Mirishkor tuman xalq ta'lim bo'limining rasmiy kanali .

#Диққат #Тезкор ⚡️⚡️Эндиликда 10 ва 11-синф ўқувчилари ҳудди чет элдаги каби қайси фанлардан ўқишини эркин танлашлари мумкин бўлади. 2023-2024 ўқув йилидан бошлаб мактабларнинг 10-11-синф ўқувчилари кимё-биология, математика-физика, тарих-ҳуқуқ, она тили-адабиёт йўналишлари бўйича фанларни танлаш имкониятига эга бўлади. Бундан ташқари, мажбурий фанлар сони 14 тадан 8 тага қисқартирилади. @xalqirodasi_peopleswill

Endilikda eksternat tartibida imtihon topshirishda ariza berish uchun maktabga borishning hojati yo‘q Maktabgacha va maktab ta’limi vazirligi tomonidan soha faoliyatiga oid qator jarayonlarni raqamlashtirish orqali aholiga qulaylik yaratishda muhim ishlar amalga oshirilmoqda. Natijada yurtdoshlarimiz maktablarga borish, turli ko‘rinishdagi hujjatlarni arxiv maskanlaridan qidirib topish kabi ortiqcha ovoragarchilikdan xalos bo‘lmoqda. Bugungi kunga qadar turli sabablarga ko‘ra umumiy o‘rta ta’limni yakunlay olmagan, aniqroq aytganda, maktabni to‘liq bitirmagan fuqarolarning eksternat tartibida imtihonda ishtirok etish uchun ariza topshirishi uzoq va hujjatbozlik talab etadigan jarayon hisoblangan. ☝️O‘tgan o‘quv yilida 11 mingdan ortiq fuqaro eksternat tartibida ariza topshirish uchun kamida 3 marotaba maktabga borishga majbur bo‘lgan. 👨🏻‍💻Arizalar 2023-yilning 1-martidan 1-mayiga qadar (shu kuni ham) o‘z uyidan chiqmagan holda Yagona interaktiv davlat xizmatlari portali orqali onlayn topshiriladi, natija 2 kunda fuqaroga ma’lum qilinadi. Eng muhimi, davlat xizmati bepul amalga oshiriladi. Shuningdek: 📱 fuqaro faqat baholar tabeli va ma'lumotnomani elektron shaklda topshiradi (avval hujjatlar soni 5 ta bo‘lgan); 📲 arizalar 2 kunda ko‘rib chiqilib, natijasi fuqaroga onlayn yuboriladi. Yakuniy davlat attestatsiyasidan muvaffaqiyatli o‘tgan fuqarolarga davlat namunasidagi shahodatnoma beriladi. ☝️Eslatib o‘tamiz: ushbu davlat xizmati joriy yilning 1-martidan ishga tushiriladi va 1-mayga qadar davom etadi. Joriy o‘quv yilida eksternat tartibida yakuniy davlat attestatsiyasi o‘tkaziladigan maktablar ro‘yxati bilan ushbu havola orqali tanishishingiz mumkin. 🔰Ma’lumot uchun: hozirda maktab ta’limiga oid quyidagi davlat xizmatlari mavjud: 🔹 dublikat shahodatnoma olish; 🔹chet elda umumiy o‘rta ta’lim ta’lim olganlik to‘g‘risidagi hujjatni tan olish (nostrifikatsiya) uchun ariza berish; 🔹 chet el va fuqaroligi bo‘lmagan shaxslarning farzandlarini maktabga joylashtirish uchun ariza berish.

1yosh va undan katta yoshdagi sasna ko'chatlari yetkazib beramiz. Manzil: Kasbi tuman Qoraxo'ja qishlog'i Jabbor bobo Nusratovlar oilasi. Murojat uchun telefon: +99899 506 48 57 +99895 506 48 57

