مريميّة
Open in Telegram
من خاف أدلجَ ومَن أدلج بلغ المنزل ألا إن سلعةَ اللهِ غاليةٌ ألا إن سلعةَ اللهِ الجنةُ 🤍
Show more7 641
Subscribers
No data24 hours
-307 days
-10930 days
Data loading in progress...
Attracting Subscribers
December '25
December '25
+1
in 0 channels
November '25
+2
in 0 channels
Get PRO
October '25
+1
in 0 channels
Get PRO
September '250
in 0 channels
Get PRO
August '25
+6
in 0 channels
Get PRO
July '25
+8
in 2 channels
Get PRO
June '25
+3
in 0 channels
Get PRO
May '25
+8
in 1 channels
Get PRO
April '25
+6
in 1 channels
Get PRO
March '25
+12
in 1 channels
Get PRO
February '25
+5
in 0 channels
Get PRO
January '25
+8
in 0 channels
Get PRO
December '24
+7
in 0 channels
Get PRO
November '24
+10
in 0 channels
Get PRO
October '24
+8
in 0 channels
Get PRO
September '24
+8
in 1 channels
Get PRO
August '24
+6
in 0 channels
Get PRO
July '24
+4
in 0 channels
Get PRO
June '24
+6
in 1 channels
Get PRO
May '24
+18
in 1 channels
Get PRO
April '24
+12
in 0 channels
Get PRO
March '24
+36
in 0 channels
Get PRO
February '24
+7
in 1 channels
Get PRO
January '24
+1
in 0 channels
Get PRO
December '23
+4
in 1 channels
Get PRO
November '23
+3
in 0 channels
Get PRO
October '23
+3
in 0 channels
Get PRO
September '23
+4
in 0 channels
Get PRO
August '23
+43
in 0 channels
Get PRO
July '23
+34
in 0 channels
Get PRO
June '23
+38
in 0 channels
Get PRO
May '23
+51
in 0 channels
Get PRO
April '23
+159
in 0 channels
Get PRO
March '23
+29
in 0 channels
Get PRO
February '23
+16
in 0 channels
Get PRO
January '23
+44
in 0 channels
Get PRO
December '22
+57
in 0 channels
Get PRO
November '22
+21
in 0 channels
Get PRO
October '22
+34
in 0 channels
Get PRO
September '22
+39
in 0 channels
Get PRO
August '22
+31
in 0 channels
Get PRO
July '22
+9
in 0 channels
Get PRO
June '22
+57
in 0 channels
Get PRO
May '22
+107
in 0 channels
Get PRO
April '22
+180
in 0 channels
Get PRO
March '22
+724
in 0 channels
Get PRO
February '22
+134
in 0 channels
Get PRO
January '22
+134
in 0 channels
Get PRO
December '21
+101
in 0 channels
Get PRO
November '21
+127
in 0 channels
Get PRO
October '21
+71
in 0 channels
Get PRO
September '21
+101
in 0 channels
Get PRO
August '21
+234
in 0 channels
Get PRO
July '21
+97
in 0 channels
Get PRO
June '21
+119
in 0 channels
Get PRO
May '21
+149
in 0 channels
Get PRO
April '21
+1 555
in 0 channels
Get PRO
March '21
+3 094
in 0 channels
Get PRO
February '21
+15 135
in 0 channels
| Date | Subscriber Growth | Mentions | Channels | |
| 02 December | 0 | |||
| 01 December | +1 |
Channel Posts
نزلوا يا جماعة التطبيقاات ديه واستخدموها مجانية ونافعة لأبعد الحدود اللهم بارك بجد، يعني لو كل يوم سمعتي نص ساعة على معلمات أكفاء وصححولك تلاوتك..بعد شهر واحد المستوى هيتحسن جداً جداً
واعملوا شير للبوست لعل كل حرف هيتقرأ بسببكم يكون في ميزان حسناتكم يوم القيامة..
لعلها المنجية💚
تطبيق تعلم القرآن (ربع ساعة تسميع ع معلمة)
https://play.google.com/store/apps/details?id=com.moddakir.tallam
تطبيق القرآن مباشر (ربع ساعة تسميع ع معلمة)
https://play.google.com/store/apps/details?id=maknoon.student
تطبيق النور المبين (ربع ساعة تسميع ع معلمة)
https://play.google.com/store/apps/details?id=com.moddakir.alnooralmubin
تطبيق تبيان ( ربع ساعة تسميع ع معلمة)
https://play.google.com/store/apps/details?id=com.moddakir.tibyan
تطبيق مقرأة الصفا (ربع ساعة تسميع ع معلمة) بس حالياً متوقف وهيرجع يشتغل بأمر الله
https://play.google.com/store/apps/details?id=com.moddakir.elsafa
تطبيق تعاهد (طلب جلسة وإحدى مستخدمات التطبيق تقبل الجلسة وتسمع لك)
https://play.google.com/store/apps/details?id=com.taahod
تطبيق ترتيل( تصحيح بالذكاء الاصطناعي)
https://play.google.com/store/apps/details?id=com.mmmoussa.iqra
| 2 | مش بيغيب عن بالي المــجرمة إللي خطفت طفل من أهله, وشربته مادة كاوية علشان تشحت به على أنه معاق
متسولين كتير من إللي بيتسولوا بأطفال اكتشفنا بعدها أن الطفل اللي معاهم طفل مختطف من أهله بغرض التسول ، وأطفال كتير تم تعذيبهم وتشويههم من المتسولين دول علشان يصعبوا على الناس ويدافعوا فلوس
كل جنيه بتدفعه لمتسول أو متسولة شايلة طفل، فأنت بشكل مباشر بتساهم في زيادة نسبة خطف الأطفال وحرمان أهلهم منهم وكسر قلوبهم
ولو افترضنا أن الطفل ده يخص المتسول، فعلى الأقل انت بتساعد على الاتجار بالأطفال دي وتعريضهم للبهدلة وحرمانهم من طفولتهم
مصادر الإنفاق على الفقراء كتير، والجمعيات الموثوقة كتير، وبعيدا عن الجمعيات فأكيد حواليك ناس انت متأكد أنهم فقراء فعلا ومحتاجين للصدقة
بلاش تدفع أي فلوس لمتسول معاه طفل أبدآ ، لحد ما ربنا يكرمنا بحكومة تهتم بملف الأطفال المخطوفة ويقدروا يمنعوا ظاهرة التسول بالأطفال. | 503 |
| 3 | من الأخبار المهمة اللي ضاعت وسط زحمة الأخبار إن ابتداءاً من النهاردة الأحد 24 أغسطس مش هيكون فيه مكالمات مزعحة تاني على موبايلاتنا.. إزاي؟.. كلنا بيجيلنا مكالمات دعائية سخيفة من شركات عقارية أو غيرها وبيكونوا عارفين أسماءنا وشوية تفاصيل عننا للدرجة اللي خلّتنا مع الوقت مش بنرضى نرد على الأرقام الغريبة!.. تمام..
