غلاي

يالله بـ رزقٍ يسرّ ،، ويبعد همومي ‏من كبره اطيح لـ اجلك ساجدٍ شاكر

ثنتين لا طولت تفقد .. حلاوتها ‏الرد في ساعته والطيب في حينه

الله .. على طيب نيتنا يسامحنا ‏اثر الاوادم ورانا تحسب خطانا

كل طيب مصيره بهالدنيا يشوف صدمهٍ ما تخيلها ولا عدها

‏لاجل وجهٍ ليا منّه ضحك تفرح بشوفه عين ‏ عليّ حقٍ وفي وجهي لا اسخّر له سبايبها ♥️

مثل ما تـجيك الكربه اللي بدون إشعار ‏يجيك الفرج من خالقك وانت ما تدري

لا بلاك الله بشخصٍ مثل ساعي البريد ‏عايشٍ في المجتمع شغلته نقل الكلام ‏معرفتكم خلها من بعيد إليا بعيد ‏ما اتعدى "كيف حالك عسى امورك تمام"

ياخذ الوقت حقه من وساع الصدور ‏لين تمشي بـ ودٍ . . ما هو بـ ودّها

من بغى الغالي تكلف ما شكى ما يجي الغالي على الدرب السهيل

نعيش بنعيم الصَبر لولاه كان علوم ‏عسى الله يزيد الصبر ويجمل الصابر ♥️

بخصتك وشفتك شيء ما يستحق الجهد ‏وصديت عنّك صدة القانع .. الراضي

عن صـغير الــهرج صـمّينا الإذن ‏وعن هبيل الرأي اقفـينا سـكوت

لو يكشف الله وش تكنّ الضماير ‏بتشوف واجد من عيونك يطيحون

إذا الوصل نزّل كرامتك فالأرض ‏غيب الغياب اللي يرجّع كرامتك

بطن الردي مايمتلي بالمعاريف ‏مهما تسوي فيه من طيب ضايّع

عمر الزمن ما حقق بخاطري شي جعل العوض في مقبلات الليالي

نعرف الوجيه اللي تبسم لنا تقدير و نعرف الوجيه اللي تدور مصالحها

مادام الليالي مدرسه و الصدور قبور فلا باس لو نلزم على النفس ما نكره

جعل الليّالي تداري خَاطر الطيبّ

يالله برزقٍ لا " طلبته يجيني " ‏في ساعة الحاجه وانا مامعي شي