مَقهى الحَيارى

تمرّ السنين ولا تغيّر معاه إحساس ولا الضحكة الّي من شفاياه مملوله -بندر الدويش

‏"للحب عينٍ ماتشوف العذاريب.. وللمبغض عيونٍ .. تعد الخطايا" VS ‏"عين الرضا عن كل عيبٍ كليلة ‏وعين السخط تبدي المساويا "

القبول اللي من الله فالوجيه السمحه ‏صبه الله في محيّا الجادل المملوحة

ضحايا المعارك موت شعب وخراب أوطان ‏و ضحايا الهوى لا عاشوا أهله.. ولا ماتوا*

‏"يامالك المُلك.. السنين البيض مافيها سنين ‏ماغير صبحٍ عاث في نوره ظلامٍ سرمدي ‏هَب لي من الافراح واجعلني شديد الباس، لين ‏أضحك على كل الجروح الصَلف منها والندي"

ودي أوصل شعوري قبل وقت الرحيل ‏مابقى في المحزم الممتلي غير فشقه

"تنازلت عن ثلثين الأحلام بالمجان ‏ولاعاد لي فيها شهاوي ولا ولْعه"

"‏الليالي مالها وجهٍ ضحوك ومسفهلّي ‏غير لا منه بدا لي خدّك اللي فيه شامه ‏اقربي لين يتلاشى حزني ويرتاح ظلّي ‏من طريقٍ فيه عيّفت القدم راس العدامه ‏واستريحي فوق ديباجك وفلّي شعرك اللي ‏ودّي اقضي عُمري الباقي تحت دامس ظلامه"

‏على اللي لعب بي فالهوى لعبة الشطرنج ‏مخليني اهرف مثل ما يهرف الذيبي ‏عشير ٍ يخدّرني كلامه سوات البنج ‏اغيّب مع التخدير وافيق واغيبي ‏ليا اغضى بـ سود ٍ مع غياهن شوية غنج ‏يسرحني الهاجوس معهن ويضوي بي ‏وساع ٍ سهمها ما حدن من صوابه ينجَ ‏عسى الله يساعدني على ما تسوي بي

"حايراً في حبك اللي بين لذات و تلوّع ‏يومٍ الله يقطعه و أيامْ جعل الله يدومه ‏أنت هبشة درهمانٍ طايحٍ فيها مطوّع ‏ما درى يطنخ بها و لا يسلمها الحكومه"

‏"مشاعرٍ تشبه الما والنسيم العليل ‏من عاشها معك ما دوّر على غيرها"

”إنّ الذي قَدَر القطيعة والنوى في وسعه أن يجمع المتفرِّقَ“ — إيليا أبو ماضي

"وجهٍ يزف الشمس لا تذخرينه ‏عن واحدٍ جرح الظما يبّس شفاه"

‏شايفٍ فيك الغناه و رافعٍ بك ظني ‏و متظلل في غلاك اللي يزيل الضيقة

كل ماهب نسناس الغلا من ديار الوليف ‏هب فالقلب من ريح الصبا عبرةٍ نجديّه

"العام ما حسّيت صيف ولا شتا ‏العام كان بكل لحظاته ربيع ‏واليوم صرت أشوف الألوان ابهتا ‏وأشوفني وأشوفك وحنّا نضيع"

"مثل راحه يدينٍ صافحت قبلك نسيج الصوف ‏عشان تحس وش معنى الدفا لا مدَّت شعوره"