أسْمَاء عَارِف

أحيانا الإنسان بيحسّ إنّه مش عاقل بشكل كافي وده بيضايقني جدًا، هل لازم دايما نكون عاقلين؟ منطقيين؟ سؤال عميق ليلى بس يراودني!

بصوا يجماعة خدوها قاعده كدا الحاجة اللى قلبكم يرتاح ليها اعملوها والحاجة اللى مترتاحوش ليها متدوهاش طاقة وتجاهدوا فيها، حتى لو كل اللى حواليكم قالوا انها جميلة، الاحساس بيفرق والله.. عارفين لما الرسول حد قاله في مرة إنّه عايز يعمل كل حاجة حلوه في الدنيا والخير كله ويبعد عن كل حاجة وحشة في الدنيا فقالوا بسأل عن البرّ وعن الإثم فالرسول قاله البرّ ده ما وقر في القلب وحسيت انه كويس و الإثم ده انت مش مرتاحله من جواك حتى بدون اسباب، فقاله بالظبط: استفتِ قلبك، البرّ ما اطمأنت إليه النفسُ واطمأنّ إليه القلبُ، والإثمُ ما حاكَ في النفسِ وتردد في الصدر وإن أفتاكَ الناس وأفتوك. يعني انت سألت فلان وفلان وقالولك موضوع الشغل ده تحفة ومربح ومناسب وانت من جواك شاكك انه في شبهة حرام، انت مش مرتاح مهما قدمولك أسباب تطمّنك! والحقيقة يجماعة إنّ كلما سلمَ القلب من أمراضه من غلّ وحقد وغيره وكلّما أنسَ القلب بربّه كلما صفا ورأى بعين البصيرة مش بعين البصر لأنّ ده قلب خالطه الوحي فهتلاقيه حتمًا منوّر ومنوّر لك دنيتك. لأنّه خالط كلامًا يخرج العبد من الظلمات إلى النور.. من الآخر استفتِ قلبك وإنْ أفتاك النّاس وأفتوك. أسماء عارف.

حاسه انى هصدعكم انهارده بس عندي شويه افكار عميقة مش عارفه اكتبها فانهارده نقدر نسميه عشوائيات مثلا!

نفترض مثلا مثلا إنّ الإنسان بقا مبسوط هل ده هيقلّل منه في حاجة؟ بجد ليه الواحد يعشق ضيق التنفس والمعاناة يا اخي! يعني تخيل معايا انت مبسوط أهلك بتصدرلهم طاقة إيجابية لأنّك مبسوط أو على الأقل مش حزين فهم يحزنوا انك حزين! بجد الأهل والله حتى لو مش بيعبّروا بس نفسية أبنائهم بتنعكس عليهم حتى لو بشكل لاإرادي فبجد ليه متبقاش كويس عشانهم على الأقل!

تمام ننزلها تانى عشان انا عندي ضيق تنفس من الحاجات الكتير وبقعد امسح بس تمام كدا نزلناها بالليل يعنى في gab بين البوستس🥹 يحضرني في هذه الصورة كون إنّ الإنسان دايما يحبايبي يلاقي لنفسه مخرج من الدنيا ومن نفسه او نقدر نقول مهرب أو ملجأ يعرف يفصل بيه من الدنيا وأظنّ والله أعلم إنّ خير مهرب للإنسان صحبة يحبّها ونفسه تبقى سويّة لو خلى بها اطمّن وقلب قوي يعرف يواجه بيه دنياه♥️ ولو اتسألت اي علاقته بالصورة والله ما أدري بس أنا بحبّ صور اليوم ده فدعونا نكون مرهفي الحسّ معاها حبتين♥️

♥️

شعور إن المكان بنات بس محسسنى اننا لازم لنا كوكب الزهرة والله ونبقى فل الفل😂♥️🥹

قبل امتحان العظام بيوم كان عندى فرح خالو، ونفسي أفهم ليه الإنسان يعيش خمسين شعور في نفس اللحظة يجماعة ما يا مبسوط يا عايز يذاكر! انما اي ده! المهم أنا بحب الصورة دي ♥️

https://youtu.be/eza2XrTQaVY?si=GSXkxJVmjF5Yk1bb احبابي الطريقة دي للكب كيك تحفة خالص وبتظبط من اول مرّة بس بلاش تحطوا معلقة ملح ده اسوأ اوبشن اتقال واتعمل حقيقي مكنتش عارفه هى مالحة ولا مسكرة ولا اي نوعها🥹