الجهاز القومي لتنظيم الاتصالات بدأ النهاردة في تنفيذ إجراءات صارمة ضد مكالمات الإعلانات المزعجة.. ده بجد؟.. أيوا.. طيب والمطلوب مني أنا إيه؟.. لو جالك أي مكالمة فيها ترويج ودعاية أو حتى نصب من أي رقم اتصل من الموبايل بتاعك أو من الخط الأرضي على رقم 155 وبلغ عنه فوراً.. ساعة بالكتير والرقم ده هيتقفل.. بس كده؟.. لأ..
فيه 3 إجراءات هيحصلوا ورا بعض بمنتهى السرعة بمجرد ما تبلغ عن الرقم اللي بيعاكس أو بيزعجك.. أولاً: هيتم حظر الخط نفسه.. ثانياً: هيتم حظر استخدام جهاز الموبايل اللي فيه الخط بشكل نهائي يعني هتبقى العدة زيها زي الحديدة مالهاش لزمة وطبعاً اللي بيتصل مش هيشتري جهاز جديد لكل خط.. ثالثاً: هيتم تقديم بلاغ رسمي للنيابة العامة في اللي كان بيتكلم من الخط وطبعاً إحنا شايفين إن النيابة والداخلية مؤخراً مابيهزروش وبيتحركوا أسرع من الفيمتوثانية بالتالي اللي بيتصل هيتجاب من قفاه..
ماتكسلوش وبلغوا عن الأرقام اللي بتعاكس أو بتعمل دعاية أو بتنصب واللي خلّت حياتنا جحيم لحد ما واحدة واحدة ولما كام 100 واحد يتحاسبوا بالقانون الظاهرة المنيلة دي تنتهي للأبد. | 579 |
| 4 |  نرجو الله أن تكون قد استرحت من عناء الدنيا وثِقلها، بعد أن عشت في أجواء لا يكاد يصبر عليها بشر، وشاركت آلاف المظلومين مأساتهم، ونشرت للعالم صور آلامهم، وكنت تجاهد بهاتفك وكلمتك وعدستك، في وجه رصاصٍ لا يرحم، وبطشٍ لا يعرف حقًا ولا رحمة.
نسأل الله أن يجعلك ممن وعدهم بقوله الحق
﴿وَالَّذِينَ قُتِلُوا فِي سَبِيلِ اللَّهِ فَلَنْ يُضِلَّ أَعْمَالَهُمْ سَيَهْدِيهِمْ وَيُصْلِحُ بَالَهُمْ وَيُدْخِلُهُمُ الْجَنَّةَ عَرَّفَهَا لَهُمْ﴾
ونسأل الله أن يجعل ما قدمت في ميزان حسناتك، وأن يكتبك في زمرة الشهداء، وأن يغفر لك ويتجاوز عنك، ويرفع درجتك في عليين وجميع موتى المسلمين.
