Umar Sadullayev | Blog

Yangi yil haqida Muftiy Nuriddin domlani ma'ruzasi. Eshiting. Qisqacha qilib aytganda: Amallar niyatlarga bog'liq. Yangi yil bayramini agar siz, yangi milodiy sana kirishi deb hisoblab, o'tgan yil sarhisobini qilib, yangi yilga duolar qilib, yaxshi niyatlar qilib nishonlasangiz joiz. Ammo, agar yangi yil deb, ahmoqqa o'xshab likkillab, paqildoqlar, nojoiz ishlar va o'tirishlar, spirtli ichkiliklar yoki g'ayridinlarga taqlid qilish bilan nishonlasangiz, iymon va taqvoyingizni bir tekshirib oling. Vallohu a'alam. Shaxsan manga bu kunni nishonlashni uncha qiziqi yo'q. O'tgan yilni o'yliyman, kelgusi yilga bir qancha maqsadlar qo'yaman, duo qilaman va hkz. @JoshDeveloper

⌚️UCH SOAT 👨‍💻Hech narsaga chalgʻimasdan qattiq ishlang. 📱Telefon oʻchgan, ijtimoiy tarmoqlar offline holatida, chalg'ituvchi hech qanday omil yoʻq. 🎯Diqqatni jamlagan holda bajarilgan 3 soat, diqqatni jamlamay bajarilgan 12 soatga teng. (3 soat kamku deganlar, oldin sinab koʻring) 💡Foydali bo'ladi degan umiddamiz😊 🧑‍💻Do'stlaringizga ham ulashing Manba: @timetomotive (Obuna bo'lishni maslahat beraman) @JoshDeveloper

Mandan ko'p EPAM'ga kirishim haqida so'rashadi. Vaholanki, bu haqida batafsil post yozganman. Marhamat. Men EPAM'ga qanday kirganman ? @JoshDeveloper

Xo'sh, @khumoyun_codes akamizni yangi ochgan kanallarini tavsiya qilsam foydali bo'ladi deb o'ylayman. @hot_english_podcasts Shaxsan menga foydali kanal bo'ldi. Fikrimcha, podcastlarni eshitish, ingliz tilini o'sishiga yuqori natija ko'rsatadi deb o'ylayman. Har kuni kamida bir dona podcastni qayta-qayta eshitib, eshitgan narsalaringizni takrorlab yozib borishingiz, ham listening, ham speaking qobiliyatlaringizni oshiradi va eng asosiysi dasturlash bo'yicha inglizcha darslarni ham ko'ra olasiz. (Albatta Hindlarnikini tushunish uchun biroz ko'proq tajriba va sabr kerak bo'ladi🥲). InshaaAlloh. @JoshDeveloper

Xo

Interview sanasini belgiladik. Yakshanba, 26-dekabr kuni soat 15.30 da inshaaAlloh bo'lib o'tadi. Ishtirokchimizni fikrlarini inobatga olganda holda, bu safar interviewni live orqali qilmaymiz. Kanalga yozib olingan videoni joylayman inshaaAlloh. Keyingi ishtirokchini esa keyingi oy tanlaymiz inshaaAlloh. Bu oy qatnashgan barchaga rahmat! @JoshDeveloper

Nomzodimiz tanlandi. Endi inshaaAlloh interview sanasini kelishib olamiz. Bu safar omadingiz kelmagan bo'lsa, InshaaAlloh keyingi interviewda balki siz tanlanarsiz 😉 @JoshDeveloper

