SAEED💙.

- من أجمل وأريح الأمور في الدنيا هو معرفتنا إنه الرزق، والنصيب، والتوفيق كله بيد الله سبحانه وتعالى. مهما كان كلام الناس، مهما كانت آراءهم وانتقاداتهم، فهو في كفة، وتدابير رب العالمين في كفة ثانية لا يمكن لأي عائق أن يعيقها. إحنا كأشخاص بنشوف الأمور من منظور محدود، لكن الله سبحانه وتعالى بيدبّر الأمور بحكمة وتخطيط يتجاوز محدودية عقولنا وتوقعاتنا. إذا إنت عايش حياتك مقتنع ومآمن إنه ما في فرص، سواء وظيفية، مالية، تعليمية، أو اجتماعية، وبتحط تركيزك على إنك اتضل تشكي من الظروف، وبتلوم بكل شي حواليك، فهاد في أغلب الأحيان بدل على إنه إيمانك صار مرتبط بالبشر، سواء كانوا أصحاب الشركات أو المدراء ، وكأنه رزقك بإيدهم. لكن الحقيقة اللي لازم تكون واضحة لكل واحد منا، إنه الرزاق هو الله وحده، وبيده خزائن السماوات والأرض. كل اللي عليك تعمله هو : أولًا: الإيمان، لازم يكون عندك يقين تام إن رزقك مش مرتبط بالبشر أو الظروف اللي حواليك، بل هو بيد الله الرزاق وحده. ثانيًا: السعي المستمر بالرغم من أي ظروف بتمر فيها، لأن السعي هو مفتاح النجاح، ولكل ساعٍ رزقه، وكل شيء مكتوب ومقدر في اللوح المحفوظ. ثالثًا: الرضا بما كتبه الله لك، وهو أكتر شي بمنحك راحة نفسية وسكينة بأن كل شيء سيأتي في وقته المناسب، وبحسب تدابير الله الحكيمة. السؤال الحقيقي اللي لازم نسأله لأنفسنا: هل إحنا فعلاً عايشين بهذا اليقين؟