كما نسأله سبحانه ان يفرّج عن المكلومين والمظلومين في كل مكان، ويبدّل خوفهم أمنًا، وذلهم عزًا، وشقاءهم فرجًا ونصرًا | 694 |
| 5 | السيدة عائشة رضي الله عنها لما المُنافقين اتهموها بالزِنا
والرسول عليه أفضل الصلاة والسلام (زوجها ) قالّها لو كُنتِ بريئة ربنا هيبرئِك ولو كُنتِ مُذنِبة استغفري لربنا
من قلة حيلتها وهول الموقف وإن إزاي أكتر حد عارفني مايبقاش مُتأكِد إني بريئة قالتله: "لن أقول إلا كما قال أبو يوسف: إِنَّمَا أشْكُو بَثِّى وَحُزْنِى إلَى اللّٰه"
العُلماء لما فسروا هي ليه قالت أبو يوسف ماقالتش سيدنا يعقوب
قالوا إن من شِدة الحُزن والصدمة نِسيت اسم سيدنا يعقوب فا اللي جه ف بالها إنه أبو يوسف
وقالت عن حالتها وقت حادث الإفك:
"فبكيتُ ليلتَين ويومًا حتَّىٰ ظننتُ الحُزنُ فالِقٌ كَبدي"
الإنسان لما بيتظلم بيحس كأن جسمه من جوا فيه حاجة غلط
غضب، قلة حيلة واستنكار إن ليه حد يتهمني بحاجة كبيرة زي دي؟
الله يهوّن على كُل مَظلوم برائته ماظهرتش
ويظهِرها إحقاقًا للحق
ويرزُقنا صبر سيدنا يعقوب والسيدة عائشة على المَكر. | 603 |
| 6 |  في طفل اسمه "علي معتز" هو وأخته للأسف اتولدوا بمرض ضمور عضلي شوكي, وكانت تكلفة الحقنة الجينية كبير جدا, وبما أن الطفل لازم ياخد الحقنة قبل ما يتم سنتين علشان يتم الشفاء بإذن الله, فللأسف البنت الصغيرة راحت فرصة علاجها ... بس "علي" لسة قدامه فرصة لو كلنا حاولنا نساعد
الحقنة تمنها أكثر من مئة مليون جنيه وتم جمع حوالي 30 مليون
لو عندك أنستا باي تقدر تبعت أي حاجة تقدر عليها حتى لو مبلغ بسيط جدا
ازاي نتبرع من انستاباي على حساب البنك الأهلي المصري؟
* افتح انستاباي من موبايلك
* اختار ارسال نقود
* اختار التحويل لحساب بنكي
* اختار البنك الأهلى المصرى
*ادخل رقم الحساب: 3613171804816601019
*رقم آيبان
EG880003036131718048166010190
* اكتب في خانة المستفيد: علي معتز
* حدد المبلغ اللي هتتبرع بيه
ولو مش هتقدر تساعد بالمال, فعلي الأقل بالنشر وإيصال حالة الطفل لكل مكان, لعل الله يأذن ونلحق الطفل قبل فوات الأوان. | 588 |
| 7 | لما تغلط في ابنك غلط مهين ... اقف و اعتذر و راضيه
و قل له ان ده حقه و حقه ده كفله له الله ... و انك بتحبه و ان الخطأ اللي حصل مش سببه هو و ان فيه حدود للتعامل و مكنش ينفع تتجاوزها ..
ده لوحده هيبقى درس بمئات الدروس الدينية اللي هيحتاج ابنك يسمعها و هو كبير عشان يفهم عن الله لو اللي فوق محصلش ... و للاسف ممكن جدا ميفهمش بردوا
و بمئات كورسات التطوير الشخصي ... اللي للاسف تأثيرها هيبقى مرتبط بحجم تصوراته اللي اتخزنت جواه | 548 |
| 8 | الشيطان دايما بيختار اكتر وقت انت ضعيف فيه ومهزوم ويقعد يفكرك كام مره دعيت باللي نفسك فيه ومتحققش، كام مره سعيت لحاجات كتير ومنولتهاش، كام مره لحيت على ربنا ومفيش جديد، عشان تيأس وتحس انك منبوذ وربنا مش بيحبك ..!
فربنا بيذكرك ب {الشَّيْطَانُ يَعِدُكُمُ الْفَقْرَ وَيَأْمُرُكُمْ بِالْفَحْشَاءِ وَاللَّهُ يَعِدُكُمْ مَغْفِرَةً مِنْهُ وَفَضْلاً وَاللَّهُ وَاسِعٌ عَلِيمٌ}.
وكمان ربنا بيذكرك ب {وَالَّذِينَ جاهَدُوا فِينا لَنَهْدِيَنَّهُمْ سُبُلَنا وَإِنَّ اللَّهَ لَمَعَ الْمُحْسِنِينَ}. | 600 |
| 9 | مش القصة إنت بتقولي لابنك:
"شاطر"، "برافو"، "إنت عبقري"، "إنت ذكي جدًا"، "إنت فظيع"...
ولا حتى في إنك بتقولي له:
"إنت اجتهدت"، "اختيارك للألوان جميل"، "الرسمة دي فيها إبداع".
الموضوع أعمق من كده.
الموضوع مش في الكلمات اللي بنقولها.
الموضوع في الاعتقاد اللي ورا الكلمات.
هل أنا فاهمة إن لما أكرر على ابني إنه "ذكي"
فأنا بربط قيمته في نظر نفسه بذكاءه فقط؟
فلما يتعرض لحاجة مش عارف يفهمها؟
هتنهار صورته عن نفسه، ويحس إنه فقد قيمته!
وده الفرق الكبير جدًا بين إني أقول له:
"إنت ذكي"
وإني أقول له:
"واضح إنك فهمت النقطة دي كويس"، أو "أنا شايفة مجهودك في فهم كذا ".
في الحالة التانية، أنا بديله التشجيع اللي يحتاجه،
بس في نفس الوقت، ما حبستهوش جوا قالب "أنا ذكي أو مش ذكي".
علمته إنه يقدّر العملية مش النتيجة.
إنه يحاول، ويفكر، ويتقبل لما ما يفهمش،
ويستمر يحاول، لحد ما يفهم.
وده بالضبط اللي عاوزين نوصله. | 564 |
| 10 | البنت كانت بتتعرض للتحرش من جدها لما كان عندها ٦سنين مكانتش عارفة إيه ده لدرجة جالها تبول لا إرادي و اتعالجت منه بعد مدة طويلة..
الأمر منتهاش هنا، كمان والدها لما والدتها كانت غضبانة و فضلت عند اهلها سنة كان بيستخدم جسدها أثناء نومها عشان يقدر يريح نفسه..
كان عمرها وقتها ٨ سنين وكان والدها شديد جداً ومكانتش تجرؤ تقوله إيه ده او بتعمل إيه يا بابا؟
اللي زود الطين بلة إنها احد اقاربها الشباب فرجها على فيلم إباحي وده عمل لها تروما لان المشاهد اللي شافتها عقلها فسرها إيذاء و عنف جسدي مش تواصل حميمي.. ومن وقتها وهي رفضت اي تواصل جسدي مع أي حد خصوصاً الرجال لدرجة بيقولوا عنها أنها مترهبنة.
