Мирзо Кенжабек ижодхонаси

"МАХТУМҚУЛИ – СЎЗЛАР ТИЛИ ТУРКМАННИНГ" Бугун Ўзбекистон Ёзувчилар уюшмасида туркман шоири ва мурафаккири Махтумқули Фироғий таваллудининг 300 йиллиги муносабати билан “Махтумқули Фироғий – ўзбек ва туркман халқларининг умумий мероси” мавзусида халқаро илмий анжуман ўтказилди. Халқаро анжуманни уюшма раиси Сирожиддин Саййид очиб берди. Унда элчи жаноблари Шодурди Мередов, Миллатлараро муносабатлар ва хорижий мамлакатлар билан дўстлик алоқалари қўмитаси раиси Рустам Қурбонов, Республика Туркман маданият маркази раиси Гулдона Авездурдиева ва бошқалар сўзга чиқди.

Унда Махтумқули асарлари таржимони устоз Мирзо Кенжабек ҳам иштирок этиб, шоир ижоди ҳақидаги фикрлари билан ўртоқлашди.

Анжуман давомида сўзга чиққанлар икки юрт халқлари ўртасидаги дўстлик, қардошлик ва инсонпарварлик йўналишдаги муносабатларнинг кейинги йилларда сифат жиҳатдан янги босқичга кўтарилганини таъкидлади. @m_kenjabek

Асcалому алайкум  ва раҳматуллоҳи ва барокотуҳ! БУГУН: Пайшанба Ҳижрий-қамарий 1445 йил, 23-шаввол. Милодий 2024 йил 2 май. @m_kenjabek

TAKLIFNOMA Davlatimiz rahbarining shu yil 19-fevraldagi “Buyuk turkman shoiri va mutafakkiri Maxtumquli Firog‘iy tavalludining 300 yilligini keng nishonlash to‘g‘risida”gi qarori ijrosi yuzasidan O‘zbekiston Yozuvchilar uyushmasida Turkmanistonning mamlakatimizdagi elchixonasi bilan hamkorlikda 2-may kuni soat 15:00da “Maxtumquli Firog‘iy ijodi – o‘zbek va turkman xalqlarining umumiy merosi” mavzusida xalqaro ilmiy-amaliy anjuman o‘tkaziladi. Tadbirga barcha qiziquvchilarni taklif qilamiz. O‘zbekiston Yozuvchilar uyushmasi Axborot xizmati

ИЖТИМОИЙ ДАРД

Сен учун синдирдим синмас созимни (Рауф Парфи).

Тенгдошларим масрур ютуқлар билан, Парвозу донглари – кимгадир армон. Мен эсам курашчан нутқлар билан, Мақолалар билан бўлдим андармон. «Мирзо қолиб кетди...» – Ўқлар бесаноқ, Учар нафсу тамаъ пастликларидан. «Соф» шоир бўлардим, олмасам сабоқ, Фақат ҳақ ва қасос дарсликларидан. Келгайдир мени ҳам тушунгич замон: Елларга совурдим қонли додимни, Истиқболинг учун, юртим, онажон, Қурбонликка сўйдим истеъдодимни! Қалбимнинг қаъридан шеър унган кундан Борми ҳаётимда қутлуғроқ сана! Қон силқиб турганда сенинг кўксингдан, Мен қандоқ шод куйчинг бўлайин, она?! Бас! Иқбол қуёши бу кун тутилган, Жонимда дарёлар қизиб, тошадир. Кўзлар осмонидан юлдуз тўкилган, Тоғлар вужудимда юрар, учадир... Мен тинглаб бир мубҳам қирғоқдадирман, Қисматнинг гулдирос кулгуларини. Балки, ўз жисмимда кўрмоқдадирман Бу кун охирзамон белгиларини. Оҳим! Осийларни оёққа қалқдир, Қиёмат кўргузмай далил-ҳужжатин – Ки, бу ҳам яшашга ҳаққи бор халқдир, Қалбларга қадаб қол қасос кўчатин! Мағлуб қисматимиз – англанмас тилсим, Кўкламни алишдик мунглуғ хазонга. Энди интиҳолар, туганчлар бўлсин, Ҳур қалбни банд этиб қўйган давронга! Ким дўзах тузумни яшар «қуллуқ»лаб? Ўликлар тушунмас қонли додимни. Юртим! Эркинг учун ўзим куллуклаб, Қурбонликка сўйдим истеъдодимни. На ижод, на довруқ истак-нажотим, Дилларни поклайн ноҳақ шубҳадан: Буткул сабил қолсин менинг ижодим, Фақат озод бўлсин шу халқ, шу Ватан!.. 1989 © Мирзо Кенжабек @m_kenjabek |instagram | youtube