Kechagi kechikishimdan keyin bir narsani o'ylab qoldim. Insonlar 2 turli bo'lar ekan. 1. Xato qilsangiz ham hurmat qiladiganlar va kechiradiganlar. 2. Xato qilishingiz bilan sizdan voz kechadiganlar yoki malomat qiladiganlar. Kecha 2-toifaga kiradigan insonlarni ba'zilari kanalni yoppasiga tark etishdi. 1-toifaga kiradiganlar esa hardoim biz bilan👍☺️. Haa aslida esa bu gaplar hayotimizdagi ba'zi toifadagi insonlar uchun atalgan edi. Hayotimizda ba'zi insonlar ayni shu 2-toifadagi odamlarga o'xshar ekan. Siz 1000 martalab yaxshilik qilasiz. Oxirida 1 ta qilgan xato yoki kamchiligingizni yuzingizga solishadi yoki bira to'la sizdan voz kechishadi. 1-toifadagilar esa hardoim biz bilan😊. Shularni asrang 🤗. @JoshDeveloper

Ertaga InshaAlloh soat 16.00 da shu telegram kanalda online birgalikda nomzodni aniqlaymiz. @JoshDeveloper

Metroga o'tirdim. Kech qolganim uchun uzr. InshaaAlloh ertaga vaqtim bo'lishi bilan nomzodni aniqliymiz. Sorry🤷‍♂🥺 @JoshDeveloper

Xo'sh, Demak JavaScriptdan o'zbek tilida ilk texnik intervyumizni boshlaymiz. Buning uchun bizga bitta nomzod kerak bo'ladi. Intervyuni o'zim olaman. InshaaAlloh. Nomzodlarni tanlash talablari quyidagilar: 1. JavaScriptni yaxshi bilishi. - Promise, Closure, Hoisting va shu kabi mavzularni bilishi shart va zarur! 2. O'zbek tilini bilishi. Nomzodni tanlash quyidagicha amalga oshiriladi. 1. Agar talablarga javob bersa, ushbu postning kommentiga tartib bo'yicha raqam bilan ismi sharifini yozib qoldiradi. Masalan, sizdan oldingi ishtirokchi bunday ko'rinishda yozgan bo'lsa: 1. Falonchijon Pistonchiyev Demak, siz bunday yozasiz: 2. Sizning ismingiz va familyangiz. Tartib bo'yicha yozmagan va o'zini birdan ortiq yozgan inson chetlashtiriladi ! Birnecha akkountdan yozishni o'ylab ham ko'rmang. Rozi emasman! Nomzodni videoda random son qaytaradigan JavaScript funksiya orqali tanlab olaman. Tez orada bu ishlar uchun telegram bot ham qilarmiz inshaaAlloh. Nomzodni 20-dekabr Dushanba kuni kechki payt aniqlaymiz. inshaaAlloh P.S: Boshqalarga yetib borishi uchun, post va kanalni tarqatishni unutmang ! @JoshDeveloper

