راغبة الجنة🍃🤗

اللهم في هذه الأيام المباركة بارك لي في عُمر أبي وأمي واجعل العافية تسري في جسدهما واجعلهما من سُعداء الدارين واكتبهما عندك من المجبورين العُتقاء. اللهم إني أسألك ألا يُصيبهما مكروهًا فيصيب قلبي أضعافه، وألا تحرمني دعواتهما التي أحيا بها، ووجودهما الذي يُطيّب أيامي، وصوتهما الذي يُطمئن روحي

متخيلين إن ربنا اختبارنا ف كيس شيبسى وكانز وناس كتير جدا سقطوا ف الاختبار

﴿ مَتَىٰ نَصْرُ اللَّهِ ۗ أَلَا إِنَّ نَصْرَ اللَّهِ قَرِيبٌ﴾ 💗

عارف يعني ايه "وَأُفَوِّضُ أَمري إِلَى اللَّهِ إِنَّ اللَّهَ بَصيرٌ بِالعِبادِ" هنا بقا كأنك بتقول لربنا انا معرفش حاجه ومش فاهم حاجة ومعرفش نصيبي ايه ، ف مسلملك امره كله ، رتبه انت يارب ، ودبره انت يارب وانا راضي ومؤمن بيك..

إلى من وَصفنا بالمؤنسات الغَاليات ذكرتكَ الروحُ حُبّاً و عليكَ القلبُ صلَّى.

‏يقول أحدهم: "ظلمني شخص ظلمًا شديدًا عجزت عن تحمله وعجزت عن دفعه عني، وكلما تذكرته دعيت الله بـ اللهم كما أراني قوته على ضعفي فأرني يارب قوتك على ضعفه، ولم أكف عن الدعاء حتى أراني الله فيه أشد الضعف، احذروا.. "فكل الأخطاء مغفورة عند الله إلَّا ظلم العباد فهو مرهون بِعفوهم"..💛

"روحي اعمليلي ساندوتش!" مراتي كان عندها عادة مستحيل تستغنى عنها وهي إنها كل يوم تصحى قبل الفجر بنص ساعة! حتى لو في عز البرد كانت تقوم وتبدأ ترتب للصلاة وكأنها آخر ركعتين هتصليهم في حياتها ومش بس كدا دي كمان كانت بتفضل قاعدة تدعي للصبح. مر وقت طويل وهي ملتزمة بالعهد ده، والأمر بدأ يتطور وبقت تزن عليا وتصحيني معاها وتقولي: "قوم صلي عشان تبقى في ذمة الله!" كنت بصحى بالعافية، وفي يوم كان الجو برد وأول ما قربت تصحيني زقيتها وشديت اللحاف على وشي وحاولت أنام بس الجوع قرصني ومنع النوم عنِّي، ناديت عليها وقولت: "روحي اعمليلي ساندوتش" بصتلي بزعل وقالت: "مفيش عيش في البيت" قومت من على السرير بعصبية ولبست ونزلت أشتري عيش ولما رجعت لاقيتها بتبصلي بنظرات كلها لوم وكأنها بتقولي: "دلوقتي لبست ونزلت! ولما ربنا كان بينادي عليك كسلت!" بعدها جالي حصوة على الكلية مكنتش بتخليني أنام، كنت بصرخ منها والدكاترة قالوا: "العلاج هياخد وقت لحد ما تتفت وتنزل لوحدها" الوجع تحديدًا كان بيزيد ساعة آذان الفجر لدرجة إني مكنتش عارف أهرب منه حتى في النوم، وعشان كدا بدأت استجيب لرغبة زوجتي ونداء ربنا. "بنروحله وإحنا أذلة لكن إمتى هنبدأ نروحله بصحتنا؟" في الوقت ده زوجتي علمتني دعاء مكنتش ببطل أقوله: « اللهُم طريقًا غائم بألطافك لا وقوع فيه ولا تعثُر، إنما غيثاً من لدُنك يروي قلوبنا العطشى » وعلمتني إنِّي لازم استشعر وجود ربنا بالذكر دايمًا لأن الإعراض عن الذكر مش بس باللسان لا ده كمان بالقلب وباللسان والجوارح. دخلت المسجد في يوم وبعد الصلاة لاقيت الإمام قعد معانا في حلقة وسأل كل واحد فينا إيه اللي جابك هنا دلوقتي؟ - واحد رفع إيده وقاله:- غبت عشر سنين من غير خلفة ولما صليت الفجر في يوم ودعيت ربنا بدموع لاقيت مراتي حامل بعدها بيوم ومن الوقت ده وأنا هنا. - وواحد تاني قال بتعب:- جالي سرطان وكنت على حافة الموت وربنا نجاني بصلاة الفجر والصدقة ومن وقتها مبعرفش أنام وربنا بينادي عليا. - وآخر واحد قال وعيونه بتلمع:- كنت مسيحي ولما قلبي داق طعم الإسلام وأنا مبعرفش أبعد لحظة. "طلع كل واحد ليه حكاية مع صلاة الفجر ومعجزاتها" قعدت اسمع وأنا مستغرب، كل قصة يتعجب ليها العقل. ولما جه دوري معرفتش أقول حاجة فلاقيت لساني بيقول: "مراتي هي اللي جابتني هنا" وقتها الشيخ قام وقف وراح جابلي كتاب بعنوان: "الحور العين" ومسك ايدي وقالي بسعادة: "سلمها الكتاب ده وحافظ عليها وقولها هنيئًا لكِ الجنة" حسيت بخجل من نفسي على كل مرة ضربتها فيها أو زقيتها عشان عاوزاني أصلي وأستقيم وبرغم كل ده كانت بتنسى كل حاجة وترجع تنصحني تاني! النهاردة وبعد تلاتين سنة جاي أقول إني محستش بقيمتها غير لما ابني كبر وهو متربي وسط عك المجتمع وقرفه! دخل كلية الطب، ختم القرآن كاملًا، حفظ عشر آلاف حديث بالتفسير كمان! لما كانت أمه على فراش الموت حسيت إن كل حاجة حلوة بتروح معاها وإن الحلو هيمشي والمُر هيكمل معايا حياتي. الحياه طلعت قصيرة بشكل جنب زوجة صالحة بتحبك! نفسي الزمن يرجع من تاني وأعيش الدنيا معاها مرة كمان بس بشكل مختلف، كل مرة مقدرتهاش فيها هرجع وأقدرها. أعوضها عن كل مرة محسيتش بقيمتها لمجرد إني اتعودت على وجودها وخلاص، لو بس الزمن يرجع! بس للأسف مرجعش وهي مرجعتش! التقدير والحب هما البنزين اللي العلاقات بتكمل بيهم. الزوجة الصالحة نبتة قلبك إن أصلحت سُقياها إزدهر بها وإن اهملتها انطفأ نوره وضياه. الحياه طلعت قصيرة جدًا جنب ناس بتحبنا.

