غلاي

" إن جيت أنا الثقيل، اللي مجيّه .. ثقيل ‏وأن رحت ماني مثل اللي مراحه سهل"

كل ما واجهت لي طيّب دعيت الله تعالى ‏ما يوريه " الظروف " اللي تخليه يتردا .

كفوفنا لـ المواصل ، دوم ممتدّه ‏وقلوبنا بـ الوفا ، و الصّدق مليانه ‏الطيّب نحبّه . . ونغليه . . ونودّه ‏واليا بغانا نصير أقرب من أخوانه.

و أنا من الناس يا سهلي و يا صعبي ‏بحرٍ تشوفه و لا تقدر على عومه ..

ما ينكر الطيّب الا واحدٍ " ناقص " ‏وحنا ما نزعل على الناقص ولا نشره .

صل وتصدق واذكر الله ولا تخاف ‏من يذكر الله عاش والله حفيظه .

مادام فوقي تطلع الشمس وتغيب ‏وانا على طول السنين متعافي ‏والله لسوي الطيب في راعي الطيب ‏وإن طالت الرفقه رفيقٍ اسنافي .

حنا كذا صافين دايم ووافين  ‏ما عندنا فالناس نية خباثه  ‏الطيب والمعروف والصدق والدين  ‏والجود والاخلاق فينا وراثه  ‏اصحابنا سبعين مدري ثمانين  ‏والصادقين ثنين مدري ثلاثه .

رغم صكات الزمن ماني بـ نادم ‏زودتني عزم و إصرار و جساره ‏والله إني ما خسرت من الأوادم ‏غير من كانت معرفتهم خساره

القلوب اللي تغير اليا دار الزمان  ‏يغني الله من وفاها وباقي ودها .

من صدّ عنا دون لا يذكر أسباب ‏قولو له ان أغلى العربّ فالمقابر .

قدّر بياض الضمير ، إترك بياض السنون ‏كم واحدٍ يـبتسم مـير " الضمير فـحمه "

ما تخفي الايام .. تبديه الايام ‏لاشع نور الحق غاب التصنّع .

لا غيّرتك الليالي يا الرفيق القريب ‏ترى الليالي بغت فينا لكن ماقوت .

صار الجفا عندي مثل رّد السلام ‏ ماعاد عندي للجفا .. غير الجفا"

طبعي تغيّر وصرت الساكت الهادي ‏من جاني رحبت به ومن راح ودعته .

يا صاحبي دنياك حظوظ ومقادير ‏تضحك معك والله يعينك عليها ‏ناسٍ بقوّه " حظها يطرح الطير " ‏وناسٍ تطير طيورها من يديها .

جانا رمضان بكل خير ومسره  ‏ومعه تباشير الليال العظيمه .

ان طبت طبنا فوق طيبك .. وزدنا  ‏وان شنت ماكنا على الارض شفناك .

عادة الدنيا تغيّر مفاهيم القلوب ‏كل شي نحبه يجي يوم ونكرهه .