Китобҳои тоҷикӣ | کتابهای تاجیکی | Китобхона

📚 номи китоб: Ҳикояҳо дар бораи Шерлок Холмс 🖋 муаллиф: Сэр Артур Конан Дойл 🇷🇺 тарҷума аз русӣ: Ш. Шараф ⏳ нашр: 1981 —  Душанбе; Ирфон 📖 ҳаҷм: 448 саҳифа 📝 эзоҳ: Дар ин маҷмӯа бо чанд ҳикоя ва повести нависандаи номии англис Артур Конан Дойл шинос мешавед, ки бори аввал ба забони тоҷикӣ тарҷума шуда буданд. Ҳикояву повестҳои ин шахси номдор ҳанӯз дар асри гузашта саросари дунёро пахш гашта буд. Ҳамагон аз хондани онҳо лаззати фаровон мебурданд. Персонажи асосии ҳикоятҳои Конан Дойл чунон ном бароварда буд, ки то ҳол аксари мардум бар ин боваранд, ки ӯ шахси воқеии таърихӣ буд. Шерлок Холмс, кӣ намедонад ин исмро? Ин персонажи тахайюлӣ дар қатори маъруфтарин одамони ҷаҳонӣ меистад. Инак навбати хонандаи тоҷик аст, ки аз моҷароҷӯиҳо ва қиссаи ҳаёти Холмс бархурдор шавад ва лаззати нотакрори яке аз беҳтарин намунаҳои адабиёти ғарбро бичашад. #адабиёти_ҷаҳон

Гуфтааст ”یَداللَهِ فَوقَ أَیْدِیهِم” Яъне бандаи ман нигарони фардоят набош аз корҳои одамҳо дилгир нашав коре аз онҳо бар намеояд дастат ро ба ман бидеҳ то ман нахоҳам барге аз дарахт намеафтад СУХАНОНЕ КИ ҚАЛБАТОНРО ОРОМ МЕКУНАД👇👇👇 🍃🕊️ https://t.me/roya_tj 🕊️🍃 🍃 @roya_tj

📗 Фарзи ъайни тоҷикӣ 📖 Китобе, ки моро дар кӯдакӣ бо илми шариати исломӣ шинос карда, аввалин тасаввуроти дин ва худшиносиро ба мо бахшидааст. Китобе, ки ба мо мусулмон шудан ва мусулмон буданро баён мекунад. Аз навиштаҷоти китоби мазкур ҳар фарди мусалмон бояд дарак дошта бошад, ки аслу асоси имону Исломро дар бар мегирад. Тавҳид. Намоз. Рӯза. Закот. Ҳаҷ. #ислом

📚 номи китоб: Фазилати даҳаи охир, шаби Қадр ва садақа дар Рамазон 🖋 муаллиф: шӯрои уламо 📖 ҳаҷм: 12 саҳифа 📝 эзоҳ: Эй хоҷа, чи ҷуйӣ зи шаби Қадр нишонӣ, Ҳар шаб, шаби қадр аст агар қадр бидонӣ! Дар ин китобак чанд сухане аз фазилати даҳ рӯзи охири Рамазон ва он амалу ибодате, ки Паёмбар (с) хусусан дар ин моҳ анҷом медоданд: монанди зиндадории тамоми шаб, бедор намудани аҳлаш, кӯшишу ҷаҳд дар анҷоми амалҳои нек, хӯрдани он чи бештар қувватбахш аст, ва он чи ки ба фазилати ин шабҳо далолат мекунад аз риояи тозагӣ, ғусл намудан, хушбӯӣ кардан, пӯшидани либосҳои беҳтар, намозҳои таҳаҷҷуд, нафл, зикр, дуъо, фазилати қироати Қуръон, додани садақа дар охири моҳ ва хусусан дар фазилати Лайлатулқадр баён шудааст. #ислом

📚 номи китоб: 40 ҳадиси набавӣ дар фазилати моҳи Рамазон 🖋 гирдоваранда: Абуасмоа Файзуллоев ⏳ соли таълиф: 2017 📖 ҳаҷм: 25 саҳифа 📝 эзоҳ: Ин моҳ барои мусалмонони содиқ мавсими муборакест барои касби ризои Аллоҳ таъоло ва ба даст овардани савоби бештару тарк намудани амалҳои зишт ва қабеҳ ва касб намудани ахлоқ ва рафтори ҳамидаву шоиста ва маҳбуби Аллоҳ. Ин рисола ҳадяест барои толибилмоне, ки дар моҳи Рамазон дар маҳфилҳои гуногуне менишинанд то бошад, ки дар ҷамъомадҳои рамазонӣ аз аҳодиси гуҳарбори Паёмбар (саллаллоҳу ъалайҳи васаллам) гуфту гузор намоянд. #ислом

📚 номи китоб: Рӯзаи моҳи Рамазон: моҳият ва аҳкоми он 🖋 муаллиф: Абдушариф Боқизода ⏳ соли нашр: 2012 — Душанбе 📖 ҳаҷм: 160 саҳифа 📝 эзоҳ: Китоб ба манзури баланд бардоштани сатҳи маърифати динӣ ва ошноии бештари мардуми мусалмон ба арзишҳои олии Ислом омода гардида, дар он чаҳорумин рукни бинои Ислом – рӯза мавриди баррасӣ қарор гирифтааст. Рӯза муҳимтарин василаи худсозӣ, олитарин мактаби тарбияти рӯҳ ва бинои шахсияти инсон ва беҳтарин барномаи рушд ва такомули маънавии мардум ва ҷомеа мебошад, ки дар ин китоб моҳият ва аҳкоми он бозтоби равшане ёфтааст. Китоб барои доираи васеи хонандагон ва худоҷӯён пешкаш мегардад. Ба умеди қабули тоот ва ибодоти шумо дар моҳи Рамазон! #ислом