{ولنبلُوَنَّكُم حتّى نعلَمَ المُجاهِدينَ مِنكُم والصّابِرينَ ونَبلُوا أخباركُم} لابُدَّ للمحبوبِ من اختبار المُحِب. - ابن الجوزي.

إيّاك والعدل مع المرأة ، المرأة تُعامل بالإحسان ش محمد خيري☘️

حوشوا أصحاب للآخرة أصحاب الدنيا فانين زيها يارب صحبة صالحة تظل تتذكرني ليوم الدين

التجربة خاصة بالأستاذ Mohamed Sawy كنت معدي من مدينة نصر النهاردا وحسيت إني جعان، ولأني عارف أن بازوكا براند مصري قررت ادخل أكل عنده. طلبت وجبة وقعدت استنيت الويتر ينزل الأوردر، الكوب اللي فيه الدرينك كانت وجهته ناحيتي لوجو بازوكا، وأنا من عادتي بشرب الدرينك في النهاية، ومركزتش أصلًا إن الوجبة فيها درينك، كلت وخلصت وبعدين بمسك الدرينك وبدوق لقيته بيبسي، بلف الكوب لقيت الديزاين وجه بازوكا ووجه تاني بيبسي، حسيت بغضب غير عادي، كأن مات حد عزيز عليا في اللحظة دي، حسيت إني محتاج أقوم أكسر المحل. فضلت قاعد مكاني هادي بفكر، ولد جيه شال الحاجة قولت له سيب البيبسي، وفضلت ثواني لقيت بنت من المكان بتديني ورقة تقييم، فكتبت فيها اللي قدرت عليه، حسيت إنه مش كفاية، سألت عن مدير المكان البنت جت وقالت لي فيه مشكلة، شاورت لها على البيبسي وبدأت اتكلم واشرح وجهة نظري بهدوء، فالناس في المكان بدأوا ينتبهوا، فردت قالت لي إن البيبسي اللي عندهم متخزن من قبل الحرب، قولت لها يعني تاريخ البيبسي عندك هيكون قبل 7 أكتوبر، قالت أيوه، فطلبت منها تدخل تجيب كانز بيبسي، فلقيتها شهر 1، فبدأت أغضب بشكل أكبر وانفعلت والناس بتتابع الموقف بهدوء. وهنا تدخل المدير وبدأت نقاشي بكل عقل ومنطق وهدوء: - أنا دخلت المكان فاكر إنه مصري، بس المنظر دا خلاني حاسس إني بلعت رصاصة. - مقدر موقف حضرتك بس احنا كنا مقاطعين وغيرنا الدرينك والناس بدأت تضايق من دا وتطلب البيبسي فرجعناه. - مش مبرر، نزل حاجتك من غير درينك، إجبرهم على شيء هيتعودوا عليه، فيه أماكن غيرك لغت الدرينك أو غيرته تمامًا، خلي عندكم موقف إيجابي حتى لو الناس سلبية. - مستوعب اللي حضرتك بتقوله بس دا قرار الأونر. - بلغ الأونر إني هاخد موقف في الموضوع، وبلغه إنه لازم يحط ابنه مكان الأطفال اللي بتموت، أنا ابن أختي بينزل معايا أشتري له حاجات لما بيشاور على بيبسي أو شيبسي أو أي منتج مقاطعة بحاول افهمه بهدوء إن دا سبب في موت طفل زيه، حتى لو مستوعبش، بشوفه مكانهم بتوجع، وبرفض. - يا فندم والله غصب عننا. - مش قادر أتفهم فكرة إن الأكل والشرب أهم من أرواح إخواتنا، الموضوع كارثي بالنسبة لي ومقزز، اسم الأونر إيه؟ - أستاذ مايكل. - وصل تعليقي لأستاذ مايكل وعرفه إني مش هسكت، وخد البيبسي دا إرميه. خرجت وأنا حاسس بغضب شديد جدًا والناس بتبص عليا بدون كلمة واحدة، المكان مزدحم جدًا، ناس كتير قاعدة بأطفالها، حسيت إننا خلاص نسينا، وإنهم قدروا يروضوا جواك الغضب واتحكموا فيه، خلوك تشوف إن الموت عادي، الإبادة عادية، اللي بيحصل في إخواتك عادي، بقيت مُعتاد الموقف، ومبقاش ليك أي وقفة أو دور، حلقة في سير كبير هيتلف على رقابنا كلنا قريب. قاطعوا بازوكا واللي زيه، وخلي لكم دور ولو صغير هيفرق. منقول #محمد_صاوي!¡