**** “Гулзебонинг менга маъқул бўлган фазилати – ўзини азалу абад Ҳақ ҳузурида эканини англаши, ҳис этиши бўлди. Гулзебо учун, аксар адабиёт даъвогарларидан фарқли ўлароқ, жараён, мунаққид, ўқувчи назари мезон эмас. Фикри ожизимча, бу шеърият қатларидан таралиб турадиган самимият, хулусият ифорининг манбаи ҳам, маншаъи ҳам шу...” Узоқ Жўрақулов Филолoгия фанлари доктори, профессор. Шоира ижодига бағишланган “ Яратганга табассум қил...” мақоласидан ┈┈• ❀ 🌷☘️🌷 ❀ •┈┈• Kanalimizga a'zo bo‘ling va do‘stlaringizga ulashing. 👇👇👇 https://t.me/Gulzebo_Ibrohimova •┈┈• ❀ 🌷☘️🌷 ❀ •┈┈•

Мухлисларимга Балки озчиликсиз, балки ягона, Балки дўстимдирсиз, балки дугона, Аммо эмасдирсиз қалбга бегона, Дилида нури бор, чин мухлисларим! Шеърларим ёд олган ўғил-қизларим, Маъно оламида ёруғ юзларим. Нурбахш тилакларим сизга, сўзларим, Кўнглида сурури бор, чин мухлисларим! Йиғласа шеър ила овунганларим. Мудом ўзлигини соғинганларим, Ҳақсизлик дастидан оғринганларим, Юракда қўри бор, чин мухлисларим! Балки дўстлигимиз ғойибонадир, Сизни меҳнат туққан, меҳнат онадир. “Одамнинг тафтини одам олади” Кўнглида СИРИ бор, чин мухлисларим! Балки тенгдошимсиз, балки замондош, “Йўлимга йўлдошсиз, ҳолимга ҳолдош”, Балки мендан кейин яшаяжаксиз, Қалбида Ёри бор, чин мухлисларим! Ноябр, 2023 йил. Гулзебо Иброҳимова ┈┈• ❀ 🌷☘️🌷 ❀ •┈┈• Kanalimizga a'zo bo‘ling va do‘stlaringizga ulashing. 👇👇👇 t.me/gulzeboibrohimovaijodi •┈┈• ❀ 🌷☘️🌷 ❀ •┈┈•

Асcалому алайкум  ва раҳматуллоҳи ва барокотуҳ! БУГУН: Сешанба Ҳижрий-қамарий 1445 йил, 21-шаввол. Милодий 2024 йил 30-апрель. @m_kenjabek

Мавлавий-Жунуний НУРИ ИРФОН ҚИЛ МУҲАББАТНИ... Ҳамиша ўрнини, билсанг, дилу жон қил муҳаббатни, Ва жойин суҳбату файзи азизон қил муҳаббатни. Кўнгилнинг бир тануридин неча минг хом рўй пишгай, Шу важ айтгумки, сарфи нури ирфон қил муҳаббатни. Зикрдин ишқ қозонини чу зокир кўнгли қайнатгай, Ки, сен ишқ файзидин кўнгилда жўшон қил муҳаббатни. Тун ортидин етар солик қўли васлин этогига, Саҳар ғаввоси жўши баҳри Ғуфрон қил муҳаббатни. Қўлингдин келса гар, файздин бу ишқнинг покбози бўл, Кўнгил юмнидин ҳаргиз покдомон қил муҳаббатни. Агар тўймас эса шайдо ичибон ишқ жомидин, Уринмоқ авжи-ла сен мавжи тўфон қил муҳаббатни. Талаблар кўкатин кўнгил заминидин қуритма ҳеч, Ки, ҳар бир тола киприк-ла сели борон қил муҳаббатни. Келур ҳар бошга минглаб дард, ўшал кун келмайин, танҳо Табиби ҳозиқ ўл ўзга ва дармон қил муҳаббатни. Форс тилидан Мирзо КЕНЖАБЕК таржимаси. @m_kenjabek

Асcалому алайкум  ва раҳматуллоҳи ва барокотуҳ! БУГУН: Душанба Ҳижрий-қамарий 1445 йил, 20-шаввол. Милодий 2024 йил 29-апрель. @m_kenjabek