غلاي

النفس لاطابت و قنعت ﻣن الشي ‏صعبه يجي عقب القناعة .. قناعة .

منعزل والعُزله بوقت النفاق أفضل سياسة ‏" تكوي الحاسد ، وتبعد عني اللي مايبيني ".

التغافل عن ضجيج المجتمع وإزعاجه ‏ " لـذةٍ من ذاقها ماعاد فـّرط .. فيها "

الطيب قصرٍ ما تجيه العذاريب ‏والتربيه هي سور قصره وساسه ‏من لا تربى? في شبابه على الطيب ‏ماهو بـ متربي ليا شاب راسه .

يا حلوها المرحله اللي ما تعاتب أحد ‏من طاب طيبه عليه ومن شان شينه عليه .

إن كان جو الملل حدك على الرده ‏م الله خلقني عشان املا فراغاتك .

من تجمل فيك لا تجحد جميله ‏جاحد المعروف وش خانة حياته ‏ومن تردى فيك خله في سبيله ‏لا اتردى فيه وتسوي سواته .

يارب الاحلام واحلامي تحدّاني ‏مالت على يديّ وأزريت احققها ‏ارزقني الفرحه اللي يوم تغشاني ‏احتاج فتره طويله لين اصدقها .

أجامل أهل الارض بالصبر الجميل  ‏لو بعض ضحكات الوجيه مزوّره .

طاعتك لله هي ساس السعادة ‏في عبادة ربك احذر لا اتساهل ‏ما لقيت اللذّه الا فالعبادة ‏وما لقيت الراحه الا فالتجاهل .

لو البشر بقلوبها تحسن الظن ‏كان النفوس من العنا مستريحه .

ما احب افتش بالكلام ومعانيه ‏امر زلات البشر … واتعدى ‏ماني زعول ولا مدوّر مشاريه ‏من طاب طاب ومن تردى تردى .

حنا يا دوب نواصل اللي يبينا ‏مافيه فرصه نلتفت للمقفي .

قلبٍ صفالك بالوفا يوم يغليك  ‏ماهو بعاجز لا تغيرت ينساك .

لا تنبش الماضي ولا تنشغل فيه ‏الدمع مايرقا على العين لا طاح ‏ولا تنتظر من فاقد الشي يعطيه ‏عمر العزا ما صار في صالة افراح .

وش عاد باقي من العمر كثر ماراح ‏واللي قنع مافيه شي ٍ يغره  ‏خلك بعيد تعيش راضي ومرتاح ‏بعض العرب قربه لنفسك مضره .

يموت الشجاع بعزته ما رضى بـ الذل ‏لو إن الظروف وميلة الوقت خاذلته .

لا تعد اللي يفوت من الحياه ‏إبتسم للمقبلات وعيشها .

ياوقت ماني طامعٍ في عطاياك ‏ لا دامت الدنيا ولاني بدايم ‏ الله يجمّل سيرتي واتعداك ‏ للجنة اللي من كبار الغنايم .

إن عيّت الدنيا تجينا على الكيف  ‏حنا على درب الصبر قد مشينا .