدأ تصليله دلوقتى صدقنى انت اللى محتاجه مش هو , ومستقبلك وطموحك بين ايديه ويابخت اللى ربنا موفقه 4 - قلل من الخُروجات وماتذاكرش مع صحابك , مش هتعرفوا تذاكروا مع بعض وهتتلهوا , أقفل على نفسك وذاكر لوحدك ماحدش هينفعك . 5 - قلل الكافين وظبط نومك , فنجان قهوة الصبح يكفى مش كل شويه تفضل تشرب عشان اعصابك ماتضربش ونام 8 ساعات بالظبط لا اكتر ولا اقل ويستحسن يكونوا من 9 بليل ل 5 الفجر لأن دى أحسن فتره للنوم , العقل بيرتاح فيها وبتصحى نشيط وهتنفعك جدا فتره الامتحانات , تروح الامتحان وانت مركز ومصحصح لكل الاسأله اللى هيلزم فيها تشغيل مخ ولا تروح مطبق ومش نايم كويس وتقع منك اسأله عليها 5 و 10 درجات ؟ 6 - المُذاكره الفتره دى ماتقلش عن 8 ساعات فِ اليوم , بحيث تذاكر ساعه وتريح 5 دقايق تقوم تحرك جسمك تشرب مايه بحيث ماتفصلش وترجع تانى تكمل بس يكونوا 5 دقايق فقط مش تروح ماترجعش ,, وبتختلف من شخص لشخص لأن فِ بعض الأحيان شخص يقدر ينتج كميه معلومات كبيره ف 4 ساعات بس وشخص تانى ينتجهم ف 8 ساعات . 7 - ماتحفظش شفوى , الحفظ بيبقا بالورقه والقلم , طول مانت بتذاكر قدامك اجنده او كشكول بتكتب فيهم عشان الكلام يثبت ف راسك , وان جيت للحق الثلاث فروع بتوع الثانوى العلمى علوم والعلمى رياضه والادبى حفــظ بنسبه 90% والفهم 10% لأنك فِ الامتحان هتقابل اسأله كتير انت شوفتها قبل كدا وحلتها وحتى لو جت اسأله عايزة فهم انت من كتر الحفظ هتعرف تتعامل معاها ,, أحفـــظ يلا 8 - اوعى تعتمد نهائى على الغش او التسريبات , لان حتى لو الغش حاجه صح هل هتعرف تغش الامتحانات كلها , وهل اللى غشيته هيكون صح , وهل كدا ربنا هيوفقك ؟ 9 - أهتم جدا باللغه ماتركنهاش " عربى - انجليزى - لغه تانيه " لأنهم عباره عن 170 درجه مضمونه حرام عليك تضيعهم من ايدك , وماتركنش الكيمياء العضويه لانها بتسيح من المخ لو اهملتها , والفيزياء 85% حفظ مصطلحات ومفاهيم و 15% عملى ومسائل فا ماتقعدش ساعه تحل فِ مسئله صعبه احتمال ماتجيش وتسبلى ال 85% المهمين , والانجليزى واللغه التانيه حفظ كلمات احفظ كلمات كتيررر لان الجرامر كله على بعض مايعديش ال 10% من نسبه الامتحان وباقى الامتحان هيلعب على حفظك للكلمات والقصه . وأخيرا اى كان المجموع اللى هتجيبه فِ الثانوى انت عملت اللى عليك والتوفيق من عند الله وليكُن غايتك وهدفك الأول من العلم والدراسة الجنة .. ودى قُدراتك العقليه ياسيدى انت مخلوق بقدرات تأهلك تكون محامى غيرك قدراته تأهله دكتور والدكتور مايقدرش يشتغل مكان المحامى ولا المهندس يقدر يشتغل مكان التجارى كل واحد ليه مجاله وكل المجالات مهمه مافيش حاجه اسمها كليات قمه وكل ماتتقل عليك هموم الثانوى افتكر ان لا يكلف الله نفسا الا وسعها يعنى من الاخر انت قدها ..🧡