__________
دول ٣ حالات من اصل ما يقارب من ٢٦ استشارة هاتفية في نفس الإطار الشهر ده بس، واكتر من ٤٠ شات مفتوح ماسنجر فيه قصص تشيب ( ده بس اللي أطلعت عليه لسه فيه تاني مشوفتوش.)
ليه بحكي ده؟
هل هدفي اضرب القيم المجتمعية في مقتل؟
أو ازرع فتنة في بيت كل أسرة؟
أو حتى أزلزل ثوابت جيل كامل؟
طيب بالعقل بجد هستفيد إيه من وجع القلب ده؟
وهل فيه حد عنده دماغ يختلق القرف ده بجد؟
والله يا جماعة هدفي توعوي بالله عليكم شوفوا بناتكم
بالله عليكم انتبهوا لعيالكم
الفطرة إنتكست مش سليمة
ومينفعش نآمن لأي حد مهما كان درجة القرابة
اتعلموا تربوا صح
اتعلموا يعني إيه تربية جنسية
اتعلموا يعني إيه نربي اولاد وبنات سوا بحب و لكن بحدود
علموا الأخ يحافظ على أخته و يخاف عليها مش يكسرها ولا يستبيح جسدها
فتشوا في جسم بناتكم
شوفوهم لو متغيرين
اسمعوهم لو ساكتين
صدقوهم لما تلاقوهم خايفين من حد
لو اتكذب منكم عمره ما هيصدق نفسه مهما كان وجعه مميت
البنات اللي أهاليهم منفصلين
أو متوفيين بالله عليكم اتقوا الله فيهم
خدوا بالكم عليهم..
بنت من الحالات كان المغتصب بياخدها من اوضة فيها ولاد خالتها و أخواتها وعدد من الناس نايمين و يطلع بيها أوضته وهي نايمة يغتصبها و بعدين ينزلها تاني بغض الطرف عن دموعها و وجعها ولو حد انتبه يقول كنت بخليها تجيب لي حاجة وهي مش راضية..
الكلام يطول، والنصايح مش بتخلص في الباب ده من كتر ما هو فعلاً صعب و مقرف..
يارب احفظ لنا أولادنا و بناتنا و احميهم شياطين الإنس والجن و أولاد المسلمين أجمعين يارب.
#طفل_بخيره
#نفوس_سوية
#أنا_أستحق
#إعمليها_صح
#عن_التربية
#أم_أنس | 4 |
| 11 | " البوست ممكن يكون صادم للبعض ومش هدفه إثارة الجدل ولكن عرضه توعوي في المقام الأول."
في استشارة هاتفية بنت بتسأل :
س/ جيت لك بعد استشارة البنت اللي تم اغتصاب ها لمدة سنة كاملة وماتت، يا بختها هي ارتاحت وأنا مرتحتش..
عندي ٢٥ سنة و متزوجة و معايا طفلة و يتيمة الأم من عمر سنة.. بعدها والدي تزوج وانا و اخواتي عيشنا مع جدتي و أهل والدتي وكانت الدنيا تمام لحين ما بدأ احد الأقارب من أهل أمي يعتدي عليا.. الأول كان تحرش و بعد كده أصبح اغتصاب كامل لمدة ٤ سنين تقريبا..
من عمر ٨ او ٧ سنين لـ ١٢ سنة
كان ابن خالتي و اكبر مني بـ ١٠ سنين او أقل حاجة بسيطة.. كان بيتم ده في اي مكان و اي وقت لأن انا مكنتش فارقة لحد أصلا عشان يتابعني او يخلي باله عليا..
الأمر منتهاش هنا.. أخويا الأكبر مني اعتدى عليا مرات معدودة..
كل مرة كنت بسكت عشان محدش هيتلام غيري
محدش هيصدقني
خايفة من العقاب
مليش حد يسمعني
دوري خدمة كل اللي حواليا
أنا آخر حد ممكن يفكر فيه اي حد تاني..
حاسة إني فقدت قدرتي على التعاطف مع الكل ومع اي حادث مشابه..
خايفة على بنتي و على نفسي من وجعي
حاسة إني مهزوزة، وإني ضحية الظروف و الناس و الأهل وكل حاجة...
------------------------------------
في استشارة هاتفية تانية بنت بتسأل :
س/ عمري ١٩ سنة و جميلة جدا من حيث الشكل شبه الأجانب زي ما بيقولوا.. بنت واحدة على ٧ اولاد من وجه قبلي
مشكلتي اني مدمنة اباحيات
مهزوزة
مضطربة
بدخل علاقات متعددة مع شباب كله كلام فون بس بهدف اني اتشاف او اتحب او اسمع كلمة حلوة واحس اني مرغوب فيا..
سألتها، طيب احكيلي عن طفولتك؟
اتنهدت.. سكتت شوية كأنها بتعمل فلاش باك سريح لذكريات متأرشفة
بعدها قالت والله غصب عني انا مش وحشة و بكت...
بحكم اني بنت علي ٧ ولاد فـ كنت الخدامة لهم لان كمان بيتنا مش بيحبوا خلفة البنات ولا حتى امي..
جسم امي تعب من الحمل و الولادة و الرضاعة و قررت إني اخدم اخواتي معاها.. مكنش عندي صحاب بنات ولا مسموح لي اروح عند أي حد وطبيعي مفيش بيت هيسيب بنتهم تروح لبنت أخواتها ٧ شباب..
كنت لوحدي أغلب الوقت وكان بيتنا زي مضيفة صحاب اخواتي علطول عندنا بحكم انه بيت رجالة زي ما كان بيتقال..
الأمر بدأ بإن أصحاب اخويا الكبير كانوا بيتحرشوا بيا في اي فرصة ممكنة لحين ما جه واحد منهم مرة يسأل على اخويا مكانش موجود وامي كانت نايمة و اغتصبني من الخلف اغتصاب كامل وانا عمري ٨ سنين وانا جسمي خفيف اصلا..