❗️Ота-оналарнинг таълим муассасасидаги дарс жараёнига аралашишига йўл қўйилмайди Ўзбекистон Республикаси Халқ таълими вазирининг 2020 йил 28 майдаги 131-сонли буйруғига мувофиқ ота-оналар (уларнинг ўрнини босувчи шахслар) таълим муассасасидаги дарс жараёнига аралашиши мумкин эмас. Томонлар ўртасида юзага келадиган ҳар қандай баҳсли вазиятлар фақатгина мактаб раҳбарияти (директор ва унинг ўринбосарлари) ҳамда мактаб психологи билан дарс жараёнига ҳалақит бермаган ҳолатда ҳал этилиши лозим. Таълим муассасаси ҳудудида жамоа аъзоларининг ота-оналар (уларнинг ўрнини босувчи шахслар) билан муносабатлари ўзаро ҳурмат ва ҳушмуомалалик тамойилларига асосланиши лозим, бирор бир тараф томонидан бошқасининг шахсиятига камситувчи ҳатти-ҳаракатларнинг содир этилишига йўл қўйилмайди. Томонлар юқоридаги талабларга риоя этмаган ҳолатларда вазиятни барқарорлаштириш учун маҳаллий ўзини-ўзи бошқариш ва ҳудудий ички ишлар органларига мурожаат этишлари керак. ❗️Эслатиб ўтамиз, Маъмурий жавобгарлик тўғрисидаги кодекснинг 197-5-моддасига кўра таълим муассасаси педагог ходимининг касбий фаолиятига қонунга хилоф равишда аралашиш ёки таълим муассасаси педагог ходимининг хизмат вазифаларини бажаришига тўсқинлик қилиш ҳолатлари учун: 👉 фуқароларга 1 млн 500 минг сўмдан 2 млн 100 минг сўмгача, мансабдор шахсларга эса — 2 млн 100 минг сўмдан 3 млн сўмгача миқдорда жарима солиниши мумкин. ☝️Агар худди шундай ҳуқуқбузарликлар маъмурий жазо чораси қўлланилганидан кейин бир йил давомида такрор содир этилган бўлса: 👉 фуқароларга 2 млн 100 минг сўмдан 3 млн сўмгача, мансабдор шахсларга эса — 3 млн сўмдан 4 млн 500 минг сўмгача миқдорда жарима солишга сабаб бўлади. Ўқитувчи каналига обуна бўлинг👇 https://t.me/+KzysPSHcaRVlMGQy

ЎҚУВЧИ МАКТАБДА ТЕЛЕФОН ИШЛАТИШИ МУМКИНМИ? Таълим муассасаси ҳудудида ҳар бир ўқувчи ўз уяли алоқа воситаларини ўчириб қўйиши, педагог ва техник ходимлар ҳамда ташриф буюрувчи бошқа шахслар ўз уяли алоқа воситалари қурилмаларини чақирув овозини тўлиқ ўчириб қўйиши (овозсиз ҳолатга ўтказиши) шарт. Таълим муассасаларида ўтказиладиган ўқув машғулотлари ва тадбирлар (сафланиш, тарбиявий соатлар, байрам, спорт тадбирлари) бошланишидан олдин ўқувчилар телефонини ўчириб қўйиши ҳамда телефонини сумкасига солиб қўйиши шарт. Ўқитувчи томонидан огоҳлантирилишига қарамасдан дарс жараёнида телефондан фойдаланиш ҳолатлари давом этган ҳолатда синф раҳбари ва муассаса раҳбарияти ўқувчининг телефони (смартфон, планшет ва бошқа қурилмалар) ўрнатилган тарзда олиб қўйилади, ҳолат юзасидан ўқувчининг ота-онаси огоҳлантирилади. Ҳолат бўйича инспектор-психолог томонидан ўқувчининг ота-онаси (уларнинг ўрнини босувчи шахслар)ни Халқ таълими вазирлиги ҳузуридаги Оила-маҳалла-таълим муассасаси ҳамкорлиги Жамоат кенгаши ва кузатув кенгашлари доирасида муҳокама этилиб, тегишли тушунтиришлар олиб боргандан сўнг телефон (мобил алоқа воситалари) ўқувчининг ота-онаси (уларнинг ўрнини босувчи шахслар)га қайтариб берилади. ❗️Шундай ҳолат ўқув йили давомида такрорланганда ўқувчи ички ишлар органларининг профильактик рўйхатига олинади. Асос: ХТВнинг 2022 йил 28 июлдаги 246-сонли буйруғи Ўқитувчи каналига обуна бўлинг👇 https://t.me/+KzysPSHcaRVlMGQy

​​❗️Президент яна ХТБ фаолиятини танқид қилиб, директорларга эркинлик бериш кераклигини айтди Президент Шавкат Мирзиёев 1 феврал куни водийга сафари давомида Андижон туманидаги 55-мактабда бўлди. Давлат раҳбари мактабгача ва мактаб таълими вазири Ҳилола Умарова ва шу мактаб директори билан суҳбатлашди. Суҳбат чоғида президент мактаб директорларига эркинлик бериш кераклиги ҳақида гапирди. “Биз директорни қўлсиз, оёқсиз, кўзсиз қилиб қўйганмиз. “Районо”нинг мудири йўталса, йўталади, йўталмаса, йўталмайди – тўғриси шу энди. Мана шу нарсани йўқ қилиш керак. Ҳамма нарса мактабда. (Ҳ.Умаровага) Назоратини қилсин сизнинг тизимингиз, лекин уларга ҳам эркинлик бериш керак. Талаб кучли бўлиши керак, шу билан бирга ваколатлари ҳам юқори бўлиши керак. Битта одамни бўшатишга ҳам “районо”га бориш керак, қанақаси бу?” – деди Шавкат Мирзиёев. 👉Xalq ta'limi Info

