Программисттин ойлору

Кыргыз тилинде контент жараткандар буюрса көбөйүп келатыптыр😃. Алардын бири 21 жаштагы Кеңешбек аттуу жигит, кыргыз тилинде Жасалма Интеллект боюнча айтып берет экен. Каналына кирип видеолорун көрүп баалап коюңуздар 🙌 https://www.youtube.com/@iamKyrgyz

Эң ири онлайн дүкөндөрдүн бири Амазон өзүнүн кампаларында адам сыяктуу роботторду ишке ала баштаптыр. Алар кадимки адамдар иштөөчү жайларда, адамдар жасачу иштерди аткарып, адамдар менен бирге иштеп башташат экен. Роботторду иштетүү чыгымы азыркы тапта саатына $10-12 түзөт экен, эгер роботтордун иштөөсү жакшы жыйынтык көрсөтүп, алардын өндүрүлүшү жогоруласа келечекте иштетүү чыгымы болжол менен саатына $2-3 гана болуп калат экен. Эске салсак, азыркы учурда ошол эле жумушту аткаруучу адамдар орточо эсеп менен саатына $18 алышат экен. Колдонулган булак: https://www.businessinsider.com/new-amazon-warehouse-robot-humanoid-2023-10

эркектердин баштары чыккан дааратканалардын армиясы🗿

ChatGPT тартып берди

Вышла статья об ololo на Deutsche Welle https://www.dw.com/ru/kremnievaa-dolina-v-centralnoj-azii-kreativnaa-ekonomika-na-odnom-primere/a-67113165 Разговор был очень интересный, очень благодарен Наталье Поздняковой за искренний интерес к тому, что мы делаем

Эгемендүүлүк күнүң менен сүйүктүү Кыргызстаным! 🎉🇰🇬 Сага кааларым келечегиң кең болсун! Дайыма эркиндикте, элиң ынтымакта, тынчтыкта жашасын! Уул-кыздарың аман болсун, билимдүү жана биримдиктүү болушсун! Мындан да гүлдөп өсүшүңдү каалайм! Сен үчүн аракет кылган ар бир кыргызстандыкка күч-кубат, чыгармачылык ийгиликтерди каалайм! Ушуга чейин сакталып келген жериң, тилиң, улуттук маданиятың, руханий байлыктарың унутулбай, азайбай мындан көбөйө берсин! 🤲❤️🇰🇬

Хотите помочь с Парком креативных индустрий? Подпишите и опубликуйте, пожалуйста, петицию https://chng.it/2xnGvnhKv6 Ну, а потом помогите, пожалуйста, привлечь еще людей к подписанию, это совсем не трудно, но очень важно

Акыркы учурларда маалымат алуу үчүн Claude’ду көп колдончу болдум. Гуглдан улам бир сайтка кирип, жарнама көрүп, кукис-мукис жаңылыктарына жок деп отурбай. Так жана сонун түшүндүрүп берет. Баса, өткөндө Claude бир гана АКШ жана Улуу Британияда иштейт экен деп аттым эле. Көрсө ал катталыш үчүн эле керек экен. VPN’ден АКШны тандап туруп бир катталып алсаң андан кийин VPN’сиз эле иштей берет экен. Колдоном дегендерге: https://claude.ai

Яндекс такси колдонмосу кыргыз тилине аябай сонун которулуптур. Ар бир сөзү калп эле которуп койбостон, мааниси менен, тыкан тандалган сөздөр экен. Бир окуганда шак түшүнөт экенсиң! Буга салыштырмалуу МБанк кыргыз тилине жарым-жартылай эле эптеп-септеп которулуптур. Navi Taxi’де кыргыз тили такыр жок экен. Яндекс Таксиге Алкыш! 👏👏👏

Claude AI (Клод) кыргызча суудай таптаза сүйлөйт экен. Бирок азыркы учурда Америка жана Британияда гана жеткиликтүү экен (мен VPN аркылуу кирдим). https://claude.ai

