Available now! Telegram Research 2025 — the year's key insights 
السنة الثالثة ثانوي - 3AS 🖇 .
Open in Telegram
بسم الله نبدأ سنة جديدة ، نسأل الله كل التوفيق فيها . اللهم كن معنا فيما نحن مقبلين عليه في هذه السنة و يسر و سهل لنا دراستنا .قناة مختصة بدروس ، ملخصات، فروض ، اختبارات للشعب العلمية علوم تجريبية ، رياضيات ، تسيير و اقتصاد🖊
Show more6 939
Subscribers
-424 hours
-337 days
-12230 days
Posts Archive
Repost from 🏆 3AS WITH THE BEST🏆
نصيحة تمنيت مدوهالي من قبل هيا انو ما نبداش بقوة و بحماس حتى نتعب نفسيا و جسديا و بسيف باه نقدر نكمل و تاني انو نقرا مواد كامل و نحل في مواد كامل ماشي نحل لمادة لي نحبها فقط ❌
و تاني انو نوازن بين مواد اساسية و ثانوية في عام باك
انا عام كامل ما قريتش انجليزية و ندمت لاني نكرها لهدا ما قريتهاش
كذلك ما حليتش بزاف في فيزياء و عانيت من صعوبة الموضوع في بكالوريا
لهدا نقلكم حلو في جميع لمواد حلو على قد ما تقدروو لازم تحل بيدك ما تشوفش استاذ و خلاص لانو لباك لازم بيدك تحل تغلط مرة زوج منبعد صاي تولي تعرف
حنزيد نحكيلكم كثر كي يقرب وقت دراسة 🤍
Repost from 🏆 3AS WITH THE BEST🏆
تاني سؤال تجربتي في بكالوريا و اخطائي و المواد لي ندمت ما راجعتهمش في صيف
انا نقلكم بلي باك محطة من حياتنا نمرو عليها هوا صح امتحان عادي مي ماتديهش باستهزاء لباك لازم تقرالو عام كامل صح حتتعب و تبدا بشوي بصح ماشي تطلق روحك عام كامل منبعد كي يبقا شهر باه تتفكر بلي عندك باك ❌ لا اقراو عام كامل لباك ماهوش زهر لباك لي قرالو
هادي اول نصيحة بنسبة لاخطائي درت بزاف يعني كي يقرب وقت دراسة حنحطلكم بتفصيل وش ديرو ووش ماديروش و كفاه تقراو....
بصفة عامة اول خطأ اني بديت بحماس و تعبت نفسيا قبل ما يلحق لباك و عييت جسديا يعني لاني بديت بقوة
هادي لي ننصح بيها و ندمت عليها بزاف
آخر نصيحة مدامكم راكم في صيف مدو لرواحكم راحة نفسية و نقلكم لي مايعرفش لغات (فرنسية او انجليزية) يتعلم من صيف ما قتلكش اقرا قلتلك اتعلم حق ما تقرا نص و لا تفهم كلمات و اتعلم بحوايج لي تحتاجهم نت في عامك تاع لباك ما تعبوش رواحكم ما تبداوش تتحمسو راهو عام متعب يسنى فيكم ما تيأسوش من دك ما تتعبوش من دك و هدا مكان ان شاء الله نكون افدتكم ❤
Repost from 🏆 3AS WITH THE BEST🏆
بسم الله نبدأ باول سؤال كان مصادر اليوتيوب
اولا انا كطالبة شعبة تقني رياضي (هندسة طرائق)
ما عتامدتش على يوتيوب 100/100 يعني كنت دايرة دروس خصوصية (ليكور) كنت دايرة مواد اساسية (رياضيات، فيزياء، هندسة طرائق) و في الآخر دخلت ادب عربي
نرجعو لموضوعنا اليوتيوب نبدالكم بالمادة
رياضيات: كنت نتفرج انفينيتي و عبد الباسط و كاين جوفر
فيزياء: ننصح بسلمى فادتني بزاف +اميرة شنوف +استاذ عبدو رضوان(يدير خرائط ذهنية) و زهير للفيزياء +كتين تاني شيماء مليحة +زدون في تمارين
انا ما تبعت منهم شوي و عجبوني نتوما ختارو استاذ و لا زوج فقط
بنسبة لمواد الحفظ (تحتاجو يوتيوب بزاف للفهم قبل الحفظ)
