غلاي

يالله بيوم من تباشيره وزين علومه ‏مايوصف فرحته كود السجود لـ ربي .

على القلوب المصّده مايفيد العتاب ‏كنك تسولف على الاموات فـ قبورها

الكلمة الطيبة .. لو هي مجرد سلام ‏تبقى لها في نفوس الناس قيمة وأثر

لا تتعب اقدامك على كل محضار ‏البعد عن بعض المجالس غنيمه ‏ما كل مجلس فيه حكمه وتذكار ‏ولا كل مجلس به كرامه وشيمه ‏بعض المجالس كنها مثل الاوكار ‏" اوكار للغيبه ونشر النميمه ".

ما دام ظنك حسن لا تبرر افعالك ‏فيه رب يجزي الاوادم من نواياها .

النّفوس اللي على بغضك تجرّت ‏عزّ نفسك قبل يظهر لك غثاها ‏و الوجيه اللّي من الحشمه تبرّت ‏صدّ عنها قـبـل تـبـلاك بـرِداهـا

محدنّ على ذيك العطايا جبرنيِ ‏وشرواي ليا منهم عطوا مايمنون.

من تجمّل فيك لا تنسى جميله  ‏ومن تردى فيك ، جعله ما يعوّد .

ع

عليك الغلا مرّدود يـ الغايب الموجود ‏سوالفك " غابت "مير طرياك ما غابت ‏غيابك حضورً له بـ صدر البيوت شهود ‏وش الي يغيّب ضحكتك والغلا ثابت ؟ ‏أحنّك مثل ما أحن وجهي مِن المنقود ‏وأعدك ليا عديت .. الأيام وش جابت !

لا تزرع المعروف في غير قاعه ‏الطيب في بعض المخاليق ضايع

ما يرجّع الفايت كثير الحسوفات ‏ولا تحيي الميت .. عيونٍ بكت له

لاتعطي الناس حجم أكثر من اللازم ‏الغالي غالي .. لو أنك ماتوضح له ‏واللي على موادعك متزهب وعازم ‏بيروح ماهوب ناطر منك تسمح له .

يالله بصبحٍ يطلق الرزق والنور ‏صبحٍ تباشيره على الكون كله .

انا على كف الزمن .. عايش الجو ‏لو الظروف اقسى من اللي تجينا ‏عشت الحياه وقلت ياخاطري سو ‏محدٍ تفضل .. بـ الوناسه علينا .

الوقت يظهر حقايق لـو كذبها طـال ‏ويفرز رخيص نحاسها عن غالي ذهبها

سقى الله غلاه الي ثبت والزمان يدور ‏على وين ما سجيت ، له صورةٍ حيه

انا معاك سويت كل اللي علي ‏و انت مع الايام بتعرف قدري

الله اللي يجمع الشمل من عقب الفراق ولا أنا ما عاد عندي طريقه للوصل

ماهو ضروري كل حاقد أعاديه ‏ولا ضروري كل طيب رفيقي ‏علم الردي و الطيب يبقى لراعيه ‏وأنا على دربي وعارف طريقي