Бишкекте бир айдан ашык жүрүп кыргызча сүйлөгөндөр аябай дискриминация болоорун байкадым. Кафе, банк, дүкөн кай жерге барба сага эң биринчи орусча кайрылышат, кыргыз кызматчыларынан кыргызча сурасаң түшүнүп туруп кайра орусча жооп беришет 🙄 Банктын колдоо кызматына чалып кыргыз тилин тандасаң орусчага салыштырмалуу көбүрөөк күтөсүң. Банкоматта кыргыз тилин тандасаң эптеп-септеп эле шалакы которуп коюшкан, түшүнүксүз кылып. Көп учурда кыргыз тили такыр кошулбаган жалаң гана орусча болуп. Кыргызча сүйлөсөң деги эле башкача карашат ичинде “кыргызбай”, “мырк” деп ойлошобу. Мындайча айтканда кыргызча сүйлөсөн “экинчи сорт” адамсың. Өз жеримде өз эне тилимде эркин сүйлөй албаганым абдан өкүндүрөт да😔 Канча өлкөнү кыдырып кыргыздарды эле көрдүм өз өлкөсүндө жүрүп орустарга орусча сүйлөп, башка элдерге алардын тилинде сүйлөгөнүн. Ошол эле Оруссияга барсаң сага орусча сүйлөшөт, Германияга барсаң немисче, Түркияга барсаң түркчө, Англияга барсаң сага англисче сүйлөшөт. Бир да жерде Кыргызстандан келиптир деп сага кыргызча сүйлөбөйт. А эмнеге биз баарына жагалданып алардын тилинде сүйлөгөнгө аракет кылабыз?! Кыргызстанды баарына жагам деп жүрүп эч кимге жакпай калган адамга окшоштурам. Сырттан жакшы көрүнгөнү менен ичинде гармония жок дайыма өзүнө күмөн санап өзүнө ишенбей, тартынчаак адамга окшоштурам. Кээбирлер айтат кыргызча сүйлөйм дегендер сүйлөсүн, орусча сүйлөйм дегендер орусча сүйлөй беришсин деп. Бирок андай болбойт экен, жарымы орусча жарымы кыргызча болгондо эл эки топко бөлүнүп бири бирин түшүнбөй, программисттердин тили менен айтканда эки башка API интерфейс болуп, бири бири менен коннект болбой калат экен. Качан эл бир болсо, бирдей ойлонсо, бири бирин түшүнсө ошондо өнүгүү болот экен.

Кыргызстанда иштөө туралуу Оруссиядан келген ишмердин ою: ололо хабтары, баалар, инфраструктура https://vc.ru/life/710628-kak-v-kyrgyzstane-sozdayut-kreativnye-haby-mirovogo-urovnya-rasskazyvayu-i-pokazyvayu-na-kartinkah

Жасалма интеллект (AI) Акыркы учурда баары эле жасалма интеллект жөнүндө сүйлөп калышты: ChatGPT, Midjourney, DallE ж.б. Айрымдары жумушсуз калабызбы деп коркуп жатышса, айрымдары аларды өздөштүрүп алып жардамчы кылып алышты. Жумушумда мурун жалаң Google колдончу болсом, азыр ChatGPT, Bing AI’сыз такыр элестете албай калдым. Мурун Google’га суроомду жазып, ал чыгарып берген ар бир сайтка кирип окуп чыгып анализдечи болсом, азыр Bing AI’га жазам, ал менин оордума издеп анализдеп керектүү маалыматтарды жана ага шилтемелерди чыгарып берет. Көбүнчө туура малыматты издөөдө жардам берет. ChatGPT’ни бираз оорураак, интернетте таба албачы суроолорго колдоном десем болот. Жумушта оор суроо чыгып талкуулаш керек болгондо ChatGPT’нин ойлонуу деңгээли жана билими аябай жардам берет. Жана ошондой эле чоң бирок оңой жумуштарды жасагандан ээрингенде ChatGPT’ге айтсам заматта бүтүрүп койот. OpenAI’дын GitHub Copilot деген плагинине дагы аябай көнүп алдым. Бул код жазып аткан учурда кодду code-completion (код аягына чыгаруу) кылып турат. Жазып аткан учурда сен алдыда эмне жазаарыңды түшүнүп аягына чыгарып салат, кээде 10 чакты линияга чейин жазып берип салат. Дагы эле Жасалма Интеллектти жакшы түшүнбөй жаткан болсоңуз анда Азаттыктын бул чыгарылышын көрүп коюңуз 👌 https://youtu.be/jzk_rN4USQo