Ixtisoslashtirilgan taʼlim muassasalari agentligi direktori tayinlandi Prezident qaroriga asosan Аlisher Ubbiyev — Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi direktori lavozimiga tayinlandi. OʼzА

TAYINLOV Maktabgacha va maktab taʼlimi vazirining oʼrinbosarlari tayinlandi Prezident qarori bilan: Usman Sharifxodjayev — maktabgacha va maktab taʼlimi vazirining birinchi oʼrinbosari lavozimiga; Temurjon Komilov — maktabgacha va maktab taʼlimi vazirining oʼrinbosari lavozimiga; Dilshod Kenjayev — maktabgacha va maktab taʼlimi vazirining oʼrinbosari lavozimiga; Uzokboy Begimkulov — maktabgacha va maktab taʼlimi vazirining oʼrinbosari lavozimiga tayinlandi. OʼzА

УМУМИЙ ЎРТА ТАЪЛИМ МУАССАСАЛАРИГА БОШҚА ҲУДУДЛАРДАН ЖАЛБ ЭТИЛГАН ПЕДАГОГЛАРНИНГ УСТАМА ҲАҚ (ФОИЗ)ЛАРИ САҚЛАНАДИ Вазирлар Маҳкамасининг 2019 йил 30 сентябрдаги 823-сон қарори билан тасдиқланган “Умумий ўрта таълим муассасаларининг ўрнак кўрсатган ходимларини рағбатлантиришнинг директор жамғармасини ташкил этиш ва унинг маблағларидан фойдаланиш тартиби тўғрисида”ги Низомнингнинг 24 -1 бандига кўра таълим даражаси юқори бўлмаган умумий ўрта таълим муассасаларига бошқа ҳудудлардан жалб этилган олий ва биринчи тоифага эга ўқитувчи-педагогларнинг амалда ишлаган умумтаълим муассасасининг директор жамғармасидан белгиланган устама ҳақ (фоиз)лари сақланади. Мазкур устамалар бир ўқув йили давомида сақланади ва кейинги ўқув йилида таълим даражаси юқори бўлмаган умумий ўрта таълим муассасаларининг Ишчи гуруҳи томонидан қайта кўриб чиқилади. Саволингизни: @yuristgamurojaat ga қолдиринг 👉 @yuristlar_maslahati 👈

MAKTABGACHA VA MAKTAB TA'LIMI VAZIRLIGI 16 YOSHGA TO‘LGAN MAKTAB BITIRUVCHILARIDAN O'Z VAQTIDA PASPORT (ID KARTA) OLISHLARINI SO'RAYDI Ma’lumki, abituriyentlarning oliy ta’lim muassasalariga kirish uchun tegishli hujjatlarni onlayn topshirish uchun bitiruvchilarning pasport (ID karta) ma’lumotlarini ABITUR elektron dasturiga kiritish talab etiladi. Shuning uchun 16 yoshga to‘lgan har bir bitiruvchi o‘z vaqtida pasport (ID karta) olishi zarurligini eslatib o‘tamiz. Ushbu jarayonda bitiruvchilarga yanada qulaylik yaratish maqsadida Maktabgacha va maktab ta’limi vazirligining elektron ma’lumotlar bazasi Bilim va malakalarni baholash agentligining ABITUR elektron dasturi bilan integratsiya qilingan. Bugungi kunga qadar joriy o‘quv yilida maktablarni tamomlayotgan 390 mingdan ortiq o‘quvchining 16 yoshga to‘lgan 129 ming (33%) nafari pasport (ID karta) olmaganligi sababli ularning ma’lumotlari elektron bazaga hozircha kiritilmagan. Hurmatli ota-onalar, aziz bitiruvchilar! Farzandingizning konstitutsiyaviy huquqidan foydalangan holda, 16 yoshga to‘lgan farzandlaringizni o‘z vaqtida pasport (ID karta) olishini ta’minlashingizni, maktab ma’muriyatidan esa bitiruvchilarning pasport (ID karta) ma’lumotlarini mazkur manzilga kiritib, ularni kelgusida oliy ta’lim muassasalariga hujjat topshirishida zarur ko‘mak berishingizni so‘raymiz. Ma'lumot uchun: Pasport (ID karta) olish uchun hududiy ichki ishlar organlarining Migratsiya va fuqarolikni rasmiylashtirish bo‘limlariga murojaat etishlari zarur.