خوفت اتكلم أموت لان دايما امي كانت بتأكد إني لو هجيب لهم العار هيساووني بالأرض ولا حد يعرف عني حاجة..
طول الوقت كنت حاسة إني حاجة عيب
مبتصدقش
مبتسمعش
مش بتشاف
خدامة للرجالة بس.
حتى لما امي صحيت على صوت معافرتي وعياطي كان هو خلص عمل نفسه جايبني من برا و كنت بلعب وان اخويا محرج عليا مطلعش برا وإني بعيط عشان مش عاوزة أدخل..
فأمي يومها ضربتني بجريدة خضرا.. و قالت لأخويا هو كمان لما جه فضربني و رغم اني الموجوعة إلا إني من وقتها أدركت اني حتى لو اتكلمت فهعجل بموتي مش أكتر..
بعدها صاحب اخويا ده بقي بيستغل الفرصة كل ما ييجي عندنا و يتحجج بأي حاجة عشان يعمل كده
بعدها بسنة كنت نايمة و اخويا الوسطاني و ابن خالي لقيتهم بيقلعوني هدومي و بيتحرشوا بيا و بعدها حاولوا يغتصبوني كانوا تقريبا ١٦ و ١٧ سنة
معرفش إزاي سكت ولكن انا فاكرة انهم سابوني لما لقيوني بعيط فخافوا اكون واعية و مشيوا ولكن من بعدها وابن خالي بقا بيعمل ده كتير جدا و اغتصاب حقيقي بحكم انه كان بيبات عندنا كتير..
الأمر منتهاش هنا.. حصل مرة من فراش المدرسه هو ايوة مغتصبنيش ولكن اتحرش بيا بشكل سئ وانا كنت زي المتكتفين او المشلولة
مبعرفش اعمل اي حاجة ولا ادافع عن نفسي ابدا..
حاليا اخواتي الكبار تزوجوا ولكن انا بكرههم كلهم وبكره امي وابويا..
ابويا جات له جلطة و مش بيتكلم ولا يتحرك.. كتير لما كنت بكون لوحدي في البيت معاه بضربه بالقلم على وشه
اشتمه
اقوله على اللي حصل فيا كله عشا أقهره
و أشوف ذله قدامي
و مرة واحدة جينا نصحيه الصبح كان مات
مزعلتش عليه و كان نفسي انا اموته..
بس يمكن ربنا رحمني من شر نفسي
ممكن ابقى طبيعية بعد ذه كله؟
----------------------------------------
في استشارة هاتفية بنت تالتة بتسأل وبتقول :
س/ عندي ٣٢ سنة مش متزوجة لأنها بتكره اي لمسة لجسمها بأي شكل ومش متخيلة حد يلمسها بشكل حميمي نهائي..
بدأنا نفتح بهدوء في الملفات المتأرشفة في عقلها الباطن علشان نفهم السبب.. هي شايفة ان ده بسبب المدخلات و الحاجات اللي تخوف اللي بنشوفها على السوشيال ميديا وان مفيش حد مناسب.
بدأنا بأسئلة معينة نفتش جواها بشكل تدريجي سلس لحين ما خبطنا في ذكرى فتحت سيل من الذكريات اللي عقلها اختار يبلكها عشان يعرف يعيش.. | 1 |
| 12 | تعالوا كده نفكر بعقلية طفل
لما تزعقيله عشان بيلعب بصوت عالي .. فيسأل نفسه ليه ماما صوتها عالي ووحش كده؟
أنا بلعب ... ليه شكل وشها مكشر ومضايق!!!
مع تكرار الموقف
هو حفظ ريأكشن وشك ... بقي عادي بالنسباله (اتعود)
وفي نفس الوقت عنده طاقه هتخرج .. هتخرج
كأنه بيقولك مفيش حل 🫢
أنا كده ... لازم ألعب اتنطط اكسر
مش مشكلتي انك حاطه انتيكات وأطباق بتتكسر
أنا لسه مش فاهم بجري من غير وعي
عايز أكتشف كل حاجه ....
خصوصا لو عمره اقل من ٤ سنوات
لا هتعرفي تتفاهمي معاه في طريقة لعبه
ولا حركته
ولا فضوله اللي مخليه عايز يفتح ويبوظ كل حاجه
هتفضلي تزعقي وتصوتي وهو هيفضل يلعب ويتنطط
بل بالعكس ...
لما تدايقي بعد كده من موقف غلط عمله وتكشري في وشه
تعبيرا عن غضبك...
هو مش هيفهم حاجه ولا هيضايق ويجري يصالحك ويقول Sorry
لأن ده الريأكشن السائد أغلب اليوم ...
طفل بيتحرك وبيتنطط ويلعب يعني طفل سليم ♥️
ربنا يديم لعبهم وشقاوتهم دايما
الأمومه عايزه سعة صدر كبيره وهدوء اعصاب كبير للأسف
شيلي من علي كتافك كل الضغوط اللي ملهاش لازمه
عشان خاطرك وخاطر اولادك | 608 |
| 13 | عبدالله لسة مش بيعرف يعبر عن غضبه بطريقة صحيحة ، شغالين على الموضوع دا من فترة طويلة ، بس لسة مافيش استجابة ملموسة أوي ، المهم في بنوتة جارتنا عندها ٧ سنين بتطلع تلعب معاه أحيانا
فكل مرة يلعب سوا وعبدالله يضايق من أي شيء ، يضربها
وأنا من انصار أعطي الطفل مهارة لكن متنقذوش من الموقف ، فكل مرة كانت بتيجي تشتكيلي كنت بقر مشاعرها وبحضنها وبعتذر لها ، بس بقولها دافعي عن نفسك ، متسبيهوش يضربك هو طفل صغير لسة بيتعلم إزاي يتواصل مع الناس ، ولكن لازم تحمي حدودك وعملنا مسرحية كدا كأن أنا عبدالله
وقولتلها أول خطوة بتتكلمي بصوت حازم وعالي وتقولي دا مش مسموح وتبعدي
تاني خطوة لو قرب بتمسكي إيده وتبعديها عنك بحزم
تالت خطوة لو فضل مصمم اضربيه
بس الضرب له شروط
لازم يكون بنفس الهيئة ، يعني لو خبطك على كتفك يبقى تضربيه على كتفه ..