Статистика қўмитаси ўзи шунча йиллардан буён эплолмаётган ишни қилган orginfo.uz сайти асосчиси устидан шикоят киритибди. Айблов эса асоссиз. Бу қанақа сайт? Интернетда orginfo.uz деган сайт бор. Унда корхона, ташкилотлар ва МЧЖлар, уларнинг таъсисчилари, директори, очилган санаси ва бошқа маълумотларни олиш мумкин. Бу сайт оддий бир дастурчи ўзбек йигити томонидан яратилган. Сайтдаги маълумотлар осмондан олинмайди, тўқиб чиқарилмайди ёки қандайдир хакерлик усули орқали ўғирлаб олинмайди. Шунчаки Давлат статистика қўмитасининг stat.uz сайтидаги ОЧИҚ ВА РАСМИЙ МАЪЛУМОТЛАР базасидан олади. orginfo.uz афзаллиги нимада? Хўш, orginfo.uz сайти шунчаки Статистика қўмитаси базасининг дубликати бўлса, унда нима муаммо? Гап шундаки, Статистика қўмитаси сайтидан маълумот қидириш жуда қийин ва ноқулай. Масалан, stat.uz сайтидан бирор МЧЖ ҳақида маълумот олиш учун унинг СТИР (ИНН) рақамини билишингиз керак. Бундан ташқари МЧЖ таъсисчиларининг бошқа фирмаларини топиб бўлмайди. Ёки исм-шариф орқали маълумот топишнинг ҳам иложи йўқ. orginfo.uz сайтида эса аксинча, амалдорларнинг исм-фамилияларини ёки шунчаки фирма номларини ёзган ҳолда маълумотларни осон ва қулай топиш мумкин. Бундан ташқари бу сайт Интеллектуал мулк агентлигининг савдо белгилари бўйича очиқ базаси билан ҳам интеграция қилган. Шунчаки оддий мисол мана бу. Муаммо нимада? Статистика қўмитаси ўзининг қўлидан келмаган ишни қилгани учун orginfo.uz сайтидан хафа бўлган шекилли, устидан шикоят қилибди. Бунга асос қилиб, orginfo.uz сайти ҳар 10 кунда янгиланиши, бу муддат ичида айрим фирмалар маълумоти ўзгариб қолган бўлиши, бу эса икки хил маълумотни кўрган инвесторлар ва бошқаларда ишончсизлик пайдо қилишини айтишибди. У қанақа аҳмоқ инвесторки, давлатнинг расмий ташкилоти базаси бўла туриб, ҳар 10 кунда янгиланадиган ва бу ҳақида огоҳлантириб ёзиб қўйган норасмий сайтга ишонса? Хуллас, емаган баҳона. Ундан кўра, айрим коттаконларга шубҳали тендерларда ғолиб бўлаётганда, давлатнинг катта мулкларини сотиб олаётганда ёки бошқа ҳолатларда журналистлар, блогерлар ва кенг аҳоли осонгина уларнинг бизнеси ҳақида маълумот топаётгани ёқмаяпти, деб қўя қолинглар. Нима айб қўйилмоқда? orginfo.uz сайтини яратган дастурчи Бобурмирзо Ҳамроқуловга нисбатан Андижон вилояти Асака тумани ИИБ томонидан МЖтКнинг 202-2-моддаси (ёлғон ахборот тарқатиш) бўйича маъмурий иш очилибди. Аммо бу айб мутлақо асоссиз қўйилган, деб ҳисоблайман. Ички ишлар ходими ёки шошиб қолган, ёки малакасизлик қилган. 202-2-моддада шундай дейилади: «Шахснинг қадр-қиммати камситилишига ёки унинг обрўсизлантирилишига олиб келадиган ёлғон ахборотни тарқатиш». Хўп, orginfo.uz сайтида қандай ёлғон хабар тарқатилган? Ва бу маълумот кимнинг қадр-қимматини камситибди? "Миллиард туда, миллиард суда" қилаётган коттаконларнингми? Яна бир гап: давлат ташкилоти, умуман олганда бирорта юридик шахс қадр-қиммати камситилгани ҳақида шикоят қила олмайди. Чунки ташкилотнинг қалби бўлмайди ва ўз-ўзидан қадр-қиммати ҳам йўқ. Бу модда билан иш очиш учун ўша қадр-қиммати камситилган ШАХСнинг шахсан ўзи ариза ёзиши керак. Хўш, ким шикоят ёзган? Шунақа ариза борми ички ишлар қўлида? Коррупцияга қарши курашга қарши кураш Статистика қўмитасининг бу иши Ўзбекистон жамиятида коррупцияга қарши курашаётганлар, очиқлик ва шаффофлик асосида давлат мулкини талон-торож қилаётганларни фош қилаётганларга қарши кураш бўлибди. Яъни очиқликни эмас, ёпиқликни хоҳлаётганларнинг иши бу. Ўзининг маълумотини ўзидан яхшироқ ва қулайроқ бераётганига алами келганларнинг иши бу. Умуман бугунги Янги Ўзбекистон сиёсати шамолига ва оқимига қарши иш. Умид қиламанки, Андижондаги судьяларимиз бу ҳолатда адолат ва қонун томонда бўлишади, ҳамда турли босимларга учишмайди. Дастурчи йигитнинг ҳаракатларида ҳеч қанақа ҳуқуқбузарлик йўқлигини баралла айта олишади. Бунга ишонаман. 👉 @xushnudbek 👈