دكتور حازم شومان وهو بيفسَّر اسم اللَّه الطيّب قال : " اللّه طيّب وقُرآنُه طيّب ورسُوله طيّب وملائكتُه طيّبين ومكة طيّبة والجنّة طيّبة وأى حد بيقرب للطيّب هيبقى طيّب ". أنتَ طيّب؟ لو مش طيّب فلازم تكون طيّب لأن الطيّب لا يسكُن بجوارُه فى الجنة إلا طيّب. فيه اختبار على باب الجنة : " طِبتم؟ فادخُلوها خالدين ". مش هتدخُل الجنة إلا وأنتَ طيّب ونضيف♥️.

_ اللهم إن لنا إخواناً خلف الخطوط لا يعلم حالهم إلا أنت اللهم مدهم بجند من عندك وأنزل السكينة عليهم اللهم كن لهم عوناً و معيناً وثبت أقدامهم ويسر أمرهم وانصرهم على عدوك و عدوهم يا كريم .. لا تغفلوا عن الدُعاء لهم بالله عليكم كثفوا الدعاء لأهلنا بغزة

«لا تيأسن فإنَّ الله ذو مننٍ يفيضُ بالجود إن عبدٌ ترجاه»

‏يقول أحدهم: "ظلمني شخص ظلمًا شديدًا عجزت عن تحمله وعجزت عن دفعه عني، وكلما تذكرته دعيت الله بـ اللهم كما أراني قوته على ضعفي فأرني يارب قوتك على ضعفه، ولم أكف عن الدعاء حتى أراني الله فيه أشد الضعف، احذروا.. "فكل الأخطاء مغفورة عند الله إلَّا ظلم العباد فهو مرهون بِعفوهم"..💛

انك ترتبط ارتباط غير شرعي ده حرام بلا شك. والأشد حُرمة هو جَهرَك بالذنب وتحكي لصحابك وعامل فيها دُنچوان.. بُليتَ فاستَتِر. والمعلومة اللي اتفاجئت ان كتير ميعرفهاش: ذنوب الارتباط لا تُغفَر بالزواج . كتير فاكر انه لما يرتبط بواحده فالذنوب دي لما هيتجوزها هتتمسح.. وده غير صحيح طبعًا. الذنوب تُغفَر بالتوبة والصالحات.

يقال في الزواج: ( يكلِّف الرجل تعب سنوات ويكلف المرأة ركعتي استخارة فقط ) _ ولكنه في الحقيقية يكلفها عمرها، جسدها، صحتها النفسية وبعض أحلامها وحريتها أو كلها مع فقدان بعض الدلال فى منزل أهلها .. _لكنه يهون ويطيب لأجل بيت آمن وأبناء أسوياء ورجل يتقاسم معها متاعـب الحياة وخبزَ المودة ولحظات الفرح والحــزن ، تميل عليه بأمان ،، فهذا غايتها ومطلبها البسيط 💚.