حد أصغر منك لازم تراعي دا
لو طفل تعبان فلا مش مسموح
ولو ولد مش مسموح يمد إيده على بنت
وكان كلامي في المطلق مش على عبدالله
المهم كانوا بيلعبوا امبارح وعبدالله مضايقها جامد هو برضو كان مقريف ، ومصمم يشدها من شعرها ، فقامت ضربته ضربة خفيفة بعد ما عملت الخطوات دي ..
فعبدالله جي يشتكيلي ، خدته في حضني وطبطبت عليه
فقولتله أنت ضربتها ؟ قالي آه
قولتله : ليه ؟ قالي ضايقتني
قولتله بس الضرب مش بنعبر به
مش اتفقنا لما حد يضايقك بنتكلم ونعبر
أو تيجي تقولي ، أو تطلب حضن ، أو تقول بسم الله وأعوذ بالله من الشيطان الرجيم ، أو تدخل تغسل وشك ، أو تحاول تتنفس عشان نفرغ غضبنا
فقولتله أنت صممت تضربها وهي بعدتك أكتر من مرة
فطبيعي تدافع عن نفسها وتضربك زي ما ضربتها :)))
من الحاجات الي اتعلمتها في التربية الإيجابية أثناء الدراسة من أساتذتنا ، إن واحدة من الأدوات التربوية المهمة ، هي العواقب الطبيعية ، وإننا مش بننقذ الطفل من العواقب الطبيعية الي هتحصله نتيجة الموقف وأحيانا دا بيبان قسوة
بس النتيجة الطبيعية دي هي أكبر معلم له
فلما الطفل بينسى اللانش بوكس بتاعة في البيت ، مش بنجري نوديه لا ، بنقر مشاعره ونتعاطف معاه ، بس بنسيبه للتجربة ، عشان يعرف عواقب إنه محطش اللانش بوكس بتاعة وكان مركز ، فالجوع الي هيحس به هو أكتر حاجة هتخليني يركز بعد كدا في التذكر لكن لو اتعود إن كل مرة بنسى اللانش بوكس ، ماما بتجري تنقذني وتجيبه ، فليه ممكن يركز أصلا في تنظيم حاجته والتأكد من وجودها
طالما حد بينقذني من عواقب أفعالي
وهكذا ف آه أنا سيبته يضرب ، عشان يفهم مرة مع مرة إنه لو مد إيده على حد الي قدامه مش هيسكت
وطبعا كل سن وله العواقب الي ينفع يتحملها والعواقب الي لا
الكلام مش في المطلق ولا على كل الأعمار
أداة العواقب المنطقية وعدم الانقاذ مهمة جدا جدا في الرحلة التربوية
متنقذوش الطفل من المواقف وسيبوه يتعلم من عواقب أفعاله | 540 |
| 14 | أول 3 سنين من عمر الطفل الأم بتعمل مجهود خرافي في رعاية الطفل
كائن ضعيف محتاج خدمة 24 ساعه ..
أكل ، شرب ، نضافه ، رضاعه ، سهر ، قلة نوم ، بامبرز وأخيرا مرحلة البوتي تريننج
وصلتي لهنا ... فربنا يباركلك وجزيتي خيرا ع تعبك معاه❤️
لكن اول متخلصي مرحلة البوتي تريننج ويبدأ يعتمد ع نفسه في بعض الأمور
اعرفي انك دخلتي في مرحلة جديده
تعب جسماني أقل .. لكن محتاجه صبر وحكمة وهدوء أعصاب
إعتبري ابنك ده مشروع بتشتغلي عليه
خططي لحياته من دلوقتي
أول حاجه بصي ع حصيلته اللغويه
بدأ يكون جمله ولا لأ
بيردد كلامك وكل يوم في تطور ولالا
لو في مشكله .. اسعي في حلها متستنيش
لو تمام والحصيله كويسه فده أفضل سن ممكن يكتسب فيه معلومات ويحفظ فيه
لسه عقله رايق وفاضي ليكي ومحتاج نعمل مخزون كويس
حفظيه أي حاجه تخطر ع بالك💯
ألوان
حيوانات
بلاد
قرآن
أعضاء جسمه
هتعلميه عربي إنجليش أي شئ فنسبة استيعابه هتكون أفضل من السن الأكبر👍🏼👍🏼
اشتغلي ع الخصوصيه
دي بتاعتي ودي بتاعتك
مينفعش تاخد ده
دي هدومك ودي هدوم أخوك
ده أكلك وده أكل اختك وهكذا
بعد 3 سنين هنبدأ ندخل كلمة ( الجنه) في جمله
ولكن مش هنذكر ( النار) خالص
تعالي نعمل كذا عشان نروح الجنه سوا ❤️
الجنه جميله وفيها كل حاجه بتحبها
كده غلط وربنا هيزعل منك
بعد أربع سنين .. إعطيه نبذه صغيره عن ( النار)
الناس الوحشه اللي مش بتطيع ربنا هتدخل النار
ولكن هنذكر الجنه وجمالها واننا بنعمل كل حاجه حلوه عشان نخش الجنه أكتر من ذكر (النار)
بدأ يتعود ياكل لوحده
علميه يسمي الله
وبعد مايخلص أكل يقول ( الحمدلله)
تعمدي تعلي صوتك وانتي بتعملي ده عشان يعمل زيك ❤️
هيبدأ يكون نسخه من كل اللي معاه في البيت ويردد نفس الكلام بنفس الاسلوب
نشتغل ع نفسنا ونظهر أحسن ما فينا عشانهم
سن ال3 و ال4 وال 5 سنوات
سن مهم وبيعتمد عليه السن اللي بعده
والله المستعان ❤️ | 447 |
| 15 | تغيير الحفاض إماطة أذى عن صغيرك .