📚 Оиди рӯза, моҳи Рамазон, шаби Қадр, садақаи Фитр ва аҳкому одоби ҳар яке 🖋 гирдоваранда: Пайрав Туфайлонӣ 📖 ҳаҷм: 72 саҳифа 📝 эзоҳ: Барои хондани ҳама ашхоси мусулмон ва рӯзадор тавсия мешавад, то савобу самараи рӯзаашон барзиёд гардад ва аз шаби Қадру иди Фитри дар пеш буда, огоҳӣ ёфта, ин замони пурбаракатро бо аъмоли неки пурфайз паси сар кунанд. Маҷмӯа аз навиштаҷоти гуногуне, ки дар 20 файли хурд пароканда буданд, ҷамъ оварда шудааст. Баъзе файлҳо номҳои зерин доштанд, ки ҳамчун боб оварда шудаанд: Моҳи раҳмат ва бахшиш, Чаро рӯза як моҳ аст, Аҳкоми рӯза доштан, Дари худопарастӣ рӯза аст, Бар рӯзагирон оташи дӯзах ҳаром аст, Рӯза танҳо гурусна гаштан нест, Зарарҳои пурхӯрӣ ва фоидаи рӯза, Амалҳои писандидаву мақбул дар рӯза, Кадом амалҳо савоби рӯзаро кам месозанд, Агар шахси фавтида рӯзаи қазо дошта бошад, Эътикоф нишастан дар масҷид, Шаби Қадр ба чӣ кор машғул бояд шуд, Садақаи Фитр - ислоҳи нуқсони рӯза. Умедворем, шумо ба саволу масъалаҳои мазкур ҷавоб ёфта, аз ин маҷмӯа баҳравар мешавед. #ислом

📚 номи китоб: Фоидаҳои рӯзадорӣ 🖋 таҳияи: Мисбоҳиддини Ҳомид ⌛ соли нашр: 2010 📖 ҳаҷм: 8 саҳифа 📝 эзоҳ:      Рӯзадорӣ фоидаҳои ҷисмӣ ва рӯҳии фаровоне дорад, шифобахши ҷисм ва тавонбахши ҷон аст, пок кунандаи инсон аз тамоми палидиҳои ҳайвонӣ ва дар сохтани фарди солеҳ ва муҷтамаъи ба сомон бисёр муаcсир мебошад. Дар ин маҷмӯаи хурд бархе аз фавоиди рӯза барои солимии рӯҳу бадани инсон оварда шудааст. #ислом

📚 номи китоб: Одоб ва хусусиятҳои моҳи Рамазон 🖋 муаллиф: Шайх Абдуллоҳ Ҷибрин 🇸🇦 мутарҷим: Муҳаммадиқболи Садриддин ⏳ соли нашр: 2006 — Душанбе 📖 ҳаҷм: 24 саҳифа 📝 эзоҳ: Ҳамди беҳад Аллоҳ таъолоро, ки парвардигори оламиён аст. Дуруди бепоён бар беҳтарини паёмбарон Муҳаммад (с) ва олу асҳоби ӯ бод. Шукри Худо, ки моро бори дигар ба висоли моҳи шарифи Рамазон мерасонад ва тавфиқи рӯза гирифтанро рафиқамон гардонидааст. Фаро расидани моҳи Рамазонро ба ҳама бародарони аҳли дини Ислом муборакбод гуфта, баъзе фоидаҳои рӯзаро, ки дар китоби мазкур баён шудаанд, барои мулоҳиза тавсия менамоем. Ин рисолаи хурд, лек пурмӯҳтаво, ба бародарону хоҳарони гиромӣ доир ба одоб ва хусусиятҳои моҳи мубораки Рамазон маълумоти бештар мабзул менамояд, то ки ин моҳи муборакро бо ҳиммати дучанд сарфи ибодат ва бандагии Худои бандапарвари боазамат намоянд. Бо хондани ин рисола бародарону хоҳарони мо доир ба ин моҳи бошукӯҳ маълумоти дақиқ ҳосил мекунанд. #дин #ислом

📚 номи китоб: Рамазон (чиҳил ҳадис) 🖋 гирдоваранда: Саидҷумъахони Саид ⏳ соли нашр: 2007 — Душанбе 📖 ҳаҷм: 49 саҳифа 📝 эзоҳ: Пас аз Қуръони Карим суханони Паёмбари Акрам (с), ки бо номи "ҳадис" ё "ривоят" маъруфанд, ҳидоятгар ва роҳнамои мусулмонон мебошанд. Ҳамаи қонунҳо ва аҳкоми Ислом дар Қуръони Карим зикр нашудааст ва хеле аз аҳком дар ҳадису ривоятҳо баён шудааст. Ба ҳамин хотир чанд тан аз дӯстони диниамон талошу кӯшиши зиёде карданд то дар мавзӯъҳои гуногун "чиҳил ҳадис" ҷамъоварӣ намоянд. Китоби ҳозир намунае аз ин корҳост, ки чиҳил ҳадиси саҳеҳро доир ба фазилату шарофати моҳи рамазон, аҳкому одоби рӯза ва рӯзадориро дар бар мегирад. Умедворем, ки Худованд онро аз мо бипазирад ва мавриди писанди шумо низ қарор диҳад. #дин #ислом