اجتماعيات: هند شاوش اسطورة تاع شرح و بدارجة حرفيا روعة +محمد لعروق روعة تاني +بورنان +امين
اسلامية: شمس دين +استاذ زكرياء +عبد الحق موسلي
فلسفة: تبعت ضيف مليحة في شرح+عفيف +اكرم غسان +بروف فارس
بنسبة للغات
ادب عربي: حيقون + شريف +بوبكر (اساطير)
لغة فرنسية: رضا +سالي +قناة bac 2026 +بروف نجاح
لغة انجليزية: عبد المومن+ناصري +امين
بقات هندسة طرائق لي مهتمين تبعت غير رهواني في تمارين تاعو لي يحطهم في قناة تاع تلغرام
هادو هوما مصادر لي تبعتهم انا خصوصا و كاينين بزاف و في عامكم تاع لباك حتكتاشفو مصادر بزاف ملاح ان شاء الله نكون افدتكم بتوفيق ❤
Repost from 🏆 3AS WITH THE BEST🏆
"يوم عرفة… الفرصة اللي ممكن تغيّر حياتك"
لا تنسونا من صالح دعواكم بالخير لنا و لوالدينا و بالتوفيق في دراستنا و غير هذا ما نريد 🫂🪻.
بسم الله الرحمن الرحيم و اما بعد :
فإن اول كلامنا بعد نهاية السنة الدراسية للثانوية ثانوي نقول الحمد لله الحمد لله دائما و أبدا كل وقت و حين ، احمدو الله حتى يزيدكم من نعمه احمدو الله و لا تيأسو من روحه و لا تيأسو من حسن تدبيره له الحمد أولا و آخرا و ظاهرا و باطنا كل وقت و حين ،
نحن الآن مقبلون على دخول سنة ثالثة ثانوي لذا اطلب منك الاستعانة و التوكل حسن الجد و الاجتهاد و التحضير و الله يرزقكم التفوق لا تعجزو و لا تفزعو لا تخافو و لا تحزنو و احسنو استغلال عطلتكم في التقرب لله حتى يتيسر كل ما هو قادم في العام ستدس ١٠ اشهر لذا احسن استغلال شهرين في هواياتك و شهرين تحضيرا لنفسك لا تضغطو و لا تتحمسو فينفذ وقودكم باكرا ضغو ميزان لقدراتكم و حسنو ما وجب تحسينه في اوت و جويلية اما حاليا فارتاحو و اعتنو بادمغتكم،
سنكون معكم بإذن الله في هذه الرحلة ابتداء من شهر اوت بخطط و تجهيزات و ننطلق معكم في الدروس و كل ما تحتاجونه رفقاء و متعلمين و تلاميذ حتى نهاية العام الدراسي و لربما ستكون معها نهاية هذه القناة و التي انطلقت اول مرة خلال سنة ثانية متوسط و استمرت حتى اليوم بدعم الطلاب ،
وفقكم الله اخواني و تذكرو النصيحه الأسمى اصلحو علاقتكم بالله تسهل كل الأمور من بعد ذلك .🫂🪻
اقدم خالص تحياتي و كل شكري إلى من كان عونا لي في هذه المسيرة و اهتم بقناتي أكثر من اهتمامي بها و كان نعم المساعد و الرفيق و كل ما أسأله ان يكتبه الله في ميزان حسناته و يتوب عنه جزاك الله خيرا و كتب اجرك و سعيدة جدا بكوني معك في هذه الرحلة و اتمنى استمرار معك عاما آخر بحول الله @Barcbet
🍓 مالكة القناة
📌 ملاحظة : من يريد أن يكون مشرف في قناة خلال عام فأوافق شرط الالتزام بنشر مرة واحدة في الأسبوع ارضى بها و لا يتهرب و يكذب .
Repost from 🏆 3AS WITH THE BEST🏆
+5
أقوى ملخص شعر وصف الطبيعة و شعر رثاء المدن و المماليك مع اهم الاسئلة 😍
Repost from 🏆 3AS WITH THE BEST🏆
+1
ملخص في اللغة حول الشعر في: الدولة الرستمية، الدولة الأندلسية، الدولة الزيانية.. من اعدادي..اتمنى أن يفيدكم و أن يكون الخط واضحا.. ☺️☺️☺️