ملاعبتك له وابتساماته وضحكاته إدخال سرور على مسلم ، أغلى مسلم ♥️.
صبرك على بكائه وسعيك في تهدئته أمنة لروعة مسلم ،
أعز مسلم ♥️.
قالوا: العادات المباحات تصير طاعات بالنيات الصادقات.
فاللهم قوة وسداداً. | 480 |
| 16 | مساء الخير..
ليه ممكن حد يلبس حاجة تبين تفاصيل جسمه كاملة بدون م يكون في داعي ل ده!
مش بتكلم من ناحية الحجاب او كده..
بس بتكلم ك شعور داخلي.. ايه الاحساس اللي بيخليكم ممكن تلبسو لبس زي ده!
يعني خصوصا فساتين الافراح الصك .. بتبقا حقيقي مبينة حز الهدوم الداخلية بتاعتك.. ومع اي حركة كل حاجة بتبقا بتتهز وبتبان اكتر..
ف انا ك بنت ليه ممكن البس حاجة زي كده اظهر بيها قدام عدد مش قليل ابدا من الرجالة.. هيشوفوني وانا بتحرك ف كل خطوة..
كنت من فترة اتكلمت عن حدود اظهار الزينة للخاطب ولما قلت لبس يبين العود وقلت مش ديق.. بنات كتير وصفت ده بالرُخص.. وانه ازاي يبقا حد جاي يخطبني واوريه طبيعة جسمي..
طب لو هنفترض ان ده رخص.. طب هل مشيي ف وسط كل الرجالة دول باللبس المفصل والمحدد كل جزء فيا ده أكني حرفيا لفاه باسترتش.. ده مش رُخص!
يعني بتقولو كتير لفظ جواري على ناس مختلفة معاكم ف التفكير.. طب هل الفعل ده مش فعل جواري! زمان كانو لما يروحو يشترو الجواري كانو بيقفو صف يعرضو نفسهم و جسمهم..
طب هل وقوفك انتي وصحباتك بفستان مش سايبلك نفس تتنفسيه ده مش عرض للجسم! ده مش شغل جواري!
شكلك ممكن يكون حلو ف مية استايل غير ده.. ليه انتي بتتعمدي تختاري اللي مفصلك بالشكل ده! لازم تصارحي نفسك.. لازم تقعدي مع نفسك وتقولي انا بعمل كده ليه! عشان الرجالة تقول جسمها حلو! مهو لو السبب ان شكلي يبقا حلو قلنا ان ممكن شكلك يبقا حلو ف استايلات كتير تانية.. ليه ده بالذات بقا!
يعني وصف "كاسيات عاريات" اللي قاله الرسول عن بعض النساء اللي مش هتشم ريحة الجنة.. هو توصيف لحالة "لابسة مش لابسة" لابسة لبس بس ولا اكنها لبساه.. كل حاجة باينة.. لو حد على بُعد مية متر هيقدر يرفع المقاسات مرتاح..
ف ليه بجد! في ايه يستاهل اننا نرخص جسمنا ونعرضه لأي حد حرفيا كده بدون م يكون في داعي!
هو بوست رخم.. بس انا محتاجة اكتبه.. ومحتاجة تفهمو قصدي منه زي مهو مكتوب.. وسلامو عليكو. | 588 |
| 17 | .قال ﷺ
“ لعن الله من خبب امرأة على زوجها .. ولعن الله من خبب رجل على امرأته “
خبب يعني أفسد بينهم ولو بكلمة أو تلميح يوغر صدر أحدهما على الآخر،
القريب أو الصديق و كل من أفسد قلب زوجة على زوجها أو زوج على زوجته ملعون مصداقًا لقول الرسول صل الله عليه وسلم.♥️ | 587 |
| 18 | مفيش اعتذار ممكن يكفي اولادنا لما يكبروا عن ايام عمرهم اللي ضيعناها واحنا بنعاملهم بعصبية و توتر بسبب مشاكلنا الشخصية ..
اللي هم مالهمش ذنب فيها!
مفيش كلام و لا فعل ممكن نقوله ليهم لما يكبروا يشرح معنى اننا كنا مشغولين عنكم علشان بنحاول نثبت نفسنا و نحقق ذاتنا ..
اللي وقتها لما نكبر و نعجز هنكتشف انه تحقيق الذات مع خسارة العيلة أكبر فشل في الحياة! مفيش نجاح بره إطار العيلة ..
Family comes first
مفيش تعويض لايام طفولتهم اللي بتعدي واحنا بنجري ورا وهم اسمه البيت النضيف المتوضب ..
اللي كمان هيسيبوه ويمشوا وفي قلوبهم ذكرى لينا اننا حبينا الأشياء اكتر منهم!
مفيش أي حاجه ينفع نعملها لما يكبروا تعوض عن حضن مخدوهوش .. او عن لعب ملعبناهوش معاهم .. او عن اوقات تشجيع وسند و حب حرمناهم منها علشان كنا مشغولين بنجيب لهم لعب يلعبوا بيها من غيرنا!
ذاكرة أولادنا بتترسم دلوقتي بأيدينا .. الذكريات اللي بكرة هتصبرهم وتقويهم على مر الحياة هو اللي بيعيشوه معانا النهارده.
