‏𝚂ّ𝙰

يابو قلب اطهر من ثيابك إليا صليت ويابو ضحكة من تبتسم يبتسم كوني '

ذبحك الطيب ياقلب تعذب من مقاديره يعنكنك خفوقي خابرك ماتعرف النكران

تصبّر على بلواك و أصبر على بلواي ‏انا لو ما اكتم عبرتي مين يناحيني ؟ ‏اشوف الخلل والحزن بين على ممشاي ‏واصدد واجامل لين بان على الخلل فيني

لاتلبش القلب في حبك وتبلش به تراه قطة وجه من عاده صغير

يمر القلب من دار وراء الخفجي طريق ودرب وأمرك بالطريق الي لك اقدامي مصخرها

رفعت كفي ماقدرت أرفع الصوت ‏لو كان في الخاطر كلامٍ كتمته ‏لحظة وداع وكنها سكرة الموت ‏ضاع الطريق اللي من اول رسمته

هذي ثلاث سنين سرداد مرداد ومركز حياتي ماعطاني شهادة صارت مشاويري مشاوير كداد عود على تكسي وعنده جلادة حصيل مشوارين فـ الماء وفـ الزاد ومكسب ثلاث أيام قطة عواده أصحي وأنام ولي مع الهم ميعاد والعذر نوم الصايم أحلى عبادة وإليا جذبني كوب من شاي براد و صوت للجرسون سكر زيادة جابه وحرك سكره لين يزداد وأشرب و(تسـ)ـني شارب شاي سادة مرارتي بالـ(تسـ)ـبد مفعولها زاد وأحلام عمري تستحق الإشادة

تبسم لعنبو من لامني في ضحكتك ورضاك تبسم واخذني من عالمي في عالم ن ثاني

شلونك عسى البعد عني مكفيك ‏اسال عنك بعد ما كنا احباب ‏والله ان قلبي للحين هاويك ‏لكن افترقنا وصرنا اليوم اغراب ‏الذكرى كتبتها واحسنت لياليك ‏ولا كأن بيوم كنا انا وياك اصحاب ‏كنت احب سوالفك واحب طاريك ‏واليوم ما صار الباب على الباب.

لا شعرت ان المواصل يذل النفسّ ‏كابر حتى لو أنك من الشوق ميّت.

وارجع تراني راجعلك من اقصاي وان ماقبلت برجعتي لك توفيت آثرك معك صبر وعزيمه لفرقاي وانا احسبن مالك آمل لو تحديت خابرك لذنوبي ولخطاي نساي معقول لك عدت ليالي ماسجيت جلست افكر في غيابك وش الراي حسيت مدري ويش انا فيه حسيت حسيت في ذمبي وفي كبر بلواي وان الفراق يقولي وينك امسيت آخطيت في نفسي وفي وصفة ادواي وانا من جروح الزمن ماتشافيت حاولت اصلح غلطتي غير ممداي حتى اعترفت اني تجاهلت واخطيت والحين جيتك مندفعلك من اقصاي ك وان ماقبلت برجعتي لك [تــوفـيـت]

وحبك كل يـوم يزيـد فـي العيـن الشقاويـه عسى ربـي يعافينـي ولايبـلاك قـول اميـن تراني كنـي اللـي واطـيٍ لـه جمـرة حيّـه تراني يوم كلمتك فديتـك عقـب تسـع اسنيـن ما غيـر اهيـض العبـرات والا النيـه النيـه ،

يادنيا : انتي من انتي له يادنيا ! لحقني منْك شيٍّ ما هقيته حَلـَمت وضاعت الأحلام منّي وَهَذا اللي من احلامي جنيته يا كم وقـّّفت لسْهُوم المنايا وكم من راس دابٍ قدْ وطيته وكم ناديت بإسْمه ما سمَعْني وكم ليلٍ على شانه سَرَيته عن العالم .. مكانه في عيوني وقوس الحُب لعيونه بَريته على وضْح النقا والحُبّ الاول لو امحِي ذكرياتي .. ما محَيته

وترى الوِدّ ليلٍ مظلمٍ جيت لك ساريه سراجه وصالك والجفا ينْفَخْ سْراجه وترى قَصْرنا اللي كَمْ سنَه نجْمَعْ وْنبنيه هوا الهذل طيَّحْ بابه العَوْد وِسْياجه لي أيام ما ادري وين دارك ولا ادري ليه وانا خابِرْ أنّي باب شَفّك وْمِزْلاجه غيابٍ بلا سِبّه هجادِ بلا تنبيه وجفا أغلى العَرَب نارٍ على الكَبد وَهَّاجه

والله انى كنت ألوم اللى يضيق أن غاب خله لين جربت المحبه والفراق وقلت توبه لعنبو جد المفارق فيه هم وفيه ذله أثر كل الحب لذه والفراق أكبر عيوبه امس فارقت الغلا ومفارق الخلان عله والعلاج الوصل لا تبلش طبيب ولا حبوبه الزعل هو سبه الفرقا يهز الحب كله ليتنى طولت بالى قبل لا يعلن غروبه وآهني اللى وسيع الصدر.. صدره وسع فله غلطه الصاحب تجى وتروح ماهى بمحسوبه ليش تحسب غلطه الصاحب على الصاحب مذله ليش ماتحسب ميانه لو تجى عشرين نوبه لا وربى.. كنت أحبه حيل مادورت زله لا تشكك فى غلاه ولا تساعد فى هروبه

ياشينها غلطة الغالى علـى الغالـي ماعاد ينفـع دواهـا لـو يداويهـا ياليتها من عدوي ويمكـن أشوالـي ولاأني اقدر على الغلطة وأعديهـا ماهي كذا تصبح وتمسى على بالي لارتحت منها ولاأدري وين أوديهـا