pomerê sozen

TOKYO MACELRAM — Emotion (Uzum vo az qar) Uzum vo az qar, qarand δod bezeb gapen Uzum vo az qar, qarand čud fač tu zot at but Uzum vo az qar sent xu δust tu čerayê ruy Uzum vo az qar sut xabar čudum fuk čul At famum, naanjavêta kin Famum, be muyat qin Tut be suraϑo vad mu ɣ̌in Ku va irang ya, ku va irang vê Ku va irang vê mu pispalê Tu qatê yu ‘naboft’ vud bidê Be tu yam ‘naboft’ — bedalil qinê Qinêyandum δoδj, faqat vê mu xez Yast bad yu best, yu nofamê, xu sůd bidê Bidê az mê, bidê az wê pêrokê Ku va dusikaϑ ga mu toqat kê Mašam qaribakê xušê Ay, zindagê uzum mot daraw sid Az tu nogaůnê tufaen Dê daken čud, digata naparjiven At tu — to ma, to va, to bas, to sar Diga asaraϑ sar čidow sawam ẋarminda Ku lo, tarka xu kinum nur, uz ɣulla ɣiδa Cůnd tov lům ‘bas’ Čůnd tov lům ‘asaraϑ va kinam sar’ Odamê damê ba damê badanê dê čudê bidal Damê badanê dê xudê dê ɣam Ɣamê badanê dê ɣamê dê yod Famê dê, nur tu umrê ϑud

Meron — Šamolen (cover) Yuẋk az abrêenand ar daryo Δar az xu čadenam mis Az zibo Šamolen, šamol • Nawinum, vêrod Tuyj yu δar Nanimoyê tu Šamolen, šamolen

Ɣaribon — Bigona Az tu tidow gulta naẋtêzd Az tu čiẋtow xirta naẋtêzd Tut mu išqandat yagona Be tu zindagê bigona Ẋabat at meϑand mu fikrand Doimat red mu diland Čizjatat sat az mu judo? Tut murd darkor amčun awo Az tu tidow, az tu čiẋtow Tut mu išqandat yagona Be tu zindagê bigona Az tu tidow gulta naẋtêzd Az tu čiẋtow xirta naẋtêzd Tut mu išqandat yagona Be tu zindagê bigona

SabzAli — Fuk az Xuδoy Arčiz mašand canist Arčiz cayast, yuta narist Ristta osmůntê xir, pê ku ga — žir Az maš sitxůn mis narist Arang ca vad dunyo, ikwêtêgata rist Ya munta pist, qobilta rist Xuδoyard ga malum fuk rist Ram tar banda, žiwjgaẋ at išq — fuk az Xuδoy At tufůn, borůn xu — tar kiẋti ga navud joy Duzax o biẋt? Cůndik guno? Δu ruzga cavid yam ayot Sawam rawůn, čidům divê? Arjoy wird cavid barawot Arčiz carist az mam ayot Faqatta rist yu maš bayoδ Šamol dasturta fukaϑ best Nasůd takror, nagata yoδd Ku qiw ikwev, catoyden waδ Ku čiz az wev xabar? Faqat tu diland joy Dilard qarib, tu lůvê waδen δar Žiwjgaẋ dilandat peδo čud Amo qismat nasut nasib Waxtat ga mis parjuvd Fuk darδenard cavud tabib Mê ẋar darun xu půnd binêsčum uz Binêstow azůd xu darkor Mu maɣʓ murd lůvd Mu dilard ga nafort tidow Arcůnd tu dil canůd Arcůnd caviyen čust půnden Čay famt, nasib yast sůd Abad čidow mev misraen Zimaδ ca garδd Ɣam mak tu ičiz binêsto Fuk az Xuδoy, fuk pê Xuδoy Arcůnd qin divest, ičizga dawo nist Mašard az maš doden iku yê půnd rist Pindorê nek, guftorê nek, raftorê nek Pindorê nek, guftorê nek, raftorê nek Casawê mis bezoro Arcůnd tu gurm pist, faqat Pindorê nek, guftorê nek, raftorê nek Pindorê nek, guftorê nek, raftorê nek Tu fikrê mak fuken odam, vêrod Tu boyad fam, yam zindagê yê dam, vêrod Ilav čisê tulo fukwaxten waδ čê red Az mam dunyo ar wam dunyo iwaϑ qadam, vêrod At yasten ɣalec ca parδoden odaminzot Yê ba cačuden intixob, 30 nuqragê tanga At ar daryo ẋacbirêẋttê Abulfazl Čudê xu xaẋ, důnjat vêrod ziryot tuẋna O, vêrod, carang tu famê mam ayot xurd? Calůve, toqa navarδêyê jaůn δêdow najot xurd Cůndik qin najotδêd pas vid, cavid Jaůn najot δêdow — besoib kudard awqot xurd Garδenčat xu sufê az toat at zikrê čidow Mardumard talim, be biẋt půnd diviẋtow Gumůnum, be foyda turd biẋt ẋikidow aga Tu nan poδen pibir cavid šitto Arčiz carist az mam ayot Faqatta rist yu maš bayoδ Šamol dasturta fukaϑ best Nasůd takror, nagata yoδd Pêro az oxirůn nafas, čiz turd sůd takror? Canavid ar tu maɣʓ xušê xotira, vêrod Arcůnd qin divest, ičizga dawo nist Mašard az maš doden iku yê půnd rist Pindorê nek, guftorê nek, raftorê nek Pindorê nek, guftorê nek, raftorê nek Casawê mis bezoro Arcůnd tu gurm pist, faqat Pindorê nek, guftorê nek, raftorê nek Pindorê nek, guftorê nek, raftorê nek Mu zindagê xušê — tar ẋarê ilm divê sittow qarib Amir al-Muminin — fuk mu darδenard yu tabib Faqat yagůna orzu mam zindagêndê mund Mu ziryotenard wê Didor lak sůd nasib