Farg‘onaning Oltiariq tumani nafaqat o‘zining dehqonchiligi va bog‘dorchiligi bilan balki o‘zining go‘zal sanʼati bilan ham faxrlana oladi. Erkin Vohidovning shu zaminda tug‘ilganligi, Anvar Obidjonning shu yerda yetishib chiqqanligi buni isbotlab turibdi. Va shunday buyuk ijodkorlar qatorida marhum sanʼatkor Ohunjon Madaliyev ham bor.
1963 - yilning 21 - may kuni Oltiariq tumanida tavallud topdi. Yoshligidan musiqaga, tasviriy sanʼatga bo‘lgan eʼtibori kelajakda sanʼatkor bo‘lib yetishida muhim rol o‘ynadi. Kelajakda esa Farg‘ona davlat universitetining musiqa fakultetida o‘qiydi. Dastlab maktabda, Hunar texnika bilim yurtida so‘ngra Farg‘ona davlat filarmoniyasida faoliyat yurita boshlaydi. O‘zining birinchi musiqiy toplamini “Ziyodam” nomi ostida 1983 - yilda muxlislariga havola etdi.
Oxunjon Madaliyevning sanʼatdagi faoliyatini yanada yuksak bo‘lishida 1989 - yilda boʻlib otgan "Kamolot 89" ning roli muhim ahamiyatga egadir. O‘shanda u ham g‘oliblar qatori g‘olib bo‘ldi. Shundan keyin ko‘plab konsertlarni muxlislariga havola etishni boshlaydi. Uning qo‘shiqlarida xalqona ohang, lirik taronalar muhim rol o‘ynaydi. U ko‘plab ijodkorlar bilan hamkorlikda qo‘shiqlar yaratgan ayniqsa Muhammad Yusuf sherlar sheʼrlari asosidagi qoshiqlari "Kamolot 89" da muvaffaqiyat keltirgan edi. U juda ko‘plab shoirlarni sheʼrlarini qo‘shiq qilib ijro etdi. Ularning orasida xalqimizga uncha tanish bo‘lmagan ko‘plab ijodkorlar mavjud edi va ular mana shu Oxunjon Madaliyev qo‘shiqlari sababli elimizga taniqli bo‘ldi deb aytsak to‘g‘ri bo‘ladi.
Uning qo‘shiqlarida barcha mavzular ko‘zga tashlanadi. Muhabbat to‘g‘risida vatan madhi va chuqur falsafiy mazmunga ega bo‘lgan qo‘shiqlari ham mavjud edi: misol uchun "Ko‘nglimda bir yor", "Bayraming muborak" va "Bolalik chog‘imda" kabi qo‘shiqlarini misol qilib aytsak bo‘ladi.
Uning qo‘shiqchilikka qo‘shgan hissasi ham munosib taqdirlandi. 1997 - yilda "shuhrat" medali, 1999 - yilda esa "O‘zbekistonda xizmat ko‘rsatgan artist" unvoniga sazovor bo‘ldi.
Uning qo‘shiqlari bugungi kunda ham xalqimiz tomonidan sevib tinglab kelinadi, vafotiga ancha yillar bo‘lgan bo‘lsa ham muxlislari uni hamon sog‘inishadi. Manfaatga to‘lgan shou-biznes olamida o‘sha samimiy davrlarda ijod etgan ohunjon madaliyev siymosi bugun yanada buyukroq maqomda ko‘rinadi.
Oxunjon Madaliyev 2000 - yilda 37 yoshida vafot etdi. Tariximizda qisqa davr ijod etgan buyuklarimiz juda ko‘p. Zahiriddin Muhammad Bobur, Shavkat Rahmon, Muhammad Yusuf va bularning qatorida ulardan ham yoshroq vafot etgan Oxunjon
Madaliyev ham bor.
Bunday insonlarni jahon miqyosida ham juda ham ko‘p ko‘rishimiz mumkin.
Shu o‘rinda ruslarning buyuk shoiri haqidagi bir iborasi yodimga tushadi: "Biz Pushkinni qariganini tasavvur qila olmaymiz", - Oxunjon Madaliyevni ham..!
©
@myuzbhistory 🇺🇿
https://t.me/joinchat/AAAAAFIJ7q_vCMSlIqJ2fQ