Herbi_Azerbaijan

🔴 Prezident İlham Əliyevin sosial media hesablarında sentyabrın 6-da Hərbi Dəniz Qüvvələrinin (HDQ) qərargahını ziyarətinə dair videoçarx paylaşılıb @bakutvxeber

🇦🇿 İlham Əliyev Hərbi Dəniz Qüvvələrində olub Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyev və birinci xanım Mehriban Əliyeva Hərbi Dəniz Qüvvələrində olublar. Prezident İlham Əliyevə və birinci xanım Mehriban Əliyevaya Müdafiə Nazirliyinin tabeliyində fəaliyyət göstərən "MİRAS Hərbi-Sənaye Şirkəti" MMC-nin və "DEARSAN Gəmi İnşaat Sənaye" AŞ-nin birgə istehsalat sahəsində qabaqcıl texnoloji innovasiyaların tətbiqi ilə hazırlanan SALVO (SİDV) silahlı insansız dəniz vasitələri, KAYRA (KİDV) kamikadze insansız dəniz vasitələrinin təyinatı və taktiki-texniki xüsusiyyətləri barədə məlumat verildi. Sonra dövlətimizin başçısı və birinci xanım istehsalat sahəsində görülən işlərlə tanış oldular. Daha sonra burada istehsal olunan insansız dəniz vasitələri praktiki sınaqdan keçirildi. Sonda Prezident, Silahlı Qüvvələrin Ali Baş Komandanı İlham Əliyevin sədrliyi ilə hərbi quruculuq məsələlərinə dair operativ müşavirə keçirildi.

❗️Hərbi xidmətdən yayınmada təqsirləndirilən ölkəyə ekstradisiya olundu Belə ki, Qubadlı Hərbi Prokurorluğunda ibtidai istintaqı aparılan cinayət işi üzrə Nahid Əlicanlının müddətdən artıq həqiqi hərbi xidmət hərbi qulluqçusu olduğu dövrdə xidmətdən yayınması, Bakı şəhəri Nizami Rayon Polis İdarəsində ibtidai istintaq edilən cinayət işi üzrə isə Renad Orucovun xeyli miqdarda ziyan vurmaqla dələduzluq cinayət əməlini törətməsinə əsaslı şübhələr müəyyən edildiyindən barələrində təqsirləndirilən şəxs qismində cəlb etmə haqqında qərarlar qəbul edilib və istintaqdan qaçıb gizləndiklərinə görə dövlətlərarası axtarışa verilib.

🏎📚 Formula 1 zamanı bəzi məktəblərdə dərslər onlayn keçiriləcək 2026-cı il Formula 1 Azərbaycan Qran-prisi zamanı yarışların keçiriləcəyi ərazilərdə yerləşən ümumtəhsil müəssisələrində tədris onlayn təşkil olunacaq. 💻 📌 Məktəb rəhbərliyinə və valideynlərə bununla bağlı əvvəlcədən məlumat veriləcək. 🏁 Beləliklə, həmin ərazilərdəki şagirdlər Formula 1 yarışları günlərində dərslərini məsafədən davam etdirəcəklər.

⚡Prezident hərbi xidmətə çağırış və ehtiyata buraxılma ilə bağlı sərəncam imzalayıb.

⚡️⚡️⚡️TƏBİB-də maaşlar artırılır: kim nə qədər alacaq? ➡️Uşaq anestezioloq-reanimatoloqlar: 1450 → 3000 manat (+107%) ➡️Neonatoloqlar: 1450 → 2400 manat (+66%) ➡️Hemodializ həkimləri: 1450 → 2250 manat (+55%) ➡️Mama-ginekoloq, neyrocərrah, uşaq cərrahı, ürək-damar cərrahı, üz-çənə cərrahı və travmatoloqlar: 1 450 → 2150 manat (+48%) ➡️Baş tibb bacıları (3B kateqoriyası): 1454 → 2125 manat (+46%) ➡️36041 orta tibb işçisi: maaşlar 17% artırılacaq ➡️20367 kiçik tibb işçisi: maaşlar 18% artırılacaq ℹ️Yeni maaş qaydaları 1 sentyabr 2026-dan tətbiq ediləcək və 72212 tibb işçisini əhatə edəcək.

⚡️Gecə saatlarında Goranboy rayonunda sursat anbarında yanğından sonra Nizami və Xoylu kəndlərinin sakinləri təxliyə olunublar. Nizami kəndinin girişində post quraşdırılıb - Goranboy Rayon İcra Hakimiyyəti

İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub

⚡Azərbaycan və Ermənistan liderlərinin görüşündə müzakirə olunan məsələlər: ● Azərbaycanın neft məhsullarının Ermənistana ixracı, üçüncü ölkələrdən taxıl və digər əmtəənin Azərbaycan ərazisi vasitəsilə Ermənistana tranziti, eləcə də iki ölkə arasında ticarət əlaqələrinin qurulması sülh dividendlərinin mühüm əyani təzahürü kimi qeyd edilib. ● Liderlər həmçinin işgüzar dairələr arasında təmasları alqışlayıb və qarşılıqlı faydalı iqtisadi, ticarət və enerji əməkdaşlığının daha da genişləndirilməsi imkanları barədə fikir mübadiləsi aparıb. ● Tərəflər Azərbaycan ilə Ermənistan arasında dövlət sərhədinin delimitasiyası üzrə müvafiq dövlət komissiyalarının mühüm rolunu qeyd edib, onların iki ölkə arasında əldə olunmuş razılaşmalara uyğun olaraq, öz işlərini davam etdirməsinin vacibliyini vurğulayıb. ● Liderlər Vaşinqton Sülh Zirvə görüşünün mühüm nəticələrindən biri olan “Beynəlxalq Sülh və Rifah naminə Tramp Marşrutu”nun (TRIPP) həyata keçirilməsi ilə bağlı növbəti praktiki addımlar barədə müzakirə aparıb və TRIPP boyunca bağlantı layihələrinin əhəmiyyətini qeyd edib. ● Liderlər parlamentarlar və vətəndaş cəmiyyəti nümayəndələrinin qarşılıqlı etimadın gücləndirilməsi və daha geniş sülh gündəliyinin dəstəklənməsinə verdikləri töhfələrini qeyd edərək, onların iştirakı ilə etimad quruculuğu üzrə təmasları müsbət dəyərləndirib.

Azərbaycanın media nümayəndələri Qırğızıstana səfər edib Prezident İlham Əliyevin Qırğız Respublikasına işgüzar səfərini işıqlandırmaq üçün Azərbaycan media nümayəndələri həmin ölkəyə yola düşüblər.

⚡️⚡️Prezident İlham Əliyevin Qırğızıstana səfəri gözlənilir ● Şanxay Əməkdaşlıq Təşkilatına üzv ölkələrin Dövlət Başçıları Şurasının növbəti iclası və "ŞƏT Plus" formatında Zirvə Görüşü sentyabrın 1-də Qırğızıstanda keçiriləcək. ● Tədbirdə iştirak edəcək ölkə rəhbərlərinin siyahısında Azərbaycan, Türkiyə, Qazaxıstan, Özbəkistan, Pakistan, Monqolustan, Belarus, İran, Ermənistan, Rusiya, Hindistan, Çin və.s liderlərinin adı qeyd olunub.

🇮🇷 KİV: İran Hörmüz boğazına alternativ olaraq Xəzər dənizini nəzərdən keçirir

⚡️ "Qarabağ" UEFA Konfrans Liqasının pley-off mərhələsində "Tvente"yə məğlub olaraq (ümumi 2:4) mübarizəni dayandırdı.

⚽️ “Qarabağ” – “Tvente” matçının başlama saatı dəyişib 🔹 Bakıda əlverişsiz hava şəraiti səbəbindən qarşılaşmanın startı 15 dəqiqə gecikdirilib. ⏰ Oyun saat 20:15-də başlayacaq.

🇦🇿🇷🇺XİN: 27 avqust tarixində günorta radələrində Azərbaycan Respublikasının Rusiya Federasiyasındakı Səfirliyinin qonaq evi qarşısında naməlum şəxslər tərəfindən ölkəmiz əleyhinə təxribat xarakterli şəkillərin yerləşdirilməsini qətiyyətlə pisləyirik.

Bu qəbuledilməz təxribatın Azərbaycan-Rusiya münasibətlərinin süni şəkildə gərginləşdirilməsinə xidmət etməklə yanaşı, son dövrlərdə Rusiyanın bir sıra media resurslarında Azərbaycana qarşı aparılan çirkin və qərəzli kampaniyanın tərkib hissəsi olduğu istisna edilmir. Azərbaycan tərəfi Rusiya Federasiyasının aidiyyəti qurumlarını bu kimi təxribatçı əməllərə lazımi hüquqi qiymət verməyə, insidentin hərtərəfli araşdırılmasını təmin etməyə və bu cür halların təkrarlanmasının qarşısını almaq üçün zəruri tədbirlər görməyə çağırır. Rusiya tərəfinin 1961-ci il Diplomatik Münasibətlər haqqında Vyana Konvensiyasına uyğun olaraq Azərbaycan Respublikasının Səfirliyinin və onun əməkdaşlarının təhlükəsizliyinin lazımi səviyyədə təmin edilməsinə, habelə diplomatik nümayəndəliyin normal fəaliyyətinə mane ola biləcək hər hansı təxribatçı hərəkətlərin qarşısının alınmasına dair öhdəliklərini tam şəkildə yerinə yetirməsini gözləyirik.

UEFA Çempionlar Liqasının əsas mərhələsinə vəsiqə qazanan "Sabah" klubuna 5 milyon manat ayrılıb.

❗️“AİD Group” xaricdə təhsil şirkətinin təsisçisi və aparıcı Nigar Fərhad çoxsaylı vətəndaş şikayətləri əsasında saxlanılıb.

O, cinayət işi üzrə təqsirləndirilən şəxs qismində cəlb edilib. Barəsində həbs qətimkan tədbirinin seçilməsi üçün məhkəməyə təqdimat veriləcək. Qeyd edək ki, şirkətin faktiki rəhbəri və Nigar Fərhadın həyat yoldaşı Samir Yəhyazadə də daha əvvəl həbs edilib. Şirkətlə bağlı əsasən tələbələrdən daxil olan şikayətlərin sayı artır.