مكانهم جوا قلوبنا وفي اولويات حياتنا هو اللي هيشبع ويغني قلوبهم و يملا عنيهم طول سنين عمرهم.
Again, Family ALWAYS comes First! | 634 |
| 19 | الأمهات اللي مانعة الضـ. ـرب لأطفالهم لكن ممكن ساعات تقرصهم أو تلوي لهم إيديهم أو أصابعهم من غيظها، الحديث ده مهم جدًا انتبهوا!
قال النبي ﷺ:
"إنَّ أفضَلَ ما تداويتم بهِ الحِجامةُ، والقُسطُ البحريُّ، ولا تُعذِّبوا صبيانَكم بالغَمْزِ."
الغمز: هو القرص بالأصابع أو الضغط بقوة على اللحم أو لوي اليد أو الأصابع!
طب اللي كانت بتعمل كده ومكانتش تعرف؟!
أولًا تتوب وتعزم على عدم العودة وتتعلم تصبر وتطول بالها
ثانيًا مهم التحلل من الطفل يعني أقول له أنا كنت بعمل كذا وكذا معاك وعرفت إن النبي ﷺ نهانا نعمل كده وعايزاك تسامحني ومش هعمل كده تاني وتسترضيه بأي حاجة حلوة أو حاجة نفسه فيها عشان تخفف عنه الأذى المعنوي اللي كنت بتسببيه له.
الأمهات بقى اللي بتضرب على الفاضي وعلى المليان فهي آثمة ومضيعة للأمانة وطفلك هيقتص منك لأنك مجـ. ـرمة، قدامك فرصة للتوبة والإصلاح والتحلل من الطفل..
الضـ. ـرب منهي عنه خوصًا لطم الوجه والنبي ﷺ ما أباح الضرب للطفل غير عشان تركه الصلاة فقط بعد ما نقوم بواجبنا معه ونعلمه ازاي يصلي لحد ما يتم عشر سنوات!
عندك مليون طريقة تصلحي بيها سلوك الطفل وتعاقبيه بدون ضرب أو إهانة لكن أنت اللي بتستسهلي! وأغلبكم بتضرب من غير ما تعلم الطفل أصلا حاجة وعايزاه يتولد متعلم كل حاجة، والمفروض ممنوع نعاقب الطفل من أول غلطة، أول غلطة بنشرح له إن ده غلط ومكنش ينفع يعمل كده وبنعلمه التصرف الصحيح تاني مرة بنفكره إن كرر التصرف الغلط ده تاني وإننا شرحنا له إن ده غلط ونفكره هو غلط ليه لأن الأطفال بتنسى زينا سبحان اللّٰه يعني!
غلط لتالت مرة بنبدأ ننبه عليه إن ده غلط متكرر والمرة الرابعة هيكون فيه عقاب وبنعطي وقتها لو اتكرر رابع مرة كذا أوبشن عقاب يختار منهم زي ممنوع مصروف لمدة عدد أيام معينة أو هنخليه يقف على جنب ويرفع إيده لفوق وهو بيعد لحد رقم معين أو هنقول له ممنوع الكارتون لمدة عدد أيام معينة، وهو يختار عقاب منهم ولازم يختار ومهم أوي لما يتعاقب ممنوع زجر أو إهانة أو شتيمة أو تقبيح لأنه خلاص اتعاقب فمش من حقك تقللي منه كده، وطبعا كل ده لما يكون فوق خمس سنوات مش أقل من خمس سنوات، ومهم لما نخلص العقاب نحضن الطفل ونقبله ونثبت عنده فكرة إننا بنحبه مهما يعمل لكن هو اخطأ وكان لازم عقاب عشان مينفعش نكرر الخطأ كل مرة كده بدون عقاب عشان نتعلم من غلطنا!
ربنا عز وچل بيغفر للعبد لو تاب وندم ورجع مهما أذنب، أنت مفكرة نفسك مين عشان تخلي حياة الطفل عذاب وجحيم على كل غلطة بسيطة يعملها في يومه تخليها حوار وتضربيه عشانها وتدعو عليه وتفضلي تهيني فيه وتشتميه وتقبحي فيه وتطلعي عليه ألقاب وأوصاف لا يجوز تقوليها لحد مسلم، ما بالك لسه بطفل صغير محتاج الحب والحنان والاحتواء عشان تبني شخصيته ويكون مُسلم قوي وشجاع وسوي! حسبي اللّٰه بس.
نسأل اللّٰه العفو والعافية والسلامة اللهم لا تبتلينا..
ونعوذ باللّٰه من تضييع الأمانة. | 535 |
| 20 | "اللهم إني أحرج حق الضعيفين: اليتيم والمرأة"
حديث نبوي عظيم فيه دعاء وتحذير من سيد الخلق محمد صلى الله عليه وسلم.
"أحرج" أي: أضع من يضيّع حق المرأة واليتيم في دائرة الحرج العظيم أي الإثم الشديد والخطر المبين فلا ينجو من عاقبة هذا الظلم أحد.
كم من امرأة أُهينت باسم القوامة!
وكم من يتيم حُرم من الحنان والعدل باسم العادات والوراثة والتمييز!
هذا الحديث يعلمنا أن الإسلام لا يساوم على كرامة الضعفاء، بل يجعل المساس بهم طريقًا إلى غضب الله.
فرفقًا بمن لا سند له إلا الله،
وعدلاً بمن لم يجد نصيرًا في الأرض،
وخشيةً من دعوة لا تُرد تخرج من قلب مكسور.
قال رسول الله ﷺ:
"اتقوا دعوة المظلوم، فإنها تصعد إلى السماء كأنها شرارة"
اللهم اجعلنا ممن ينصفون ولا يظلمون، ويحمون ولا يعتدون. | 373 |
